C مرسى بتاع ربنا .

[morshooo]

بسم الله الرحمن الرحيم

س / ياترى بكرة هيحصل ايه ؟

السؤال دا تقريبا مفيش حد فى مصر مش بيفكر فيه

كلنا بنسئل نفسنا ياترى هيحصل ايه بكرة

مين هيكون ليه الكلمه العليا

( الاخوان والجماعات الاسلاميه والقبائل ) والا

( الثوار والاحزاب واهالى الشهداء )

الانقسام الحالى فى مصر مفيش حد سبب فيه غير

( مرسى ) وببساطه شديدة بنحمله المسئؤليه .

لما يكون فى رئيس بيوعد ويخلف يبقى هو السبب

لما يكون فى رئيس مش بيكلم الا لجماعته وعشيرته فقط يبقى هو السبب

لما يستخف بعقولنا فى خطاباته ويقولنا مفيش ازمات وكلها اشاعات يبقى هو السبب

لما جنودة يموتو ويتخطفو ومحدش يوضحلنا الاسباب يبقى هو السبب

لما ولادة الاطفال يموتو بالعشرات ومفيش اى جديد حصل يبقى هو السبب

لما يكون بقاله سنه ولسه الفساد والسوق السودا والرشاوى شغالين يبقى هو السبب

.......................................... الخ

الناس غلطت لما قالت مفيهاش حاجا لما نجرب .

نجرب حكم الاخوان ونشوف هيعملو ايه اصلهم ناس بتوع ربنا ^_^

وطلعو بعاد جدا عن ربنا ورسوله اصل الى بيكفر الناس عمال على بطال

يبقى اكيد بعيد عن ربنا ورسوله ودا الى بيعملوة حاليا .

وماشاء الله شغالين تهديدات زى الفل لا وايه ( سلميه )

وعلى فكرة الى يرش مرسى بالمياة هنرشه بالدم

مش لما يكون عندنا مياة اصلا يا ( ........ )

خطاب الرئيس الاخير الى عرض فيه انجازاته عجب اتباعه اصله لو طلع

قال ( سمك لبن تمر هندى ) برضو هيعجبهم .

كان نفسى الرئيس يكلم عن 6 حاجات :

1 / احداث قطار الصعيد وموت اكتر من 50 طفل .

2 / قتل الجنود المصريين فى رمضان وقت الفطار .

3 / خطف الجنود وشرح احداث الفيلم الهندى بتاعهم .

4 / سد النهضه يتاع اثيوبيا والاجتماع الجامد الى اتعمل .

5 / السياحه المصريه بقت فين عالميا حاليا يبتاع مليون سائح زيادة .

6 / اخبار الديون المصريه ايه دلوقتى بعد الشحاته الى كنت بتعملها .

دى من اهم انجازات ( مرسى ) الحقيقية .

طبعا مع فشله فى حل ازمات تانيه زى :

البنزين الى كل شهرين يبقى فى ازمه وطبعا المواصلات بتغله وكله تمام .

الكهرباء الى ماشاء الله بتقطع بالساعات ولسه مدخلناش فى الصيف اصلا .

المرور الى مش هكلم عليه اصلا ^_^ .

رغيف العيش الى الحكومه بتقولك لو الرغيف معجبكش ماتخدوش ههههه
مش لما نلاقيه الاول ^_^ .

كل دا حصل خلال سنه اومال لو كملت الـ 4 سنين هتعمل ايه

بالمناسبه الناس الى بتقول نديله فرصه واهو مش هيبقى زى الفاسد

الى قعد 30 سنه .

الله اومال انتو كنتو فين من الفاسد الى سابلكم البلد ضايعه زى ما بتقولو .

الاخوان كانو فين من النظام الفاسد عملو ايه من خلاله حسينا ان اة

دى جماعه كانت مظلومه ولازم يبقى عندها حرية زى اى جماعات تانيه .

كل الى عملوة ركبو على الثورة ودلوقتى بيقولو احنا الى عملنا الثورة .

ان شاء الله الثورة هتنجح وعلى فكرة لو نجحت مش هتبقى زى ثورة يناير

الى استشهد فيها حوالى 350 شهيد .

لو نجحت هيستشهد فيها الاف المصريين وهيبقى هو دا الفرق بين .

مبارك الفاسد ومرسى بتاع الله ورسوله

[سيدة القصر]

طريقة سخرية غريبة
لا يهمنى مرسى ولا الإخوان ولا المعارضة الهدامة ولا الكلام الكتير اللى شبعتونا منه
احنا أجدع شعب يلوم على غيره لكن نفسه بينساها
أنا معاك إن التركة كبيرة قوى على مرسى وعلى الإخوان
موافقاك
طيب هتجيب مين بدالة !!
أنا برضوا موافقاك فى اللى هتقعده على الكرسى
لكن يا ترى هيحل مشاكل البلد اللى ما لها أول من آخر
بلاش كل مشاكلها خلينا فى الـ كم مشكلة اللى ذكرتهم فوق دول
صدعتونا بجد سواء إخوان أو معارضة أو أحزاب مالها أول من آخر
مش عاوزة حد يشجب ويندد ويكشف أسرار وينتقد وهو قاعد على الكرسى
اللى يتكلم يعطى رؤية يا إما يسكت
الكلام ليس موجه لك مورشو كـ شخص
ولكن موجه لك كـ فصيل له مؤيدينه هنا كتير وفى مصر كلها
لغاية ما ييجى بكرة إرحمونا أعصابنا تعبانة بما فيه الكفاية
كلنا منتظرين أخ أو إبن عم أو قريب أو حبيب يستشهد بكرة
إرحمونا

[SiLver Spectra]

على قولة الفساد ..طب لو هو كان فاسد ..امال لما مسكت انت ليه الوضع ادهور كدا و بقى اسوء؟
اذا كانوا بيتكلموا عن مليارات بتنهب و بتتسرق ..طب و هي لسه الميارات دي الل يهتعيش الشعب في نعيم بتتسرق ؟ طب انت قاعد بتعمل ايه ؟

مرسي مش هيتنحى من نفسه ..بالنسبالهم التنحي يعني موت لفكرة الجماعة اللي اصلا قائمة على الخلافة الوهمية

معرفش شرعية ايه اللي بيتكلم عنها اذا كان مرسي فايز اصلا بالرأفة !
انا واحد من الناس صوتله في الاعادة ..و غيري كتير من عاصري اللمون

دور الرئيس هو انه يحاول يلم الشمل بعد فوزه في الانتخابات ..مش انه يخسر الشوية كمان اللي كانوا مصوتنله !

كل اللي احنا فيه بدأ مع اعلانه الديكتاتوري و كابوس الدستور اللي سلقوه ..و اللي كانوا مفكرين ان الحبر اللي على الورق دا هو اللي هيجيب استقرار !

وقتها انا قولت اننا داخلين على لعنة و نفق مظلم و طريق مسدود
أنا ماليش اي مصلحة ..و لا اني بحب حرقة دم السياسة و وجع الدماغ دا
يعني الاستقرار حلم بالنسبالي ..بس هو فين ؟

الاجانب و العرب كلهم سافروا النهارده في هروب جماعي من مصر
و هو وضع شبيه ب25 يناير

سواء مرسي اخد اجراءات زي انتخابات مبكره و دا بستبعده لانه عارف انه هيخسر
او مرسي فضل قاعد ..فالبلد داخله في دوامة اقتصادية صعبة زي ايام 25 يناير
بس المرادي مافيش احتياطي اجنبي يسندنا

يعني هنتكحرت زيادة

و كلو بسبب مرسي اللي شرذم مجتمع لسه كان قايم بثورة و سخن ..مجتمع كان محتاج حد يلم شمله مش يجزأه و يعانده !

اغبى قرار اتخده مكتب الارشاد هو المشاركة في انتخابات 2012 و هما اصلا غير مهيئين له
لو كانوا بيحبوا مصر فعلا بعيدا عن مصالحهم الخاصة ماكانوش دفعوا بمرشح

[morshooo]

اقتباس المشاركة الأصلية كتبت بواسطة سـيدة القصـر طريقة سخرية غريبة لا يهمنى مرسى ولا الإخوان ولا المعارضة الهدامة ولا الكلام الكتير اللى شبعتونا منه احنا أجدع شعب يلوم على غيره لكن نفسه بينساها أنا معاك إن التركة كبيرة قوى على مرسى وعلى الإخوان موافقاك طيب هتجيب مين بدالة !! أنا برضوا موافقاك فى اللى هتقعده على الكرسى لكن يا ترى هيحل مشاكل البلد اللى ما لها أول من آخر بلاش كل مشاكلها خلينا فى الـ كم مشكلة اللى ذكرتهم فوق دول صدعتونا بجد سواء إخوان أو معارضة أو أحزاب مالها أول من آخر مش عاوزة حد يشجب ويندد ويكشف أسرار وينتقد وهو قاعد على الكرسى اللى يتكلم يعطى رؤية يا إما يسكت الكلام ليس موجه لك مورشو كـ شخص ولكن موجه لك كـ فصيل له مؤيدينه هنا كتير وفى مصر كلها لغاية ما ييجى بكرة إرحمونا أعصابنا تعبانة بما فيه الكفاية كلنا منتظرين أخ أو إبن عم أو قريب أو حبيب يستشهد بكرة إرحمونا

مين البديل ؟

برضو انتو صدعتونا بالكلمه دى

ياترى مصر مفيهاش واحد يقدر يخلينا نقف معاة المرحله دى

ياترى 90 مليون مصرى او اكتر مفيهمش واحد يقدر يعدى بينا المرحله دى

90 مليون خلاص مبقاش فيهم غير واحد بس هو الى لازم غصب عننا نوافق عليه ( مرسى )

90 مليون اجبارى لازم تبقى مع الاخوان والا هتكون كافر ودمك مباح

تفتكرى الى اتعمل امبارح من الاخوان وكلامهم المتطرف كان صح

لما يطلع واحد ويقولك ابشرو 30 / 6 عدى خلاص واحنا فـ اوائل يوليه

دا مش استفزاز لشعب .

لما يطلع يقولك الى هيرش مرسى بالمياة هنرشة بالدم دا مش استفزاز

لما يطلع يقولك هنقطع رقبتكم لو حد اتعدى على مرسى دا مش استفزاز

او بمعنى اصح شايفا ان هم دول الاصلح للبلد وفعلا دى ناس تستحق

انهم يكونو الحاكمين للبلد .

[سيدة القصر]

اقتباس لا يهمنى مرسى ولا الإخوان ولا المعارضة الهدامة ولا الكلام الكتير اللى شبعتونا منه

اقتباس أنا معاك إن التركة كبيرة قوى على مرسى وعلى الإخوان موافقاك

اقتباس أنا برضوا موافقاك فى اللى هتقعده على الكرسى

اقتباس صدعتونا بجد سواء إخوان أو معارضة أو أحزاب مالها أول من آخر

مش بحب أحس إنى بتكلم مع حد مش مركز فى كلامى أخى الفاضل مورشو
الكلام اللى فوق ده أنا قلته ومقتبس أهو
وأى هجوم هاجمته كان إسم الإخوان مذكور قبل إسم المعارضة
ودا مش علشان هو أسوأ أو غيره
ولكن علشان هما الحزب الحاكم وطبيعى بالعقل لازم أُلقى عليه المسؤولية الأكبر
ودا الفرق بين اللى بيتكلم وهو مش تبع فصيل من اللى بيتكلم وهو تابع لحزب أو متبنى فكرة معينة
مين قال إنه عاجبنى اللى بيحصل فى البلد !!
سواء من الإخوان أو من جبهة الخراب أو من المنددين بلا أى فعل يفيد
غالبية اللى بيتكلموا دلوقتى عاملين زى اللى إترفد من وظيفته ومش لاقى حاجة يعملها فـ بينم على الناس ويوقع بينهم

وجهة نظرى لازم تقبلها مهما كانت
ولأن إحنا قاسم مشترك فى بلد واحد
ولأن مصر لا تخص فصيل واحد وغير موكل لفصيل واحد الدفاع عنها
رفقاً بنا لعدة ساعات
رفقاً

[morshooo]

اقتباس المشاركة الأصلية كتبت بواسطة silver spectra على قولة الفساد ..طب لو هو كان فاسد ..امال لما مسكت انت ليه الوضع ادهور كدا و بقى اسوء؟ اذا كانوا بيتكلموا عن مليارات بتنهب و بتتسرق ..طب و هي لسه الميارات دي الل يهتعيش الشعب في نعيم بتتسرق ؟ طب انت قاعد بتعمل ايه ؟ مرسي مش هيتنحى من نفسه ..بالنسبالهم التنحي يعني موت لفكرة الجماعة اللي اصلا قائمة على الخلافة الوهمية معرفش شرعية ايه اللي بيتكلم عنها اذا كان مرسي فايز اصلا بالرأفة ! انا واحد من الناس صوتله في الاعادة ..و غيري كتير من عاصري اللمون دور الرئيس هو انه يحاول يلم الشمل بعد فوزه في الانتخابات ..مش انه يخسر الشوية كمان اللي كانوا مصوتنله ! كل اللي احنا فيه بدأ مع اعلانه الديكتاتوري و كابوس الدستور اللي سلقوه ..و اللي كانوا مفكرين ان الحبر اللي على الورق دا هو اللي هيجيب استقرار ! وقتها انا قولت اننا داخلين على لعنة و نفق مظلم و طريق مسدود أنا ماليش اي مصلحة ..و لا اني بحب حرقة دم السياسة و وجع الدماغ دا يعني الاستقرار حلم بالنسبالي ..بس هو فين ؟ الاجانب و العرب كلهم سافروا النهارده في هروب جماعي من مصر و هو وضع شبيه ب25 يناير سواء مرسي اخد اجراءات زي انتخابات مبكره و دا بستبعده لانه عارف انه هيخسر او مرسي فضل قاعد ..فالبلد داخله في دوامة اقتصادية صعبة زي ايام 25 يناير بس المرادي مافيش احتياطي اجنبي يسندنا يعني هنتكحرت زيادة و كلو بسبب مرسي اللي شرذم مجتمع لسه كان قايم بثورة و سخن ..مجتمع كان محتاج حد يلم شمله مش يجزأه و يعانده ! اغبى قرار اتخده مكتب الارشاد هو المشاركة في انتخابات 2012 و هما اصلا غير مهيئين له لو كانوا بيحبوا مصر فعلا بعيدا عن مصالحهم الخاصة ماكانوش دفعوا بمرشح

مشكلته انه بدء بدرى جدا فى اظهار حقيقتة هو والاخوان

خلافاته بدئها بدرى وكله كان تحت مسمى حق الشهداء

الدخول فى خلاف مع القضاء والنائب العام

وبعد كدا اعلان الدستور وعدم احترام المعارضه

بنود الدستور الى دلوقتى رجع يقولك هعمل لجنه لمناقشت البنود المختلفين عليها

التكتم على بعض القضايا الى كان لازم توضح للشعب

منها قتل الجنود وبعد كدا اختطاف جنود اخرين

الحديث لاهله وعشيرته فقط وعدم الاهتمام بالمعارضه

خاصه لما رحولو وطلع كلمهم فى احدى المليونات مع انه مطالب بالحوار

مع المعارضه مش مع المؤيدين ليهم يعنى كان خرج واكلم مع المعارضين ليه .

ازمات البنزين والكهرباء والمرور ورغيف العيش

الى مفيش اى تحسن حصل فيهم من سنه .

دائما بيكلم عن الفساد والنظام السابق طيب انتا عملت ايه

بقالك سنه عشان تقضى على الفساد والنظام السابق والا حاجا

كل الى عملته انك عايز تعمل زى النظام السابق ^_^

وزارة اخوانيه

محافظين اخوانيين

موظفين محليين اخوانيين

........................ الخ

كل دا بيتعمل ويقولك هو مين البديل .

[morshooo]

اقتباس المشاركة الأصلية كتبت بواسطة سـيدة القصـر مش بحب أحس إنى بتكلم مع حد مش مركز فى كلامى أخى الفاضل مورشو الكلام اللى فوق ده أنا قلته ومقتبس أهو وأى هجوم هاجمته كان إسم الإخوان مذكور قبل إسم المعارضة ودا مش علشان هو أسوأ أو غيره ولكن علشان هما الحزب الحاكم وطبيعى بالعقل لازم أُلقى عليه المسؤولية الأكبر ودا الفرق بين اللى بيتكلم وهو مش تبع فصيل من اللى بيتكلم وهو تابع لحزب أو متبنى فكرة معينة مين قال إنه عاجبنى اللى بيحصل فى البلد !! سواء من الإخوان أو من جبهة الخراب أو من المنددين بلا أى فعل يفيد غالبية اللى بيتكلموا دلوقتى عاملين زى اللى إترفد من وظيفته ومش لاقى حاجة يعملها فـ بينم على الناس ويوقع بينهم وجهة نظرى لازم تقبلها مهما كانت ولأن إحنا قاسم مشترك فى بلد واحد ولأن مصر لا تخص فصيل واحد وغير موكل لفصيل واحد الدفاع عنها رفقاً بنا لعدة ساعات رفقاً

اولا انا متقبل كلامك بالعكس مين قال انى مش متقبله

انا بس عايز اعرف حاجا طالما مش همك

مرسى والا الاخوان والا المعارضه

اومال يهمك مين هتقولى ( البلد )

طيب وهم دول فين مادول فى مصر وهم سبب فى الى بيحصل دلوقتى .

يبقى اكيد انتى مع فصيل منهم سواء اخوان معارضه .

ودى حرية شخصية ليكى وليه ولغيرنا فى البلد .

لكن منين بتهجمى ومنين بتقولى مين البديل .

يبقى انتى عاجبك الى احنا فيه دلوقتى والدليل انك قولتى بنفسك

هنجيب منين بديل .

[سيدة القصر]

اقتباس المشاركة الأصلية كتبت بواسطة morshooo اولا انا متقبل كلامك بالعكس مين قال انى مش متقبله انا بس عايز اعرف حاجا طالما مش همك مرسى والا الاخوان والا المعارضه اومال يهمك مين هتقولى ( البلد ) طيب وهم دول فين مادول فى مصر وهم سبب فى الى بيحصل دلوقتى . يبقى اكيد انتى مع فصيل منهم سواء اخوان معارضه . ودى حرية شخصية ليكى وليه ولغيرنا فى البلد . لكن منين بتهجمى ومنين بتقولى مين البديل . يبقى انتى عاجبك الى احنا فيه دلوقتى والدليل انك قولتى بنفسك هنجيب منين بديل .

سؤالى مش إستنكار
سؤالى إستفسار والفرق كبير
يعنى بقولك طيب إقترح شخصية بما إنك شخص لك رؤية ومفروض إن إنتقادك وهجومك ده بأدلة مادية
مش لـ مجرد إن الحال بيتدهور فـ يبقى مرسى يمشى
أنا أول مَن سيطالب برحيل مرسى
لكن محتاجة بديل يتحمل المسؤولية إقترح بديل وقول إنك متأكد إنه هيعدى بنا الأزمة
لكن ما تقول نجرب لأنك لسه بتقول كفاية تجارب
طبعى إنى لا أكون مع فصيل للنهاية حتى لو أخطأ
وخلينا أكثر صراحة بقى البلد كلها خطأ فى خطأ
وعموماً منتظرين على أحر من الجمر الأحداث بكرة
أياً ما كانت ما يهمنى ألا تسقط قطرة دم واحدة من مصرى مهما كانت إتجاهه السياسى
ودا يمكن فرق كبير بين دعوتى ودعوة البعض
اللى بيتمنى يُذبح الإخوان بكرة

[بلدنا في القلوب متشاله]

ليه هي الازمات دي اتفجأتوا بيها في حكم مرسي ولا ايه؟؟

الازمات دي من ساعة مباااااارك ومرسي باذن الله هيحلها

ومتفتكروش ان مصر صغيره وكلو هيتحل في سنه

انتوا اصلا مش عايزين مرسي وخلاص

مع انه كويس وعمل حاجات كويسه

وطبعا مرسي بتاع ربنا

وياريت اللي مش مع مرسي مش لازم يشتمه ويتريق عليه ..

شكــــررا

[سيدة القصر]

أحد التعليقات من أحد المعترضات على مرسى فى بداية فوزه بالرئاسة قالت سبب وجيه
لإعتراضها على مرسى كـ رئيس دولة

قالت مينفعش يكون رئيس مصر
المذيع بيسألها ليه
قالتله " أصل مالوش كاريزما"
هههه
دى وحده يتقال عليها إيه
طيب ما مبارك كان له كاريزما ياختى عملتى به إيه ؟
ولا الأخ بتاع شوبش ده " المقرف اللى إسمه باسم يوسف "
قاعد يردح فى الحلقة وقال بيقلد مرسى
والله العظيم بجد عيب
مهما كان مرسى له إخفاقات مش معنى كده يكون الهجوم اصله مالوش كاريزما واصله بينطق الكلام غلط نحوياً

والله لو بإيدى كنت شلته من الرئاسة ووضعت مكانه البرادعى ولا صباحى ولا أبو الفتوح وخلونا نتفرج
مهى خلاص مصر بقيت حقل تجارب
للمرة المليون بقول أنا مش مع أى فصيل
أنا فقط بـ قول بطلوا هجوم

حط نفسك مكانه يا أخ مورشو
لو كتبت موضوع دلوقتى وأغلب اللى بالمنتدى دخل وانتقد حضرتك وهاجمك وقالك لازم تحذف الموضوع
وقاطعك وعملك مشاكل
أوعى تقولى هفضل على موقفى .. تبقى مش صريح مع نفسك
طبيعى هتترك الموضوع وتمشى أو المنتدى كله أو ممكن تاخد قرار غير سليم
اللى بيحصل مع مرسى نفس النظام كده
مفروض تقوموه مش من أول لحظة فاز برئاسة البلد والكل بيهاجم من قبل أى قرار أو أى تصرف
قال مالوش كاريزما قال