استطلاع للراى : مدارس مشتركه

[big bốss]

السلام عليكم ورحمة الله و بركاته

بدأ العام الدراسي من جديد

و احببت ان اعرف رايكم فى نظام الاختلاط بين الشباب و البنات

لانه من الاسباب الرئيسيه فى ظهور الكبت و التمرد على الاخلاق و تقاليد المجتمع

فالتفرقه بين البنت و البلد فى التعليم له سلبياته و له ايجابيته

فالتفرقه تخلق الكبت و الممنوع مرغوب بشده و الحرمان يخلق انجذاب

و تخلق نوع من الاراده لاكتشاف المخلوق الاخر و عمل علاقه معه

اما الاختلاط يجعل الامور طبيعيه و ليس هناك غموض عن الطرف الاخر



فما رايك :-

1- ايهم افضل المدارس المشتركه بين الشباب و البنات ام المنفصله فى الثانويه العامه

و الاعداديه و الابتدائيه ؟


2- الفصل فى الكليات افضل ام الاختلاط بين الشباب و البنات ؟

[فروتى روتى]

بجد موضوع مهم جداااااااااااا
وانا بفضل المدارس والكليات النفصلة
ودة لعدم اختلطهم مع بعض

[big bốss]

اقتباس المشاركة الأصلية كتبت بواسطة فروتى روتى بجد موضوع مهم جداااااااااااا وانا بفضل المدارس والكليات النفصلة ودة لعدم اختلطهم مع بعض

و ليه الانفصال فى التعليم شيفاه كويس ؟

[Ŗăήćy]

احنا مدرستنا مشتركة وهاتفضل مشتركة عادى
انا من رائيى انه لما يكون مشترك احسن
لان لما يكون مشترك هايكون فى نوع من المنافسة مع البنات والولاد ولما حد فيهم يغلط هايتحرج
لكن لما يكون كلهم بنات عادى بئا مش هاتفرق البنت تغلط قدام صحباتها وكمان ممكن يبوظوا اخلاق بعض ومايكونش فيه حد فيهم شاطر^^

موضوع جميل ياهندسة تسلم ايدك
ومتابعة معاك عشان نشوف اراء باقى الاعضاء

[big bốss]

اقتباس المشاركة الأصلية كتبت بواسطة Ŗăήćy احنا مدرستنا مشتركة وهاتفضل مشتركة عادى انا من رائيى انه لما يكون مشترك احسن لان لما يكون مشترك هايكون فى نوع من المنافسة مع البنات والولاد ولما حد فيهم يغلط هايتحرج لكن لما يكون كلهم بنات عادى بئا مش هاتفرق البنت تغلط قدام صحباتها وكمان ممكن يبوظوا اخلاق بعض ومايكونش فيه حد فيهم شاطر^^ موضوع جميل ياهندسة تسلم ايدك ومتابعة معاك عشان نشوف اراء باقى الاعضاء

قلتى نقطه مهمه يا رانسي

الاختلاط بيخلق نوع من التنافس بين الجنسيين

فى التعليم و فى التميز

( البنات بتبوظ اخلاق بعض و نحن نمنع ذالك )

[فروتى روتى]

لا مش حكاية شيفة كويس بس
دة افضل بكتير من وجهة نظرى
لان الدول الغربية هى اللى اختارعت
الحكاية دى مش الدول العربية يعنى

[Lost Pearl]

انا كنت طول عمري فـ مدرسة مشتركة من kg1 لحد الكلية اهو باردو مشتركة و عادي جدا

من رأيي المشتركة احسن لأن الولاد و البنات مش عو لبعض يعني

ما احنا كلنا عايشين فـ المجتمع مع بعض

يعني مش هنخلي في حدود وهمية بين الولاد و البنات

و كمان ده بيخلي الموضوع عادي ،، مش زي ما البنات و الولاد بينبهرو لما يدخلو الكلية عشان في بنات كتير او في ولاد كتير

تسلم ع الموضوع يا نور

[نور ونار]

الاجابه عن الاستطلاع يحتويها الموضوع نفسه
الذين يريدون الانفصال فى المدارس من باب اولى
ان يفصلوها فى الشارع والموصلات والعيله الواحده
والجامعه وهنا هتواجه مشاكل اعنف بيعانى منها فعليا
الدول صاحبه تجارب الفصل !!
مدارسنا والجامعه منذ نشاتها وهى مشتركه
وفقا لكل منظومه اجتماعيه موجوده ومؤسسه موجوده
هفصل بين البنت والولد فى المدرسه والجامعه
ويتخرجوا ويشتغلوا فى مكان واحد ؟!!
هيتعاملوا ازاى ؟؟
وطبعا بالاضافه للمشاكل النفسيه والاسباب
الموجوده فى راس الموضوع
اما اخلاقيا وحكم المجتمع والشرع
فى ذلك المؤسسات امشتركه
لها ضوابط شرعيه تحكم الاختلاط
وهناك اختلاط محمود واخر مذموم
ومثل اى شىء فى حياتنا لها حدين
وطريقه استخدامنا والفكر هى المحدد لها
موضوع قيم نور
تحيتى

[موري كول]

والله انا شايفه ان مفيش فرق اذا كانت مدارس مشتركه او منفصله
لان البنت طول ماهي محترمه وملهاش دعوه بحد وواثقه من نفسها محدش هيقدر يكلمها
لان البنت بتقابل ولاد في كل مكان بتروحه في المدرسه والجامعه والدرس والشغل والشارع والسفر وكل حاجه فاطلاما البنت محترمه خلاص عادي حتي لو الولاد قعديين معاها في نفس الديسك

ده رأي مع ان انا في مدرسه منفصله

موضوع يستحق النقاش فعلا

[امواج الحزن]

دوما نحصر تفكيرنا نحن الشعوب العربية بهذه الامور

صديقي العزيز
اذا كانت المدارس مفصوله فسوف يتم التلاقي في الجامعة
فلماذا نخلق هذا الشعور بالكيت لدى الاجيال