المشاكل العائلية

انا واحدة لسه بتعلم من الحياة
بحكم سني الصغير
بس وعيت على مشاكل عيلتنا بدري
و دا بسبب ان الكبار دايما يلقحوا قدامنا
و ما بيرتاحوش غير لو دخلوني انا واخواتي طرف ف مشكلة
حتى لو ملناش علاقة بيها
الموضوع وحش جدا لان طول ما احنا معاهم
مش بيتكلموا غير بكلام فيه تلقيح عن حجات قديمة حصلت وسببت مشاكل و مواقف تافهة يكبروها
و نفس الوقت لو حاولنا نتكلم ونقول راي يكون عكسهم يغلطونا ويعتبروا دا عدم احترام مننا ليهم
المشكلة دي كانت في عيلة بابا لان بابا عايش بره مش معانا
و احنا بنتاذي بكلامهم اوي
و مع ذلك بنزورهم عشان صلة الرحم رغم ان احنا بنكون على اخرنا
و نقول مش هنروحلهم تاني بس بنروح بردو
حتى اخر موقف حصل امبارح كننا في فرح ومسلموش علينا مع انهم همة جايين بعدنا
واجنا قاعدين قدامهم وبردو مسلموش ،،
دلوقتي انا بس طالبة ان انا عايزة اتقي شرهم
و كلامهم المؤذي دا
وازاي انا اوصل اني اكون بعيدة عن مشاكل العيلة
و ف نفس الوقت اصل الرحم

[طمطم]

المفروض مش يدخلوكوا انتوا ف المشاكل دى مدام بين " الكبار" مالكوا انتوا بيها !


بصى ,, ركزى ف دراستك ومتحاوليش تكونى طرف ف اى مشكلة حتى لو دخلوكى غصب عنك فيها
وبكده مش هتغلطى ف حد وهتتقى شرهم ..,

[-esraa-]

ما تهتميش وخليكي اكبر منهم ,,
لان طول ما هتفضلوا كده هتتعبي ..
صحيح هما الغلطانين بس خليكي احسن منهم بردو ساعتها هيبصوا على نفسهم بنظرة وحشة وهيعرفوا ازاي هما سيئين ,,

ربنا يوفقك

[♥SaRa]

ـملكيش دعوة بيهم يا قمر
انتي اهم حتجة تركزي ف دراستك وملكيش دعوة بالحوارات دي
هما كبار يتصرفوا مع بعض وانتي كبري دماغك وملكيش دعوة

[нαиαи]

التطنيش هوه الحل =))

[Lamees]

المشاكل العائلية دي مش بتخلص
لو مع الكبار يبقى متتدخليش احسن
ولو مع الصغار يبقى كبري دماغك
طالما انتي مش عارفة ترضى الكل