قبضني تجدني !!

[M.B]

بسم الله الرحمن الرحيم

ازيكم عاملين ايه

عموماً انا كنت من يومين بعمل البطاقه

وكان يوم مش لطيف بصراحه وكان اول مره ابدا اعتمد علي نفسي في ورق ليا

روحت معايا بطاقه ماما وبطاقه بابا وشهاده ميلادي

وجه الدور بعد طبور يشل رجل راجل كبير

لقيتها عملت علامه علي خانه طالب بتقولي لازم ضامن محسسني اني رايح اجيب تلاجه

روحت جيبت والدي

وعملنا كل حاجه مش ناقص غير التصوير روحت اتصور

طبور قد الي هناك 4 مرات وقفت ولاحظت ان في ناس تدي العسكري في السكرته فلوس ويدخلهم الاول

قمت روحت اكلمه واقوله ازاي كده قلي قبضني تجدني !! كلمه عصبتني جدا وكنت همسكه اضربه لو مكنش والدي معايا وقام قلي انت شكلك فرفور يعني اكيد معاك فلوس دي خليتني اشيط وعاوز اوريه مين الفرفور والدي سحبني وقالي خلاص

عموما دخلت اتصور وكانت وحده الي بتصورني سايبه كل حاجه وبتقولي انت في سنه كام دخلت شمال فيها قالت مش مصوراك

والدي دخل واداها 20 جنيه قلها انجزي

اتصورت ونزلت وياه كنت فرحان اني خلصت وخلاص هطلع بطاقه لاكن مكنتش اعرف الي مستنيني

ركبت ميكروباص واما نزلت لسه هدي الورق لوالدي اقوله خلي الوصل معاك لقيته ضاع

والدي طبعا سمعني مزيكا حسب الله

ورجعنا السجل المدني تاني قال مش مسوليتنا وكان معايا ورقم يثبت ان الورق الي عندهم فوق بتاعي

وكان واحد نفس الحوار جنبي بس مكنش معاه ورق قام مكمر في السكرته 50 جنيه وعملوله وصل جديد

طب وانا يا ناس ايه قرد بسديري

قلي انت روح القسم هات مذكره تقول فيها ان البطاقه ضاعت وتيجيي تستلمها يوم كزا

روحت القسم لقيت هناك اشكال استغفر الله العظيم ولسان طويل بشكل علي خلق الله يشتمهم

دخلت قلي روح المكتبه الي جمبينا جيب مذكره روحت وعملتها ورجعت وخلصت العسكري قلي فين حالوتي قولتله بسبوسه


قلي هتستظرف قولت يحنن يا حج قلي هدخلك الحجز قولتله عشان هدخلك الحجز مفيش سلام يا برنس

روحت خلاص بقي

دلوقتي عارف حكايه طويله وشويه كوميديه بس لازم بقي عشان القعده تفك

هل خلاص هي بقيت ماشيه مصالح ؟؟

بقيت ماشيه قبضني تجدني !!

نقاش علي القصه دي عشان تعبت بجد من الي حصل


قلمي

تحياتي

killer eyes

[حَرفُُ هجآءّ]

مفيش حاجه هتتغير فى البلد دى ابداً
لازم الناس تتغير من جواها

[M.B]

تمام كلامك مفيش حاجه هتتغير الا لما نتغبر احنا

منوره

[روح صامتة]

طب ما دا موجود من زمان ..
الدين والاخلاق اتعدمت
من كتر ما الناس اتعودت على كده !
قلبهم قسي وبقوا شايفين مدة الايد حلال ..
المهم .. انت مشيت قانوني
وكويس انها عدت ^^
تسلم ..
ارق تحياتي

[M.B]

المشكله مش كده المشكله ان الجيل الي طالع كده لو شاف الي بيحصل هيكره نفسه زيي كده

منوره

[Angel Smile]

بيبو انت هتعمل بطاقة قفلتنى

بس عامة الناس اتعودت ع انعدام الاخلاق و الخ
كان لازم يعملوا ثورة ع الاخلاق قبل النظام :\

موضووع جميييل بقى تقييمى

[Ćяч ƒ0Я ℓ0√З]

عامة حوار قبضنى تجدنى ده موجود فى اى مكان بس انت اللى بإيدك تظهره وانت اللى بإيدك تخفيه من جذوره وانا عن نفسى لسه شايل موظف من اسبوعين بشكوى الى رئيسه انه بياخد رشوه علشان يخلص المصالح للناس اللى زى ده مش حرام الواحد يعمل فيهم كدا وانت كمان كان ممكن تعمل كدا بس مجاش فى بالك والف مبروك على البطاقه وعقبال العائليه ان شاء الله

[على محمد محمود]

مع احترامى لشخصك
الكلام ده مش صحيح

[M.B]

ومع احترامي ليك ايه يخليني اكدب ولو مش هتصدق ده حريتك نورت

[على محمد محمود]

اخى انا لا اكذبك
انا بعتذر لك
وكن هذا كان زمان كان فيه فعلا
انا بس عايز نشيل الحاجز اللى بين النا والشرطه
نريد رجوع الامن والامان
ما اقصد ان اجرحك اخى العزير
انا بعتذر لك