ضحكت يبقى قلبها مال

[ساحر الأحزان]

اقتباس المشاركة الأصلية كتبت بواسطة big bốss دلائل الحب اصبحت الان اقل ما يكون تافهه مجرد ان تغمز بعنيها يبقى قشطه مجرد لما تضحك تبقى فله اتظبتت مجرد لما تديك رقم الموبيل يبقى ياهوووو و هكذا ،،،،،، دلائل رخيصه ابعد ما يكون عن الحب بلاش تغمزلى يا امجد ^_*

مهو الدلائل دى بقى يا نور معاها قول على الحب يلة السلام

خصوصا بقى لما تبقى العملية قرنبيط على قولك قبل كدة

ويتوة معاها الشعور الجميل وتخش فى مجرد تضييع الوقت

نورت يا بيج بجميل ردك

[ساحر الأحزان]

اقتباس المشاركة الأصلية كتبت بواسطة nàdøỡsha أكيــَد لآ طبعـآ أولآ ..الحــب بيبقـــَى إحسـّآس مــش مجــرد ضحكــهه ضحكـوههـآ لبعـض .. وثـآنيآ .. إنهم يـقولــوآ على البنت شمــآل لـو ضحكــت فـده يبقـى تفكيـره سـورى يعنـى متخـلف ، لآن فــى بنـآت بطبـعهاا حبـوبـهه وبتحـب تضحك وتههـزر كتـير لكنـ بأخـلآق وههـى مؤدبـه مش الضحكـه اللى هتخليههــآ شمّــآآل .. لكـن عن نفســى .. أنا خـجـوله جدآ ع الطـبيعـهه ,, بــس لـو معـآكسـه مثـّلآ أو مــوقف ظـريف مبقـدرش مبتسمــّش ^^ بس مش لدرجــه الضحكـ والهـزار o.o ومـوضوع حـلو أوي للنقاش تسلم ..

منا بقلك لازم نفرق بين الابتسامة والكلمة الحلوة

وعلى شان منسمعشى بقى كلمة عكسية زى ما قلت

وتوصل درجة التفكير لمرحلة الاستخفاف بعقول الغير

بشكرك لجميل ردك

[جبل عالي]

الله الله

بجد ياساحر منورنا حقيقة وتساؤل قيم

وطرح أقيم بأسلوب واعي ومميز كعادتك دائما


طيب نقول بقا .... مش هنسأل عن الكلمتين ماااااااشي

ويامعجمااااااااتك يا ساحر

اما للموضوع .... حقيقة لسه بسأل نفسي السؤال ده

ليه الناس بقت بالشكل ده ؟ المسيطر عليها بس .....تفسير الغير

حسب هواهم هم ؟؟؟!!! مش مشكلة بقا فين الحقيقة ولا النية ايه

المهم هم شايفيت فى فلانة دي ايه ولا فلان ده ايه

طب وبعدين ؟؟؟ نفسنا نتعلم ننتقد نفسنا الآول ونفسر تصرفاتنا الأول

قبل ما نتجاوز حدودنا لغيرنا ..... يمكن خرجت عن موضوعك

لكن لازلت فى مضمونه العام ... انا تفسير تصرف البنت كده

فأرجع وأقول ............. مش لازم البنت تتساهل أوي فى الأنفعال

والضحك خصوصا فى التجمعات لأن الشباب مهما تطور ومهما تمدن

لايمكن ينسى شرقيته المسيطرة ... ومحدش يقولي لا مش مسيطرة

لا بقا هي مسيطرة ومسيطرة بالقوي كماااااان بس محتاجين مواجهة


ولكل شاب يترجم تصرفات البنت بالشكل ده .... نصيحة

(تطور بفكرك لو سمحت .......... زهقتونا بتفسيراتكم الهشة دي)



شكرا لك ساحر لطرحك القيم

[♥SaRa]

فـعلاً والله يا امجد
حاجة مستفزهـ جداً
لو شافوا بنت مآشية مع ولد تبقي شمال لو شافوا بنت بتضحك مع ولد تبقي بردوا شمال
بس عارف اية المشكلة المشكلة مش في البنت انها شمال المشكلة ان هما الي دئماً دماغهم شمال
لكن طبعاً كل دهـ بحدود الاحترام
طالما اصدقاء وشلة مع بعضيهم وزمايل انما مثلا مش وآحد ماشي فـ الشارع تعد تبص لية وتضحك تبقي دي فعلاً الشمال الحقيقية
بجد موضوع جميل تسلم

[Eng Esraa]

و الله موضوعك جميل اوي
و فعلا بقي موجود كتير الايام دي ان الشاب
بيفهم ضحكة البنت معاه او كلامها او طريقتها الكويسه انها
خلاص ميته فيه مثلا هههههه و البنات برضوا ع فكرة كتير اوي منهم
بيفهموا كده برضوا لما الشباب تكلمها بكل احترام او تقف معاها ف موقف
كاخ مش اكتر هي مش بتفهم ده و ف ناس تانيه بتفهمها بطريقه تانيه خالص
انها قلة ادب ازاي شاب و بنت بيتكلموا مع بعض اصلا و هما مش فاهمين حاجه
..... و الله انا لو ثعدت اتكلم من هنا لبكرة مش هبطل ههههه بس يلا بقي
اكيد مش كل الناس زي بعضها ... سوري ع الاطاله
و تسلمــــ ايـــدكـــــــ

[™Amiliya]

البعض يرى الاهتمام نوع من الحب
والبعض الاخر يفسره صداقة واخوة
كل واحد حسب عقله الي واخده مكان مايريد

مش هنقدر نفهم الناس سبب كل تصرف نعمله
ولا مش هنبقى ع طبيعتنا مع الاخرين
ونبقى متكلفين او نصطنع الاشياء والافعال والكلمات
عشان نرضي ناس هي مصرة تحطنا في قالب ترضي بيه نفسها
وتتخيل ان دا ذكاء وانه فاهم الاخرين مع الاسف

بس ممكن يكون احيانا الغلط مننا في تخطي بعض الحدود وعشم مننا مع الاخر
انه فاهمنا صح

لكن انا راي ان الانسان يبقى طبيعي بتصرف بطبيعته بس بشوية حذر مع بعض النفوس
الي عايزة تظبيط ايقاعات حياتية

بشكرك بجد ع التوبيك ياامجد

[ساحر الأحزان]

اقتباس المشاركة الأصلية كتبت بواسطة صمت الشفاه عادي لو بيبقي فيه حدود يعني من غير ضرب او حتي شتيمة بالهزار ومش لازم يعني تضحك لدرجة ان الدنيا كلها تتفرج عليهم في حدود في الاحوال اللي زي دي

مهو احنا بنقول الحدود مطلوبة لان الوضع لما يزيد حيتقلب على صاحبة

واهه بقى لو دخل فى ضرب ولا شتيمة

يبقى دة الى تخاف منه لان الحدود كدة راحت

بشكرك لجميل اهتمامك

[ساحر الأحزان]

اقتباس المشاركة الأصلية كتبت بواسطة زهرة الياسمين اانا قرات كتب في علم النفس والحالة دي اسمها فراغ عاطفي البنت بيبقى حواليها مثلا بنات بتحب بقى وكدة ويقعدوا يحكولها وهيا ياعيني مسكينة كدة وسطهم فبتحس بقى لو اي حد قالها كلمة حلوة او حتى بصة ان هوا بقى بيموت فيها ويتدبس هوا ياحرام ده انا حتى مرة واحدة صاحبتي بتحكيلي ابن خالتها بقالها ترقيبا 3 سنين ما شافتوش فمرة هيا كانت رايحة مع مامتها تزور اخوه متجوز وكدة وبقالهم كتير مازارهمش زيارة عائلية يعني فهوا جه يوصلهم بعربيته فتبص في المراية فلمحته باين كان بيبصلها الله اعلم هيا بتوقل كدا ومن ساعتها بقى وهيا مصدعاني يابنتي والله معجب دا اكن بيبصلي قلتلها اشربي ميه قبل ماتنامي واتغطي كويس هههههههه ونفس اللي بيحصل للبنات بيحصل للشباب الفراغ العاطفي ده برضو والبنات دلوقتي اصلا هما اللي بقوا يضحكوا عالشباب الدنيا اتقلبت وحدش بقى فاهم حاجة حلو الموضوع تسلم يااارب

المشكلة بقى زى ما بتقولى فراغ عاطفى

هو الفراغ دة ما نقدر ننمية بحاجة غير الحب والاعجاب

ولا دة الى دمة خفيف على القلب وانتى وضحتى بمثالك بصلها

امال بقى لو كان ضحك واتكلم

بشكرك زهرة لجميل ردك

[انا ماني]

أولآ ..الحــب بيبقـــَى إحسـّآس مــش مجــرد ضحكــهه ضحكـوههـآ لبعـض ..

وثـآنيآ .. إنهم يـقولــوآ على البنت شمــآل لـو ضحكــت فـده يبقـى تفكيـره سـورى يعنـى متخـلف ، لآن فــى بنـآت بطبـعهاا حبـوبـهه وبتحـب تضحك وتههـزر كتـير لكنـ بأخـلآق وههـى مؤدبـه مش الضحكـه اللى هتخليههــآ شمّــآآل ..


ومـوضوع حـلو أوي

[Lamees]

لا طبعاً التعامل العادي مه المزاح الخفيف
لا يدل نهائي عن حالة غرامية
هو بس الشيطان بيزين حاجات وحاجات
لاختلاق المشاكل يلا بقى شغلته

شكراً للموضوع الجميل ساحر