اعفاء المصاريف المدرسية "رأيك"

[♥SaRa]

	المشاركة الأصلية كتبت بواسطة islam hagras

	اهلاً يا سارة انا معاكى لا أوافق على القرار لإن بالطبيعى اليتيم والفقير معفيين من المصروفات اذاً اللى هيدفع هوا القادر ! والبلد الآن فى حاجة الى الأموال فا كدا احنا بنظلم الدولة بجانب ان انا سمعت ان القرار دا لو اتطبق هيتم خصم 10 جنيه من ظابط و5 جنيه من كل جندى او عسكرى فا كدا احنا بوظنا النظام خالص وظلمنا ناس كتير وأخيراً ملحوظة أخيره السيسى ملوش دعوه بالموضوع دا

اهلاً يـاسلم منور
اهااااا دهـ الي انا عايزهـ اوصلة ليهم آخيراااً حد فهمني
اها ما انا عرفت كدهـ
سوري غلطة مطبعية بقي ^^
نورت

[♥SaRa]

	المشاركة الأصلية كتبت بواسطة ۩۩ elMagic ۩۩

	القوات المسلحه ملهاش علاقه بالقرار دا .. وانا بصراحه مع الاجراء داا بنسبه كبيره لان مفيش أكتر من الغلابه فى البلد وكمان الخصومات اللى اتعملت بخصوص المستلزمات المدرسيه دا كله فى صالح المواطن المصري .. وبعدين هما الكام مليون بتوع المصاريف دول اللى هيوقفوا حال البلد ولا هيأثر حتى على إراداتها ! روحي اشتري مستلزمات المدرسه وإستعدي للدراسه يا ساره

خـلاص يا احمد فضحتوا الوآحد دهـ اية دهـ
قولنا غلطة مطبعية بقي
ما الوآحد عارف بس مش هيحصل حآجة لو قللوا السعر شوية انما مش اعفاء نهائي
وغير كدهـ هما اصلا كدهـ كدهـ الناس الي عندها ظروف خآصة بيكون ليهم معاملة خآصة وبيتراعي ظروفهم .
صراحة بالنسبة لمستلزمآت المدرسة عندنا مفيش اي خصومات دهـ بالعكس غليت اكتر القلم الازرق الي كنا بنجيبة بجنية بقي بجنية ونص والحآجة كلها نفس النظام
مفيش خصومات ولا حاجة !!
اها الكام مليون دول يعملوا حآجآت كتير جداً
عن اي دراسة تتحدث انا مش مستغنية عن نفسي آحج
اركب مترو والاقي فية قنبلة ولا نيلة انا لسة عايزهـ اعيش حياتي
نورت آميدو^^

[ساحر الأحزان]

ويعنى لو حصل حيتدفع منين مهو من ميزانية الدولة

لو المصاريف حتتدفع للغير قادرين والمحتاجين يبقى تمام

انما حتعمم على الكل يبقى كلة حيتدفع منين

من الميزانية

يبقى الافضل فى الحالات دى يكون للغير قادرين والمحتاجين

نايس سارة بالتوفيق

[♥SaRa]

	المشاركة الأصلية كتبت بواسطة ساحر الأحزان

	ويعنى لو حصل حيتدفع منين مهو من ميزانية الدولة لو المصاريف حتتدفع للغير قادرين والمحتاجين يبقى تمام انما حتعمم على الكل يبقى كلة حيتدفع منين من الميزانية يبقى الافضل فى الحالات دى يكون للغير قادرين والمحتاجين نايس سارة بالتوفيق

أهـا يا امجد ما كدهـ كدهـ الي عندهم ظروف خاصة او يتمي او كدهـ بيكونوا مفين اصلا من المصاريف واي حاجة تانية
فا يعني القادرين هما الي اصلا من زمان بيدفعوا فا مش هيقصر معاهم فـ حاجة
نورت امجد ^^

[معذب القلب]

بصراحه رائ الى معاه مال ومستواه المادى عالى يدفع الضعف ثلاث والى معهوش من الاسر الصفيره يعفى وهذا يشيل هذا

[دمعه حائره]

قرار صح بس فى المقابل الاسعارذادت فى حاجات تانيه
غير ان فيه مدارس خاصه ارتفعت مصاريفها بشكل كبيرجدا
هى محاوله للتخفيف عن الناس يمكن تشجعهم ينتظموا فى الدارسه
لان فيه كتير ناس مابتقدرش تدفع المصاريف وتمنع ولادهم من التعليم

[زهـــ*ــرة النرجــس*]

استغربت من القرار
بس لقيته من وجهة نظري صح لان مش كل الأسر تقدر تدفع المصاريف
وده كمان هيشجع الاسر اللي مش قادرة تعلم أولادها انهم يعلموهم
تسلمي على طرح الموضوع
ربنا يوفقك

[جبل عالي]

هى مجرد محاولة يابنوتة لجبر القليل من خاطر الشعب

محاولة بسيطة ...لأن على الجانب الآخر

هتعرفي ان المدارس الخاصة عملت العكس الصحيح

بمعنى بدل ماكانت بتاخد المصاريف على أقساط

لا ..... لغت العرض ده والسنة دي بقا عايزة المصاريف بالكامل

لطووول السنة ... لا وايه بيقولوا لأننا مش ضامنين انتظام الدراسة اصلا

بجد هى متناقضات وظروف غريبة نتعرض لها

ربنا يستر يابنوتة على اللي جاي ان شاء الله

[مصر فوق الجميع]

اولاً هما اصلا 50 جنيه ولا حاجه

مش كتير يعني

ثانياً انا مع القرار ده

لأن فيه ناس كتير في مصر مرتبهم قليل ومش بيقدروا يدفعوا المصاريف دي

فمش معنى اننا معانا فلوس الحمد لله يبقى منحسش بالناس الفقيره واللي مش بيقدروا يدفعوا


مع احترامي لرأيك طبعاً


موضوع جميل يا قمر

[اوتار الليل]

اسمحيلى تصحيح معلومة :
ليست هناك رواتب متأخرة أو ناقصة .. وغريب ان اسمع هذه المعلومة ..
وان كانت الحكومة قد أعفت الطلاب من المصروفات فهذه لمسة جميلة
لرفع بعض الأعباء عن أولياء الأمور في ظل تضخم وارتفاع الأسعار ..
وربنا يهدى الحال ونسمع دائما أخبار كويسة ..
بس يارب الطلاب لا يطالبوا بإعفائهم من الحضور أيضا ههههه