ضحكت يبقى قلبها مال

[ساحر الأحزان]

بسم الله الرحمن الرحيم

ضحكت يبقى قلبها مال؟ولا دى تبقى بنت يمين ولاشمال؟

معروف أن الضحك والهزار لتخفيف حالة الجو ورفع من حالة الكأبة والبرطمة

ومحدش يقول يعنى أية برطمة ولا الكلضمة لأنى جايبهم من المعجم اللغوى
القديم فريح نفسك وما تبحث عنهم لأنهم أنقرضو من فترة قصيرة مع تداخل,

اللغات فوق بعضيها وخرجت لينا الشمال واليمين ,,

ما علينا أحنا لما نكون متجمعين فى مكان واحد شباب ,,مع بنات والشباب بيضحك مع البنات ولا لما البنات بتضحك مع الشباب من باب العفوية ومن باب

الصداقة هل لما بنت تضحك أو تهزر مع شاب يبقى خلاص قلبها مال

وروميو بقى يحلم ويحلم أن سندريلا خلاص قلبها مال وبقت ميتة فى حبة
ويعشم نفسة بقى ويقول خلاص وجدتها..

هل الشاب لم يضحك أو يهزر مع بنت يبقى خلاص بيحبها وميت فى رموش عيونها؟

لية أحنا بناخد الأستلطاف والضحك من باب المجاملة بناخدها

بصورة تانية ؟

هل ما ينفع أن دة بيتم فى حالة من جو الأخوة والصداقة فى المكان الى جمعنا

ولا لازم ندخل دة فى دة ..

هل صعب أننا نقدر نتحكم فى مشاعرنا ونفصل بين

حاجة أسمها ضحكت يبقى قلبها مال

ولا ضحكت يبقى دة أسمة من باب المزح العفوى لطبيعة الموقف ؟

أية رئيكم فى كلامى؟

منتظر التعقيب

تحياتى

[Angel Smile]

الضحك و الهزار ليهم حدود
يعنى حتى لو كان فى هزار مع اى شاب لازم يكون فالحدود
بس مش يعنى يتدخل فالضحك صوت عالى من البنت و ضرب بالايد والخ
فال بيفرق فالموضوع كله الحدود
هى البنت تعدت حدودها ولا لأ

مشكور الموضوع بقى

[معذب القلب]

مش عارف بصراحه ايه البنت ضحكت والولد ضحك وعاكس وعاكست هناك شئ واحد معروف وهوا حب القلب الذى لا يعلى عليه شئ الذى يجعل الانسان فى قمهع سعاده ويعمل المستحيل لمن يحب ويكون اقوى مخلوق على وجه الارض لمن يفكر ان يجرح هذه الانسانه وارق مخلوق على وجه الارض امامها انما ما اره اليومين دول كل مراهقه بنات مكملتش 15 سنه وكلها شغل عيال سيبك انت المهم ااننا كبرنا لكننا لسه ملحقناش كلمه قلبنا مال هذه

[ساحر الأحزان]

اقتباس المشاركة الأصلية كتبت بواسطة angel smile الضحك و الهزار ليهم حدود يعنى حتى لو كان فى هزار مع اى شاب لازم يكون فالحدود بس مش يعنى يتدخل فالضحك صوت عالى من البنت و ضرب بالايد والخ فال بيفرق فالموضوع كله الحدود هى البنت تعدت حدودها ولا لأ مشكور الموضوع بقى

أكيد طبعا ليهم حدود

على شان متقلبشى عكسى

ونعرف نفرق بين دة وبين دة

بشكرك لجميل اهتمامك بالتواجد

[big bốss]

دلائل الحب اصبحت الان اقل ما يكون تافهه

مجرد ان تغمز بعنيها يبقى قشطه

مجرد لما تضحك تبقى فله اتظبتت

مجرد لما تديك رقم الموبيل يبقى ياهوووو

و هكذا ،،،،،،

دلائل رخيصه ابعد ما يكون عن الحب

بلاش تغمزلى يا امجد ^_*

[Nàdøỡsha]

أكيــَد لآ طبعـآ

أولآ ..الحــب بيبقـــَى إحسـّآس مــش مجــرد ضحكــهه ضحكـوههـآ لبعـض ..

وثـآنيآ .. إنهم يـقولــوآ على البنت شمــآل لـو ضحكــت فـده يبقـى تفكيـره سـورى يعنـى متخـلف ، لآن فــى بنـآت بطبـعهاا حبـوبـهه وبتحـب تضحك وتههـزر كتـير لكنـ بأخـلآق وههـى مؤدبـه مش الضحكـه اللى هتخليههــآ شمّــآآل ..

لكـن عن نفســى .. أنا خـجـوله جدآ ع الطـبيعـهه ,, بــس لـو معـآكسـه مثـّلآ أو مــوقف ظـريف مبقـدرش مبتسمــّش ^^ بس مش لدرجــه الضحكـ والهـزار o.O

ومـوضوع حـلو أوي للنقاش تسلم ..

[صمت الشفاه]

عادي لو بيبقي فيه حدود يعني من غير ضرب او حتي شتيمة بالهزار
ومش لازم يعني تضحك لدرجة ان الدنيا كلها تتفرج عليهم في حدود في الاحوال اللي زي دي

[زهرة الياسمين]

اانا قرات كتب في علم النفس والحالة دي اسمها فراغ عاطفي
البنت بيبقى حواليها مثلا بنات بتحب بقى وكدة ويقعدوا يحكولها وهيا ياعيني مسكينة كدة وسطهم فبتحس بقى لو اي حد قالها كلمة حلوة او حتى بصة ان هوا بقى بيموت فيها ويتدبس هوا ياحرام
ده انا حتى مرة واحدة صاحبتي بتحكيلي ابن خالتها بقالها ترقيبا 3 سنين ما شافتوش فمرة هيا كانت رايحة مع مامتها تزور اخوه متجوز وكدة وبقالهم كتير مازارهمش زيارة عائلية يعني فهوا جه يوصلهم بعربيته فتبص في المراية فلمحته باين كان بيبصلها الله اعلم هيا بتوقل كدا ومن ساعتها بقى وهيا مصدعاني يابنتي والله معجب دا اكن بيبصلي قلتلها اشربي ميه قبل ماتنامي واتغطي كويس هههههههه
ونفس اللي بيحصل للبنات بيحصل للشباب الفراغ العاطفي ده برضو والبنات دلوقتي اصلا هما اللي بقوا يضحكوا عالشباب الدنيا اتقلبت وحدش بقى فاهم حاجة
حلو الموضوع تسلم يااارب

[دمعه حائره]

الهزار ليه حدود ولازم البنت تعمل حساب لاصحاب النفوس الضعيفه
ومااعتقدتش مجرد هزار عادى بين مجموعه شباب يتفسر انه اعجاب او حب
الا فى خيال الولد بس

[ساحر الأحزان]

اقتباس المشاركة الأصلية كتبت بواسطة معذب القلب مش عارف بصراحه ايه البنت ضحكت والولد ضحك وعاكس وعاكست هناك شئ واحد معروف وهوا حب القلب الذى لا يعلى عليه شئ الذى يجعل الانسان فى قمهع سعاده ويعمل المستحيل لمن يحب ويكون اقوى مخلوق على وجه الارض لمن يفكر ان يجرح هذه الانسانه وارق مخلوق على وجه الارض امامها انما ما اره اليومين دول كل مراهقه بنات مكملتش 15 سنه وكلها شغل عيال سيبك انت المهم ااننا كبرنا لكننا لسه ملحقناش كلمه قلبنا مال هذه

الابتسامة معذب من باب المجاملة بيكون بحدود على شان لو زاد عند حدة

اتقلب ضدة فكل شىء بحساب متبقاش العملية سيبة على الفاضى والمليان

نورت بجميل ردك