مدرس يعتدي على طالبتين بالثانوية لرفضهما الانقلاب

[✿ Celiηα]

،

بسم الله الرحمن الرحيم

الأول اقرا ده مــــــــــــــــــــــــــهـــم
ها قريت خلاص ؟

أولا دي مدرستي وانا كنت حاضرة الموقف ده

طبعا فكرة اغنية تسلم الايادي اللي بنشغلها كل يوم ده هتش كله اساسا
مدرستنا قديمة جدا وبيضرب بيها المثل ومش اي مدرس يشتغل فيها
اه ونسيت اقول ان الجيش بيلف عالمدارس عشان يطمن ان الوضع كويس بس
حتى اليوم اللي كان حاضر فيه الجيش لا شغلنا اغاني ولا عملنا ولا بتاع

والموقف اللي حصل ده مكنش تاني يوم ما الجيش جه ولا حاجة ده كان تقريبا بعديها بكتير واتفقوا واتجمعو في الفسحة زي ما بنقول
ووقفوا وسط المدرسة وقعدوا يهتفو زي ما بيقولو فالمسيرات بالظبط !
طلع مستر ابراهيم ده وزعقلهم طبعا فبداية الموضوع قبل ما حد ياخد باله
المهم فالي واقفة على راسهم الكبيرة يعني قالته وانت مالك اصلاً ؟ احنا من حقنا نعبر عن رأينا زي ما انتوا عملتوا ودخلتوا الجيش المدرسة
رد فعل تلقائية من المستر راح خبطها على كتفها كده فوقعت البت
والمدرسين طبعا طلعوا اخدو اسماء البنات وهدوا المستر واتلم الموضوع

عايزة اعرف بقى ايه موضوع ضربهم على وشهم وشتمهم والهبل ده !!
اه كمان حكاية ان اولياء الامور جم وكانوا مستائين وكده
الحقيقة : هما فعلا عملولهم استدعاء ولي امر واولياء الامور هما اللي لموا الموضوع والمديرة عملتلهم تنبيه ان لو اتكرر الموضوع هتعملهم فصل بدون الرجوع لولي الامر

يعني المدرس هو اللي هيبقى غلطان ويعملوا فيهم كده ويهددوهم ويحذروهم ؟
ولا لو كان كده كانوا لموا الموضوع مع البنات عشان ميشتكوش

وواخدين حجتهم ان المدرس سيساوي مؤيد للسيسي والجيش يعني
طب ليه بقى هما مذكروش انهم ردو عليه وقالوله وانت مالك اصلا !
دي اخلاقكم ودينكم يا بتوع الشرعية

انا معاكم فإن المدرس غلطان انه يضرب البنت بس حط نفسك مكانه
انت دلوقتي وانت بترد عليا هتقولي كنت عملت وعملت وعملت بهدوء وبحكمه
فحين انك لو كنت فالموقف مكنتش هتعمل اللي قولت عليه

" رأيكم فالموضوع ككـل ؟ "

[۩۩ elMagic ۩۩]

الخطأ الاول هو من سياسة إدارة المدرسه !
هى المدرسه معموله علشان السياسه ولا التعليم
المفروض داخل المدرسه مفيش اى حاجه من دي تحصل
وبعدين المدرس إتحمق جامد والبنت مش قده
تحسي إن مشاعره إتجرحت
حتى لو البنت غلطانه وهنا الغلط مش علشان إتظاهرت
لا علشان تطاولت عليه بس هو المفروض الكبير
ويلم الموضوع بأسلوب كويس كـ معلم فى المدرسه
..

[انا دنيته وهو حياتى]

ده مدرس مجنون ولا ايه
هو يرضى يحصل لبناته كده لاى سبب من الاسباب
المفروض يقولهم متتكلموش فى الموضوع تانى
ينبههم فى طابور المدرسه عن عدم الكلام فى السياسه
زى ما بيعملو عندنا كده للحفاظ على المدرسه

[нαиαи]

زي ما قال الماجيك الغلط من اداره المدرسه

بس حكايه انه بس خبطها على كتفها عادي دي رده فعله لأن البنت مش محترمه و تطاولة عليه
في طالبه محترمه تقول للمدرس و انت مالك !!

معليش انا مع الحق البنت دي غلطانه بـ استثناء انه مدرس او مهما كانت مكانته
هوه اكبر منها يعني لازم تحترمه و مش ترد عليه بالأسلوب الوحش دا !!

انا والله لمن كنت طالبه كانوا المعلمات بيغلطوا عليه و بطنش ارد عليهم
وهما بنفسهم يجوا يعتذروا لي ..

يعني والواحد لمن يحترم الكبير ماراح يخسر حاجه ولا راح يموت !!

بس الحكايه تكمن في الفكر و التربيه ^^

[✿ Celiηα]

اقتباس المشاركة الأصلية كتبت بواسطة ۩۩ elmagic ۩۩ الخطأ الاول هو من سياسة إدارة المدرسه ! هى المدرسه معموله علشان السياسه ولا التعليم المفروض داخل المدرسه مفيش اى حاجه من دي تحصل وبعدين المدرس إتحمق جامد والبنت مش قده تحسي إن مشاعره إتجرحت حتى لو البنت غلطانه وهنا الغلط مش علشان إتظاهرت لا علشان تطاولت عليه بس هو المفروض الكبير ويلم الموضوع بأسلوب كويس كـ معلم فى المدرسه ..

المدرسة من اول يوم وهي منبهة عالكل ان ده ممنوع
واي حد هيتكلم حتى فالسياسة هيفصل
بس مش معقول يعني هيمشو ورا كل واحدة ويراقبوها يا احمد صح
والموضوع حصل فالفسحة اللي بتبقى زحمة وزيطة اساسا
والمدرس هو كان اول واحد شافهم للأسف

[اشرف 2006]

الخطأ من النظام اللى مستولى على البلد


يعنى ايه الجيش فى المدارس ؟؟


ويعنى ايه تغنى اغنيه تسلم الايادى نديلك مكافأه ولا غنيت ثوره ولا انقلاب يتم فصلك ؟؟


يعنى ايه ترفع صوره السيسى تبقى حبيبى ولو رفعت صوره رابعه تبقى خائن ؟؟؟


طب لو الكلام ده حصل ايام مرسى كنتو ومعاكم الاعلام القذر عملتم ايه ؟؟؟


المبادئ لا تتجزأ ياساده ومارفضته انت بالامس لا تجبرنى على قبوله اليوم


المتظاهرون ضد مرسى بالحجاره والمولوتوف والاسلحه اعتبرهم الاعلام ثوار وابطال ومن حقهم التعبير عن رائهم والوصول الى باب القصر


والمتظاهرون السلميون ضد السيسى اعتبرهم الاعلام ارهابيين وممنوع دخولهم الميادين او الاقتراب من القصر



العيب فينا وفى نظامنا وفى افكارنا وفى مبادئنا


اللهم احفظ بلدنا مصر من كل سوء


تقبلى تحياتى

[سيدة القصر]

السلام عليكم
بـ كل صراحة الواحد تعب من الكلام فى كل مكان
وللأسف ما فى حد هيغير رأيه
فـ خلاص بقى
أكتفى بـ رد الأخ الفاضل أشرف 2006
قال اللى كان ممكن أقوله
تحياتى للجميع

[لولووبس]

هو الواحد مش عارف يعبر عن رأية فى بلدو نعمل اية طيب
المتظاهر السلمى بيقولو عنو ارهابى والبلطجية بيقولو عليهم اهالى شرفاء
والى ينزل مظاهرة ضد الانقلاب يعتقل
او يموت برصاص الجيش والشرطة والبلطجة اصلهم ايد وحدة
او خراب الدولة الى بيسموهم امن الدولة
يرحلهم على البيت فى نصاص اليالى
ويقتحمو البيت ويسرقو ويدمرو ويشتمو
دة كلو عشان ضد الانقلاب
اما بقا لو قتل ولا سرق هيعملو ايه هى دى الحرية والديمقراطية
حسبى الله ونعم الوكيل فى الظالم( ونصرة الحق قادمة لا محالة )
اما تعليقى على الموقف فالبنت غلاطانة
هى مينفعش انها ترد على مدرسها بالطريقة دى
حتى لو كان غلاطان

[Stop Ana Eltop]

رائ فى الموضوع ككل هو ان البنت طبعا غلطانه غلط كبيير انها ترد على مدرسها بالطريقه دى لان المدرس ليه احترامه بردك

بس اذا كانت دى السياسه الى بتمشى ف البلد معلش اعذريها بقى لما تمشى بيها

لما الى بيسكت ومابيردش بياخد على قفاه وصوته بيتلغى ومبيبقاش لوجوده لزمه لازم تعمل كدا

اشمعنا الى ضد الشرعيه من حقهم يتظاهروا مكان مايحبوا وقت مايحبوا انما مؤيدين الشرعيه بس اخرسوا

المدرس غلطان اكتر من البنت لان رد فعل البنت نتج عن طريقة المدرس ومش بس المدرس دا كل الى ماسكين البلد طريقتهم كدا

[big bốss]

اولآ التعليم ملوش دعوه بالسياسه

البنت خارجه من بيتها رايحه تتعلم و اهلها بيصرفوا عليها علشان تعمل مظاهره فى المدرسه

قلنا مليون مره كل حاجه و لها مكانها

عايز تايد مرسي اطلع فى الشارع و ايد برحتك

بس المدرسه لا

و المدرس عنده حق لانها بنات ناقصه ربايه محتاجه الى يربيها

عالم فاضيه وربنا

الله المستعان ،،،

ما خلاص الى حصل حصل

هنعيش فى الصداع دا لامته شرعيه و كلام فاضى