فى دمى مصر ..منقول

[على محمد محمود]

مصر...
قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور

وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي

وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها

أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد


مما راق لى

[تجملت بالعفآف]

كلمات جميله

عجز قلمي عن الرد عليها زي باقي المرات

هنا وجدك حرووف دفيئه وفيه لوطنها

شعرت بالأمان والطمأنينه بين أجواك ياا مصر

سلمت اناملك ع الكلمات الجميله

ودي

[رووكه]

مصر هى آم كل الاوطان

معنى آمن وآلامان

مهما بعدنا وسافرنا

بنحن لحضنها وتراب آرضها

حفظ الله مصر وشعبها وكل شئ فيها


آآآمين


تسلم اخى على ما راق لك من اختيار

دعواتى

[على محمد محمود]

اقتباس المشاركة الأصلية كتبت بواسطة ورده الأحلام كلمات جميله عجز قلمي عن الرد عليها زي باقي المرات هنا وجدك حرووف دفيئه وفيه لوطنها شعرت بالأمان والطمأنينه بين أجواك ياا مصر سلمت اناملك ع الكلمات الجميله ودي

تحياتى لمروك العطر
انارتى متصفحى المتواضع
لا حرمنى الله من طلتك
تحياتى لشخصك الكريم

[على محمد محمود]

اقتباس المشاركة الأصلية كتبت بواسطة رووكه مصر هى آم كل الاوطان معنى آمن وآلامان مهما بعدنا وسافرنا بنحن لحضنها وتراب آرضها حفظ الله مصر وشعبها وكل شئ فيها آآآمين تسلم اخى على ما راق لك من اختيار دعواتى

يسلم مرورك الرائع
لا حرمنى الله من طلتك
مصر فى دمى
تحياتى لشخصك الكريم

[بحر النسيان]