سيما اونطة

[phalsteen]

سلام عليكم

برغم قوة بعض الافلام وصداها العظيم لحد دلوقت
مر عليها عصور
الا انها فعلا قوية
لكن لما بنسمعها بنحتار ايه دا والمؤلف كان يقصد ايه



فيلم نهر الحب فيلم قوي ومن اقوي افلام السينما المصرية
تعاطف المشاهدين كان مع القصة
طب ازاي

دي البطلة خاينه زوجة لا تصلح علي الاطلاق
معلش وبرغم كل المحاولات اللي حاول يعملها المؤلف ليثبت انها ضحية
جحود زوج وقوته واهماله
الا انها في النهاية ام وزوجه

يعني مش من حقها غير حق زوجها وحق ابنها
يبقي ازاي التعاطف يروح لها برغم انها باعت ابنها وراحت ورا مشاعر مش من حقها اساسا

هي دي مش خيانه ولا ايه التبرير اللي هنا ؟

حب ايه اللي ممكن يكون في اللحظة دي ؟



وفيلم زي دا



معقول يكون شخص زي اللي كان بيمثله محمود ياسين
ميشوفش فتاه احلامه من طبقات المجتمع وسيدة المجتمع الراقي
وتشابه الفكر والتعليم والثقافة

ويحب البطله اللي هي واضح صورة الاختلاف الفكري والمجتمعي
ياتري علاقة زي دي صحيحة وهتستمر ؟
يعني معقول تكون علاقة الحب مبنية علي انها ست بيت شاطرة
او شايفة مصالحة وبتفكر في راحته ؟


في انتظار الرأي

[Angel Smile]

اول فيلم .. ضد الفكررة اكيييد
مهما بصت لحياتها .. كونها متزوجة لازم تبص لاطفالها مينفعش تفضل حب عليهم ..
و ده ال الامهات بتعمله دلوقت .. منعت الخروج اهتممها بنفسها .. علشان تربى اطفالها و تكبرهم صح
مع ان لازم تبص لحياتها و سعادتها بس الاطفال عندها كانوا رقم واحد
فالفيلم من كتر الكبت ال جوزها عمله .. كانت حياتها هر رقم واحدمسئلة اولويات تقريبا ..

انما الفيلم تانى مفهمتش فكرته اووى و الصورة مش باينه ^^
بس من كلامك ..
الحب بيصنع المعجزات
و مش طبقات هى ال هتفرق نهائى

بس كدة ^_^
عجبتنى فكرتك فكدة
استمررى بقى فالافلام التانية
و مشكوورة

[موري كول]

انا معاكي في الموضوع ده وعلشان كده بطلت اشوف افلام زمان لان
بصراحه ضغطي بيعلي من الاونطه اللي في الافلام بتاعت زمان دي ههههههه
متعرفيش دماغهم كانت بتفكر ازاي

[big bốss]

فعلآ هناك بعض القصص السينمائيه الخائبه

لاتمد بالواقع ولا للاخلاق بصله

الفيلم التانى بحب اسمعه جدآ بس فعلآ مش معقول يكون هناك توافق

بين خادمه و رجل اعمال بالعقل كدا

فكرة الموضوع جميله

[Ṩỉℓέหт Đяέąм]

آيوهـ آنآ معكـ . في حآجآت مكنتش بتدخل آلدمآغ آصلآ ^_^

^_^

آمآ آلفيلم آلتآني

لآ طبعآ مش هينفع حآجهـ زي ديً تحصل نظرآ للآختلآف آلفكر وآكيد مش كـ‘ـل حاجه هي انهـآ تكون شآطره في آلبيت وبس . في حآجآت آكبر من كدهـ بكتيرً ,

تسلمي

[Words Whisper]

الفن و الإعلام المفروض انهم لخدمة المجتمع
لما يكونوا لغاية سيئة وترويج أفكار هدامة أو غير مقبولة
يبئا محتاجين تصحيح ..


التاني مش عارفة بتتكلمي عن ايه عشان الصورة مش ظاهرة
بس الأول تقريبا اسمه ( نهر الحب ) حسب ماأفتكر
من يوم ماشفته وأنا كرهت فكرته جدااااااااااااااا
لأنه مش من الأخلاقي نشر فكرة تبرر الخيانة
الخيانة أقذر من انها تُبرر
مش عايزة تكمل حياتها مع شخص ففيه حاجة اسمها طلاق
انما الخيانة بالقذارة الكافية ان أطرافها يتصفوا بالـ لاأخلاق
المشكلة ان أفكار لاأخلاقية المجتمع يصفق لها عشان الحبكة الدرامية كويسة
مهما كان الكاتب و كوست العمل كله عارفين يخرجوا العمل بشكل يجذب انتباه المشاهد
ويخليه يشاركهم في الفكرة فدا مش مبرر ان المجتمع يسمح بالأعمال دي
لأن الغاية هدامة و لا أخلاقية تماما مهما اختلفت انتماءاتنا الدينية أو الفكرية
بس احنا مشكلتنا ان بنمجد حاجات لارتباطها بحاجات
يعني الفيلم دا فعلا فكرته قذرة جدا لكن إيه سبب انه ينال الشهرة دي غير انه قديم ؟؟
ان أبطاله على سبيل المثال أسماء لامعة !!
دا لايجعل الفيلم لامع بس عقولنا بئا
ودا مش بس عن أفلام قديمة
دا عامة احنا بنقعد نتفرج على أعمال و نتعاطف وهي فكرتها لاأخلاقية
وبعدين نقول دا فيلم ولاَّ مسلسل مش حقيقة !!
لا حقيقة بدليل انه تهاونا كدا في المتابعة و المشاهدة
ودا بردو بيثبت ان قيمنا ومبادئنا مهزوزة لأن المبدأ لايتجزأ ..


موضوع قيم سما
تسلمي ..