إسرائيل تطالب مصر بـ 4.7 مليار دولار

[big bốss]

قضية منع تصدير البترول المصرى الى أسرائيل بعد ثورة 25 يناير

يبدو انها لم تنتهى بعد ، فقد أنفجرت مفاجأه كبيره صدمتنا كمصريين

فأسرائيل خسرت ارتفع عندها سعر انتاج الكهرباء بسبب قطع مصر الغاز عنها

بنسبة 32 % ، و لكن الان اكتشفت اسرائيل بئر للغاز الطبيعى و يتم الاستخراج

منه لسد حاجتها الداخليه و كانت قد رسبت الصحف الاسرائيله الاسبوع الماضى

ان المصريين يريدون استيراد الغاز من اسرائيل بعد أن كانت تصدره لهم ، و لكن

ليست تلك المشكله فالمشكله الحقيقيه أن اسرائيل قامت برفع قضيه فسخ عقود تصدير

الغاز المصرى الى اسرائيل من جانب مصر الى هيئة التحكيم الدولى و تقدر التعويضات

التى ستدفعها مصر الى اسرائيل ب 4.7 مليار دولار و ان اسرائيل لن تتنازل عن ذالك التعويض


طبعآ اسرائيل هتكسب القضيه بسبب ان دا عقد ابرام بين حكومة دولتين كان معترف بيهم

وقتها و ثانيآ مش من ضمن البنود ان اى دوله يمكن لوحدها وقف العقد لازم اتفاق الدولتين


- أيه رايك فى السياسه موقف الحكومه المصريه من وقف الغاز ؟

و هل احنا اخطئنا لما وقفنا العقد من جانبنا ؟

و فيه نقطه تانى مصر بتستورد غاز دلوقتى لان المخزون عندنا قل و لو استوردنا من اسرائيل

هيكون تكلفتها اقل بكتير من لو استوردناه من اوروبا

فكدا احنا خسرنا السوق و مصدر تصدير و خسرنا مبلغ جامد ملتزمين بدفعه

[gold rose]

والله يا نور مصدومة ومش عارفة أقول ايه .,

[big bốss]

اقتباس المشاركة الأصلية كتبت بواسطة gold rose والله يا نور مصدومة ومش عارفة أقول ايه .,

ليه تنصدمى

انتى عايشه فى مجتمع دولى بتحكمه قوانين و اعراف

و عملية البادل التجارى دى بتحكمه قوانين

فهو الصح دا علشان متبقاش فوضى و تنعدم الثقه بين الدول

[خارج عن القانون]

توضيح مهم يا نور

اقتباس عقد ابرام بين حكومة دولتين

العقد مبروم بين شركة اسرائيلية وشركة مصرية

انه عقد شركات وليس حكومات

[big bốss]

اقتباس المشاركة الأصلية كتبت بواسطة خارج عن القانون توضيح مهم يا نور العقد مبروم بين شركة اسرائيلية وشركة مصرية انه عقد شركات وليس حكومات

تمام بس الشركات دى عملت الاتفاقيات بأذن الحكومه و تحت رعايتها

مش مع نفسها شركه مع شركه


و اقرا دا


اتفاقية تصدير الغاز المصري لإسرائيل هي اتفاقية وقعتها الحكومة المصرية عام 2005 مع إسرائيل تقضي بالتصدير إليها 1.7 مليار متر مكعب سنويا من الغاز الطبيعي لمدة 20 عاما، بثمن يتراوح بين 70 سنتا و1.5 دولار للمليون وحدة حرارية بينما يصل سعر التكلفة 2.65 دولار، كما حصلت شركة الغاز الإسرائيلية على إعفاء ضريبي من الحكومة المصرية لمدة 3 سنوات من عام 2005 إلى عام 2008[1] وقد أثارت هذه الاتفاقية حملة احتجاجات كبيرة دفعت عددا كبيرا من نواب مجلس الشعب المصري إلى الاحتجاج وتقديم طلبات إحاطة.[2]

[واد حبيب]

احنا كل اللي نمتلك عليه 440 جنيه
يخدهم ويريحونا من وجع دماغهم

[big bốss]

اقتباس المشاركة الأصلية كتبت بواسطة واد حبيب احنا كل اللي نمتلك عليه 440 جنيه يخدهم ويريحونا من وجع دماغهم

و انا هحط عليهم 570

و ربنا يسهل بئا يا حبيب

[Marwan1337]

الهى يولعو بجاز .

[Lamees]

مش عارفة والله يا نور
لو محكمة العدل الدولية
حكمت لصالح اسرائيل
هتبقى مصيبة
احنا ممكن نبرر فسخ العقد
بنقص الغاز
انا مش بفهم في السياسة

[نور ونار]

هما هلاحقوا على ايه ولا ايه
تحس ان فى انهيارات فى كل حته
كل ما تيجى توقف تلاقى
خبطه على دماغك
تحس انها بقت عذبه
كله بيلحق ياخد منها حاجه
بس تعرف العيب مش عليهم
العيب علينا احنا
احنا سياستنا ماشيه بالبركه
مافيش رؤيه محدده
عشان لو فى مش كان فى تخبط
هوبا نمنع هوبا نرجع
هوبا نحط سنه سته هوبا نشيلها
مش عارفين لو مماشينها بمزاجنا جوه
ومخلينها بطيخ بالجبنه
فى بره بيحكمهم قوانين حازمه بعيد عن البطيخ بتاعك
ونشرب بقآآ
وماخفى كان اعظم