مدرستى

[نسيم الاسلام]

معلشوا يا جماعه

مهو انا مشلوله ولازم اشلكم معايا

مدرستى الجميله اووووووى ربنا يخدها عشان استريح
اولا :حجزين هدوم المدرسه من قبل ما الدراسه متبدا بشهر والله ولسه مخدنهاش
لغايه دلوقتى والدراسه بدات ومخدنهاش
يا جماعه مش ديه المشكله معلش نستحمل المشكله فى المنظر زات نفسه كل يوم والله يا جماعه كل يوم نروح عشان الهدوم
نقف قدام غرفه الملابس بتلت حصص وتفوت علينا الحصص عشان الهدوم وفى الاخر برده نمشى ومنخدش حاجه
خلاص ميشينا نطلع فوق فى الحصه

الحيزبول اللى بتديينى كنتوا فين
يميس والله كنا بنجيب الهدوم

طب جبتوا حاجه نقولها لا
طب مكنتوش نزلتوا ولا انتوا كنتوا بتخدوا جوله فى المدرسه

وتفضل موافانا طول الحصه

واصلا هى والله مبتشرح بتقعد تقرى فى البنات

وتنزل الميس ونقعد ده كله مش مهم ميس الاحياء انا بيبقى نفسى اصورها ووريها هى بتعمل

يا جماعه والله جرس الحصه ضرب كانت حصتها خلاص خلصت وهى مشيه حضرتها برااحه تدخل بقى

شوفوا المنظر
الميس دخلت مفيش حتى صباح الخير

تدخل تمسك القلم وتكتب الدرس يلا انقلوه
المشكله ان الجماعه اللى بعد التخته التانيه مش معانا اصلا دول ولا وقفوا سلموا ولا حتى ردوا عليها

تدخل الميس مبتشرحش مين فيكم يعرفلى النانو تكنولوجى
ماشى واحده تجاوب يكون جرس مدرس التاريخ طلع
طب يا بنات فهمين؟اه يا ميس طب سلام ومحدش يرد
يدخل المبجل بتاع التاريخ دخل اقعدوا اقعدوا كل يوم يقول نفس الكلمه

يلا يا بنات مين فيكم هيشرح درس النهارده مين زاكر اللى انا قلته

يللهووووى اصوت انت قلت حاجه اصلا

تقوم واحده من اللى مزكره واخده قبل كده فى الدرس

اللى بتقوله يكتبوا الاستاز على الصبوره
والله بتشل
خلصت حصه التاريخ
يدخل استاز الرياضه
السلام عليكم
نص الفصل ميردش السلام
هو نو كومنت طيب مين صور الورق عشان كتاب المدرسه منزلش تلت بنات اللى صوروا وبقيت الفصل قاعد على الفيس فى الحصه واللى مزوغ من الحصه المستر يكتب جمله او يرسم دائره بسيطه ويحط عليها شويه معلومات ويقولوهم كانه بيسمع ويكتب سؤلين والله يحب المحسنين
وانتهت الحصه

حاجه تانيه واحنا دخلين المدرسه فى بنات هدومهم ناقصه فبيجوا بترننج الالعاب

الةليه اللى وقفه بتفتش على الهدوم
والله ياجماعه حاجه رخمه مش نصتبح بيها خالص

فين اليونى فورم بتاعك
مستملتش
ميخصنيش اوقفى هنا
تدخل هى بصراحه لابسه اليونى فورم بس برده مش لابه لبسها ضيق اوووى وشفاف
الميس اتفضلى وابقى تعالى بلبس واسع وشيلى اللى فى وشك ده

البنت حاضر
وتمشى يتكر نفس منظر غرفه الملابس

احنا واقفيين وطالع عين ابونا وتيجى الميس بنتها معانا

يا ميس عصمت هاتى اليونيفرم بتاع الاء
الميس حاضر وطلع للزمليتها هدوم محجوزه لواحده تانيه وتمشى الزفته بعدها بدقيقتين نلاقى زمليتها جيبلها فطار على حسابها
وتقلها اهو حاجه صغيره

وفى جيش بره مفروم مش عرفين نتنفس
طب اقولولى اعمل ايه ومعظم الحصص يا المدرس يطلع وميشرحش يا ميطلعش ييطلع ويطلع عين امنا من شتيمه وقله زوووق

طولت عليكم بس عشان انا اتخنقت منتظره ردودكم

[big bốss]

دى مش مدرسه دى فوضى تعليميه

و بؤره لتفشيل الاجيال مش تعلمها ، مفيش مدرس او مدرسه عنده دم اوضميريشرح

كل دا بسبب غياب الرقابه التعليميه و المدرسه دى محتاجه لشكوى لرئاسة الجمهوريه

او تنقلى نفسك منها خالص بدل ما تفشلى

وربنا معاكى و الله المستعان ،،،،،

[نسيم الاسلام]

اقتباس المشاركة الأصلية كتبت بواسطة big bốss دى مش مدرسه دى فوضى تعليميه و بؤره لتفشيل الاجيال مش تعلمها ، مفيش مدرس او مدرسه عنده دم اوضميريشرح كل دا بسبب غياب الرقابه التعليميه و المدرسه دى محتاجه لشكوى لرئاسة الجمهوريه او تنقلى نفسك منها خالص بدل ما تفشلى وربنا معاكى و الله المستعان ،،،،،

احنا كده نعمل شكوى فى مدارس الحكوميه فى الجمهوريه كلها
وبعدين الطلاب كلهم بيعتمدوا على الدروس
بس المشكله فى طلبه كتير مبيخدوش دروس خالص
وخصوصا فى اولى ثانوى عشان مش شهاده انا من كتر القرف والزهق غبت النهارده وامبارح

[M.B]

مش لوحدك بتعاني من المشكله دي بس انا مش اللبس انا الكتب اتعودت خلاص الثانويه متنفعش ف مدارس اصلا

[موري كول]

يالهوي احنا معندناش في مدرستنا كده ابدا

احنا مدرستنا مشتركه اه بس فترتين فتره للبنات وفتره للولاد

المديره مانعه التلفونات نهائي وكل يوم في تفتيش للبنات بيقومو بيه الشرطه المدرسيه اللي هي من طلاب من سنه تالته
والاخصائيات والمديره كمان وقدمنا والله كتير بتتكسر موبيلات وبتروح 100 حته والمديره بترميهم بعد كده برا المدرسه

تاني حاجه اللبس وبيتباع في كل المحلات بره يعني مش عايز حجز ولا الكلام ده لازم يبقي دريل طويل وتحته قميص واسع ابيض ولو واحده لابسه بضي المديره الاول بتهزقها وبعدين تقطع البدي ده بأي حاجه وتمشي البنت وتعملها استدعاء ولو البنت كررت الحكايه بتتفصل
ولو بدله تبقي طويله لحد الركبه وواسعه لو قصيره بتروحها برضو ولو لابسه بنطلون جينز او شيفون او اي حاجه من الحاجات دي بتتفصل اسبوع
ولو فيست برضو نفس الحكايه لازم يكون اللي تحته قميص واسع

الطرحه لازم تبقي ابيض في ابيض ومش تكون شفافه ولا تحتها اي بندنات ملونه او اسكرفات او حته طرحه بطانه ملونه
لازم اللي تحت تبقي بيضه برضو ولو واحده جات بطرحه ملون تحت الطرحه البيضه بتخليها تقلعها وبتلمهم وبتحرقهم في سلات الزباله

الجزم برضو نفس الكلام لو لون فاتح بتبقي مصيبه والله لازم تبقي لونها غامق
طبعا كل الاكسسوارات ممنوعه والميك اب

والله ورغم كده بنموت في المديره دي لانها بتجبلنا حقنا تالت ومتلت
اول يوم في المدرسه قالتلنا لو اي مدرس او مدرسه طلب منكو في الفصل انكو تيجو تخدو عنده درس تجيبو اسمه في ورقه وانا هفصله في ساعتها وفعلا حصل كده وقالت علي اسم المدرس وفضحتو في الطابور الصبح

والله انتو عاوزنلكو مديره زي دي تظبط المدرسه

[Angel Smile]

يخربيت الفساد هههههههه ^^
قدرك يا بونية بقى معلش استحملى
خليكى متفوقة و ذاكرى من كتب المدرسة او صورى ورق الدرس بتاع صحيتك
و حاولى تخدى مجاميع فاللغة التانية ان كانت المانى او ايطالى او فرنساوى
و الباق ان شاء الله هتعدى فيه
و سيبك من المدرسة دى بقى ^^
و خلاص اصلا 2 هتيجى و 3 مش هتروحى تانى
ربنا معاكى بقى يا جميــل و تلاقى اشى يهون عليكى

[معذب القلب]

بصراحه انتم بحاله دلع على ايامنا كنا بنترن بالخرزانه عشان كده فلحنا بدون دروس
انما الى انتى بتحكيه ده تسيب واهمال هيتحاسبو عليه كلهم لازم زى موحد من المدرسه
اوك لكن يبقى جاهز قبل الدراسه يكده يحرام ان يضيع عليكم اليوم الدراسى بحجات هايفه
وكمان انا لو مدير منطقه وادخل مدرسه الاقى فيها الاهمال ده لازم احاسب الجميع اختى اتمنى ان توصلو موضوعكم لاعلى ما تقدرو وان تهتمو اكتر بدراستكم لانكم جيل المستقبل
اجعلو ابائكم يقدمون الشكاوى الى المناطق التعلميه والى وزير التربيه شخصيا لو لزم الامر هذا لمستقبلكم واتمنى التوفيق لكم جميعا