اسفاااااااف

[نسيم الاسلام]

انا رحت انضم فى مرة 00 لقلة مندسة
بالتهميش والظلم عمرها ما كانت حاسة
لقيت خلق كتيرة تقول : مصر بناسها
بتاع يجى مليون وبيذيدوا لسه
ياعينى على القلة 00 ياليلى على المندسة
فتشونى وانا داخل بايادى خارجية
ايادى مطلطخة بالفول والطعمية
قولت فى نفسى اكيد دى عجينة دولية
لمحت بنت بعيد ماشية بيافطة فى الميدان
ياترى مكتوبة بفارسى ولا مترجمة فى لبنان
تلاقى كاتبه عليها الحلوة دى من طهران
ولا اشوف فى ايديها الوان علم ايران
قربت لقيت مصرية وكاتبة : احنا ليه بنتهان ؟
شاب بيعزف عود بأصابع خارجية
تلاقى كاتب النوتة فى اجندة دولية
قربت لقيته بيعزف اغانى الشيخ امام
ويرد عليه الشعب يقول00 الشعب يريد اسقاط النظام
بقى هى دى القلة اه ياعرة الاعلام اه يابوق النظام
ياساقط ابتدائية 00 فى اختراع اسمه قنوات فضائية
يعنى ماسمعتوش عن حاجة اسمها دش
ولا مزهقتوش من التظليل والغش
وبعد ده كله لسه المذيع ليه وش
ايه ياعم الاعلامى يا ابو الكلام شفاف
طلتك على الشاشة توحى بالاسفاف
بطل بعقولنا كدب واستخفاف
انا رحت اندس فى مرة فى قلة مندسة
بالتهميش والظلم عمرها ماكانت حاسة
ده المنظومة فاسدة من ساسها لرسها
الدم كان بيسيل 00 وده جايب صوره النيل ...




ومع زالك لسه فى ناس بتصدقهم حسبى الله ونعمه الوكيل


riham

[سارة بنت مصر]

[النآي الحزين]

تسلم الايادي