عاوزين يغيروا علم مصر

[عاشق متيم]

مر العلم المصري بأشكال عدة تعكس صور ومراحل استقلال مصر في العصر الحديث‏،‏ فبداية من العلم العثماني ذي الأهلية حتى علم الجمهورية ...
‏ ومع الفتح العثماني لمصر عام ‏1517‏ أصبح العلم السائد هو العلم الأحمر باعتبارها إحدى ولايات الدولة العثمانية شأنها في ذلك شأن باقي دول المنطقة‏.‏ العلم تتوسطه دائرة خضراء علي شكل بيضاوي به ثلاثة أهلة ..
‏عندما اندلعت ثورة ‏1919‏ للمطالبة بالإفراج عن سعد زغلول ورفاقه تبني الشعب المصري علما أخضر اللون يتوسطه الهلال الأبيض وبداخله صليب أبيض اللون‏،‏ كناية عن وحدة أبناء مصر مسلمين وأقباط في مواجهة الاحتلال الإنجليزي .
وحينما تم إعلان الجمهورية في ‏18‏ يونيو ‏1953‏ ظلت مصر محتفظة بعلمها الوطني الأخضر ذي الهلال والنجوم الثلاث البيضاء دون تغيير إلي عام ‏1958،‏
وفي تلك الفترة ظهر علم آخر غير رسمي أطلق عليه علم التحرير مكون من ثلاثة مستطيلات طويلة متساوية ذات ثلاثة ألوان الأحمر ثم الأبيض يليه الأسود ورغم أن هذا العلم لم يكن له وجود رسمي فإنه يرفع في المناسبات الشعبية‏،‏ وقد اتخذ علم التحرير أساسا لعلم الدولة الجديدة التي نشأت بوحدة مصر وسوريا في فبراير ‏1958‏ مع إضافة نجمتين خماسيتين خضراوين في المستطيل الأبيض‏،‏ وأعلن في وقتها أن علم الجمهورية العربية المتحدة به نجمتان ترمزان إلي مصر وسوريا‏،‏ وأن كل دولة جديدة سوف تنضم لدولة الوحدة سوف يرمز لها بنجمة أخري إيمانا بالهدف النهائي وهو وحدة العالم العربي كله في المستقبل‏.‏
و عندما شرعت مصر وسوريا والعراق في الاتحاد في دولة واحدة في إبريل ‏1963‏ اتفقت علي إضافة نجمة ثالثة لهذا العلم وقد تم بالفعل لكل من سوريا والعراق اتخاذ هذا العلم علما وطنيا لكليهما‏،‏ إلي أن العلم المصري استمر دون النجمتين علما لها إلي أن أعلن عن قيام الاتحاد بين مصر وسوريا في ديسمبر ‏1971‏ تحت اسم اتحاد الجمهوريات العربية وصدر قرار رئيس اتحاد الجمهوريات العربية سنة ‏1971‏ بشكل العلم الجديد وهو نفس العلم السابق بألوانه الثلاثة مع إبدال صقر قريش ناشرا جناحه المطرز بالقصب علي النجمتين الخضراوين وتكتب دولة الاتحاد علي القاعدة التي يرتكز عليها الصقر‏،‏ يسمح لكل دول الاتحاد الثلاث بكتابة اسمها أسفل اسم دولة الاتحاد‏،‏ وأخيرا في أكتوبر ‏1984‏ صدر القانون رقم ‏144‏ بعلم جمهورية مصر العربية‏،‏ وهو نفس العلم السابق مع وضع النسر شعار الجمهورية الجديد في مكان الصقر ويكتب اسم جمهورية مصر العربية بالخط الكوفي علي القاعدة التي يرتكز عليها النسر‏.‏

فى شهر سبتمبر 2012 طالب السلفيين بتغيير علم مصر بوضع شعار( لا اله الا الله ) مكان النسر
وعلى ما اتذكر اعطوا مرسى مهله اسبوع والا هينزلوا فى الشارع والاقباط رفضوا ساعتها
وقالوا ان مصر ملك للمسلمين والاقباط ؛ وانتهى موضوع تغيير العلم
فى مظاهرات الاخوان فى بورسعيد وغيرها من شهر وضعوا شعار رابعة مكان النسر ..

فى احتفالات الاخوان بالولايات المتحدة بعيد الاضحى وضعوا شعار رابعة مكان النسر

راحوا الاقباط فى الولايات المتحدة اللى كانوا عملوا حمله قبل كده لتغيير العلم وفشلت ..
جددوا حملتهم وطالبوا بوضع الصليب مكان النسر

رأيكم فى تغيير علم مصر ؟؟؟؟

[™Amiliya]

اولا توبيك ونبذة مستوفاه ع نشاءت العلم عاشق تسلم عليها

ثانيا العلم سمة ووصف للدولة ممكن نلاقي اعتراضات ككتير عليه لاننا مش متفقين ع طول الخط
راي لو هيغيره يخلوه بالتلات الوان وميحطوش حاجة في النص عشان محدش يزعل ويفتكس ليه علم لايق ع الي بينادي ليه
او بيناشد اعتقاداته

ومع تفسير التلات الالوان اعتقد انها مرضية للجميع المفروض تكون مرضية

موضوعك فكرني بفيلم رامي الاعتصامي
عاملين زي خالف تعرف
ودا بقا حال البلد دلوقتي

نسيت اضيف حاجة

تغير العلم او تركه زي ماهو
مش هيغير في نفوس الناس ولا هيضيف شيء ليهم مع الاسف
العض عندهم العلم مجرد قماشة ملونة تتمسك في المناسبات

[SiLver Spectra]

على فكرة انا مع تغيير العلم عادي ..ما عبد الناصر عملها و ماحدش كلمه
بس المصيبة هو ان الناس تبقى عايزه تغيره لحاجه تخص طائفتهم !
دا هو كدا بيدمر مفهوم العلم اللي بيكون الغرض منه هو توحيد الشعب مش تفتيته
انت بتشوف مثلا العلم الامريكي و فيه نجوم كل نجمة بتمثل ولاية او دولة زي الاتحاد الاوروبي
فالمفروض ان العلم الغرض هو الوطنية و لم شمل كل المواطنين تحت غطاء واحد

و لذلك ففكرة تغيير شكل العلم اللي كانت بتراودني من و انا صغير صعب تطبق في الظروف الحالية
لانك مش بتعيش في ازهى عصور الوطنية ..مما سينتج عنه انقسام اكثر و العملية اصلا مش ناقصة

[ملك جبال الاحزان]

الصراحة مش عارفارد اقول ايه
بس هما كدة هيفضل فى مصر نااس
تفكيرهم جاى من ايام الهكسوس فاكرين ان الحيااه
ماشية بالدراع ميعرفوش ان البلد العربيه مش هقول مصر وبس
اكبر من ان فصيل قليل اوى ان يغير تاريخة او يغير ملامحة بتغيير علمه
حتى دلوقتى فى سوريا ان مع كل حااجه تحصل لبشار ده
بس مش مع تنغيير العلم
لان العلم هو هوية البلد

[morshooo]

بص سيبك من شغل كل واحد على مزاجة

وانا شخصيا مش بعتبر ان دا مطلب لما كل 5 والا 6

يقولو عايزين نغير العلم يبقى كدا هم بيكلمو بأسم

الملايين يعنى صورة الصليب على علم مصر

هم كلهم 5 والا حاجا واقفين ورفعين العلم دا

الكلام دا مايعنيش ان خلاص كل الاقباط عايزين دا

والا عشان السلفين قالو اكتبو ( لا الله الا الله )

يبقى خلاص دا مطلب وندية اهتمام .

ودا من عيوب الاعلام المصرى

لو كل 2 والا 3 اخترعو حاجا حتى لو مستحيلة

مفيش مانع نستضيفهم فى كل القنوات

ونعمل منهم ( ابطال ) ^_^

فتغير العلم المصرى اعتقد صعب جدا سواء

دلوقتى او بعد كدا لو كنا عايزين نغيرة كان اتغير ايام حسنى

عشان محدش كان هيكلم ههههههههه

حتى لو حط قرد على العلم .

[big bốss]

العلم الغرض منه هو شعار بيرمز و بيعبر عن الدوله

و المفروض كل طوائف الشعب بيرمز ليهم

اما كل طائفه عايزه تحط حاجه تخصها فد لا يجوز

انا مع انه يفضل النسر زى ما هو

حكاية التغير دى طلعها الاخوان كانهم عايزين يغيروا التاريخ بس فشليين فى كل حاجه

سبحان الله

موضوع جميل عاشق

[عاشق متيم]

اقتباس المشاركة الأصلية كتبت بواسطة morshooo بص سيبك من شغل كل واحد على مزاجة وانا شخصيا مش بعتبر ان دا مطلب لما كل 5 والا 6 يقولو عايزين نغير العلم يبقى كدا هم بيكلمو بأسم الملايين يعنى صورة الصليب على علم مصر هم كلهم 5 والا حاجا واقفين ورفعين العلم دا الكلام دا مايعنيش ان خلاص كل الاقباط عايزين دا والا عشان السلفين قالو اكتبو ( لا الله الا الله ) يبقى خلاص دا مطلب وندية اهتمام . ودا من عيوب الاعلام المصرى لو كل 2 والا 3 اخترعو حاجا حتى لو مستحيلة مفيش مانع نستضيفهم فى كل القنوات ونعمل منهم ( ابطال ) ^_^ فتغير العلم المصرى اعتقد صعب جدا سواء دلوقتى او بعد كدا لو كنا عايزين نغيرة كان اتغير ايام حسنى عشان محدش كان هيكلم ههههههههه حتى لو حط قرد على العلم .

الحكايه مش حكايه انهم 5 ولا 6 الحكايه ان الطلبات دى بتعمل مشاكل
وممكن تعمل فتنه طائفيه ؛ يعنى مثلا لما السلفيين طالبوا بوضع شعار ( لا اله الا الله )
طلع قس واتكلم وقال مصر ملك المسلمين والسيحيين ؛ راح أمير عياد مؤسس حركة الأخوان المسيحين طلع قال بالمرة يحط سيفين والكعبة ولو أمكن صورة الملك عبد العزيز بتاع السعودية .
وكان بيتكلم بسخره ؛ ده كان ممكن يعمل فتنه كبيرة وقتها ...
لما الناس اللى بتكره الاخوان تشوفهم فى المظاهرات حاطين شعار رابعة مكان النسر
هيحصل احتقتان اكثر مما هو موجود ؛
لما مسلم يبقى قاعد يتفرج على التلفزيون ويشوف الصليب على العلم ؛
ممكن تحصل فتنه بسبب الحكايه دى ؛ وراجع تاريخ الفتن فى مصر هتلاقيه كان بيحصل
لاسباب هايفة منهم حكايه مايه الغسيل ايام السادات ...

[ساحر الأحزان]

فى الوقت الراهن عدم التغيير أفضل

يعنى العلم لو أتغير المشاكل حتنهى ؟

وخلصت المشاكل مبقاش الا تغيير العلم؟

ولاأية يا عاشق؟

[عاشق متيم]

اقتباس المشاركة الأصلية كتبت بواسطة ساحر الأحزان فى الوقت الراهن عدم التغيير أفضل يعنى العلم لو أتغير المشاكل حتنهى ؟ وخلصت المشاكل مبقاش الا تغيير العلم؟ ولاأية يا عاشق؟

على رأيك يا امجد هو احنا حلينا كل المشاكل اللى عندنا ووافقين على تغيير العلم
دا احنا عندنا مش مالهاش حصر فى كل المجالات بس احنا شعب بيحب يخترع ويألف ... كل واحد يصحى من النوم نفسه فى حاجة يعمل حمله ويلم كام واحد علشان يكونوا معاه ؛

[morshooo]

اقتباس المشاركة الأصلية كتبت بواسطة عاشق متيم الحكايه مش حكايه انهم 5 ولا 6 الحكايه ان الطلبات دى بتعمل مشاكل وممكن تعمل فتنه طائفيه ؛ يعنى مثلا لما السلفيين طالبوا بوضع شعار ( لا اله الا الله ) طلع قس واتكلم وقال مصر ملك المسلمين والسيحيين ؛ راح أمير عياد مؤسس حركة الأخوان المسيحين طلع قال بالمرة يحط سيفين والكعبة ولو أمكن صورة الملك عبد العزيز بتاع السعودية . وكان بيتكلم بسخره ؛ ده كان ممكن يعمل فتنه كبيرة وقتها ... لما الناس اللى بتكره الاخوان تشوفهم فى المظاهرات حاطين شعار رابعة مكان النسر هيحصل احتقتان اكثر مما هو موجود ؛ لما مسلم يبقى قاعد يتفرج على التلفزيون ويشوف الصليب على العلم ؛ ممكن تحصل فتنه بسبب الحكايه دى ؛ وراجع تاريخ الفتن فى مصر هتلاقيه كان بيحصل لاسباب هايفة منهم حكايه مايه الغسيل ايام السادات ...

لو هندور على تاريخ الفتن
اتحداك لو هتلاقى حصل فتنه فى مرة
بمجرد الفتنه وكلها هتلاقيها اسباب هايفة ولكن .
انا بقول ان العيب برضو فى الاعلام انه ينشر صورة
ماسكها 5 عشان محطوط عليها صليب بدال النسر ^_^
هو الموضوع اساسا دائما بيكون مالوش اى لزمه وفجاة بيكبر فى مصر
وخلال يومين بيتنسى ودى طبيعه المجتمع المصرى دائما .