ردا على فتحى عيسى

[ابتسامة الزهر]

والاغنية فى بلدى حكاية محتاجة لأكتر من قعده اللى بيفتح بوقه يغنى يتنطط كده زى القرده والمطرب اذا كان بجاعورة بيغطى على ثومة ووردة جمهوره حبة مساطيل والمساطيل فى بلدنا كتير أو حبة شبان فاضيين بيضيع يومه على سرير وولاد الناس المبسوطة إشى سوسو وفيفي وسمير والكلمات مكسوفه أقولها ياما حنسمع ياما حنشوف قالوا اللى مابيخطر على بالك كوز الحبايب خرمه خروف وبيضرب تليفون للمنجا والناس متلميه تشوف واللحن اللى بيزرع يكسب وما فيش فرق بين لحنين غير لحن وحيد بالصفارة بيصفر لحبيب العين واللى يعيد ويزيد فى قديمه معذور مزنوق له فى قرشين وساعات ما بيفهمش المعني مع ذلك نازل تلحين