مهياش قضية دين

[جبل عالي]

السلام عليكم ورحمة الله


السلام على إخوتي وأخواتي

السلام على كل مصري ومصرية

السلام على بلدي بكل متناقضاتها بكل فئاتها بكل مشاكلها

السلام ولا شيء غير السلام .....


للأمانة الشديدة كما وضحت من قبل كتير وقليل اننا على شفا حفرة من النار

حفرة الفرقة بيننا وبين بعض ...... انتبهووووووووووا انتبهووووووووا

انتبهوا قبل أن تُنتهَبوا

ستنهبنا أنياب الفرقة وأنياب الحرب الأهلية

يا جماعة قضيتنا مهياش قضية دين بالله عليكم بقا كفااااااااااااااية

محناش كفرة ولا إحنا جداد ع الإسلااااااااااااااااااااام

خلي كلامك ولا كلامها عن القضية السياسية الأصلية

ماتدخلش الدين ومتخلطش وتقولي انتوا مش عايزين تمشوا بالدين

كفاااااااااااية بقااااااااااا

لو فكرتوا شوية بهدوء هتكتشف إن تفكيرك بدينك وغيرتك عليه

مهياش شىء مصطنع ولاجديد عليا ولا عليك وانك إستقيت تمسكك بدينك

من نفس الأرض اللي انا إستقيت منها .... يعني من الآخر

كلنا عايشين نفس الهم وكلنا متعلمين نفس الثقافة وكلنا شاربين نفس المية

يبقا ايه اللي يخليك تفرق وتحط حد بيني وبينك ؟؟؟؟؟

ليه بنتكلم بصيغة ال .....هما ...... وإحنا .....؟؟؟؟؟؟؟؟؟؟


بجد الوضع أصبح من أخطر مايمكن ولاشىء سيعيد الروح اللي بنقتلها بايدينا دي

ياجماعة والله والله والله في شيء غريب بيحصل


لهجتنا بدأت تتحور وتكون عدائية مرعبة

مش شايفين ده ولا ايه ؟؟؟

ده البيت الواحد صبح مقسوم نصين !!!


هنروح على فين يامصريين ؟؟؟؟


هنروح على فين يامصريين ؟؟؟؟

هنروح على فين يامصريين ؟؟؟؟



بلاش تحارب وتفرض عليا إني أؤمن بوجهة نظرك يا إما اكون كافرة !!!

بلاش ترد عليا بشتائم وبسب وإلا أكون إرهابية !!!!

فوقواااااااااااا يرحمكم الله

[big bốss]

يا امل

الشعب المصرى مش منقسم ولا حاجه

هو الشعب المصرى ومؤسساته فى كفه و الاخوان و انصارهم من التيارات الاسلاميه فى كفه تانيه

و طبعآ هما كفتهم فيها فكر منتشر

انهم صح دايمآ و اى حد ضدهم غلط

انهم مسلمين و الى مش منتمى لهم كافر


و الله العظيم اقسم بالله

لما شفتهم بينعتوا المصريين بالكفر و البشرب الخمر و الرقص و العبوديه ...الخ


اقتنعة تمامآ انهم ليسوا مصريين انهم من الخارج لاشعال الفتنه فقط


أيه الى حصل لكل دا


رئيس و فشل فى الحكم و اتشال خلاص

هنقتل فى بعض و نشتم و نكفر و نلعب بالدين ليييييييييييييه ؟؟؟


ربنا يشفى بجد

[موري كول]

فعلا محتاجين نفوق
وربنا يستر علينا وعلي البلد
تسلمي علي مجهودك الرائع في انتظار كل جديد

[مُنـــــايا]

مين قال اننا عايزين انقسام .. في الاول وفي الآخر كلنا مصريين

وقبل ده كلنا مسلمين .. المشكلة انهم بيفكرو بجهاز تانى غير المخ خالص... مفكرين ان سقوط الراجل دة.... هزيمه... ميعرفوش ان وجوده او عدمه هى ارادة الله... وكل امر المؤمن خير... ربنا اللى ولاه ولو شاء خلعه.... انما هما فاكرينها مباراة مصارعة حرة... والبقاء للاقوى... ميعرفوش انه يهب الملك لمن يشاء وينزع الملك ممن يشاء ....

ربنا يهدينا جميعا الي ما يحبه ويرضاه

[gold rose]

لا طبعاً مش كدا خالص .,
والتيارات الإسلامية مش بتقول على التنيين كفرة .,
لو القضية مع احترامي ليكي جداً يا أمل
مش قضية دين القنوات الدينية قفلوها ليه ؟
وهيغيروا الدستور ليه ؟

[سيدة القصر]

الغريب موضوعك لسه أنا وانت كنا بنتكلم فيه من شويه
وبنقول الموضوع مش موضوع دين
وتلاقى برضوا ناس تدخل تقولك دين
ويتهموا غيرهم إنها قضية دين
أنا مسؤولة عن وجهة نظرى وبس
ماليش دعوة بغيرى
لكن شوفى حضرتك أول رد عليك برضوا بيقول ايه
"احنا مش مقسومين
الشعب كله فى ناحية
والإخوان فى ناحية"
طيب ما أنا معرفش حد من جماعة الإخوان ...ومن الشعب المصرى غصب عن أى مخلوق ووطنية يمكن أكتر من أغلبكم
لكن شايفه إن وجهة نظرى بتقول اللى حصل غلط من الجيش
فـ علطول يردوا حضراتهم عليا انتى إخوانية والإخوان إرهاب
تحاولى تفهمى فى الناس تحسى انك بتكلمى فى صنم
مش فاهمة فيه إيه ؟
أنا أهو بأعلن قدام الكل
حتى لو المعارضة الهدامة مش عاوزة الدين وبتقول لا للإسلامييين علشان الدين
أنا شخصيا بدافع عن شئ تانى خالص
الدين فى قلب كل مسلم
بس طبيعى بتختلف درجته من شخص لـ شخص
بلاش بقى موضوع إرهابيين وكفرة
والله ربنا مش هيسامحكم على كل الإتهامات دى
الإخوان مش إرهابيين .. غصب عنكم
والمعارضة مش كفرة .. غصب عنكم
ولا انا ولا انت يا عبد يا ضئيل لنا الحق نكفر حد أو نوصفه بالإرهاب
كل واحد نصَّب نفسه قاضى وجلاد وشاهد زور كمان علشان يفوز وينصر وجهة نظره
بدليل إن ما زال ناس بتتكلم فى القضية ومش فاهمه فروق كتير بين الكلام وعمال تلخبط
التكبر عمى عيوننا وأصبحنا مستعدين نبيع ديننا فى سبيل نصرة وجهة نظر أو فى سبيل ناس تدخل تصقفلك
يا ريت كل واحد يخليه فى حاله
ولو عاوز يبدى وجهة نظره يراعى ربنا وهو بيتكلم ويشتم
"ليس المؤمن بطعان ولا لعان ولا فاحش ولا بذئ "
ودا من الطرفين
فيه طعن وفحش وبذائه فاقت الحد
والكل يقولك أنا مسلم
مين فيكم مسلم ؟
أنا مش شايفه حد بينتهج نهج إسلامى صحيح
كله مستعد لو شاف التانى فى شارع يقتله
مع إن يا سيدى انت والهانم اللى بتتكلم فى كل موضوع كلنا فى الآخر مصريين
لا انت لك حتة أكبر منى فى مصر
ولا أنا ورثاها
حقى زى حقك بالضبط وزى حقها فيا ريت محدش يقول انت خائن
لأن اللى بيخوَّن الناس هو نفسه خائن
ولأنه خائن فحاسس إن كل الناس خونه زيه
هو دا رأيى طول عمرى اللى يخون الناس هو نفسه خائن
أظن اللى مفروض نكون متأكدين منه إن المصريين الشرفاء فقط
فقط
فقط
هم اللى فعلاً يتمنوا الخير لمصر
غير كده معرفش بقى
يا ريت نتعلم نختلف بأدب وبحب فى نفس الوقت
تعرفوا تختلفوا بأدب ؟
فيه ناس بتعرف تختلف بأدب وفيه ناس أبعد ما يكون عن كده
أنا مصرية مسلمة ... مين يقدر يقول لأ علشان أعرف أرد عليه ؟

[** رحيق الجنه **]

تغير الشعب كثيراً منذ الثوره الاولى إلى الآن ..

تفتح فكره .. وأصبح لك شخص مفهومه الخاص ..

أصبح كل واحد لايريد إلى تنفيذ ما توصل إليه فكره
.

إن وجدتى شخص يؤيد الآخر وجدتى خمسه يعارضوا .. ♦


ونتيجه للمعارضه تكونت أنت وأنا ..


لا اله الا الله

[هاني ,,,]

بغض النظر عن الإخوان ،،، ( هم إتشالوا خلاص )

بس الخوف كل الخوف من (( المد )) القادم من الخلف !!

يارب تحفظ مصر .. وأهل مصر

[جبل عالي]

اقتباس المشاركة الأصلية كتبت بواسطة armed forces يا امل الشعب المصرى مش منقسم ولا حاجه هو الشعب المصرى ومؤسساته فى كفه و الاخوان و انصارهم من التيارات الاسلاميه فى كفه تانيه و طبعآ هما كفتهم فيها فكر منتشر انهم صح دايمآ و اى حد ضدهم غلط انهم مسلمين و الى مش منتمى لهم كافر و الله العظيم اقسم بالله لما شفتهم بينعتوا المصريين بالكفر و البشرب الخمر و الرقص و العبوديه ...الخ اقتنعة تمامآ انهم ليسوا مصريين انهم من الخارج لاشعال الفتنه فقط أيه الى حصل لكل دا رئيس و فشل فى الحكم و اتشال خلاص هنقتل فى بعض و نشتم و نكفر و نلعب بالدين ليييييييييييييه ؟؟؟ ربنا يشفى بجد

الله المستعان يانور

كل ده ومش منقسم ؟؟؟ ممممممممم

يارب إحفظ مصرنا يااااااارب

[جبل عالي]

اقتباس المشاركة الأصلية كتبت بواسطة موري كول فعلا محتاجين نفوق وربنا يستر علينا وعلي البلد تسلمي علي مجهودك الرائع في انتظار كل جديد

تسلمي للتواجد القيم


وربنا يسمع مننا كلنا ياااارب

ربنا يحمي مصرنا