قاضى بمقص

[صمتى كلام]

أهداء الى
بنات الاسكندريه الشرفاء.
..
...


قاضى بمقص
فصل فاستين البنات
راضى بحكمك ياقاضى
احنا خدنا على السكات
.
..
...
فصل على قدى ولبسنى فستانى
وكلبش ادييا وغمى عنيا واقطع لسانى
توبك اللى لبسته هو اللى عرانى
17 سنه سنى مصريه والشرف عنوانى
.
..
...
علمونى السكات علمونى
حتى فى سكاتى هتسمعونى
افتح يا سجان بيبان سجنك
انا صوتى عالى حته لو سجنتونى
.
..
...
لو حكمك يا قاضى سيف
مش هيقطع رقبتى فى يوم
وربك اكيد موجود وهينصر المظلوم
.
..
...

[واد حبيب]

ربنا يفك سجنهم يارب
تسلم يا غالي علي الكلمات الجميله
وقلبك الطيب الراقي

[اميره الشعر الشجين]

أينعم أنا بدعم الجيش

بس هقول كلمه حق مش من حق اى حد يحبسهم اصل فيه ناس تانيه كتير سرقت ونهبت ومخدتش سجن بنفس الموده دى وحرام مستقبلهم يضيع

كلمات رائعه ومؤثره أخى دام التميز

[جبل عالي]

وتتوالى السقطات والله المستعان

متناقضات مرعبة ومقرفة بجد

مهما كان السبب ولا كانت الحجج

حسبنا الله ونعم الوكيل


تحيتي لقلمك الصارخ هنا

وربنا يزيح الغمة بقا

حقيقي تعبنا وكرهنا الدنيا والحياة

بسبب تلك السياسة الشيطانية

[صمتى كلام]

اقتباس المشاركة الأصلية كتبت بواسطة واد حبيب ربنا يفك سجنهم يارب تسلم يا غالي علي الكلمات الجميله وقلبك الطيب الراقي

..............
ربنا يسمع منك

عشان دى بجد مهزله كبيره

شكرا واد حبيب

[صمتى كلام]

اقتباس المشاركة الأصلية كتبت بواسطة اميره الشعر الشجين أينعم أنا بدعم الجيش بس هقول كلمه حق مش من حق اى حد يحبسهم اصل فيه ناس تانيه كتير سرقت ونهبت ومخدتش سجن بنفس الموده دى وحرام مستقبلهم يضيع كلمات رائعه ومؤثره أخى دام التميز

.........


اميره الشعر الشجين

اكيد كلنا بندعم الجيش بس لما يكوم ماشى صح

كل الناس بتغلط عادى بس فى ناس قصده الغلط

فاميستهلوش دعمنا

[صمتى كلام]

اقتباس المشاركة الأصلية كتبت بواسطة جبل عالى وتتوالى السقطات والله المستعان متناقضات مرعبة ومقرفة بجد مهما كان السبب ولا كانت الحجج حسبنا الله ونعم الوكيل تحيتي لقلمك الصارخ هنا وربنا يزيح الغمة بقا حقيقي تعبنا وكرهنا الدنيا والحياة بسبب تلك السياسة الشيطانية

...........
جبل عالى

اكيد اللى بيحصل

عار على القضاء المصرى

ربنا يستهرها ويعديها على خير

انا حاسس ان فى حاجه كبيره هتحصل

نورتينى








................

[ويبقى الأثر]

حقيقى حرام مستقبلهم يضيع
بالشكل ده
لكن فرجه قريب ان شاء الله
لسه جوانا امل انه هيجى اليوم
اللى تحترم فيه حقوق وانسانية كل مواطن
دمت اخى ودام نبض قلمك