يعني ايه دم الشهيد ..منقول

[نسيم الاسلام]

يعني أيه دم الشهيد ؟؟ هنقول واحد مات و خلاص ؟ ما هو كل يوم بيموت شباب تنطوي صفحة غياب الأب م الحزن شعره شاب و الأم يقتلها العذاب و راح هدر دم الشهيد ؟


كان الشهيد زين الشباب
و حافظ آيات الكتاب
كان لأبوه ضهر و سند
و كان بيعشق دي البلد
نازل بيهتف يا إلهي
ابعت لي من عندك مدد
علشان أصحي في كل حر
نخوة ضميره للأبـد
لكن شياطين النظام
استكتروا حلم الولد
إضرب يا باشا قالها واحد
و التاني طاوعه و راح ضرب
سقط الشهيد و دمه سايل
يكتب أساطير الغضب


دم الشهيد يعني القصاص ؟
ليه ينضرب طلقة رصاص ؟
أيه السبب ؟
كان سرق و لا نهب ؟
و لا باع الغاز لنيتن ( نيتنياهو )؟
و غزه يحرقها اللهب
و لا سرطن شعب كامل؟
و لا باع أرض البلد؟


الشهيد هو الألم
اللي أحيا فينا الأمل
و اللي قتل في يوم شهيد
يوم قصاصه هيبقى عيد
يومها ترجع لينا الحياة
و ينتهي يومها الألم
و ينتهي يومها العذاب
ما هو ربي قالها في الكتاب
و الله قال و قد صدق


مما راق لي
*************

[مجدي الحفناوي]

شكرا اليك علي الكلمات

احترامي اليك

[رووكه]

تسلمى يا قمر على ما راق لكى

من كلمات عبرت عما تمر بيه

البلاد

كل الشكر والتقدير لكى

وانتظر منكى كل حصرى وجديد

[واد حبيب]

ربنا يرحم كل شهيد
ان شاء الله البلد هترجع زي الاول
في انتظار الجديد ليكي