الفلوس هى اللى بقت بتعمل المكانه للانسان ؟!!!!!!

[عاشقة ذكر الله]

السلام عليكم و رحمه الله و بركاته

ندخل فى الموضوع مبااااشرة و نبعد عن السياسه شويا علشان الزهق

و هو نظرة المصريين للاستهلاك و الفلوس

دلوقتى عندنا هنا بنربط بين الاستهلاك و المكانه الاجتماعيه

بمعنى لما نشوف حد بيشترى كتير و يستهلك كتير نقول لا دا غنى و عنده فلوس كتير

و لما نشوف واحد بيشترى بكميه قليله نقول دا فقير و معندوش فلوس

على الرغم من ان فى الدول الأوروبيه يمكن لما بيجو يشترو الحاجه بشترو بالواحده

و مفيش حاجه من دى بتتقال طب مااحنا بننقل الثقافه الغلط لكن الثقافه الصح لأ أبدا مينفعش

تلاقى البنت لما بتيجى تتجوز بتشترى حاجات للزينه فقط مش ليها لازمه تانيه تقريبا بنشوفه فى النيش :d

و الراجل يعنى ادفع ادفع ادفع و لازم الشقه تبقى كذا و كذا و ياريت لو تبقى من دورين يعنى شقتين فوق بعض و ايه رأيك لو نجيبها فى المنطقة دى و لا دى أنظف ؟!!!

فيه ايه ؟!! احنا لو بنستخدم كل حاجه مظبوطه فى مكانها و بنقدر الناس بقيمتهم مش بفلوسهم

و بنشترى بالمعقول احنا دلوقتى مبقاش فيه حاجه اسمها نص كيلو من أى حاجه حتى لو لفردين ؟!!!

لاأ .... ازاى تروح تشترى كيلو و تعين الباقى علشان محدش يقول حاجه عنك ؟!!

على الرغم من ان مصر بتعانى حاليا من أزمه اقتصاديه كبيره جداً الا اننا بنعمل كل دا فعلا

و مش حاسيين بكدا لازم علينا نوفر من مصاريفنا للمستقبل اللى محدش عارف عنه حاجه

و منربطش بين الاستهلاك و بين المكانه الاجتماعيه

لان الفلوس لوحدها مش هى اللى بتعمل للانسان قيمه بقدر مايكون عنده من علم و اخلاق

،،
،،

[big bốss]

ثقافة الرابط بين الاستهلاك و المشتريات بالمكانه الاجتماعيه

دى منتشره فى مجتمعنا و نابعه من ثقافه متوطنه بداخل عقولنا

أن الانسان مكانته الاجتماعيه بفلوسه مش بعلمه و حسن تصرفه

علشان تغيرى التفكير دا فى الناس

محتاجه زمان على الزمن لتبدائى بتغير فكر المجتمع

علشان مفيش مبدأ القناعه خارج نطاق الخدمه


موضوع قيم حضرتك

تقيمى + الوسام

[Aya 7ekaya]

هى دى العولمه وآثارها ي ايوش زى مااخدناها ف علم النفس ههههههههه شوفتى بقى ياستى

فعلا موضوع الفلوس دى مشكله الناس وكأنها بتعاند ف نفسها زى مثلا الموبايلات اللى كل مايطلع موبايل جديد يشتريه علشان الناس تقول عليه معاه فلوس مع انه ممكن يكون محتاج للفلوس ف حاجة تانيه

ف النهايه دى نفوس مريضه مش كل حاجة الفلوس لانها احيانا ممكن تكون بلاء سبحان الله

[العاشق الذى لم يتب]

يسلام على عقلك الكبير ياأختى عاشقة الذكر
ماشاء الله عليكلو كل البناويت فكروا زيك كده

كان مافيش مشاكل خالص ولا فيه بنت عانس ولا شاب فارس
وبعيد عن االسياسة اللى كل اللى شغال فيها بقى منافق وكذاب
خلينا فى حكاية البزخ وقلة التصريف وعدم الوعى والفهم

وأعتقد الموروث الفكرى عند المصريين خاصة والعرب عامة
موروث خاطئ
حيث يظن هؤلاء الجهلاء
أن كثرة مشتراياتهم تدل على غناهم

وإثبات لثرائهم وكرمهم
وهى فى الحقيقة إثبات إفترائهم وجهلهم
وعدم تقديرنعمة الله وهى البذخ بنفسه والكبروالتعالى
والله المستعان
وربنا يهدهم شوية البنات دول بتوع حط فى النيش

تسلمى اختى بارك الله فيك
مودتى

[هاني ,,,]

موضوع حساس شويّا

بس برضو ماننسى إن المال في وقتنا الحاضر هو ( عصب الحياة )

خصوصاً ونحن نمر في مرحلة حرجة من كل النواحي !!

بداية من إرتفاع الأسعار .. قلة الوظائف .. وإنخفاض الرواتب ~

(( الكلام ذا ليس فـ مصر بس .. إنما في كل الشعوب ))

لكن المال عمره ماإشترى كرامة الإنسان أو رفع من مكانته !!

" إنما الأمم الأخلاق مابقيت .. فإن هم ذهبت أخلاقهم ذهبوا "

برافو ...

[فرانكو.هدوء ملك]

بصراحه موضوع قيم جدا

والمصيبه الاكبر ان فيه ناس بتستخدم فلوسها الكتير لاسباب تانيه

يعني انا اعرف ناس بتتفاخر ببناء المساجد

يعني النيه نفسها غلط

احنا بصراحه عايزين نتعلم من جديد

ضاعت منا المبأدئ والقيم الجميله

الطبقه المتوسطه انعدمت والفقير بيشوف الغني وأمنية حياته يكون زيه

وبيتخلي عن اخلاقه ومبأدئه عشان يوصل للي وصل اليه الغني

الفقير للاسف مبقأش ليه مكان فمجتمعنا

علشان كده بيتطلع لوضع افضل وايا كانت خسراته فهو بيكون مستعد

يلا ربنا يهدي

موضوع متميز سلمت يداكي

[♥SaRa]

موضوع قيم ومميز
وفعلا احنا دائما اعتقادتنا ومخطئة وهذه الاعتقادات مخطئة منتشرة
ولا احد منا بيقدر او يراعي ظروف اليلد ولكن كلـ مايهمة هو رأي الناس لا غير

[بلدنا في القلوب متشاله]

الفلوس لوحدها مش هى اللى بتعمل للانسان قيمه بقدر مايكون عنده من علم و اخلاق

كلام صحيح جدااا

احسنتِ القول صرااحهـ,,

وخرجتينا من جو السياسه شويهـ

فعلا الفلوس مش كل حاجه ..

لما تجيبي الحاجه بكميه كبيره بغرض كلام الناس ده يسمى منظرهـ

اما بقى لو غرض تاني فده عادي..
لكن فعلا مع الازمه لازن نوفر شويـــهـ\\

اشكركـ

بالتوفيق

[طمطم]

انتى لخصتى الحكاية كلها ,,

للاسف دلوقتى تفكيرنا بئآ سطحى وتافه ,,

جيتى ع الجرح انتى ^^

توبيك عالى ي موزتى ,,

احلى ***** بئآ

[نقاء]

( المال والبنون زينة الحياة الدنيا ۖ والباقيات الصالحات خير عند ربك ثوابا وخير أملا )
المال والبنون زينه الحياه الدنيا..المال والأولاد جميعهم زائل المال ينتهي والأولاد يموتون وتبقي الأعمال الصالحه باقيه معك
طرحك مميز بإنتظار جديدك ،،،

نقـاء،،،