لتحميل الفيديوهات من اليوتيوب بإستخدام متصفح الفاير فوكس ::

[۩۩ elMagic ۩۩]

آحم آحم ناس كتيره متعرفش تنزل اى فيديوهات من اليوتيوب على جهازها فا قولت أنزلكوا شرح بسيط علشان تريحونا من الطلبات وتجيبولنا الاغاني ومقاطع صوتيه جاهزه مبدأيا لازم يكون عندكـ متصفح الفايرفوكس هتعمل الخطوه دي من القوائم الرئيسيه عندكـ وبعد ما هيدخل لـ صفحه Add-ons هتكتب I Clock Youtube Video Downloader فى مستطيل البحث زي ما هو واضح كده هتظهرلك قائمة برامج خاصه بالمتصفح واليوتيوب زي ما هو واضح كده وتختار منها البرنامج اللى مظلله بالاحمر وتضغط Install هيظهرلك فى نفس المكان شريط تحميل سيبه يكمل تحميل للأخر وبالمناسبه الاضافات دي مهمه جداا وفيه برامج تانيه جاامده وليها مهام اخري بتتضاف لمتصفح الفاير فوكس إعرفها لوحدكـ .. المهم بعد ما يتم التثبيت والادخال هتعمل من نفس الخانه Restart Now ودا علشان يعمل إعادة تشغيل لمتصفح الفاير فوكس هيؤدي لإغلاق اى لينكات شغاله على الفاير فوكس فا خد بالك لا تكون شغال على مواقع تانيه او معاك حاجه مهمه بتعملها وتقفل ف وشك تقوم تدعي عليا بعد كده اللهم بلغت بعد إعادة تشغيل المتصفح هترجع تفتحه تاني وتدخل اى فيديوهات على اليوتيوب هتلاحظ ظهور مستطيل الـ Download وكمان هتلاقي نفس سهم الدونلود الازرق دا موجود جنب شريط اللينكات فوق ميزة وجودها فى شريط اللينكات هو إن اى فيديو هيظهر قدامك مش لازم على اليوتيوب هتلاقيه إتبرمج بشكل تلقائي على بيانات الفيديو دا وبيديك الصيغ اللى ممكن تحمله بيها وكمان هيوضحلك حجمها وبالنسبه لصيغ التحميل فا هتكون زي دي كده شوف الصيغه المناسبه ليك وحمل بيها والافضل انك تجربهم كلهم فى البدايه علشان تعلم نفسك وسهل جدا بعد كده تحول الفيديو لـ صيغة MP3 بأي برنامج تحويل انا شخصيات بأستخدم برنامج Format Factory سهل جدا تحمل آخر إصدار له من على النت وتحول به كل الصيغ اللى عايزها سواء كان صوت او فيديو او حتى صور وفلاش وممكن تدخل موقع البرنامج وتحمله منه بالضغط على دونلود بمساحة 50 ميجا هنـــا .. وبالمناسبه فيه طرق تانيه كتير للتحميل من اليوتيوب بإستخدام برنامج إنترنت دونلود مانجر او مشغل الصوتيات والفيديوهات الريال بلاير أى إستفسارات موجود إن شاء الله ,,

[Caramilla]

شرح جميل ومبسط
وفعلا
ناس كتيره بتحتاجه
تسلم ماجيك
من تقدم لتقدم

[دمعه حائره]

خطوة مهمه جدا وشرح رائع وبسيط
تسلم يااحمد

[حافظة القرآن]

جميل الشرح
كنت محتاجاه
عشان ببقى عايزة احمل فيديوهات
ومش كلها بتنزل من انترنت دونلود مانجر
ابقى اجرب الطريقة دى بقا
تسلم ايدك

[الأميرة رودي]

جميل يااحمد
ناس كتير مش مش تعرف الخطوات دي
تسلم على الشرح والتوضيح

[∂αнмє]

تسلم ايدك ي ابو حميد ع الشرح
بجد دى مشكلة ناس كتير بتعانى منها

[زهـــ*ــرة النرجــس*]

شكرا على الشرح المبسط و الواضح
جاري تنفيذ الخطوات

[Angel Smile]

يااه اخيرًا فهمت ازاى هههه ^^
بس انا بشتغل ع Chrome هيختلف الامر ولا ايه
عامة مشكوور بقى الافادة

[اميره الشعر الشجين]

يا تقيل انتا ههههههه حلو الشرح يسلموووو بقى ^_^

[✿ Celiηα]

الله ينور شرح جميل ومبسط