خبر في خزعبلاية بالصور (ممنوع لأصحاب القلوب الضعيفة)

[جبل عالي]

السلام عليكم ورحمة الله


ازيكم يارب بكل الخير


انا جاية النهاردة أوريكم فكرة مجنونة اوي

عملوها اتنين في فرحهم ومش عارفة هتقدروا تشوفو الصور ولا لا ؟

اول حاجة عايزة اقولها بجد بجد

لأصحاب القلوب الضعيفة بلاااااااااااااااش


ولكل واحد قلبه رقيق ورهيييييف بلااااااااااش



انا حذرت اهووووووو


مش عايزة حد يقولي منك لله ياجبل



الصور تخض من اولها انا باقول اهووووو


جاهزين ؟؟؟



واللى قلبه ضعيف قااااااااااااام ؟؟؟


ولا لسه فاتح الموضوع ؟؟


عموما كفاية كده وتعالوا شوفوا الجنان اللي على أصله


دول صور الإتنين اللي بيحبوا بعض وقرروا يتجوزوا





طبعا عادي بقا عروسة وعريس وصور عادية

لكن الفكرة بئا ايييييييييييييييييييييييييه

عارفين تورتة الفرح .؟؟؟؟ تخيلوا العروسة تفكر في ايه ؟؟


هي على فكرة من عشاق أفلام الرعب اللي مليانة دم وبلاوي


المهم فكرت فى الشكل ده ياحضرات




لالالالا متخاااااافوش ده مش حقيقي ههههههههههههههههه



ولا دي كمان حقيقي



بس ملاحظين الدقة ؟؟؟ قد ايه وكأنها حقيقية والله






ودي الصورة بعد ما التورتة اتقطعت والناس كلت منها



تعالوا بئا شوفوا الخبر كان بيقول ايه ؟؟


انتاب مدعوون إلى حفل زفاف في مدينة أوستين ألامو

بولاية تكساس الأمريكية، حالة من الذعر والهلع

عندما شاهدوا رأسي العروسين مفصولين عن جسديهما

وتغطيهما الدماء.

ليتضح فيما بعد أنها كعكة الزفاف.

وكانت نتالي سايدسيرف "28 عاماً"،

والتي تعمل مصممة لكعكات الزفاف،

أمضت أكثر من 40 ساعة لإتمام كعكة زفافها،

وبذلت جهداً كبير ليبدو الرأسان مشابهين إلى حد كبير للواقع.

واستوحت نتالي الفكرة بعد أن كانت تشاهد فيلم رعب،

لتقرر أن تقوم بصنع نموذجين لرأسي العروسين.

ووجد المدعوون صعوبة في تقبل فكرة تناول قطعة منها،

إلا أنهم أكدوا أنه رغم مظهرها المثير للاشمئزاز والرعب،

إلا أن طعمها مميزاً.

ولقيت الكعكة ردود أفعال متباينة من الحضور

ومن الذين شاهدوا صورها على الإنترنت،

حيث اعتبر أحدهم أنها غير قابلة للأكل،

في حين تمنى آخر أن لا يكون هناك أطفال بين المدعوين في حفل الزفاف.






يامثبت العقل والدين ياااااااارب

[Stop Ana Eltop]

ههههههههههههههههههههههه

ايه الـ ياااى دا

بجد عروسه معفنه وعريسها اعفن انه قبل يتجوزها
حلوه الافكار الجديده الغريبه بس مش بالطريقه دى

تسلمى جبل

[همسه دموع]

بصراحه بقى اجوجو مخصماكى

انام ازاى انا بس الوقتى اهىء
حرام عليكى

ال عروسه وعريس ال

[Lamees]

والنبي لو قطعوا رقبتي ما واكلة منها
دي ناس معفنة ال تورتة ال

[اميره الشعر الشجين]

ههههههههههههه ودى بطعم ايه ان شاء الله الفراوله نت حسه ان الدم دا فراوله حرام وربنا يعنى الساعه2 بالليل وانا اساسا بتخض من خيالى وتورينى دول ما عنهم ما تجوزو انا ايه الا جبنى هنا

[صمتى كلام]

اى واحد يسلم امره لوحده ست ممكن
يشوف اكتر من كده
ناقصين عقل ودين اه والله
يعنى ممكن يوم تتهبل
وتعمل جوزها نفسه مهلبيه مثلا
هههههههههه

[Reem♡A|❀]

نعممممممممممممممممممممممممم
تورتهه ~|
يـأإربى
يعنى اسيب عاشق مأكلنـأإ كلاب
واجى لتورتـأإ بالبشاعه دى
صبحنا وصبح الملك لله
يآآآآآآآآآآآآآآآآآرب

[العاشق الذى لم يتب]

الله يسامحك ياجبل
يعنى على الصبح
تعملى كده فيا
كان يعنى ضرورى تنقلى خبرالعرسان المجانين دول
دوب عالم مخهم ضارب
صورمرعبة
وابقى هاتى كيكة تفتح النفس شوية

[‎Mя_kaSpEr]

ههههههههههههههههههه

دا جنان رسمى نظمى وبكل الحاجات يعنى
وربنا مااكل منها ابدا

تسلمى ياجبل
جميل الفكرة مع انها مجنونه بس مش فى فرح

خزعبلايه جميله ياجبل ومش هتدعى عليكى
دام التالق والتميز

ودى واحترامى

[الأميرة رودي]

ههههههههه بالهنا والشفا ياجبل
الفكره غريبه طبعا ورخمه
لو كانت العروسه عاوزه تعمل شئ مختلف او مميز فى فرحها
كانت فكرت فى اى حاجه تدهش الحضور وتبهرهم مش ترعبهم او تخليهم يقرفو من التورته