الياهو تودع القاهره

[big bốss]

اقتباس المشاركة الأصلية كتبت بواسطة شاعر واسير الحب سؤال ليه هتودع مصر خلاص حققوا الاغراض اشتهروا وعرفهم العالم من خلال مصر وبعدين هيودعونا اوعي تقول ان بسبب الوضع الحالي هي اغراض من ورائها اغراض وتكشف بعد كدا هو مش كلام الجزيرة مش قران نصدقة مصر امنه وكل اللي بيحصل مؤمرات مدسوسة ماجورة مصر ستظل مصر ولا تقلق عليها مع السلامة يا ياهو يبيقي سلملي جوجل كمان وبرضوا هيرجعوا مصر تاني

هى فعلآ اوقات بتبقى افعال غرضها حاجه

زى انه يظهر ان مصر بقيت منطقة نفور مش جذب

لان فيه دول كتير مش عايزه لمصر مكانه

[big bốss]

اقتباس المشاركة الأصلية كتبت بواسطة رائحة القهوة الشركات الكبرى يهيمها الامن والوضع الامني للدولة الي فيها مصالحها فيه ميهمهاش حاجة تانية لا مكانتها ولا غيرو ويوم ميحسو بعدم امان يقومو ع طول يدورو ع اماكن هادية ومش فيها مشاكل تقوم فيها وتكمل مشوارها مصر كانت بتتربع ع عرش الامكانيات المتاحة للشركات والتسهيلات لكن مع الاوضاع السياسية والامنية المصالح بتقف لحين تحسن الوضع ومش معنى دا انها فقدت مكانتها لا معتقدش لانه تاريخ عريض مينفعش تتهمش مسالة وقت ومع عودة الاوضاع السياسية والامينة هترجع شركات كتير مكانها وممكن تتولد شركات اخرى اما بالنسبة لموضوع ليه الخليج اخد مكانة البلاد الغنية النفطية بيكون ليها وضع وخاصة ان دبي مفيش دولة اوربية او امريكية مش ليها شغل فيها وشركات فيها كبرى ومعروفة لان التسهيلات فيها مختلفة عن اي دولة خليجية اخرى دبي بتكبر وبتتعملق وبشكل ملحوظ ومؤثر في المنطقة وقطر داخلة في الخط وهكذا

هما فعلآ الشركات الكبرى دى بتبحث عن التربح فقط

و يهمها الوضع الامنى و الاستقرار السياسي فى الدول

الى بتقدم فيها خدمتها لانه بياثر بالسلب عليها

و الخليج اصبح له الافضليه الان

[big bốss]

اقتباس المشاركة الأصلية كتبت بواسطة نور ونار ليه الشركات بتهرب لانهيار اقتصادك ده السبب الحقيقى اى شركه جايه تستثمر مش لله لو مش خدت حق اللى بتدفعه اربع خمس اضعاف مش هتيجى ومش كده وبس لا فى تسهيلات الدوله لازم تنفذها من رسوم واراضى ومبانى وغيرها ده بيزنس مافيش هزار فيه ثم هتيجى فى دوله تسوق فيها وهى اصلا تعبانه وسوقها تعبان تروح احسن دول الخليج عائدات اكتر والاستثمار اكبر والتسهيلات احسن وطبعا هنوه لوضع الامن لان ممكن فى اى لحظه كله يولع او ينفجر فمش هينفعها بقآآ حاجه ليه مصر فقدت مكانتها وسط الدول العربيه بالاخص الذى يميز مصر الرياده الرياده فى كل المجالات تعليم طب هندسه اعلام وجامعات فكانت بتصدر المهنديسين والدكاتره والمدرسين وكمان التلفزيون المصرى كان دوما حر ومستوى الثقافى فيه عالى قد يناطح فى بعض الاوقات الاعلام الغربى ويشارك فى مهرجانات سينمائيه دوليه .. الخ تعالى دلوقتى شوف الدول الخليجيه دلوقتى بتسفر ولادها لتعليم فى الخارج وبقآآ اى مصرى فى اى دوله عربيه مكروه وليا تجارب واقعيه فى المواضيع دى بحكم ليا معارف فى الخارج وبيتقال عليهم ايه فاصبح تعليمك مضمحل وفى اللى احسن منك ومش كده وبس ثقافيا واعلاميا تراجعت فى حين الكل فى خطوه الى الامام مش هتكلم عن سياسات بس ده هو الواقع فاصبح المصرى فى صوره الاعلام يعيش فى عشوائيه وعنف وكره وطائفيه على شاكله افلام السبكى عشان تسيطر لازم الاصلاح والرياده مش هنقول ام الدنيا وقد الدنيا واحنا مش لاقين ناكل وعمال ناخد مساعدات ومعونات من كل ناحيه مش هنقول دى تاريخ ومش عارفه ايه ولها كلمه مسموعه واحنا تعليمنا بيحتضر ؟؟ نور موضوع قيم لمس جرح مازال مفتوح لاجل غير مسمى ...

فعلا يا نور

كل الامور دلوقتى بتكاتف ضدنا

عماله و تعليم مصرى غير مرغوب فيه

اقتصاد متهدم و انعدم الاستقرار السياسي و الامنى

كل دا بيعمل نفور للاستثمار الدولى عندنا

بعد ما كنا عامل جذب كبير فى المنطقه

[big bốss]

اقتباس المشاركة الأصلية كتبت بواسطة silver spectra تصحيح بس لمعلومة الام بي سي الام بي سي كانت بتبث من لندن و بعدين في اخر التسعينات انتقلت الى دبي اما شركة ياهو فدي عندها مشاكل كتير و بتخسر بقالها كام سنة من الشركات اللي وضعها سيء جدا و لذلك فالاجراء اظن انه بيتعلق بتقليل خسائر الشركة اما بخصوص دور مصر ..فسيبك حتى من عدم الاستقرار السياسي اللي اكيد بياثر لكن انت ظهر عندك في المنطقة منافسين جدد و بالاخص الامارات فمن قبل الثورة و شركات المالتي ناشونال اللي كانت فاتحه عندك مقرها الرئيسي في الشرق الاوسط حولت على دبي زي شركات الادوية لان دبي بتوفرلهم مميزات افضل خلافا على الرفاهية الاعلى هناك و المستثمر معروف انه جبان ..يعني مثلا هتفتح محطة اخبار ..هتفكر افتحها في مدينة الانتاج في مصر و لا دبي ؟ حسبتك هتبنيها على التقنية و المصاريف و التكلفة و كمان الاستقرار يعني في الامارات مش هتلاقي ناس بتحاصر او بتعتدي و كدا يبقى البيئة الافضل ليك هتكون دبي فانت ماقدرتش تنافس الاسواق الجديد اللي قدرت انها تسحب منك البساط ماقدرتش ليه . اكيد لاسباب اقتصادية مؤثرة ..مافيش مقارنة بين وضعك و وضع الامارات او الخليج عموما اللي عنده فائض و ثراء اقتصادي فاحش الامارات تميزت عن غيرها من الخليج في انفتاحها شوية ..و دا خلاها تكسب الميزه بتاعت مصر + ميزة الثراء و الاستقرار فهو تفوق عنك ..فبيديهي يكون جاذب اكثر منك لكن لو رجعت لزمان ..كانت دول الخليج غنيه برضو بس مش بنفس درجة دلوقتي باعتبار انها كانت بتأسس لبنيتها التحتية و كمان البيترول سعره كان اقل بكثير جدا من دلوقتي (دلوقتي سعره 4 اضعاف سنة 2003 و عشر اضعاف سنة 2000) دا تحليلي الشخصي ..

هو فعلآ ال ام بى سى كانت بدايتها فى لندن و بعدها نقلت بعض الاستديوهات

لمدينة الانتاج الاعلامى و بعدها خلعت خالص

فعلا الامارات اصبحت منطقة نفوذ اعلامى و عامل جذب و استثمار كبير

لعوامل كتير احنا افتقدناها

تعاملت الدول الغربيه معاها و استقرارها السياسي و ثراءها

كل الاوضاع دى احنا فقدناها و فقدنا معاها ريادتنا

و اصبح حاجه العمل و الاستثمار تنظر للخليج و مصر اصبحت عجوز

لا رجاء منه

[big bốss]

اقتباس المشاركة الأصلية كتبت بواسطة gold rose من حقها تخاف على نفسها وممكتلاكاتها طبعاً ., يعني لو البلطجية حرقت مكاتبها وشركاتها أكيد هتكون في خسائر تقدر بالملايين دا إذا مكانتشي بالمليارات ., وأكيد الدول إلي عندها نفط كل الدول بتتلم حواليها عشان طريقة المعيشه والرفاهية .,

انعدام الامن مشكله يا رنا

ولازم نلاقلها حل

لانها هتاثر بالسلب على ريادتنا و مكانتنا فى سوق الاستثمار