( 22 دقيقه عن احساسى صحيح ) ( سيلفريس يتحدث )

[morshooo]

اقتباس المشاركة الأصلية كتبت بواسطة احساسى صحيح شكرا يا مورشو على الحلقه الحلوة دى تسلم اكبير

شوفت بقا جبت حلقه كامله عنك

مش سؤال فى حلقه يخصك

اقتباس شوف انتا اللى خلقت الخلاف من الاساس واتحدتنى واتحديت الماجيك بكل صلف وبدون ادنى احترام لو كنت بكل بساطه قولت خلاص ياسر مش هنجيب اسمك وهنحترم الموضوع والقوانين كان انتهى الموضوع لكن انتا طبعا عمرك ما تفوت الفرصه ولازم تولعها نار

حلو قوى انتا بتقول انى خلقت الخلاف من البدايه

تعاله بقا يا غالى اوريك اول رد ليك يبتاع النوايا الحسنه

اقتباس انتا كده بتظهر انك ضعيف الشخصيه ومشوش ومجرد ما كان رد الفعل قوى خفت وقولت كلام هرتله مش مقتنع بيه

بعيد عن كلامك العقيم دا وانى ضعيف الشخصيه زى ما بتقول
ودا انا متاكد انك اكتر واحد عارفنى كويس والا نسيت ساعت الحظر
طلبت من مين يتوسطلك عشان ترجع اهو بقا ضعيف الشخصيه دا
الى طلبت منه يرجعك المنتدى

شوف الرد دا كمان منك برضو
دا بما انى الى خلقت المشكله

اقتباس بالنسبه لعكاشه أياه يجيب سيرتى لا طيب ولا سىء وأنا بأنبه الاداره اهوو أى عضو يجيب أسمى عادى وينتقدنى مرحبا به على راسى من فوق لكن عكاشه لأ ولو قال عليا حرف هرد بعشره وأدينى نبهت اهو يا ترى شايف يا مورشو ويا لوجى ولا مش شايفين

كل هريك دا عشان عرفت ان عكاشه هو الضيف
مع انك لا عرفت انتا موجود فى الحلقه والا لا
بس الخوف اوحالك بكدا وقولت لما احمى نفسى
بقا بزمتك لو انتا واثق من نفسك وشخصيتك قويه
بما انك شايف الاعضاء شخصيتهم ضعيفه زى مورشو كدا
كان همك الكلام دا بقا يا ابو شخصيه قويه
وداخل ادينى نبهت وشايفين والا مش شايفين
ادينا شوفنا ياعم وزمانك بتقول ياريتهم ماشافو

بخصوص بقا اتحديتك انتا والمراقب الى بتستند عليه
انا قولت فى التوبيك ان المراقب اصلا دخل مقلش حاجا
جديدة دخل قال لازم باتفاق الاعضاء وقبلها انتا شوفت مشاركه
عكاشه لما نزل المحادثة الى بينى وبينه على الميل
وانتا قريتها ورديت بعديها فمنين قريتها ومنين انتا فرحان
بكلام المراقب الى دخل ماضفش اى جديد .
وحتى لو فى قوانين بتقول كدا ماتنساش انى كاتب فى بدايه
الموضوع فى اول حلقه ان من حق اى عضو انه يطلب بحزف
اسمه لو نزل فى التوبيك

تفتكر بعد اول رد ليك الى جبتهولك دا
كنت عايزنى اجى اقولك خلاص ياياسر
مش هجيب اسمك الكلام دا لما الحلقه تنزل
وانتا لو بتفهم على الاقل كنت بعتلى خاص ياعم
قولتلى ياريت ماتجبش اسمى وشوف هرد عليك
اقولك ايه فى الخاص لكن تدخل تهدد وماشاء الله بتنجم
فخلاص انتا حر .

اقتباس هناك شروط محدده الاداره عارفاها لعودة أى مشرف مره اخرى للاشراف أولها ان يثبت جدارته مره اخرى ويثبت وجوده ونشاطه انتا بتقول زى مورشو لا طبعا كلامك هنا غير منطقى اولا تقريباََ على ما أتذكر أن مورشو حصل خلاف بينه وبين حوده خرج على أثره من الاشراف ولكنه لم يغادر المنتدى

اهو اوسكار تأليف لياسر يا جماعه
عشان تعرف انك بتألف ومقتنع بكلامك
انتا متاكد انى سبت الاشراف عشان خلاف بينى وبين حودة
عموما انا سبت الاشراف لاعتراضى على تصرف مراقب
مش ادارى

بالمناسبه بس قبل ما اختم
انتا مش قولت انك مقدمتش شكوى
ان اسمك مايجيش فى الحلقه بتاعت عكاشه
فبقولك اهو متاكد انك مطلبتش طلب فى الشكاوى

بالمناسبه بخصوص كلامك عن عكاشه

خد شوف الكام مشاركه دول

هو بعتهملك تشوفهم

منتديات بنات مصر - عرض مشاركة واحدة - ما بين القلب ..والعقل ..والقلم

منتديات بنات مصر - عرض مشاركة واحدة - ما بين القلب ..والعقل ..والقلم

منتديات بنات مصر - عرض مشاركة واحدة - ما بين القلب ..والعقل ..والقلم

[SiLver Spectra]

مافيش فايده فيك ..
كمان اتبليت و قولت ان مسك الشهادة مشي بسببي !!
طب هات مسك الشهادة و اسأله
و قوله انت مشيت بسبب طارق ؟
لو قالك اه تبقى انت اسم على مسمى (احساسي صحيح) قالك لأ يبقى هنغيرلك اسمك لـ(احساسي مش و لا بد)

و كمان هات ماتركس بالمره ..بدل ما تحكم بمزاجك هات الناس و اسألهم و قولهم طارق ضايقكم او عامل حد فيكم بشكل مش كويس ؟
يا راجل دا انا كنت بتحايل على مسك الشهادة يعد !!
و الراجل دا بالذات علاقتي بيه طيبة جدا

اقتباس بدليل إن أعز المقربين منك محمد علاء بقا رغم رسوبه فى الاستبيان يبقا ده معناه ايه ؟ كوسه طبعا هنقولى ان علاء الان برا اقولك انك ما شلته إلا عندما اقترب جيشه وانه لن يكون متواجد

عشان تعرف انك بتقول اي هجص
اولا علاء جيشه كان في يناير
الاستبيان تم في مايو
كان اصلا دخل الجيش

و دا كان الاجراء في موضوع النتيجة
=================

تم اتخاذ الإجراء في جميع من رسبوا و بالتحديد في 24 مشرف و مراقب بإستثناء 8 فقط
و هم ماتركس (تقدم باستقالته) و (الحب الصامت) مالك الموقع و (حوده) محصن نفسه و إن تمكنا سنزيله
و (محمد علاء) لظروف الجيش الخاصة به و (وايت أنجل) لقصر فترة اشرافه
أما الثلاثة الباقون فقد تمت احالتهم إلى (لجنة خاصة) نظرا لوجود نشاط لديهم على خلاف ال24
و بالتالي سيتم وضعهم تحت المراقبة وسيحدد مصيرهم لاحقا بناء على ما سيقدموه في الفترة القادمة ..حاولنا مراجعة المشرفين قدر الامكان حتى لا يظلم أحد
==============
رابط الموضوع

يبقى هو اصلا كان دخل الجيش قبل الاستبيان ب4 شهور
و لو كان اتعمل قبل دخوله الجيش كان هينجح طبعا لانه كان من انشط المراقبين
في حيت انت بتدعي انه سقط و بعدين دخل الجيش
و لما دخل الجيش شيلناه !!

آه يا محوراتي
دا انت عامل اسكور عالاعلام !

افتي و شوه كمان و كمان

ما علينا ..لان الكلام معاك مالوش فايدة لانك بتنفذ احكام مش بتشوف الموضوع ايه !


و دا هو حال كل ردودك الظنية ..زي عايز يجيب (رحال) برضو ادارة بالرغم من ان الخيار هو للاعضاء بالتصويت !!
مع انك لا تمتلك اي دليل نهائيا
بالعكس الادلة كلها ضد ظنونك ..
يعني ازاي اصلا تقول الادارة عايزه تجيب اذا كانت الاعضاء هي اللي بتصوت !!

عرفت ليه انت اتحظرت ؟
ما اظنش حد يقدر يستحمل تشهير بالمنظر دا لمجرد ان واحد ظنونه سلبية ضد غيره ..و لا انت تقبل ان حد يديلك تهم تخص سمعتك لمجرد ان واحد بيشك فيك او انت مش عاجبه !
بس انا مش هقدر استخدم الاسلوب دا ..لان انا عمري ما حكمت بالنوايا و لا بالظنون ..بحكم بالواقع اللي ادامي
مش الومك الا لما تقترف ذنب

عموما ..
كنت سايبك قبل كدا تقول اللي يعجبك
لكن بعد ردك دا اللي ماكنش له اي داعي في موضوع (حقيقة ضمير عضو) لمجرد ان مورشو قال ضيف الحلقة القادمة هو عكاشة

اقتباس بالنسبه لعكاشه أياه يجيب سيرتى لا طيب ولا سىء وأنا بأنبه الاداره اهوو أى عضو يجيب أسمى عادى وينتقدنى مرحبا به على راسى من فوق لكن عكاشه لأ ولو قال عليا حرف هرد بعشره وأدينى نبهت اهو يا ترى شايف يا مورشو ويا لوجى ولا مش شايفين

يبقى معلش ما تستاهلش اننا نديك حق نقد الادارة مستقبلا
زي ما حجرت على فرد هنحجر عليك

بالنسبة لكلامك عن عقليته و مش عقليته
على الاقل خارج عن القانون مش بيحكم بشكل ظني ظالم بهدف تشويهي
و لا بيحور و بيعمل افلام


انتهى ..

[دمعه حائره]

طبعا انا قولت قبل كده مش هارد هنا
بس طارق ماتكلمش على الكلام ده

اقتباس اما عضوه بقالها اكتر من سنتين لم تدخل المنتدى ولا تعلم عنه شىء وكتبت توبيك ليس مدح بالمعنى المفهوم ولكن دفاع عن طارق فى تهمة عدم معاكستها او اى عضوه ورغم ان مفيش حد وجه التهمه الشنيعه دى لطارق فانا استغربت التوبيك ودخلت ورديت وشكرتها ولكن لم يكن فى بالى انها تانى يوم تكون مشرفه خبط لزق وده شىء غير معقول ويثير الكثير من علامات الاستفهام لأنها تم تعينها بناء على نشاط من سنة 2009 واحنا على اعتاب 2014 وليس الوقت الحالى فده شىء لا يمكن تصديقه وهذا سبب كلامى انه ليس تدخل فى النيات او سوء ظن ده شىء لا يستطيع اى شخص نفيه .. اطالبك يا طارق تجيب تاريخ اخر مشاركه لها فى المنتدى وده هو دليلى انها حصلت على الاشراف بسبب التوبيك وليس اى اسباب اخرى

وبما ان العضوة مش موجوده واجب عليا ارد غيبتها
واوضح الامور عشان حرام نمحى تاريخ ومجهود
عضوة ومشرفه ممتازة لمجرد انها مش معانا
اتفضلوا ده رابط آخر احصائيات
http://forums.banatmisr.com/search.php?searchid=400876
ودى صوره توضح ان آخرغايب كان من شهر 4 حتى شهر8
ومن يومها معانا وبتشارك يعنى مش غايبه من سنتين ولاحاجه
مافكرتش تتعب شويه وتدور فى احصائيتها

http://banatmisr.com/up3/uploads/138826958183.png
وده تاريخ توبيك رساله احترام لطارق
http://banatmisr.com/up3/uploads/138826958171.png

وده تاريخ التعيين بعده بـ 4أيام مش تانى يوم!
معلش بقى اصل مكنش مدح ليا انا فمخدتش بالى ونسيته
http://banatmisr.com/up3/uploads/1388313741831.png

وبالنسبه خالد

اقتباس زيه زى مسك الشهاده عندما يرى أى مشرف قلق فى قسم المشرفين وعدم ارتياح واحساس او شك لعدم الرغبه فى وجوده ف اول حاجه بيعملها فى الموقف ده ان يعرض الخروج علشان يتأكد من شكوكه

معرفش انت بتشوف قسم المشرفين ازاى وبنيت حكمك ده!
خالد قدم تنازل عن الاشراف لمدة شهر وكل الاداره رفضته
وفضل يلح فى طلبه بسبب سفره لتركيا
واتنفذ الطلب قبل السفر بيومين وانا اللى نفذت
ونزلته توبيك شكرليه وبعد رجوعه تم تكريمه بوسام الادارة
وطلبت منه يمسك اشراف القسم الاسلامى
واعتزر لانه مش فاضي ومش عاوز مسؤليه

قسم مصر بينا احلى وسؤال وجواب
تم دمجهم للنقاش مش اتحزفوا
لانه مكنش فيه تفاعل فيهم وهم نفس فكره النقاش
وده تبع خطه للتقليل الاقسام اللى مافيهاش شغل
وبالفعل حصل مع اقسام تانيه
-------------------------
فنكوشه كانت ومازلت من احسن الاعضاء والمشرفين هنا
ولو رجعت تانى هاحطها على القسم اللى تختاره
وانا بعتزرلها هنا لانى حطتها من غير قصد فى موقف زى ده

------------------------------
والموضوع تم توضيحه
اكتر من مره ومش مسئولة عن اى افكار تانيه
من غير دليل بعد اللى وضحته
-----------------------
المواضيع اللى تم الكلام فيها فى التوبيك دى خلاص انتهت
وممنوع نتكلم فيهافى اى استضافه تانى
بعد التوضيحات دى كلها والروابط
كل واحد قال اللى عنده

واى عضو ممنوع يتكلم على عضو او عضوة هنا
من غير دليل زى مع انا رديت كده

[SiLver Spectra]

=========اقتباس===========

زيه زى مسك الشهاده عندما يرى أى مشرف قلق فى قسم المشرفين
وعدم ارتياح واحساس او شك لعدم الرغبه فى وجوده
ف اول حاجه بيعملها فى الموقف ده ان يعرض الخروج علشان يتأكد من شكوكه
وده حصل مع ماتركس وكذلك مسك الشهاده
بل انه تم حذف قسم مسك الشهاده كله من المنتدى نهائى

=======================

دا كان اقتباس من سيئ الذكر (احساسي صحيح)
ادعى بشكل مضلل ان مسك الشهادة انسحب بسبب اعتراضات
بل كمان ادعى اننا حذفنا القسم كنايه فيه !
مع ان في الحقيقة ان القسم دمج مع النقاش و دا اجراء بنتبعه احيانا لتقليل عدد الاقسام ..و القسم كان اقتراح من رقة بنوته و استمر وجوده سنتين و من ثم دمج مع النقاش مع ضعف نشاطه و اختفاء مشرفيه

المرادي جبت شهادة من مسك الشهادة

==================

ازيك يا استاذ خالد اخبارك ايه

سؤالي ليك : هل انت تركت الاشراف بسببي ؟
يعني هل في خلاف معين او حسيت انك مش عايز تتواجد في الاشراف مع وجودي في الادارة او اي حاجه زي كدا ؟

قول بصراحة و مش هزعل على فكرة
لان في تهمة عليه بانك تركت الاشراف بسببي !

فانا عايز استوضح منك الامر دا هل الكلام دا صحيح ؟

--------

تمام والله بخير يا د. طارق طالما أنت بخير ...
انا شفت رد ياسر ولما شفته ذاكر إسمي وبالطريقة دي زعلت والله وكتبت رد كبير جدا بوضح فيه كل حاجة ولكن وجدت التوبيك مغلق واحتفظت باالرد ...انا عمري ما اسيب الإشراف بسببك والله سبته بسبب سفري لتركيا وظروفي الخاصة وطلبت من منة ومنك يوميها كدا اسيب الاشراف ووضحت بردي اد ايه انتا ومنة كنتوا بترفضوا طلبي بترك الاشراف ...انا لو زعلان منك في حاجة لا قدر الله حصارحك بيها مش أسيب الإشراف ...ولكن يعلم ربنا إنه السبب خاص بيا لظروف السفر وكدا ولما اتعرض عليا من قريب اكون مشرف القسم الاسلامي من منة رفضت لظروفي برضو وقلت خلاص مش مهم اللون المهم ع اد ما اقدر حعمل جهدي ودا كل الي حصل ...ولما تكتب اسمي كان من حقي ارد ولكن للاسف التوبيك مغلق ... كنت بتمنى نبدأ العام الجديد بمحبة والله مش متل ما حصل في التوبيك للأسف ...دي كل الحكاية يا د. طارق حتى أرضي ربي وضميري قبل أي حاجة في الدنيا ... بتمنى متحظرش ياسر وتديه فرصة مع بداية العام الجديد ونفتح صفحة جديدة ... أخوك المحب خالد
======================

عشان استاذ خالد بس
بس دي اخر مره يا ياسر تكتب كلام من دماغك بشكل تشهيري مضلل و نعديهالك
لان بعد كدا مش هبذل اي مجهود في الرد و لا في جلب شهود و هكتفي بطردك