مصر مش رقاصة وبلطجي

[حلم عمري]

بسم الله الرحمن الرحيم

السلام عليكم ورحمة الله بركاته

كل عام وانتم بخير

وعيد سعيد علي الامة العربية والاسلامية باذن الله

ظهرت الفترة اللي فاتت نوعية من الافلام في مصر

بتقتصر فقط علي اظهار مصر بصورة رقاصة وبلطجي وسيجارتين حشيش

زي مثلا قلب الاسد - القشاش - 8% وهكذا .....

وطبعا كلنا عرفنا ان قلب الاسد حقق اعلي ايرادات في تاريخ السينما المصرية

ودا اللي خلاهم يعرضوه تاني في عيد الاضحي مش عارفة علي ايه ^^

ياتري ليه نوعية الافلام دي اللي بقت منتشرة في السينما ؟

للدرجة دي الفن بقا مستواه كدة ؟

ومش المفروض ان صورة زي دي بتنزل من مكانة مصر امام العالم؟

ياتري ليه بتنجح ؟

للدرجة دي بقينا شعب تافه ؟

منتظرة ارائكم

[big bốss]

للأسف اسينما المصريه هبطت بشكل كبير فى تلك الفتره

بسبب تغير مزاج المجتمع المصرى فى شغفه و حبه فى مشاهدة

تلك الافلام التى تعبر عن الواقع فى العشوائيات و الحياه الغير سويه

للبلطجيه و مدمنى المخدرات ، لذالك يذهب منتجى الافلام الى تلك النوعيه

من الافلام لانها ستحقق اكبر نسبة مشاهده و بالتالى اعلى ايرادات

فعلشان تغيرى الافلام دى

لازم تغيرى فكر المجتمع الاول

موضوع جميل منك

تقيمى + الوسام

[اميره الشعر الشجين]

بصى هى المشكله اصا فى الناس الا بتسمع الجيل الا طالع اليومين دول جيل بيحب الهجس والهبل وكمان ان الافلام دى زى ما قال نور انها قريبه من الناس البسيطه فى العشوائيات والناس المحششه وبعدين هما مش هممهم مصر فى حاجه اكتر من انهم يكسبو فلوس

موضوع حلو يدوم التميز ياقمر

[ساحر الأحزان]

افلام هابطة

ذو تكلفة رخيصة

لا تسمن ولا تغنى من جوع

هدفها ليس تقديم الفن

بل الربح المادى البحت ومخاطبة الغرائز

[ضحكة عيون حبيبى]

اللى يغيظ بجد ان الافلام دى بتنجح وبتنجح اوى كمان
والمصيبه انهم بيعملو من البطل مثل اعلى للشباب على ان الواد جدع وكده
ربنا يهدى الجميع

[السفيره عزيزه]

بسم الله الرحمن الرحيم

السؤال يوجه للمسئولين والقائمين
على الرقابه . اين انتم .لما لا تقومون
سالدور المنوط بكم.....
كيف يُمرر هذا الفن الهابط من افلام واغانى
والفاظ على شاشات التلفاز اهذه ثقافتنا كيف
التردى الى هذه الدرجه ... الاجابه عند السلطات
الحاكمه ....

السفيره

[مصر فوق الجميع]

دي حاجه صح

دلوقتي بيدخلوا السينيما للأفلام اللي زي دي بيتخانقوا علشان افلام هايفه زي دي

ودي الافلام اللي منتشره دلوقتي

والاغاني الشعبي كمان

ربنا يهدي الجمييييع

[مجدى دياب]

سيدتى صاحبة النقاش
من الاخر صاحب شركة الانتاج بلطجى اصلا
يبقى هاينتج فيلم له هدف ليه
اذا ضاعت القيم ضاعت الاخلاق
وتجدى كل الا داخلين السينما كلهم شباب صغار السن
حتى يشوفوا المناظر الخليعه
حسبى الله ونعم الوكيل فى الرقابه
والمصيبه الكبرى القنوات الخاصه بتستضيف
القائم بدور البلطجى ومن هنا بياخد شهره ويبقى من المشاهير
الله يرحم الفن الجميل
واكتفى بذلك
مودتى اليكى

[جبل عالي]

للأسف الشديد لأننا أصبحنا نشجب وننتقد

ولكن نفعل كل الأخطاء والمتناقضات

من الآخر صبحنا ( نجعجع وبسسسس )

واحنا السبب في نجاح هذا الإسفاف للأسف الشديد


الله المستعااااان غاليتي

[اشرف 2006]

كلامى حقيقى وواقعى


فالافلام التجاريه لا يهمها الا جمع المال فقط


وللاسف هناك فئه من الشعب ليست بالبسيطه تشجه هذا الاسفاف


لانهم بصراحه مش تعبانين فى الفلوس



تقبلى تحياتى