المسابقة التاسعة (القتيل)

[خارج عن القانون]

مسابقة القتيل - بلاغ بجريمة قتل يا افندم هكذا سمعها المقدم نور هلال رئيس مباحث كفر الهنادوه - فين المكان يا شاويش - 4 ش عنقود العنب عزبة ابو الشوق - طيب جهز القوة والعربية وانا 5 دقايق ونازلكم * * * * * * * فى موقع الجريمة جثة بجوار الباب ملقاة على ظهرها وبها اثار طعنات ويوجد اثار تفتيش وبعثرة فى انحاء الشقه مما يدل على سرقة بعض محتوياتها - مين اللى بلغ عن الحادثه - البواب واحد سكان العماره - طيب هاتولى البواب البواب :- ايوه يا افندم - قولى يا ابنى ايه اللى حصل بالظبط - انا كنت قاعد قدام البوابه الساعه 11 وجائلى الاستاذ مصطفى وقالى انه شامم ريحه وحشه من شقه الاستاذ خالد وقالى انه خبط ع الشقه محدش فتح - وهو القتيل عايش لوحده فى الشقه - الاستاذ خالد زوجته متوفيه ومعندوش غير ابن واحد عايش بره مصر - وعملتو ايه بعد كده - طلعت انا والاستاذ مصطفى خبطنا جامد ومحدش فتح برضو فكسرنا باب الشقه ولقينا الاستاذ خالد مرمى ع ظهره جمب الباب زى ما حضرتك شايف كده - فيه كام شقه فى العماره ومين ساكن فيها الدور الاول الاستاذ على الدور الثانى الحاج كمال صاحب العماره الدور الثالث الاستاذ احمد اخو صاحب العماره الدور الرابع الاستاذ خالد الله يرحمه والدور الخامس الاستاذ مصطفى - وانت مشفتش حد غريب دخل او خرج من العماره او سمعت اى صوت - انا يا باشا كنت فى البلد من اسبوع ولسه راجع النهارده الصبح - طيب خليك انت بره وابقا قول لكل الجيران انى عايزهم بكره فى القسم الساعه 10 صباحا عشان نكمل التحقيقات - حاضر يا افندم * * * * * * * -انت يا شاويش هاتلى خبير المعمل الجنائى - حاضر يا افندم - ايه يا حسن الاخبار - من المعاينه يا افندم واضح ان القتيل اتقتل يوم الاربعاء باليل ما بين الساعه 10 و 12 - وملقتوش اى بصمات على اداه الجريمة - لا ملقناش حاجه غير السكينه ومافيش بصمات عليها ومن الواضح ان القاتل يعرف القتيل كويس والقتيل مكنش مديله اى خيانه وده واضح جدا بسبب الطعنات اللى فى الظهر وكمان ان الجثه جمب الباب ومتحركتش من مكانها - يعنى الباب خبط القتيل قام عشان يفتح وجد القاتل اللى هو يعرفه سلم عليه وقاله تعال نخش جوا ولما القتيل ادار ظهره للقاتل طلع القاتل السكينه وطعنه بيها - بالظبط كده يا افندم ونضيف كمان ان السبب الرئيسى من القتل هو المال عشان ملقناش اى فلوس او دهب فى الشقه كل الحاجات ديه اتسرقت بالفعل - شكرا يا حسن تعبان انت معانا دايما - والا تعب والا حاجه يا فندم وفيه احتمال ان القاتل مكنش لوحده - ماشى يا حسن كمل انت شغلك * * * * * * * اليوم التالى فى القسم -افتح يا ابنى محضر ودخلى الاستاذ على س- الاسم والسن والعمل ج- على احمد محمود 44 سنه مدرس ابتدائى لغه عربيه س- ايه علاقتك بالقتيل ج- انا والاستاذ خالد جيران من زمان خاصه وانه كان معايا فى نفس المدرسه بس هو كان مدرس علوم س- كنت فين من 3 ايام خاصه من الساعه 10 الى الساعه 12 مساءا ج- كنت من اول اليوم بصطاد جمبرى فى البحر الاحمر ومشيت من هناك فى الفجر س-ع طول بتروح تصطاد هناك ج- لما اكون مخنوق باخد صنارتى واروح هناك اصطاد شويه واجى س- كنت انت ومين هناك ج- بحب اصطاد لوحدى ومحدش يبقا معايا س- طيب والمدام والاولاد كانو فين ج- المدام متوفيه بقالها فترة وربنا مرزقناش باولاد س- هل عندك علم بان القتيل كان على خلاف مع حد او شاكك فى حد معين ج- الاستاذ خالد انسان محترم والكل يشهد بكده ومكنش على خلاف مع حد بس فى اول الشهر اتخانق هو والحاج كمال وصوتهم ومسكو فى خناق بعض س- وايه سبب الخناقة ج- الحاج كمال كان بيكلم الاستاذ خالد فى زياده الايجار بس الاستاذ خالد رفض فزعقو مع بعض جامد وتطور الامر للضرب بالايد بس احنا لحقناهم وخلصناهم من بعض - شكرا استاذ على اتفضل امضى ع اقوالك واستنا بره لغايه لما اخلص تحقيق مع باقى الجيران * * * * * * * -دخلى يا ابنى الاستاذ مصطفى س- الاسم والسن والعمل ج- مصطفى احمد قناوى 35 سنه محاسب فى احد الشركات س- انت اللى بلغت عن الحادثه اكتشفتها ازاى ج- ده كان يوم اجازتى من الشغل ونازل اجيب حاجه فشميت ريحه وحشه طالعه من شقه الاستاذ خالد وخبطت مفتحش فنزلت عشان اقول للبواب وبعديها طلعت انا وهو وخبطنا تانى ولما مفتحش كسرنا الباب ودخلنا س- ايه علاقتك بالقتيل ج - الاستاذ خالد واحد من الجيران المحترمين جدا ولما بيكون فيه مشكله عندى بيقف جمبى ع طول ومبيتاخرش على اى حد فى اى حاجه بس انا سمعت انه اتخانق خناقه كبيره مع الحاج كمال س- ومتعرفش ايه سبب الخناقه ج - اصل الاستاذ خالد هو الوحيد اللى بعقد ايجار قانون قديم وبيدفع 10 جنيه ايجار فالحاج كمال كان عايز يزود عليه الايجار بس هو رفض فشدو مع بعض جامد س- وكنت فين من 3 ايام وخاصه ما بين الساعه 10 و12 مساءا ج- اليوم ده خلصت شغل فى الشركه الساعه 4 وفضلت فى البيت لغايه تانى يوم الصبح وفضلت لغايه الفجر اتفرج ع الاحداث كلها على مصر 25 س- ومين كان معاك فى الشقه ج- محدش كان معايا اصل المدام والولاد راحو عند حماتى فى اسكندريه يصيفو من اسبوع وبسب القلق اللى على الطرق مرجعوش الا امبارح بعد ما اكتشفنا الحادثه س- ومستمعتش اى صوت خبط او كسر او اى حاجه غريبه ج- انا كنت معلى صوت التلفزيون ومسمعتش اى حاجه - شكرا استاذ مصطفى اتفضل امضى ع اقوالك واستنا بره لغايه لما اخلص تحقيق مع باقى الجيران * * * * * * * - دخلى يا ابنى الاستاذ احمد س- الاسم والسن والعمل ج- احمد السيد ابو المجد 50 سنه مدير اداره بوزاره التجاره س- ايه علاقتك بالقتيل ج- علاقة جيرة عادية واحترام متبادل س- كنت فين من 3 ايام وتحديدا من الساعه 10 الى 12 مساءا ج- من الصبح لغايه العصر فى الشغل وبعد كده كنت فى البيت س- كان مين معاك فى البيت وكنت بتعمل ايه قى الميعاد السابق ذكره تحديدا ج- كنت لوحدى فى البيت وانا بنام من الساعه 9 عشان بصحى بدرى عشان الشغل س- طيب والمدام والاولاد فين ج- الاولاد كل واحد فى بيته والمدام متوفيه س- ومسمتعتش اى صوت غريب او شفت حاجه غريبه ج- والا سمعت والا شفت حاجه س- تعرف ايه عن الخناقه اللى بين القتيل وبين اخوك ج- كمال كان عايز يزود الايجار والاستاذ خالد رفض خاصه وانه قانون قديم فمرديش بالزياده س- والحاج كمال كان ايه رد فعله ج- زعقو مع بعض شويه بس محصلش حاجه س- يعنى مضربوش بعض ج- لا ده كان شويه زعيق وخلاص س- والكلام ده كان امته ج- كان اول يوم فى الشهر اصل ده ميعاد دفع الايجار والحاج ساعتها مرديش ياخد الفلوس - شكرا استاذ احمد اتفضل امضى ع اقوالك واستنا بره لغايه لما اخلص تحقيق مع باقى الجيران * * * * * * * - دخلى يا ابنى الحاج كمال س- الاسم والسن والعمل ج- كمال السيد ابو المجد 55 سنه معاش مبكر س- ايه علاقتك بالقتيل ج- استاذ خالد صديق قديم ليا ومأجر منى الشقه وجار محترم والواحد ميسمعش منه او عنه الا كل خير س- كنت فين من 3 ايام وخاصه من السااعه 10 الى 12 مساءا ج- الصبح فى البيت وبالليل كنت قاعد على القهوة بتفرج على الاحتفالات بخطاب السيسى ع التلفزيون وعزله لمرسى س- ورجعت البيت الساعه كام ج- على ما اتذكر الساعه 11 ونص س- طيب والمدام والاولاد محدش منهم سمع اى صوت ج- لا محدش سمع حاجه س- كان فيه خلاف بينك وبين القتيل من كام يوم ايه السبب فيه ج- كنت اتكلمت انا والمرحوم على زياده فى الايجار وخاصه انه بيدفع 10 جنيه فى الشهر وانه بعقد قانون قديم وهو كان قايلى ماشى هبقا ازودهولك ولما كلمته اول الشهر على الزياده وانا باخد الايجار قالى كمان كام شهر مش دلوقتى فرفضت انى اخد العشره جنيه اللى كان عايز يدهالى س- بس الجيران قالو انكم اتخنقتو مع بعض جامد ج- كان صوتنا عالى بس محصلش حاجه بينى وبينه - شكرا يا حاج كمال اتفضل امضى ع اقوالك واستنا بره لغايه لما ابعتلكم كلكم * * * * * * * المطلوب معرفه اسم القاتل مع توضيح كيفيه واسباب التعرف عليه؟؟ 10 درجات

[خارج عن القانون]

المطلوب

معرفه اسم القاتل مع توضيح كيفيه واسباب التعرف عليه؟؟

10 درجات



القاتل هما


على احمد محمود




لانه كذب وقال
انه بيصطاد جمبرى بالصناره
والمعروف ان الجمبرى لا يتم اصطياد بصناره



مصطفى احمد قناوى



لانه كذب وقال
انه بيتفرج ع الاحداث ع مصر 25
من وقت رجوعه من الشغل حتى الفجر
والمعروف ان قناه مصر 25 تم اغلاقها من بعد خطاب السيسى مباشره
(الساعه الثامنه او التاسعه تقريبا)

[Lost Pearl]

هو انا لما قلتلك حلها كان صح

[عاشق لعنة الحب]

على ومصطفى بس الاخص مصطفى