بنأكل فى بعض

[كوين ميرو]

حرب اهليه اخر شئ كنت اتوقعه او حتى اتخيله

بس فى عصر الاخوان بقى كل شئ ممكن

لو مش مع تبقى اكيد ضد وياريته بس ضد لا تبقى ليبرالى علمانى كافر

قسمونا وفرقونا بعد ثوره كان المفروض تجمعنا

[big bốss]

اقتباس المشاركة الأصلية كتبت بواسطة مَخْڂتلْفهہْ ♥ والله الوآحد متشتت احنا مش انقسمنا نصين لأ دلوقتي ناآدراً لماآ تلآقي حد مع حد تآني في الرأي حاآجه بقت غريبه اووي انا لأول مره بقول فينك يأآ مبآرك صحيح كنت بتسرقناآ بس البلد كآنت بخير ، بجد والله ربناآ يستر بقي علي مصر

فعلآ كان بيسرق بس البلد بخير

مش كلها انقسامات و قتل و اعتصامات و مبقتيش بلد خالص

بقيت ساحة حروب علشان الطمع و الجشع و النفاق

ربنا يستر فعلآ ع مصر

[big bốss]

اقتباس المشاركة الأصلية كتبت بواسطة جبل عالى حرب أهليه هي دي الكارثة اللي كانت متوقعة من بدري ربنا يستر يانور

دى مقادمات حرب اهليه زى العراق و لبنان

و الوضع بيسؤ زى ما انتى شايفه

ربنا يبعد عننا طمع هؤلاء القوم

[big bốss]

اقتباس المشاركة الأصلية كتبت بواسطة دمعه حائره للاسف الجمله معبره عن الواقع بشكل كبير جدا وفى كل بلد تلاقى احزاب وخلافات وربنا يستر الحال مايبشر بالخير بس نتيجة سوء التخطيط وان المسئولين مش على قدر كافى من الخبره ومش قد المكان من الاخر

الشعب انقسم لاحزاب و كل حزب بفكر معين و بيكفر الحزب المقابل ليه

بقينا بنأكل فى بعض

هو دا حكم الاخوان

اقتباس المشاركة الأصلية كتبت بواسطة حلم عمري هي دي الكارثة اللي عملها السيد مرسي انه فرقنا ومش عارفين هنتجمع تاني ولا لا ياريت الناس يكون همهم بلدهم قبل المناصب والكلام الفاضي دا ربنا يستر بجد لان لو الحرب الاهلية اشتعلت يبقي مصر الله يرحمها موضوع رائع نور

انتى تعرفى لو حتى فشلت يوم 30 و بعد ما يموت الى يموت

هتتعمل ثورات و اعتصامات تانى و البلد حاله واقف برضو

ومش هتهدى الا لما يتشال مرسي

اقتباس المشاركة الأصلية كتبت بواسطة && برنسيسة المنصورة && فعلا بقت مشكلة كبيرة اوووووووي انقسام الشعب وكل دا ليه علشان كرسي مرسي لو كان بيحب مصر فعلا ولقا الناس بتموت بعض علشان سيادته وعلشان قرارته كان المفروض يتخلي عن المنصب بس نيته الاخوان الحقيقة بانت كل اللي يهمهم السلطة وليس مصلحة مصر ولا الدين بجد حرام عليهم *********************************** وان شاء الله الشعب هيطلع يوم 30/6 وقبل كدا وهنشيل اي حد عايز يخربها ومهما يعملوا الشعب معتش بيخاف بس الخوف ان عدد الشهداء يزيد ربنا يحمي مصر ويحمي شبابها *********************************** وكلمة اخيرة حسبي الله ونعم الوكيل

حسبي الله و نعم الوكيل

اقتباس المشاركة الأصلية كتبت بواسطة على محمد محمود اولا بحييط على طرحك المميز احنا فعلا انقسمنا الى قسمين قسم مؤيد وقسم معارض والبلد اللى ضايعه فى النص والمشكله ان الكل بيجرى لنفسه مش حب فى البلد والخوف من حرب اهليه نسال الله الستر والسلامه تقبل مرورى

فعلآ محدش خايف ع مصلحة البلد

دا حتى الاخوان مش حاولوا يهدوا الموقف ابدآ

حركة المحافظين الاخيره ضيعة كل حاجه

[big bốss]

اقتباس المشاركة الأصلية كتبت بواسطة ابتسامة الزهر نجح للأسف الشديد الأخوان او مرسى فيما عجزت فيه الدول من انقسام شعب مصر استطاع التفرقة بين المصريين وانقسام الشعب والمحزن ان المصريى يقاتل اخوه المصرى بدلا من التماسك ومحاربة العدو الصهيونى اصبحنا اضحوكة العالم بسبب جهل وتعنت فئة متأسلمة تدعى الدين والأسلام وهى تدعو الى حرب وتعامل الشعب على انه عدو ويجب ان يقاتلوه حتى النصر تنتظر ايه من فئة كفرت الشعب واعتبرتهم خوارج ربنا يستر على مصر مشفقة عل تلك البلد ربنا يحمى مصر وشبابها من الفتن تقبل مرورى

فعلآ حضرتك مستنين ايه

من فئه كفرة الشعب المصرى الى بيطالب بحقه

سبحان الله جعلوا مصر اضحكوه للعالم كله

غير ان الحكم الاسلامى اتشوه صورته قدام العالم كله

انه فاشل بسبب ناس فاشله فعلآ

اقتباس المشاركة الأصلية كتبت بواسطة اميره الشعر الشجين تعرف يا نور والله ابا الحج مرسى ده صعبان عليه اوووى بحس كده انه مهطل ايون وربنا هموت بس واعرف بيسرقو على شرع مين ابى حنيفه ولا ابو حنبل المشكله والله حلها بسيط جدنا لو اتوحدنا ونسيب العنف والقتل ونبعد عن كل شىء يشتتنا بس مع الاسف العبيط مرسى يطلعلك بام عوجه بقه دين ويقولك نحن نحافظ على السلام سلامو عليك با كفن وانتا قاعد يا بعيد بجد فعلا امور البلطجه والشغل ده هو السبب فى الاحنا فيه خش بقى على الاخوان بيضحكونى اوووى والله اصلهم زى الفران معاهم سلاح عملين فيها هتلر معهمش يالهوى مسخره وربنا شكلهم وهما بيهربو بحس ان الشعب جيرى وهما توم احب اقول للناس الا عندهم امل فى مرسى وفى الاخوان يا مستنى مرسى يعمل من مصر لبنان قاعد على الكنبه والطم واندغ لبان يا مستنى الاخوان يعملى نهضه تمام يا مستنى خالى يطلع من الحمام باذن الله مصر هتفضل زى ما هيه وهتمشى يا مرسى يعنى هتمشى حلو الموضوع اخى نووووووووور

هههههههههههههههه

يخلب عقلك بتجيبى الالفاظ دى من فين

ليس بعد كلامك كلام

اقتباس المشاركة الأصلية كتبت بواسطة بلدنا في القلوب متشاله المشكله فينا محدش يدخل الرئيس في المشاكل دي احنا الي عاملين تمرد وتجرد وبلاك بوي وبلاك بلوك والحاجات العجيبه دي احنا اللي مفرقين نفسنا وهندخل نفسنا في حرب بيننا وبين بعضنا شكــرا وربنا يستر يااارب ويهدي النفووس

ازاى محدش يدخل الرئيس

امال هو وظيفته و شغلنته ايه

يتفرج علينا ؟؟

ما هو سياسته و قراراته و انتمائه هو الى خلق كل المشاكل دى

[big bốss]

اقتباس المشاركة الأصلية كتبت بواسطة كوين ميرو حرب اهليه اخر شئ كنت اتوقعه او حتى اتخيله بس فى عصر الاخوان بقى كل شئ ممكن لو مش مع تبقى اكيد ضد وياريته بس ضد لا تبقى ليبرالى علمانى كافر قسمونا وفرقونا بعد ثوره كان المفروض تجمعنا

اتفرقنا يا ميرو

خلاص

و فعلآ بيكفروا الشعب على اى اساس ؟

اسلوبهم دا هيعمل حرب اهليه و يدمر مصر

[عاشقة ذكر الله]

ايه البديل ؟!!!!!
قلنا الرئيس البديل الموجود و يصلح للرئاسه و يتفق عليه كل الشعب ؟!!!
فرضا انكم شيلتو مرسى فكرتو فى كلمه و بعدين ؟!!
ي ترى بئه الرئيس الجاى هيبقى ايه و لا مين ؟؟
و تتوقع مثللا ان مؤيدين الرئيس دلوقتى هيوافقو عليه ؟!!! حتى لو فعلا نجح و احد من دول
ي ترى هتلاقى المؤيدين يسكتو ولا هيقفوله على الغلطه الواحده و هتبقى أول غلطه آخر غلطه
لأنه هيمشى بعدها بردو زى اللى قبله لأنه هيبقى حقهم زى ماانتو عملتو قبل كدا و هتفضل كدا
معاكم ان الدكتور مرسى عمل أخطاء جامده جدا مفيش فيها انكار دى
لكن فى الوقت الحالى معتقدش ان الدكتور مرسى لما يمشى يبقى هو دا الحل
الا اذا كان المعارضين لمرسى عندهم رؤيه و فكر المؤيدين مش فاهمينه
بجد عايزة أعرف الأجوبه على الأسئله دى يمكن أقتنع باللى انتو عايزين تعملوه دا

،،

[الأميرة رودي]

الحال والوضع مش مبشر بصراحه
وانا من اول وأكتر الناس القلقانين من يوم 30
الانقسام مش بس بالفكِر والرأى واخلاف وجهات النظر
الانقسام بقى بالعنف وفرض رأي مجموعه من الناس على بقيت الناس
كل واحد شايف نفسه هو الصح وشايف انه الاصلح للقياده
ومع كل اسف الكل جشع وطماع وكل همهم الكرسي .
اكيد فيه حرب اهليه وهيجي اليوم علينا اللى هنلاقي المصري بيقتل المصري اللى زيه من ورا ضهره.
غدر

طالما اتفككنا يبقى اى شئ متوقع
.
مشكور ع المناقشه نور

[ياسمينااا]

معاك حق والله يا نور إحنا دلوقتي بقينا نصين
والبركه في الدكتور مرسي ربنا يديله الصحه كدا
لإنه هو السبب في كل اللي بيحصل
نفسي أفهم اللي بيقول مرسي ملوش ذنب أمال ذنب مين
مش هو بردو رئيس البلد ومسئول عن كل حاجه دلوقتي
إشمعني لما كان مبارك هو الرئيس وقتها كانو بيقولو لازم يمشي
عشان هو السبب في الخراب والفساد اللي إحنا فيه
ليه لما حمله تمرد ظهرت وعملت ورق وبدأت تجمع التوقيعات
ظهرت كمان حمله تجرد
وليه لما قولنا هننزل يوم 30/6 هما كمان قالو هينزلو
لو هما مش بيردو علينا حاجه بحاجه مش كان دا هيحصل
هما ليه هينزلو يوم 30 رغم إنهم عارفين إن أكيد هتحصل مشاكل كتير من نزولهم
بس مش مهم عندهم أي حاجه غير مصلحتهم وبس يعني مصلحة البلد دي مش مهمه عندهم
أنا إمبارح وأنا بسمع قناة النهار كان فيه واحد من حملة تمرد وجه أحمد عقيل المتحدث الرسمي
بإسم الإخوان المسلمين ولما بتاع حملة تمرد بيتناقش معاه مش رضي أنا يتناقش وقال إنه
مش عاوز يسمع كلامه يعني مجرد النقاش حتي هما رفضين هما عاوزين يسمعو لنفسهم وبس
أنا عن نفسي مع حملة تمرد ووقعت الورقه بتاعتهم
شئ أكيد إن يوم 6/30 هتحصل حرب أهليه بين المصريين وهو وجماعته السبب
ربنا يستر بجد لإن الواحد قلقان جدا علي حال بلدنا
هي دي مصر ودا بقا حالها
بس كل واحد حر في رأيه
أنا عارفه إن في ناس مش هيعجبها كلامي
بس كل واحد حر في رأيه
تسلم نور علي الموضوع
وعذرا للإطاله

[بلدنا في القلوب متشاله]

وايه هي بقا القرارات اللي تخلينا نعمل تمرد والحاجات العجيبه بتاعتنا دي؟؟


مش معقول يعني كل لما يقول قرار ميعجبناش يا اما نتريق عليه يا اما ننزل نبوظ ونحرق في كل شارع..

لازم نكون منطقيين شويه ونبقى ايد في ايد ونقف مع الرئيس للاخر وبعدين نبقا نتكلـــم,,

مش لما تعدي سنه واحده نقول لا ده بوظ مصر ونخلعه زي مباركـ ونقول عايزين نعمل انتخابات مبكره ونجيب واحد يبوظ مصر بحق وحقيقي..

شكــــراا