الفتوة والحرافيش

[عبدالحميد ايوب]

امشي يا وحش ودوس
متخفش م الحرافيش
حقق ارادة الشعب
وطحفش الخفافيش
وعشان ميحلا اللعب
لابد م التحابيش
واللي يعدي البحر
ميخافشي م الطراطيش
************
كان فيه فتوة عسل
في حارة م الحارات
السبحة دايما ف ايده
ف البوظة والحانات
العدل كان مبدؤه
ولا عمره خد اتاوات
بس الكلام الكتير
ملي عقله بالحكايات
****************
ف يوم صحي م النوم
قال نفسي ابقي رئيس
ركب حماره المصفح
وزود المتاريس
ونادي ع الواد زناتي
ابن الخديوي خميس
وقاله قوم هات فؤاده
تنزف علي عتريس
****************
فؤاده ست النسا
تبقي مرات موسي
وياما قالوا عليها
دي شابه محروسة
هو جواز الفتوة
غير جواز الناس
ولا الشرف يااا بشر
بقي فيه كمان كوسة
***************
اعجب ما في الحكاية
المطبلاتيه
قالولوا ابسط يا عم
دي فؤادة بلطية
انت الوحيد اللي تقدر
تلاعبها ف الميه
ضحك الفتوة وقال
اللعب ده شغلتي والملاغية
****************
بس العجيب ف الامر
خدوا موسي ع الدوار
قالولوا اكتب تنازل
انت اللي سبت الدار
موسي قال للفتوة
ف وشه انت حمار
عاملي راجل يا كلب
وانت زي الفار
***************
بص الفتوة بغيظ
وقالوا بكرة تشوف
انا وانت راجل لراجل
واللعب ع المكشوف
قال للغفير اضربه
مات الغفير م الخوف
اجر شوية كلاب
و راحولا بالمولوتوف
**************
قتلوا قرايبه وحبايبه
وطلعت الاخبار
موسي قتل ف قرايبه
حرق الخيام بالنار
لابد من حرق موسي
القاتل الجزار
قتل القرايب حرااااااام
قتل القرايب عار
****************
اهل البلد مقسومين
والرك ع الاعلام
فيه ناس مع موسي
واقفين معاه بنظام
وناس علي موسي
بتنادي بالاعدام
بقت البلد نصين
والرك ع الافهام
****************
لسه النهايه بعيد
معرفشي ايه هيه
وفؤاده حتروح فين
وسط التملية
لعبة مصالح وحطه
الكل في الخية
كل الكلام اللي فات
انا شفته بعنيه
*********
تبقي الحكاية حكايتي
دي حكاية مصرية

[المنسي في الحياة]

مشكوووووور والله يعطيك الف عافيه

[احساسى صحيح]

تشبيهات رائعة تحكى واقع مؤلم نعيشة جميعا
نص غنى بالعبارات التى تخفى حقيقة يرفضها الجميع
قلمك راقى
دمت بخير

[العاشق الذى لم يتب]

لها الله مصر
وابدا لن تموت
وابدا سيبقى الحق مرفوعة رايته
شكرا لك شاعرنا
بارك الله فيك
تقبل تحياتى وودى

[الرحــاال المٌتَمرد]

حَفظ الله أرضاً و شعباً ؛؛ و أحقن دماء المصريين
إسلوب يٌحاكي جٌزء مِن الواقع ؛؛ راقتني حقاً
شٌكراً لك أيٌها الجميل

[ويبقى الأثر]

رب العباد موجود
وقالها ف كتابه
الحق مش بيموت
وبيرجع لأصحابه

حتى الزمن ان طال
والظلم قوى نابه
فى يوم ابيض لامحال
العدل فيه أساسه

وفؤاده مشكلتها
كانت فى حلاوتها
كل من شافها طمع
لكن الإله حارسها

راح ترجع لحبيبها
الأصلى ده نصيبها
ولغيره ماراح تكون
وتانى ماراح يسيبها

اخى كتبت فأبدعت إسلوب وتشبيهات متقنه وصريحه
ربنا يحفظ وطنا من كل شر وفتنه اللهم امين
ارق التحايا لروحك

[عبدالحميد ايوب]

المنسي في الحياة


جزاك الله خيرا

[عبدالحميد ايوب]

احساسي صحيح
تقبل الله مني ومنك
وحمي مصر واهلها
اميييييييييييييييييين

[عبدالحميد ايوب]

اخي الراقي الرجل المتواضع
جزاك الله خيرا
اسعدني تواجدك الكريم
رعاك الله وحفظ مصر واهلها
امييييييييييين

[عبدالحميد ايوب]

الرحال المتمرد
دائما يسعدني تواجدك
واسعد فيها بتعليقاتك
شكرا لمرورك العطر