باسم يوسف .... لأ معتقدش ؟!

[ضحكة عيون حبيبى]

السلام عليكم

اكيد معظمكم تابع برنامج البرنامج لباسم يوسف

كل انسان حر طبعا مالم يضر لكن سؤال بسيط جدا , باسم بيفيدنا بايه ؟؟!
هتقولى عنده وجهة نظر ....... اه طبعا حقه
هتقولى ده نقده مفيد ولذيذ وحاجه كده كوميك تضحكنا
ااااااااااه فعلا احنا بنضحك لكن على خيبتنا

باسم حاول يهد كل حاجه حلوه اتعملت وكلامى مش دفاعا عن شخص لكن دى شرعيه حتى لو ادائها بطئ او فيه تقصير


عارفين نفسى ف ايه بئا , نفسى اشوف باسم يوسف تانى
اااه والله
نفسى اشوفه هيقول ايه عن الحكم العسكرى ؟ وعن عدلى منصور ؟
اظن الجو دلوقتى فيه افيهات تعمل 100 برنامج مش برنامج واحد بس
لكن هو مهد الطريق ان نسب المشاهده هتقل والكلام ده لانه عارفه ان احنا ف مرحلة no speaking برضاك او غصب عنك

لكن انا بتمنى الامنيه دى لان عارفه نوعية الشخصيات دى كويس وعارفه انه استحاله يخرج علينا باسم بسخريته ومعول هدمه ف ظل حكم السيسى
وده مش احترام للسيسى , والله لو احترام لظروف البلد هرفعله الشابوه
لكن ده جبن وخوف مش اكتر


ف انتظار نقدكم

[big bốss]

فى ظل حكم محمد مرسي لم يكن هناك احد متقبل الاخوان بسبب تصرفاتهم

لذالك راينا مالم نراه طيلت عمرنا من سخريه على حاكم لم يجيد شىء

اما فى الوقت الحالى لو خرج باسم يوسف ببرنامج جديد فآهلآ و سهلآ

و ان لم يخرج فآهلآ و سهلآ

فالحريه فى ظل ظروف البلد حاليآ مكبله لاننا فى وقت حرج

يجب ان تستعيد فيه مصر وضعها الامنى و استقرارها الداخلى

و توحيد جبهتها الداخليه كل ذالك بسبب أخطاء الجماعه المحظوره

[۩۩ elMagic ۩۩]

مش عايزين نتكلم فى اللى فات
وحكم مرسي للأسف مكنش هو المنتظر
وبالنسبه لبرنامج البرنامج اهو هيرجع تاني
يوم 25 اكتوبر الجمعه بعد اللى جايه
اما نشوف هيمشي إزاي ..

[ساحر الأحزان]

حنشوف نظام البرنامج بتاعة حيمشى أزاى

وبعد كدة حنحكم على ما يقدمة

ونشوف حيعمل أية؟

[Aya 7ekaya]

بصى انا متاكده ان باسم مش هيقدر يتكلم ف حاجة لانه من البدايه وان اء الله هو اللى هيثبت كلامى
ده شىء موجهه يعنى بيمشى لسبب وبيرجع لسبب
انا الحقيقه لسه مش قادرة اتخيل هو هيتكلم ف ايه بس اللى متاكده منه انه عمر ماهيكون ناقدر للوضع الحالى اللى زى ماكان فى ناس رافضه حكم مرسى فى ناس دلوقتى كمان رافضه حكم العسكر يعنى نفس الميزان تقريبا

[Lamees]

برنامج البرنامج انا اكتر واحدة مكنتش بحبه
رغم انه اوقات كان بيضحكني غصب عني
وكان معاده مقدس في البيت وبتفرج عليه بالكراه
بس اللي خدت بالي منه انه وقتها كان في مادة خصبة جداً
يقدر يستغلها باسم يوسف دي كانت حرب بين الاعلاميين
في بعض القنوات وبين القنوات الدينية شتائم وسباب واهانات
وتهديدات ووعيد كانت حالة من الفوضي كله بيهدد كله
وبالنسبة للمسئولين مفيش اي مسئولية ولا قرارات حاسمة
ولا انضباط كله مشغول فيما يخصه يعني بصراحة هما اللي كانوا
بيجهزولو مادة البرنامج ويقدموها على ورق من فضة
يعني دلوقت متوقعة ان البرنامج هيكون مختلف تماماً
واكيد هيكون فيه انتقاد بس مختلف

[ضحكة عيون حبيبى]

كامل احترامى لارائكم الشخصيه

تمام زيكم كده عايزه الافضل
لكن مش بالشكل الهزلى اللى قدمه باسم يوسف
لو النقد ف السياسه اوك لكن مننكرش انه كان بينقد الشخص نفسه
انا مش ضد برامج النقد الساخر لكن ياريت تكون باسلوب راقى يفيد او يغير
مش يجرأ الناس على الغلط

big boss انت تعلم جيدا ان كتير من اخطاء المحظوره زى ما بتقول عنها كانت مفتعله
واراء كتير كانت موجهه لاهداف معينه

شكرا لمروركم الكريم

[big bốss]

اقتباس المشاركة الأصلية كتبت بواسطة ضحكة عيون حبيبى big boss انت تعلم جيدا ان كتير من اخطاء المحظوره زى ما بتقول عنها كانت مفتعله واراء كتير كانت موجهه لاهداف معينه

حتى لو مفتعله

الدوله كانت تحت قيادة الاخوان يعنى هما الى مسئولين عن اى اخطاء او تقصير

لو مش قادرين يحكموا و يسيطروا على الحاجه المفتعله كانوا سبوها للى يقدر

بس

[ندى المصريه]

معاك حق انا اول مشوفت باسم يوسف على التلفزيون قولت هو هيقول
ايه حيقول على السيسى مستحيل علشان هيتقبض عليه
الموضوع ده كان غلطه من غلطات مرسى انه ساب الناس تشتم فيه وتقول عليه كلام مش حلو مش عمل زى السيسى
انا وحده بستحقر السيسى لانه بيقتل وبيعتقل وبيبهدل الناس
بس برجع تانى وبقول ان مصر متستهلش غير السيسى على الاقل مش
هيمسك الحكم سنه ويمشى لالا ده ممكن يفضل 60 سنه يحكم مصر
علشان مش سامح لحد يقول عليه كلمه مش حلوه والكلمه اللى مش حلوه دى والله هتكون صح بس فى الاخر بقول


حسبى الله ونعم الوكيل فى الظالم

[خارج عن القانون]

بغض النظر عن باسم يوسف

علشان انا كده كده مكنتش بتفرج والا هتفرج عليه

بس فيه نقطه من كلامك استوقفتنى

اقتباس باسم حاول يهد كل حاجه حلوه اتعملت وكلامى مش دفاعا عن شخص لكن دى شرعيه حتى لو ادائها بطئ او فيه تقصير

لا تجعلى حبك لــ مرسى يطغى على حبك للدولة والشعب

كان فيه شرعيه برضو لـــ مبارك لما نزلنا يوم 25 يناير

ولكنها مثلها مثل شرعية مرسى

شرعية دستورية وليست شرعية شعبية

فالشرعية الاولى والاخيرة يجب ان تكون للشعب


ولا تنسى دستور 2012 والذى انا متاكد انك قد استفتيتى فيه بالموافقه

حيث موجود فى الديباجه المبادئ التى كتب عليها الدستور والمبدئ الاول يقول

الشعب مصدر السلطات؛ يؤسسها، وتستمد منه شرعيتها، وتخضع لإ ا ردته..
ومسئولياتها وصلاحياتها أمانة تحملها، لا امتيا ا زت تتحصن خلفها

والماده الخامسه من الدستور تقول

السيادة للشعب يمارسها ويحميها، ويصون وحدته الوطنية، وهو مصدر
السلطات؛ وذلك على النحو المبين فى الدستور


الشرعية للشعب يعطيه لمن يريد وياخذها ممن يريد

وطول ما الشعب المصرى رخيص يسقط يسقط اى اى رئيس