عاوزه احول =((

[نور ونار]

اكيد اضم صوتى لاغلبيه اللى قبلى

بس تعالى معايا واحده واحده كده

اولا مشفاهمه حاجه
ده طبيعى فى بدايه اى مرحله
جديده اول سنه بتكون اصعب بكتير
من اى سنه بعديها لانها رهبه
ومرحله جديده ولسه الانسان مش اتكيف
على النظام مش متعود عليه
وكلنا حاسينا بصعوبه اولى ثانوى دى
من نفس الشله اللى دخل منها طب وصيدله
واللى دخل منها اداب وتجاره
فالموضوع هنا عادى جدااااا
اما موضوع البيت وتتفرغى ليه !!!
ده طبعا مرفوض واهلك اصلا عمرهم
ما هيوافقوا على حاجه زى كده
احنا بنات ومعروف اصلا عننا
اننا نقدر نعمل كذا حاجه فى وقت
واحد فمش هضيعى مستقبلك
عشان كام سنه ممكن الكل يتعاون
معاكى فيها
وكلنا عملنا شغل بيتنا عادى يعنى

ام موضوع الفنى والثانوى
انا شايفه لفه الفنى اصعب بكتير من الثانوى
لو ناويه تحققى حاجه الفنى بتاخدى كام
سنه ورا بعض عشان تدخلى حاجه كويسه وبتذاكرى برده
وبتتعبى مع انك ممكن تدخلى بسهوله من الثانوى عن
طريق الادبى الكليه دى من غير اللفه دى
لو حاطه عينك على كليه قمه فالموضوع بيكون
اصعب من حيث الامكانيات فى الفنى ضعيفه
والاهتمام كمان من حيث المدرسين نفسهم واهتمامهم بالطلبه
وكمان الجو العاااام اصلا مختلف

حبيبتى اتكلى على الله وكملى ثانوى
وعلى فكره قبل ما انهى كلامى
كان ليا قريب جايب فى اعدادى
تنسيق الثانوى على درجتين
يعنى داخل ثانوى بالعافيه ومستواه وحش
بشهاده كل الناس ذاكر واجتهد مع انه ضعيف
لدرجه انه كان عايز يثبت حاجه كان بيبيع
فونه وساعته وكل حاجه عنده
عشان ياخد فى الماده عند مدرسين لان باباه
كان رافض المدرسين ده بيحاسب على مدرس واحد
وهو بيشتغل عشان يحاسب على التانى
نجح وجاب مجموع ودخل كليه كويسه
بالاصرار والاراده كله هيبقى تمام
الله يرحم والدتك يجعلها ليكى سبب
انك تصرى على مستقبل افضل
تحيتى

[esra2 mohamed]

ربنا يقدملك الخير ان شاء الله
بس فكره عدم استيعابك دى نتيجه فكره انتى حبستى نفسك جواها
الاالاف فى الثانوى وعدوا الفكره انك تتخلصى من الفكره الى انتى حطتيها
لنفسك وتحطى هدفك
وممكن تستعينى بكتاب فن اداره الوقت وكتب دكتزر ابراهيم الفقى هتفيدك


امما بالنسبه للبيت امره سهل انتى ممكن تفضى يومين ف الشهر تشدى البيت فيهم شده محترمه
ويوميا تدى ساعه للبيت او اتنين بالكتير تاكدى فيها على اعمالك الى انتى عملتيها
وتحافظى على الشغل الى اشتغلتيه ولازم الى فى البيت يساعدوكى انهم يحافظولك على
مجهودك ف البيت
فكرى وربنا معاكى

[♥SaRa]

بـصي يا قمر اولا: ربنا يرحم مامتك يتولاها برحمتة
ثانيا: هي فعلا ثانوي صعبة
ثالثا: انتي ليكي طموح لية تدفنيهاولو كانت مامتك موجودة مكنتش هتسمح بكدة لانها اكيد عيزاكي الاحسسن
فا متضيعيش مستقبلكـ علشان البيت
ومتتحججيش بيها لأن انتي لو نظمتي وقتك صدقيني هتكونوا كويسسة وتاخدي راحتك فـ المذاكرة
انما انتي قدامك طموح
وارجح انك تظلي فــ العام
وربنا يوفقك يا حبيبتي

[dяєαм..|♥]

اقتباس المشاركة الأصلية كتبت بواسطة رنين اولا ربنا يرحم والدتك يارب ويجازيكى خير عن صبرك لفراقها ثانيا لازم تحددى هدفك وانتى عايزه ايه يعنى مثلا انتى بتقولى نفسك فى كلية قمه واكيد ده كمان كان حلم ماما الله يرحمها يبقى ليه لاا عارفه انتى مش بتفهمى ال بيتقال ومش بيدخل دماغك لانك حاطه فى دماغك فكره معينه وهى انا انك عايزه تحولى وتسبى الثانوى العام وتتفرغى للبيت وحاجات كتير بدلى الفكره دى بفكرة انك لا هتوصلى وليكى حلم وعايزه توصلى له هو انتى مممكن من الفنى تكملى تقريبا كليه هيبقى طريق طويل شويه فى كل الاحوال ال عايز ينجح بيتوكل على الله وبيعمل ال عليه وربنا مش بيضيع تعبه بس انتى لازم تفكرى كويس وتصلى استخاره علشان مش ترجعى تندمى بعد كدا انك مش كملتى وتفضلى تقولى ياريتنى كنت عملت او تستنى من ال قدامك رد فعل وتقدير معين ومش تلاقيه فتحسى انك ضيعتى كل حاجه بصى لقدام شويه الطريقين هيوصلوكى لايه وهتبقى مرتاحه ومرضيه ولا لا وايه البدائل التانيه طبعا البيت ومسؤلياته مجهود كبير عليكى بس انتى ممكن تقعدى مع ال معاكى فى البيت تفهميهم انتى عاوزه ايه وتقدرى تعملى ايه وايه ال مش تقدرى عليه واكيد هم هيساعدوكى وهيقفو جمبك لان نجاحك نجاح ليهم كلهم ربنا ييسر ليكى الامور يارب ويهديكى للصح

امين ي رب
انا لو دخلت ثانوى فنى خلاص بقى مش هفكر ادخل كليه قمة ولا غيره اصلا
شكرا ي رنين ع ردك
تسلمى ي رب ,,, دعواتك بقى ^^

[dяєαм..|♥]

اقتباس المشاركة الأصلية كتبت بواسطة prinsecs lolo بصي هي ثاانوي عام صعبة جدا وعلي فكرة انا قديكي اولي ثاانوي عاام بس انتي لازم يكون ليكي هدف في الحياة وعايزة تحققية ولو ليكي هدف هتذااكري وهتعملي اي حاااجة عشات تحققي هدفك او حلمك انا كنت زييكي في الاول كنت هحول بس قولت لاء انا ليا هدف ولازم اوصلة وربنا يوفقنا كلنا وشوفي اللي في مصلحتك واعملية عشان دة في الاخر قرارك انتي لوحدك واللي انتي شيفاة صح اعملية وربنا يوفقك

اهاا ربنا يوفقك ي جميل
انا اه حلمى وهدفى انى ادخل كليه قمه ,,, بس برضو حلمى انى اشوف عيلتى مرتاحه وممكن اضحى عشان كده
شكرا ع ردك ^^

[dяєαм..|♥]

اقتباس المشاركة الأصلية كتبت بواسطة ✿ celiηα يعني هتضيعي مستقبلك وحلمك عشان البيت ! ده كلام واحدة عاقلة ينفع تقولي كده ! اللي فالبيت مقدرين اللي انتي فيه وبعدين دي كلها 3 سنين وجامعة مش صعبة وهتقدري توفقي فيها ثم ان انتي ملغبطة ومحبطة عشان كده مش فاهمة حاجة فالدروس ونصيحتي ليكي ثانوي عام مش صعبة لواحدة شاطرة زيك وهتقدري توفقي بين الدراسة والبيت ان شاء الله واللي فالبيت معاكي هيقدرو ده واللي بتعمليه وربنا يرحم مامتك يارب دي نصيحتي ليكي وشوفي اللي يريحك

لا مش عشان البيت ,, عشان اهل البيت :d
البيت مش حاجه بسيطه مسؤلياته كتيير
غير حاجات تانيه كتير اوى انا مقولتهاش ف التوبيك
تسلمى ي سيلينا ع ردك
منورة ^^

[dяєαм..|♥]

اقتباس المشاركة الأصلية كتبت بواسطة روح صامتة انت طلاما بتقولي انهم غالبا مش هيوافقوا يبقى اكيد ان دا ناتج من فكرة ان همة هيرفعوا عنك التكليف شوية ف بداية دراستك ثانيا انا و انا قدك كنت بعمل كل حاجة ف البيت بمساعدة اخواتي و كنا بنخلصه قبل ما نذاكر و بهد ما نذاكر دا امر روتيني مش محتاج تفرغ منك له ثانيا انت ربنا كرمك ووصلتي لمرحلة قوية بفضل مجهودك اختيارك لحاجة تانية مش عيب بس هوة الوحش انك تطلعي اسباب رغما عنك عشان تحولي اعتقادا منك ان دا الصح اولا لازم الي ف البيت يشاركوك شوية شغل البيت و كمان انت وجهيهم انك بتتعبي و لازم تتفرغي شوية لدروسك ثانيا اعتقادك انك مش فاهمة حاجة دا بيفكرني بنفسي لان مستحيل معلومة نلزق من اول مرة دي مرة انت بتاخديها من الاستاذ ببساطة و ترجعي البيت تفتحي عليها تخلي اي حد ف البيت يقراها معاك سلي نفسك لان واضح انك ضاغطة نفسك اوي عقلك بس بيحتاج ةقت عشان يكبر و يستقبل المعلومة ملهاش دعوة بانك فاشلة و ربنا يرحم والدتك و يتغمدها بواسع رحمته تسلمي ي جميل ارق تحياتي

والله انا مش بطلع اسباب ولا حاجه
دى حاجه اصلا مش فرحانه منها ,, يعنى قرارى انى احول ثانوى فنى ده مش مفرحنى
انا فعلا ضاغطة نفسى اوى اوى
امين ي رب
شكرا ي مى ع ردك ^^

[dяєαм..|♥]

اقتباس المشاركة الأصلية كتبت بواسطة خارج عن القانون الخيرة فيما اختاره الله انتى خلاص قدمتى عام وكمان ابتديتى الدروس يبقا خليكى زى ما انتى ووانتى فى الترم الاول بعد شهر والا اتنين عيدى التفكير فى الامر وشوفى اللى هينسبك بعد شهر او اتنين مش بعد يوم او يومين

مانا قولت يعنى احول من الاول
بدل ما ادخل فى جو المذاكرة والدروس وبعدين ارجع افكر تانى ,, هتعب اكتر كده
ربنا ييسر بقى ,, شكرا ع ردك ^^

[dяєαм..|♥]

اقتباس المشاركة الأصلية كتبت بواسطة -esraa- انت حاطه قدامك هدف وهو انك تدخلي كلية من كليات القمة يبقى لازم تسعي إليه‏ انت بس خلي عندك طموحات وأمل وهتتجاوزي كل الصعوبات عشان توصلي لهدفك‏ والبيت اكيد اللي فيه هيقدر انك محتاجه لوقت اضافي في المذاكره وممكن تخلي بيتك في اوقات فراغك وكده‏ فانت بس استعيني بالله وشوفي قدراتك وهدفك واسعي إليه وبإذن الحال ربنا هيسرلك الأمور

هما مقدرين اصلا الموضوع ده ,, بس انا اللى عاوزه اريحهم
شكرا ي اسراء ع ردك
دعواتك بقى ي قمر ^^

[dяєαм..|♥]

اقتباس المشاركة الأصلية كتبت بواسطة موري كول انا حولت امبارح فني !! مع اني بحلم اروح كليه كبيره من وانا في ابتدائي !! انزلي اقري حكايتي ^^^^^^^^^^^^^^ والله بالظبط كأنك بتوصفيني انا برضو قدمت في ثانوي عام وروحت الدروس اسبوعين وبعدين مره واحده كده حسيت اني مش هعرف اكمل ابدا في الثانوي لان الثانوي عايز انظباط جامد وقولت احول فني وبعدين اخدت رأي اصحابي والمدرسين كمان واخواتي وكل الناس في اللي قالي حولي لانك لو حاسه انك مش هتعرفي تكملي خلاص مش تظلمي نفسك وفي اللي قال لاء خليكي في الثانوي علشان تروحي كليه وان الفني مش ضامنه انك تروحي كليه يعني ممكن اجي علي الاخر واكسل واقول كفايه دبلوم بصراحه انا احترت وزملتي قالتلي اخليني في الثانوي المهم قلت خلاص علي بركه الله اكمل بقي ثانوي وانظبط في الدروس ومش بقيت افتح النت بس برضو لقيتني مش عارفه اذاكر اوي ولا اظغط علي نفسي شويه في المذاكره مع العلم اني كنت جايبه 230 في الاعدادي فبعد كام يوم رجعت قلت تاني لماما اني هحول فني ماما قالتلي تاني هنتكلم في الموضوع ده تاني مش كنا خلاص خلصنا منه المهم قعد اصلي استخاره وبقيت مش عارفه يوميها انام من التفكير شويه افكر في الثانوي وان بعده الكليه اللي بحبها وشويه افكر في الفني وان ممكن اتفوق فيها برضو واروح كليه حقوق او تربيه او تجاره انجليزي او معهد فني تجاري بس برضو اخاف اني لما احول اكسل في اخر سنه واقول كفايه عليا بقي فني والله وكنت تعبانه جدا من التفكير ده لدرجه اني وصلت لاني بقيت اقول في نفسي ياريت الانتحار كان حلال والله كنت انتحرت وفي الاخر بقي قلت خلاص هروح احول والحمدلله حولت وان شاء الله اتفوق واخد كليه بعد الفني وماما قالتلي يلا علي البركه لعله خير مش يمكن الفني فيه خير ليكي عن الثانوي المهم نزلت تاني يوم الصبح انا وبابا وبنت عمي وحولت بس هي دي كل الحكايه وخلاص هاخد برضو 3 دروس بس فرنساوي ورياضه ومحاسبه وعلي فكره اللي خلاني اطمن اوي للتجاره ان بنت عمي في 3 تجاره وطمنتني خالص خالص وقالتلي ان المواد سهله اوي اوي واخيب بنت بتجيب 18 من 20 في المحاسبه ودرس الانجليزي بيديهم 6 كلمات بس في الحصه يتحفظو والجغرافيا سهله اوي اوي الدرس سطرين ومش محتاج درس والفرنساوي مبسط عن بتاع الثانوي وبقيت المواد تجاريه سهله خاص بس هي دي كل الحكايه معلش طولت عليكي وان شاء الله ربنا يوفقك للي فيه الخير وانا بجد حاسه بحرتك دي لاني جربتها

ربنا يخليكى ي مورى
ويجزيكى كل خير ع مجهودك ده ^^
وشكرا ليكى ع الافاده بقى
وربنا يقدم اللى فيه الخير ان شاء الله ^^