لعله خيراً ..~

[Lamees]

المشكلة واقعية هي لفتاة تتزوج من شاب الله يسامحه يتزوجها ليرضي اهله
بعد رفضهم الزواج بفتاته وطبعا خناقة وهما بملابس العرس يعني نكد من يوم الفرح
نتج عنه طلاق بعد شهر وكان ثمرة الزواج طفل الأن هو تزوج وانجب ولد وهي لم تتزوج
ولم تعطه الولد وقالت هربي ابني بعد مرور اكثر من سنتين وابنها كفى رضاعته
علماً بانها تقدم للزواج منها اكثر من شخص ولكنها رفضت خوفاً على ابنها وأخيراً
وافقت على شاب عمرة 30 سنة ولم يسبق له الزواج وهي عمرها 25 سنة
وتعمل مدرسة رياضيات وعلى خلق وجمال ودين ولله الحمد
ما حدث بالفعل انها اتخطبت والعريس حالته المالية يعني شوية
فقامت بمساعدته هي ووالدها ووفرته له الشبكة وكانت النهاية انه
دخل على الجوازة دي بغرفة نوم فقط اما باقي غرف الشقة مع المطبخ
كان من نصيب العروسة يعني من الأخر جوازة مش مكلفة للعريس
وكان المفروض كتب الكتاب اليوم مع تنجيد العروسة ايضاً والفرح يوم الجمعة القادمة
اللي حصل محادثة بين العريس والعروسة بالليل نتج عنها نقاش ادي لخلاف وزعل
وفوجئت العروس ان العريس بيقولها
( أحمدي ربنا اني هتجوزك وحطي جزمة قديمة في بئك )
كان وقع الكلام مثل الخنجر الذي يغرز باللقلب
وللاسف كل اناء ينضح بما فيه
وهذا ما كان بداخله ورغم جميع الاعتذارات
توقفت كل الخطط وما كان مرتب له من ترتيبات الزواج
الى ان يثبت حسن نواياه
سؤالي هل هي ظلمته
وهل تمضي قدماً في هذة الزيجة
ام مكالمة التليفون علامة ان هذة الزيجة ستفشل مثل الأولى
ولعله خير ما حدث

ارجوا ان تشاركوني الرأي
ماذا تفعل وبماذا تنصحوها ؟

روني

[جبل عالي]

( وعد بالعودة ان شاء الله )

[✿ Celiηα]

لا هي مظلمتهوش وهي تحمد ربنا ان المحادثة دي حصلت بينهم

عشان ربنا بيحبها لأنها انسانة بجد محترمة وتستاهل كل خير
فعشان كده وفيوم نقل العفش بالذات حصل كده عشان تراجع نفسها
وفالأول وفالأخـر هي بردو تديله شوية وقت وهيبان تاني نيته

[™Amiliya]

من راي اختي روني
يمكن قال الكلمة في لحظة غضب او نرفزة ومقدرش يمسك لسانه ومش شرط يكون اسلوبه كدا او اخلاقه
احيانا في الغضب بيكون الكلام الي بيخرج مننا مبنكونش قصدينه ولو حس بغلطه واعتذر تحط شروطها بعدم التجاوز
لان ممكن جدا يحصل الكلام دا في بيتهم وبعد عشرة طويلة ويقولها كلمة مش حلوة وممكن يصدر منها بردو
تلتمس له العذر وتفكر تاني بجدية وتستخير الله اكتر من مرة والي ربنا رايدو ليها هيكون

[Angel Smile]

شىء مريب جدًا :\ مش قادرة اتخيل انه يحصل اصلا
البنت كدة ممكن يجلها عقدة نفسية طول حياتها من الموضوع ده
فرأيى طبعًا الزواجة مش تكمل تعيش حياتها فبيت والدها معززة بكرامتها
ولا انها تعيش فبيت راجل جواه شيطانه شغال انه من غيره هى ولا حاجة !
لحظات الغضب بتطلع خبايانا اه مش بنبقى متصورين اننا نقول تفكرنا الشيطانى
بس بيتقال :\ و ده مش مبرر طبعا ان دى حالة غضب !
ربنا يوفقلها حالها و ان شاء الله مكتوبلها الاحسن فالجنة

[زهرة الياسمين]

لا لا هيا اللي رخصت نفسها اوي كدة انت بتسمي دي جوازة اصلا ماشي تساعده وكل حاجة بس مش بالطريقة دي كدة هاتخليه يتكل عليها في كل حاجة وهايتعود على كدة
نصيحتي تبعد عنو لان ده لو عندو كرامة ما كانش وافق اصلا ان كل حاجة تبقى عليها كدة وربنا هايرزقها ان شاء الله بانسان يقدرها

[♥SaRa]

ـلا طبعاً هي مش ظلمتة
دي هي تحمد ربنا ان المكالمة دي حصلت علشان تعرف حقيقتة
وربنا خلاة يعمل المكالمة دي علشان ربنا يبين ليها الطريق السئ من الجيد
وهي الي ادتوا الفرصة من الاول ان هو يعمل كدة
لان هي وفرت لية كل حاجة فا حسستوا انها مرمية علية
فا انا من رأي تقبل اي عريس يوكون عادي وكامل من كلة
ولو حصلش نصيب يبقي تربي ابنها لغاية ما يكبر وتعتبر ان زوجها مات

[همسه الجوارح]

بصى ياقمر
فى الاول وفى الاخر ده نصيب
فى ناس كتير بتقع فيه للاسف
وبينتهى الجواز فى ايام قليله جدا وده قدر ومكتوب
واللى بيدفع تمنه هى البنت
اللى بتتحول من بنت لمطلقه
حتى ولو الذنب مش زنبها
وتتحول من درجه اولى لدرجه تانيه
فى نظرات كتير بتروح للبنت
غير المطلقه وكمان معها طفل تبقي درجه 10
كمان لما ساعدته حسسته انه محتاجاه وانها عاوزة تستر نفسها وخلاص
قلل منها كتير
اللى حصل ده فى مصلحتها
لانه بين نيته من اولها ولو هى كويسه تستحق الافضل
جايز تجيلها فرصه افضل
الخير لسه موجود
ربنا يكرمها

[Lamees]

اقتباس المشاركة الأصلية كتبت بواسطة جبل عالى ( وعد بالعودة ان شاء الله )

في انتظارك جبل
وجودك يسعدني ويشرفني
كما اني اثق برأيك
ودي وحبي
روني

[Lamees]

اقتباس المشاركة الأصلية كتبت بواسطة ✿ celiηα لا هي مظلمتهوش وهي تحمد ربنا ان المحادثة دي حصلت بينهم عشان ربنا بيحبها لأنها انسانة بجد محترمة وتستاهل كل خير فعشان كده وفيوم نقل العفش بالذات حصل كده عشان تراجع نفسها وفالأول وفالأخـر هي بردو تديله شوية وقت وهيبان تاني نيته

آه والله هي انسانة محترمة واتظلمت اوي
مع الأول وحرام اوي تتظلم مع التاني
شكراً لنصيحتك حبيبتي
نورتيني
روني