بداية التصحيح

[حَرفُُ هجآءّ]

مبرووووك لكل المصريين عودة مصر
انا شخصياً فرحانه
لان الدكتور محمد مرسى عمل اخطاء كتير صعب التهاون فيها
غير اخونه الدوله
وغير عدم تحقيق اى تطوير وبناء فى مصر
غير وغير وغير
والان فى المرحله الجديدة اللى بدئت من امبارح بالليل
طبعا فى ناس فرحنين كتير
وفى ناس زعلانين كتير ومش كلهم اخوان مسلمين
وفى ناس فرحنين وفى نفس الوقت قلقانين
اللى انا منهم
طبعا كلنا فكرين خالد سعيد شهيد اسكندرية
واللى كان اول تقرير طبى باشراف عبد المجيد محمود




وبعد فترة من الغضب ومحاوله اثبات الحقيقة
ثبت تعذيب خالد سعيد الى أن توفى اثر التعذيب

وتم محاكمة القتلة بــ سبع سنوات سجن

وبردوا عبد المجيد محمود الذى لم يُرسل تقرير لجنة تقصى الحقائق للمحكمة
بخصوص قتلة الثوار فى 25 يناير



والذى قامت مظاهرة لعزله فى 12 اكتوبر 2012

النهاردة عبد المجيد محمود فييييييييييين دلوقتى ؟




فين بئا الشعب اللى بقول ثورة التصحيح
المفروض فعلا تكون ثورة تصحيح لنظام الاخوان الفاشل
مش رجوع

عبد المجيد محمود اللى قامت مظاهرة ضده لتقاعسه
عن تقديم تقريرة للمستشار رفعت فى قضية قتل الثوار

هى دى اول بداية طريق التصحيح ؟
اذا كان ده طريق التصحيح يبئا على مصر السلام

فاضل مبارك يطلع يحكم تانى

لله الامر من قبل ومن بعد

التعتيم الاعلامى

فى ناس بتقول هى دى حرية الاعلام بعد ما كان اعلام متطرف
وياااه خلصنا من القرف اللى كنا بنشوفة من الاخوان
معاكوا فى انه كان اعلام متطرف
ومتحيز للاخوان جدا
لكن غريبة اوووى أن التليفزيون المصرى متجاهلا تماماً اعتصام المؤيدين الى الان

ولا حد بيجيب سيرة

ولا فين صحيح صور شهداء جامعه القاهرة ورابعة والمحافظات؟

ولا دول مش بنى ادمين ومش شهداء ؟

هما مش زيهم زى شهداء 25 يناير ولا دول افراد فى جماعات جهادية ؟


هى ايه حرية الاعلام ؟

حرية الاعلام هى حرية التعبير
هى حرية الرأى
هى اساس المجتمع الديمقراطى
هى الرأى والرأى الاخر

بس للاسف اللى بشوفة من امبارح حرية رأى واحد بس
ولا حتى بيقول ان فى وجود لمعارض للنظام الحالى على ارض مصر
النهاردة بين يوم وليلة اصبحنا فى المدينة الفاضلة

ربنا يديم علينا نعمة العقل

عارفة ان محدش هيرد
طبعا دى براحة كل عضو
لكن انا قولت اللى بشوفة
شوفوه انتوا وفكروا وبلاش تردوا

[عاشقة ذكر الله]

و لسسسسسسسه ياما هنشوف
محدش عارف حاجه عن اللى فى رابعه
القنوات الدينيه اتقفلت لو حتى الناس و الحافظ كنا قلنا ماشى لكن الرحمه ليه ؟!!
و اذا كانو دول بيحرضو على الفتنه أمال CBC . و On tv بتدعى للسلام ؟!!!!
لاأأ ازاى دول مش شهداء ولا بنى آدين دول اخوان و يستاهلو يموتو ..... هو دا اللى بيتقال حاليا
و الله الواحد مش فاهم ايه اللى بيحصل تماما
بس ربنا يصلح حال البلد دى و يستر

[ღ Gի๐sτ ღ]

كلامك صح وبنسبة كبيرة متفق معاكى فى الموضوع

بس فيه حاجة عايز اقولهالك .. الاخوان النهاردة نزلوا فى الزقازيق كسروا فى المحلات وضرب نار على اي واحد موجود والبلد اتقلبت لأنهم خلاص فلتوا ومش عارفين يتحكموا فى اعصابهم ! كل دة عشان حصل مشادة كلامية مابينهم ومابين البعض فى احد مناطق الزقازيق بعدها اتحولوا وانتشروا فى عدة مناطق وحصل زى ماقلتلك وانقلبت الزقازيق النهاردة .. بعد اللى حصل دة ممكن نعيد النظر فى قفل قنواتهم لان من الواضح خلاص انهم اتبرمجوا على ان المعارضين اما مسيحين اعداء الاسلام او اما مسلمين بلطجية فلول ضد الشريعة عايزنها خمر وبنات وبالتالى منضمنش يعملوا اية لو حد من الجهلة اللى بيتكلموا فى قنواتهم يحشدهم وينزلوا يخربوا البلد زى ماحصل فى الزقازيق ويعملوا كدة فى مناطق كتير ويكسروا فى المحلات ويضربوا الناس فى الشوارع

بالمناسبة امبارح فى الف مسكن ضربوا ناس مع انهم ماشيين فى حالهم

واخويا النهاردة قالى على واحد منهم فى التلفزيون فى مداخلة بيقول هنفجر القطارات ! واحد زى دة والناس دى لو طلعت تتكلم فى قنواتهم ممكن ينزلوا يولعوا فى البلد فعلا لانهم مش شايفين ولا متقبلين رأي معارض وشايفين نفسهم صح والدنيا كلها غلط وبلطجية وفاسدين وممولين وكفار واعداء الدين والاسلام وهما بس المسلمين اللى يهمهم مصلحة الدين والوطن ..

كنت اتمنى ان دة يحصل مع الاخوان والفلول مش الاخوان بس لأن الفلول مش ملاك
.. ربنا يستر ع البلد

[روح صامتة]

بصي ..
انا اعتقد غلق المحطات دي مش هيبقى دائم .
هيبقى لفترة مؤقتة .. انا بدي توقع بس ..
لان انتي لو سمحتلهم يفضلوا انتي عارفة انهم هيطالبوا بالنزول تاني ..
ممكن تاخدهم الحمية اوي .. فينزلوا يهاجموا ف الناس وهمة متجمعين كده ..
ع العموم انا كنت معترضة زيك على فكرة ..
ومبقتش شايفة دلوقتي غير وش واحد للاعلام ..
ومبقتش عارفة اعلق شماعتي على حد ^^
بس خديها من ناحية تانية وهتشوفي الوضع الحالي
بيشيلوا منه اي واحد بيحاول يدخل الناس في تنازع ..
وبيسيبوا فيه القنوات الي مع الشعب تهيص عشان تفرح
شويتين بعدين تهدى بقه .. بس عن نفسي مش فرحانة برجوع هالة سرحان مثلا لدريم ؟!
ولا فرحانة بلميس الحديدي .. ولا بناس كتير .. ف الاعلام بس هنعمل ايه دول مع الي
متصدرين المشهد بتاع المعارضة
شكرا ^^

[big bốss]

اولآ يا اسيل

النائب العام محمود عبد المجيد قدم استقالته النهارده و عائد الى القضاء بسبب ضغوط

عليه من الجيش و هيتم تعين نائب عام جديد


ثانيآ التعتم عن متظاهرى رابعه العدويه

انتى خارجه من ثوره و الوضع العام متوتر و انتى بتحاربي عصابات شوارع و ناس متعصبه

فلازم كان قرار غلط القنوات و التعتيم عن الى فى العدويه

علشان البلد تهدى و تستقر لان البلد منقسمه

هترضى مين ولا مين ؟

[ღ Gի๐sτ ღ]

من الاخر يا احمد يا يمنع كل الناس والمظاهرات من الاخوان والمعارضين والمؤيدين عشان ينهى الكلام دة

يا اما يذيعوا المظاهرات عادى مع غلق قنوات الاخوان + قنوات الفلول لتهدئة الاوضاع

تخيل ان حصل العكس
ان السيسي تمسك بالشرعية وقفل قنوات المعارضة كلها ومنع الناس من اذاعة مظاهرات المعارضين مع اعتقالات القيادات المعارضة تفتكر اية اللى كان هايحصل ؟ ياترى كنتوا هاتقبلوا بالوضع وتقولوا عشان ميحصلش توتر فى البلد !

انا شايف ان قفل القنوات الاتنين مؤيد ومعارض لان الاتنين اسوء من بعض
واللى بيحصل من السيسى بالسيطرة ومحاولة الانهاء على الاخوان مع اتاحة الفرصة للفلول ياخدوا راحتهم بكل معنى الكلمة رغم كل مساوئهم فدة هايصنع حالة المؤامرة لدى الاخوانين وهايشوفوا ان دى مؤامرة لارجاع الفلول من جديد ومش حياد وبالتالى متستغربش من اي رد فعل منهم ممكن يحصل

[استـثـنـائـيـة]

بالنسبة للنـائب العام

فعودته قرار محكمة من المُفتـرض احتــرامه

وعاما عبد المجيد محمود قدم استقالته النهارده =)

وبالنسبة للتعتيـم الاعلامـى

فالقنـوات الدينية اللى تـم غلقها دى هى اللى كانت مُتبِعة "التعتيم الاعلامى " !

وكانت سبب فى اثـارة الفتـن

من قبـل الثورة كانت قنوات دينية

ومن بعد الثورة كرثت كل عملها واقتصرته بتسبيح حمد مرسى ليل نهار

وسب معارضيه وتكفيرهم !

وقـرار غلق القنوات ده مجرد قرار مؤقت =)