سعدونى

السلام عليكم ورحمة الله وبركاته

انا بنت عندى 24 سنة متعلمة وحياتى تمام الحمدالله فكرة الجواز عندى زى السفر
اللى باريس مستحيل ودة من كتر ما اللى اتجوزو حولية عقدونى ومش شايفة اى شاب يكون القبل بتاعى
غير ان كان عندى قصة حب وفشلت فا قرارت ان مرجعش اللى التجربة دى تانى وان انا كدة حلو اوى
فا اى عريس بيجى بتاكك وارفض واهلى مش بيغصبو علية عشان ميتقلش جوزو بنتهم غصب
بس الامر ذاد بقة بدء بابا واهلى يشكو ان الرفض دة بسبب ان اكون بحب حد ولا حاجة وبدء
يديقو علية الحال الخروج بحساب مفيش فسح مفيش خروج لوحدى لحد لما من اسبوعين جالى عريس
ابن صاحب بابا وشريكو فى الشغل
انا قبل ما يجى شوفت فلم البنت بتقول اللى العريس ارفض انت بقة لان
ان مش عجبنى و و و وخاليها تيجى منك بدال ما احرجك الفكرة عجبتنى وقرارت اعمل كدة

وفعلا جوة وكلو تمام وقعت معاه هو اصلا مهندس فى الحربية
بعد ما خلص هو كلام وكان لطيف بصراحة لحت انا قيللو بقة
ان مش بفكر فى الجواز وانت شاب كويس بس انا مش عيزة اتجوز فا ارفت انت بدال ميتقال
انك بشمهندس كدة واترفضت بجد انا خايفة عليك اوك انا هقول ان فى قبول من عندى
بس انت ارفض لان انا مش حسة ان مرتحالك وفى نفس الوقت مش عيزة احرج حد ومامتك تزعل منى

راح مصصلى وقالى اوك

وفعلا انا قالت اللى ماما اوك وبضحك كدة وخلاص بقة
راح هو كمان قال انا موافق وان شاء الله يا عمى اكون جوز صالح اللى بنت

انا جالتلى سعتها السكتة وكلو مبررررروك و هو ماشى بقة جة جنبى وقالى بصى انا هتجوزك عشان
اعلمك تتعملى مع الناس ازى واعدل فيكى الخط الاعوج اللى سيقة على الناس
هتبقة جوازة سودة عليكى يا قمر يالة سلام تلفونات بقة يا عروسة

وحيات ربنا دة اللى حصل وفعلا الخطوبة تقربا كدة تمت وانا مش عارفة اتصرف
صحابى بيضحكو وبردو مش لقين حل

يعنى اية دة حد يرتبط با حد عشان يعلمو الادب هو اية اصلو دة

وانا مش عارفة اروح اقول اية اللى بابا اقولو كانت بهزر بجد تفكيرى هيتشل

اعمل اية

[تجملت بالعفآف]

هههههههههه

لا دا شكل خطيبك ظريف جدا ههههههه

بصراحه دا قدرك ي عثل ولو ربنا كاتبلك انك تكملي معاه هتكملي

لو مش كاتبلك هتتفركش الجوازه لاي سبب

وهو لما قالك هعلمك الادب دي دعابه بس مش اكتر

اكيد طبعا عارف هو انه اهلك ربوكي كويس ..الخ

علشان كدا اتقدم ليكي ولو انتي وحشه زي ما بقول مكنش خبط ع الباب

ومن رأئي كملي معاه (( وقل لن يصيبنا الا ما كتب الله لنا ))

وربنا يتمملك ع خير

ومبروك ي عروسه

[✿ Celiηα]

هههههههههه والله حرام عالناس اللي بيعقدو البنات فالجواز دول
حبيبتي مش معنى انك مريتي بتجربة حب فاشلة يبقى كل الناس وحشة
الواحد بيتعلم من تجاربه صح ولا ايه
ولازم تجربي مرة واتنين وتفشل وتحاولي تاني وهكذا يا قلبي
وعلى فكرة اللي اتقدملك ده شكلو بيحبك وهيسعدك
لأن لو اي واحد وكان سمع كلامك ده كان مشي وسابك وقال انا ايه اللي هيغصبني
لكن هو متاكد انك كويسة هي بس شوية تعقيدات بسيطة
وباذن الله تتحل وحاولي تقربي منه بقى وتممي الخطوبة يا قمر
وربنا يوفقك ويسعدك ،،

[esra2 mohamed]

هههههههههه
انتى بتشكرى فيه وانه شخص كويس
وكده كده لازم هترتبطى وتتجوزى ومش معنى فى ناس اتجوزت وفشلت
يبقى الكل كده بصى حواليكى تلاقى اكيد فى تجارب ناجحه
وانا واثقه ان الشاب ده هيسعدك جدا
انا سمعت عن نفس تجربتك دى وحصل نفس الموقف
بس بعد كده عاملها بمنتهى اللطف والحب
اقبلى المره دى وحاولى تكونى كويسه معاه
يمكن ربنا يجعله زوج صالح ليكى
وحاولى تغيره فكرته عنك

[Afreeta]

هههههههههههههههه الف مبروووك ههههههههههههه

[خارج عن القانون]

من وجهة نظرى هو عاوز يتجوزك بشدة
وممكن كمان يكون بيحبك

وهو الكلام اللى قلهولك ع جمب ده كان ع سبيل الهزار
بس هو عايزك انتى لشخصك مش عشان يربيكى

[عاشق متيم]

اقتباس [color=#]فكرة الجواز عندى زى السفر اللى باريس مستحيل ودة من كتر ما اللى اتجوزو حولية عقدونى ومش شايفة اى شاب يكون القبل بتاعى [/color]

يعنى ايه فكره الجواز عندك زى السفر ؟؟؟ يعنى عاوزه تعيشى راهبه مثلا ؟؟؟
مش نفسك تكونى ام ؟ مش عاوزه شخص ياخد باله منك ويرعاكى ويهتم بيكى
غير كده الزواج هو ارتباط فطرى وهذا الارتباط من ايات الله فى الخلق والابداع ؛
( ومن اياته ان خلق لكم من انفسكم ازواجا لتسكنوا اليها )
ربنا خلق الرجل والمرأة من نفس واحدة ؛ فيبحث الرجل عما يكمله من النساء والعكس .
غير كده هو انتى بتكونى رأيك عن الجواز من صديقاتك !!!!!!!!!!!!!
طب ليه مش كونتى فكرك من خلال السنه النبويه ومعامله النبى لزوجاته والحث على الزواج منعا للفتنه .
وليه مش كونتى رأيك عن الزواج من خلال بابا وماما .

اقتباس غير ان كان عندى قصة حب وفشلت فا قرارت ان مرجعش اللى التجربة دى تانى وان انا كدة حلو اوى

الحاله اللى عندك دى حاله نفسيه ومحتاجه حاجه فى علم النفس على ما اتذكر اسمها
التربية الوقائية ( انا مش دارس علم نفس وكنت قرأت كتب عن الحالات دى كتير )
وانتى محتاجه التكوين النفسي وبناء الشخصية من جديد ، ومن خلال المعرفة والتعاملات يمكنك تعويض المكونات النفسية التي ترى أنكى قد افتقدتيها، واعرفى ان الدنيا مش بتقف على حد ومش ينفع تعتزلى الدنيا بناءا على تجربه فاشله ..
الحياة فيها تحديات وصعوبات كتير والشخص القوى هو اللى يقدر يتغلب على الصعوبات دى .........

اقتباس [color=#] وقعت معاه هو اصلا مهندس فى الحربية بعد ما خلص هو كلام وكان لطيف بصراحة لحت انا قيللو بقة [/color]

معنى كلامك انك قعدتى معاه لوحدكم !!!!!!!! وانكم انطبقت عليكم الخلوة لانكم اتكلمتم ومحدش سمعكم ..
ازاى اهلك سمحوا لكى بكده ؟؟؟؟ ومش عارفه ان ده مخالف للدين ؟؟؟ وازاة الشخص ده قبل على نفسه كده ؟؟
نسيتم قول النبى صلى الله عليه وسلم لا يخلون رجل بامرأة إلا مع ذي محرم. وقال صلى الله عليه وسلم: ألا لا يخلون رجل بامرأة إلا كان ثالثهما الشيطان. و قال صلى الله عليه وسلم : من كان يؤمن بالله واليوم الآخر فلا يخلون بامرأة ليس بينها وبينه محرم.
نسيتم كل الاحاديث دى ؛ بس مش انتم لوحدكم اللى نسيتم !! ناس كتير بقت بتنسى
وبقت بتبيح لنفسها حاجات حرام ولا تجوز ...

اقتباس وان شاء الله يا عمى اكون جوز صالح اللى بنت

لو كنت زوج صالح وتعرف الله ؛ كنت لن تسمح لنفسك انك تختلى بامرأة من غير محرم ..
وازاى من قبل ما تتجوزها تقول لها حوازه سودا والكلام ده !!!!!!
وفى ناس قالت هزار !!!!!!!!! هو يعرفك علشان يهزر معاكى
انا شخصيا مش موافق على العريس ده ومش عندى ثقة فيه ..........
وحكايه ان والده شريك والدك مشككانى فى حاجات ..........
وانتى قلتى ان اهلك مش هيغصبوكى على الجواز .........
فلو انتى مش عايزاه ومش مستريحه له افسخى الخطوبه ..
لان الجواز مفيش فيه تجارب وان البنت رقيقة بالنكاح يعنى بنبغى توخى الحذر عند زواجها وعدم زواجها الا للشخص الذى يتقى الله فيها .........
اعملى للشخص ده اختبار ؛ وهنا هتعرفى تتأكده اذا كان عاوزك ولا لأ ....
قولى له انا مشغوله بواحد تانى وهو هيجى يخطبنى ؛ لو سمع كلامك ده واستمر؛ اعرفى انه معندوش كرامه ولا رجوله وساعتها افسخى الخطوبه ؛ لكن لو رفض انه يستمر ؛ اعرفى انه شخص كويس ؛ واعتذرى له ساعتها وقولى له كنت بختبرك وتممى الزواج ......................

[زهرة الياسمين]

هههههههههههه
لا بجد شاطر
بس بصي هوا مستحيل يدبس نفسو برضو كدة مفيش واحد يخطب واحدة غصب عنو هوا اكيد ارتحلك وانتي بتقولي برضو انو لطيف فخلاص جربي كدة قربي منو واتكلمي معاه يمكن ترتاحيلو ويحصل قبول بجد واستخيري كمان وربنا يوفقك
بس بجد عجبتني الحركة ^^

[♥SaRa]

هههههههههه
حاجة مسخرة الصراحة ههههههه
والله مش عارفة كلام عاشق شتتني يعني فعلاً مفروض مكنتوش تعدوا لوحديكم
وفـ نفس الوقت ان زمننا الحآلي ان الحكاية دي عادي جداً
وبيقولوا انة وقت تعارف مش اكتر وبعدين يا عاشق اكيد مامتها وباباها برة يعني مفيش مشكلة
فا مش عارفة اقولك اية
بصي الله اعلم هو نيتة اية !
فا امشي عادي وخلي الامور تمشي ببساطة
ولو ربنا يريد ان الجوازة تتم هتم
ولو ربنا مش عايزها تم اكيد مش هتم
وحاولي تصلي صلاة استخارة
بس من وجهة نظري انا صوراحة
انك تقبلي لأن شكل دمة خفيف وظريف ^^
ربنا يتمم عـ خير يا عروسة :d

[الحب الوردى]

بصى يا بنوته الجواز نصيب وقدر ويمكن ربنا شاء انه يوافق عشان يكون نصيبك وممكن اوى انه قدر يخليكى تحبيه ومش معنى ان ف جوزات فشلت او انك فشلتى ف علاقتك يبقى كل الجواز وحش لالالالالالالالالا دا بيبقى نصيب وقدر وبصراحه والراجل دمه خفيف وما دام بتقولى كويس خلاص
وربنا يوفقك ويقدملك الصالح يارب