انت انهي فيهم

[™Amiliya]

في اركان الحوارات والنقاش في المنتديات يشبه تماما حواراتنا وسط الناس وفتح المواضيع للنقاش وتبادل الرأي

كل واحد بيفتح موضوع بيكون في دماغه وجهة نظرو الي مركز عليها ومستني يايثبت صحتها او ينفيها
والمحاورين3 انواع من وجهة نظري

1- محاور بيفتح موضوع وبيقبل من الاخرين وجهة نظرهم في الموضوع بدون ضغط عليهم او فرض راي
وبيكون محايد ويتناقش في الرأيين
ودا بسميه المحاور الذكي

2- محاور شايف ان وجهة نظرو صحيحة بصرف النظر عن الاخرين واصراره مش عشان يثبتها لا عشان يفرضها ويحاول باسلوبه الغير لطيف استهياف الاخرين والتقليل من شأنهم او عدم الرد بطريقة لائقة عليهم ومتعرفش تتحاور معاه وجداله عقيم ودا بسميه الجاهل

3- نيجي للنوع التالت المحاور الخبيث وهو الي لا يحاورك ولا يقولك وجهة نظرو ويسيبك برحتك ويسمع من هنا ويخرج من هنا والي جواه محدش يعرفه ومش عايز مشاكل وحتى الموضوع الي بيطرحو بيسلي بيه القعدة او الركن في المنتدى

ناس كتير عندها مواضيع حلوة وقيمة وليها معنى بس مع الاسف تفتقر جدا لاسلوب في تناول طاولة الحوار مع الاخرين

الاسلوب هو اهم بكتير من موضوعك وعشان تجذب الناس مش بكلمات منمقة وحلوة بس لا في الاهم
هي استضافتك للرأي الاخر بطريقة ذكية

-

اسفة طولت عليكم

لكن يجي السؤال الاهم لكل واحد بيشارك في القسم هنا

انت من انهي نوع وبصراحة ولو انت نوع اخر انا مذكرتوش بتمنى نعرفه؟

هل انت بتنجح في ادارة حوار موضوعك؟ وهل موضوعك بتحس انه ناجح بعدد الردود ولا الايك ولا التحاور؟

-

تحياتي للجميع

[big bốss]

بصراحه فى الانواع الى ذكرتيها انا كوكتيل او خليط منها

فبتناقش على حسب عقلية الى قدامى

فيه عقول واثق فى تفكرها فهتقبل منها

و فيه عقول حافظه و بس او متعصبه و بس فدى بجادل معاها و اوقات بريح نفسي و اسيبه

- المحاور الجيد فى نظرى الى يتقبل اراء الاخير و يفرض رايه بنوع من الحكمه

مش يجادل و خلاص و يتمسك برايه

موضوع جميل

ودى و تقديرى لشخصك

[العاشق الذى لم يتب]

قال اخويا نور الله ييمسيه بالخير
ويصلح حاله ييارب
وانت كمان
وكل اللى يمرمن هنا
قال حضرته كوكتيل
وخليط من كل دول
ودى وجهو نظر تحترم
حيث اننا فى قسم النقاش
واكيد كل واحد له حياته وتصرفاته وطريفته
ولكن انا ماأعرفش أكون كوتيل
يعنى لو شوفت حد قدامى اعورهقله انت اعور
شوفته متلون هقله انت متلون
مايهمنيش يزعل يفرح
المهم اللى بحسه واشوفه راح احكى فيه على طول
وانا اظن مافيش احسن من اللى يق4ول الصراحة والحقيقة
مهما تكون مرة ومألمة
وهو فيه اجمل من الصراحة
وليه اللف والدوران
وليه الواحد فينا مايبقاش دغرى
ويبقى لبق ويحافظ على ادب الحوار والمناقشة
وليه مانحنرمش وجهة نظر الىخرين
وليه نحجرعلى أراء الآخرين طول ماهى لم تكن على هوانا
كما تحب لنفسك
حب للآخرين
شكرا لك اختى
طرح رائع
دمت بخير
مودتى

[Aya 7ekaya]

بصى دى بتختلف من موضوع لاخر

يعنى اوقات انا بنزل موضوع عن حاجة انا مقتنعه انها غلط وبرده بناقشها مع الاعضاء وبكون مقتنه انها غلط

وفى قضيه تانيه ممكن اكون متذبذبه فيها وبحاول اوف رايى الناس

[♥SaRa]

ـانا ولا وآحد من دول ^^
انا من النوع الي بيفرض المشكلة بحب اسمع الارآء واسمع الاختلاف وارد واتناقش معهم بكل برآءة ولست متعصبة لدرجة المشادة
وهي بتكون غالباً علي حسب الموضوع والشخصية الي قدامك وانت بتناقشهافا الوآحد بيحاول ع قد ما يقدر علي مسايرة الشخص دة حتي يفهمها ويتأكد انها صحيحة وهو فاهم ذلك ومتأكد وليس حافظ
ـاها الحمد لله ناجحة بفضل ربنا ^^
انا موضوع النقاش لما بنزلة لا يقل عن عشر ردود مهما كان وبعدين بقي الردود الي اعلي اعلي

[M.O.R]

بصوا انا عامة نوع قريب اوى من رقم 3 بس انا بسمع الاراء وبسكت مش علشان معملش مشاكل علشان سبب تانى خالص من وجهة نظرى سبب يقود الى وسيلة تكسبك ما هو اغلى من الذهب

[ساحر الأحزان]

انا بعتبر المحاور رقم واحد هو افضل واحد فيهم لأنة بيقدر يحتوى طاولة الحوار وبيخرج بمضمون هادف من دون

الدخول فى تجريح الأخرين لبعضهم البعض

ودة بيخرج بالموضوع لبر الامان من دون الهجوم والتعدى على الغير عكس غيرة

مفيش وراة حاجة غير انة يسكب البنزين ويولعها بين المتحاورين

موضوع قيم منك

دمتى بكل خير

[™Amiliya]

	المشاركة الأصلية كتبت بواسطة big bốss

	بصراحه فى الانواع الى ذكرتيها انا كوكتيل او خليط منها فبتناقش على حسب عقلية الى قدامى فيه عقول واثق فى تفكرها فهتقبل منها و فيه عقول حافظه و بس او متعصبه و بس فدى بجادل معاها و اوقات بريح نفسي و اسيبه - المحاور الجيد فى نظرى الى يتقبل اراء الاخير و يفرض رايه بنوع من الحكمه مش يجادل و خلاص و يتمسك برايه موضوع جميل ودى و تقديرى لشخصك

فعلا اتفق معاك المحاور الجيد يتقبل راي الاخرين مهما كان الاختلاف لانه من اداب الحوار
وانت محاور جيد صدقا نور
نورتني

[™Amiliya]

	المشاركة الأصلية كتبت بواسطة الرجل المتواضع

	قال اخويا نور الله ييمسيه بالخير ويصلح حاله ييارب وانت كمان وكل اللى يمرمن هنا قال حضرته كوكتيل وخليط من كل دول ودى وجهو نظر تحترم حيث اننا فى قسم النقاش واكيد كل واحد له حياته وتصرفاته وطريفته ولكن انا ماأعرفش أكون كوتيل يعنى لو شوفت حد قدامى اعورهقله انت اعور شوفته متلون هقله انت متلون مايهمنيش يزعل يفرح المهم اللى بحسه واشوفه راح احكى فيه على طول وانا اظن مافيش احسن من اللى يق4ول الصراحة والحقيقة مهما تكون مرة ومألمة وهو فيه اجمل من الصراحة وليه اللف والدوران وليه الواحد فينا مايبقاش دغرى ويبقى لبق ويحافظ على ادب الحوار والمناقشة وليه مانحنرمش وجهة نظر الىخرين وليه نحجرعلى أراء الآخرين طول ماهى لم تكن على هوانا كما تحب لنفسك حب للآخرين شكرا لك اختى طرح رائع دمت بخير مودتى

فعلا وللحوار اداب وشروط لبدأ الحوار بجدية ومصداقية وليس كل محاور او.كل من وضع موضوعا هو محاور او حتى يتصف بااخلاق المحاورين ومن يديرون طاولتها
نورتني متواضع

[™Amiliya]

	المشاركة الأصلية كتبت بواسطة aya 7ekaya

	بصى دى بتختلف من موضوع لاخر يعنى اوقات انا بنزل موضوع عن حاجة انا مقتنعه انها غلط وبرده بناقشها مع الاعضاء وبكون مقتنه انها غلط وفى قضيه تانيه ممكن اكون متذبذبه فيها وبحاول اوف رايى الناس

معاكي حق بيختلف من موضوع لموضوع لكن هناك ناس تفرض رايها بطريقة مستفزة تجعلك
تقررين بينك وبين نفسك عدم الدخول في مواضيعهم حتى وان كانت تجذبك
نورتيني ايه