برنامج anti arp للحماية من سرقة النت بالشرح التفصيلى

[mostafacrazy]

احبائى اعضاء ومشرفى المنتدى الكرام ..


ارجو من الجميع فضلا لا امرا بعد تجربة البرنامج الرد بعد التجربة .


وتحدى الـNetcut اللعين وتحدى كمان جواسيس الشبكه


الطريقة الاولى
طريقة ( اخفاء ) ال ip الخاص بك عن من يستخدم برنامج netcut المزعج وبرامج التجسس على الشبكات .والطريقه الحمد لله مجربه وشغاله 1000000% ومفيهاش كلام ( ارجو قراءه الموضوع من ال ألف الي الياء)

وسنستخدم في هذه الطريقه خاصيه في البرنامج الذي يفوق الوصف برنامج (Anti arp sniffer)

الموضوع هيتضمن 4 اجزاء :

1 - جزء يحتوى على طريقه تنصيب البرنامج على الجهاز .
2 - جزء يحتوي على شرح تفعيل الخاصيه في البرنامـــــج .
3 - بتش البرنامـــــج (صناعه عربيه مصرية 100 % ) .
4 - ســـــــــــــــــــــــــــــــــــؤال وجــــــــــــــــــــــــــــواب.

قبل ما اقوم بالشرح في ملاحظه هامه جدا
لا تقوم بفتح برنامج Netcut للتأكد من صحه الطريقه من على جهازك ( جربها من على اي جهازك معاك في الشبكه)

والسبب : انك بمجرد ما هتفتح النت كات من على جهازك هتقوم بابطال مفعول الطريقه السحريه
ودي احلى حاجه في الموضوع علشان زي ما في ناس هتفكر تستخدم الطريقه بضمير في ناس هتعمل العكس .... طبعا فاهمين
يعني يجي صاحبنا يعمل الطريقه وبعدين يفتح برنامج النت كات ويفكر نفسه لابس طقيه الاخفاء ويصطاد الناس بئى الي موجوده
نقوم احنا بئى نقول لصاحبنا اول ما هتفتح برنامج النت كات ال ip بتاعك هيظهر لكل الناس يا جمييييل

المهم ندخل بئى في الجد

================================
فلنبدأ

اولا :-
رابط تحميل البرنامج بالاسفل

وثانيا:-
وشرح طريقه تثبيته على الجهاز.

-------

حجم البرنامج : 4.7 MB
الاصـــــــدار :4.3.1

بعد التحميل تابع الصور













طبعا يا جماعة الشرح والصور بتتكلم ومع ذلك اللى مش فاهم يقول
طبعا انا علشان اجرب الطريقه وصلت اتنين كمبيوتر على شبكه واحده
الاول : نزلت عليه برنامج نت كـــــــــــــــــــــــــــــــــــات .
الثاني : نزلت عليه البرنامج الي شرحته في الموضوع والنتيجه 100%

=================================

ثالثا : بتش البرنامج صناعة عربيه مصريه 100 %

وظيفة الباتش هي بدء الـ 15 يوم من جديد بعد انتهائهم او قبلها

قام بصناعة وبرمجة البتش الصديق المبدع Toufikcom ( فلا تنسوه من الدعاء الصالح )
__
الشرح :

1 - عند انتهاء مدة التجربة 15 يوم او قبل ذالك بدون حذف Anti Arp 4.3.1 تقوم بتفعيل ال Patch عن طريق هذا البرنامج AntiTrial.exe
2 - بعد ذلك تقوم باعادة تنصيب Anti Atp 4.3.1 , أكرر انه يمكنم عدم حذف
Uninstall البرنامج Anti Arp و هذا حتى يمكنكم الاحتفاظ بالخصائص التي قمتم بتغييرها في البرنامج.
=================================
وكدا وصلنا لاخر جزء في الموضوع
رابعا : ســـــــــــــــــؤال وجـــــــــــــــــواب

وفيها اهم الاسئلة اللى اكييييد هتسالوها

ولو ف حاجة تانية احنا ف الخدمة

س1 : هل هذه الطريقه تخفي ال ip عن برنامج SwitchSniffer
و برنامج WinArp Spoofer؟
ج1: نعم ، 100% جربتها بنفسي وبنفس الطريقه .

س2 : هل في كل مره هقوم بتفعيل هذه الخاصيه ؟
ج2: لا هذه الخطوات تعملها تفعلها لمره واحده فقط
.

س3 : في كل مره هعمل ري ستارت لازم افتح البرنامج
تاني؟
ج3: لا ، البرنامج هيشتغل لوحده اتوماتيك اول ما
ويندوز يفتح .

س4: بخصوص موضوع السنيفر والياهو سباي .. الخ هل يستطيع
حد من الي معايا في الشبكه انو يشوف محادثاتي ؟
ج4: قبل تثبيت البرنامج ممكن وبكل سهوله ولكن بعد
تثبيت البرنامج مستحييييل ( جربتها اليوم عن طريق جهازين على شبكه واحده
.. واحده عليه البرنامج والاخر عليه مثل هذه البرامج )



س5 : انت قولت في بدايه الموضوع ملاحظه ان لو فتحنا النت كات على جهازنا
اي حد على الشبكه فاتح النت كات هيظهرله ال ip الخاص بجهازنا .. النفطه دي
مش واضحه ممكن تشرحها ؟
ج5 : اكيد ممكن .. هشرحلك الطريقه بصوره بسيطه جدا انت لو داخل اوفلاين ع
الياهو او ع الهوت ميل ممكن حد يعرف انك موجود ؟ .. طبعا لا طيب لو كلمت
اي حد وانت اوفلاين هيعرف انك موجود صح

طبعا دي الاجابه بالبلدي كدا

انما الاجابه العلمي بصوره بسيطه كالتالي

الخاصيه الي فعلناها في البرنامج بتخلي محدش يقدر يعين ال MAC adress
بتاعك فانت اول ما ما بتفتح النت كات عندك النت كات بيبعت لكل الايبيهات
بصوره تسلسليه طلب علشان يعرف مين الي فاتح ومين الي مش فاتح وفي الاخر
بحيطهملك في الليسته بتاعته وطبعا الطلب دا لما بيتبعت بيبتبعت بال ip وال MAC بتوعك
وبكدا طبعا كل الاجهزه الي على الشبكه بتكون قادره على تعيين ال MAC بتاعك ( حد فهم حاجه )

طبعا كل ده كان الطريقة الاولى
==============================================
==============================================
الطريقة التانية
(انصح بعملها مع الاولى )

ويبقى بكده انا اتحدى اى حد ف اى منتدى انه يقطع عنك النت الا الشركة
ولو اى حد شايف نفسه يجى يورينا نفسه احنا هنا مش بنهزر

الفكرة
التي يعتمد عليها برنامج النت كت هي ثغرة موجودة في بروتوكول ARP حيث يستغل البرنامج هذه الثغرة في قطع الشبكة عن الجهاز الضحية عن طريق استبدال عنوان ال Gateway لدي الجهاز الضحية بعنوان الجهاز الذي يعمل عليه
النت كت و بهذه الطريقة يتم حرمان الجهاز الضحية من ال gateway و لكن ايقونة شبكة الاتصال تظل تعمل ولا تعطي اي اشارة عن انقطاع الانترنت و لكن لا يستطيع الضحية ان يفتح اي موقع علي الانترنت و عند التاكد من الاتصال عن طريق الامر PING يكون هناك اتصال ولكن لا يستطيع متصفح الانترنت فتح اي موقع...

الفكرة التي يقوم عليها برنامج Antinetcut هي ان يقوم
بتفريغ جدول ال ARP بصفة دورية حتي لا يتم العبث به بواسطة الشخص الذي
يستخدم النت كت و لكني قد جربت ال antinetcut ولم يفلح في احيان كثيرة في منع انقطاع الشبكة و ذلك لان هناك برامج اخري غير النت كت تستخدم هذه الطريقة في قطع الاتصال عن الانترنت...
و لكني اكتشفت اخيرا امر بسيط في ال ******s يبطل عمل النت كت و غيره من البرامج التي تعمل بهذه الطريقة..

اولا نضغط علي start ثم RUN ثم نكتب هذا الامر لعرض ال ARP TABLE كما في الصور المرفقة
arp -a ستجد عناوين IP من ضمنها ستجد عنوان ال gateway و الذي غالبا ما يكون شبكة من
النوع C و يكون كالتالي IP 192.168.16.1 و قد يختلف العنوان حسب الشبكة
التي تكون عليها. المهم هنا عند عرض هذا الجدول نلاحظ ان امام هذا العنوان كلمة DYNAMIC دلالة علي ان نوع الوصلة الي هذا العنوان هي وصلة مؤقتة ( ومن هذه النقطة يتم قطع الشبكة عن طريق النت كت ) و لكن من حسن الحظ ان هناك معامل اخر ل امر ال arp هو
arp -s IP MAC Address

وهذا الامر يستخدم في عمل وصلة STATIC اي ثابتة ولا تتغير ( ومن هنا سوف يتم ابطال النت كت نهائيا ) عن طريق ربط عنوان ال gateway و الذي هو نفسه الروتر ROUTER بال العنوان الفيزيائي او ال MAC Address الخاص بالروتر. ولكي تحصل علي ال MAC Address الخاص بالروتر او ال gateway يمكنك ستخدام برنامج النت كت نفسه او برنامج switchsniffer و بعد حصولك علي ال MAC
Address يتم كتابة

الامر هكذ:
arp -s 192.168.16.1 ff-ff-ff-ff-ff-ff

مع
استبدال العنوان المكتوب بعنوان ال gateway لديك و استبدال ال
ff-ff-ff-ff-ff-ff بال MAC Address الخاص بال Gateway و بهذا تكون انشات
اتصال ثابت مع ال gateway لن يتغير لانك ربطت هذا العنوان بالعنوان الفيزيائي للروتر و الذي لن يستطيع احد ان يغيره حتي لو استخدم احد الاشخاص علي الشبكة برنامج لتغيير عنوانه الفيزيائي و جعله مثل عنوان
الروتر فان ذلك سيؤدي الي توقف الروتر ( و تخرب علي الكل ) و الذي لا اعتقد انه سيحدث

ولقد قمت بتنفيذ هذا الامر اثناء قيام احد
الاشخاص بفصل الشبكة عني و فور تنفيذ هذا الامر عادت الشبكة من جديد رغم
استمرار هذا الشخص بقطع الشبكة عني و يمكن وضع هذا الامر في ملف batch لكي يعمل مع بداية نظام التشغيل

ملحوظة للتاكد من نجاح هذه العملية يتم تنفيذ الامر التالي
arp -a
و سوف تجد في الجدول المعروض عنوان ال gateway و العنوان الفيزيائي بجواره و في النهاية سوف تجد كلمة static هذا في حالة تنفيذ الامر اثناء قطع الاتصال عنك بالنت كت اما اذا قمت بتفيذ الامر اثناء عدم فصل الشبكة عنك
سوف تجد كلمة ynamic و ليس static و لكن الامر تم تنفيذه بنجاح فلا داعي الي القلق لانه اذا حاول احد فصل الشبكة عنك سيتعامل الجهاز مع ال gateway علي انه static و ليس dynamic .


اتمني ان اكون قد افدتكم و اتمني ان يكف هؤلاء الاشخاص عن استخدام هذه البرامج ...

دول صورتين يوضحوا العملية








البرنامج اضغط هناااا

[نزف الذكريات]

يامعلم البرنامج ديمو

لازمله سيريال

كان غيرك أشطر يا عمونا

تسلم الايادى يا جميل


أخوك / نزف الذكريات

[mostafacrazy]

يا باشا اتفضل الكراك + السيريال

لتحميل

آضغط هنآ


تحياتي

[asdqwe]

مشكوووووووووووووووووووووووور

[السادات المصرى]

مجهوووووووووووووود رائع يستحق منا كل تقدير لك


تسلم الايااااااااااااااااااااادى

[ŅĢM]

تسلم الايادى