لمـــــــــــــــاذا ؟؟

[نـــ nour ـــور]

اولا تحياتى لكم جميعا
اود ان اطرح عليكم موضوع للنقاش
فهو موضوع هام جدا بما اننا شعب مصر الحبيبه
فى يوم من الايام تنقلت الى قناه ما فى التليفزيون وشاهدت برنامج يدعى (( واحد من الناس )) البرنامج بيعرض مشاكل الشعب المصرى ومتطلباتهم ثانى فقره فى البرنامج كانت تخص بعض اقتراحات رجال الاعمال واعضاء مجلس الشعب فى جلسات مجلس الشعب التى تنعقد لمناقشه ماهو صالح للشعب المصرى ( الصااااااااااااالح ) فوجئت ان فلان الفلانى يقترح الغاء قانون العلاج على نفقه الدوله وايضان يقترح فلان الفلانى الغاء التامين الصحى واصبح هذا يؤيد ويعارض وجود مثل هذه القوانين فى وطنا ومصرنا الحبيبه هل اصبحت هذه الخدمات عيب على بلادنا ؟ هل اصبح المسئولين فى حزب المعارضه بل حزب معارضه الشعب؟ لماذا نتغلب على طلبات العبد الفقير نأخذها منه ونسلب منه حقوقه ونعطيها لمن لا يستحقها ؟ ايستحق الممثلين ورجال الاعمال ان يعالجون على نفقه الدوله ويسافروا المانيا للعلاج ولا يستحقها المحتاج ؟ انا ارى ان الفقراء الذين يتوجهون لصرف علاجهم من التأمين الصحى لا يأخذونه بالمجان بل يدفعون ثمنه ذل ومهانه من الاطباء والممرضين كأن ليس لديهم الحق ويعانون من سوء المعامله
ام هل يجب ان نعلم الدكتور والممرض كيفيه معامله البشر قبل التخرج من المعهد او من الجامعه؟
ويبقى السؤال


لمـــــــــــــــــــــــــــاذا ؟؟؟؟؟؟؟

[نور حبى]

اولاً اشكرك على الموضوع الرائع والمميز والذى يهمنا جميعاً

بصراحه مجلس الشعب المفروض ان اعضاءه يمثلون رغبة الشعب ومطالبهم و هم من يسنون القوانين

لكن انا ارى غير ذلك فالعضو يستغل هذه الحصانه التى يأخذها لأغراضه الشخصية و هذا هو سبب عدم شعوره بالشعب وذلك يجعل كما انتى قولتى سن قوانين لا يجب ان تسن ولا تضع

مرة اخرى ميرسي على الموضوع

[صبرى الحامولى]

أحم أحم
أحم أحم
أحم أحم
شكرا على الموضوع ده عندى خلفيه عنه
فى موضوع ليا فى نفس القسم بس اتحذف
ليييييييه مش عااااااااارف
شكرا

[lolla]

شكراااااا يا نور ع الموضوع

بس زى ما فى ناس معندهاش ضمير ومش بتحس بالمحتاجين فى ناس كويسة

ومظنش ان القرار دا يتنفذ لأن العلاج على نفقة الدولة موجووووود

بس طبعاااااا هو محتاج شوية اهتمااااام

وبالنسبة لسوء المعاملة يمكن لأن الضغط عليهم كبير مش عارفة انا مش بدافع عن حد

بس نحاول نعذرهم مع ان دا مش مبرر الناس ملهاااااش ذنب برضو

وانا بئا اكتر حاجة بتغيظنى الممثلين الى بيتعالجو على نفقة الدولة

هما برضو فى الاول والآخر مواطنين بس نقوووول ايه

وعلى فكررررررة انا شفت البرنامج بتاع واحد من الناس كان فى معهد الاورام

وبجد كان فى حالات صعبة اوى

ربنا يشفيهم وشكرااااا ع التوبيك

فى انتظار جديدك

[ســــــــــاندي بيل]

اولا ميرسي ع موضوعك

ثانيان من رائي ان فى ناس لم بتمسك منصب وبيكون عندها صلاحيات كتيره فى ايديها

بمعنى اصح بتستقوي على الفقير وللاسف ان هو ده الى بيحصل فى بلادنا

ولو نشوف ان فى اى بلد تانيه الدوله والحكومه بيشيلو شعبها على كفوف الراحه الا بلدنا

للاسف ان هى دى البلد الوحيده الى بتستغل شعبها سواء من ضرايب ولا خدمات مابتتعملش اصلا

المفروض يبقه فى رحمه فى قلوبهم للناس الغلابانه الى مش لاقيه تاكل

يعنى واحد تعبان وبيموت وماعندوش فلوس يعمل عملية بلمبلغ الكبير الى بيطلبه الدكاتره

يعمل ايه مثلا يموت طيب وبعد ما يموت بقيت اهله يعمله ايه يصرفو منين

بجد حرام حرام ربنا ادانا فى قلبنا رحمه وقساوه لاكن فى بعض مننا بيسخدمو القساوه بس

وبينسو الرحمه وبينسو اصلهم هما كانو ايه واهلهم فين ومين الى رفعهم لفوق

ربنا يهديهم جميعا لان احنا مالناش غير بعض

وشكرا ع موضوعك

[نـــ nour ـــور]

نور حبى

مشكورة لمرورك الغالى وللاسف اعضاء مجلس الشعب بيعرفو الشعب فى وقت الترشيح بس ولما يفوزو فى الانتخابات بتبقى مصلحتهم فوق الكل

صبرى الحامولى

انا برضه كتبت موضوع مره واتحذف وعرفت اتحذف ليه لما دخلت قسم المواضيع المحذوفه لانه كان مكرر اكيد انت موضوعك برضه اتحذف علشان كده وعلى كل حال مشكور لمرورك

lolla

مشكوره على مرورك وفعلا زى مافى الوحش فى الكويس بس للاسف الوحش بيغطى على الكويس وسوء المعامله فى المستشفيات صدقينى مش ينفع يبقى ليهم اى عذر لاننا بنسميهم ملائكه الرحمه يعنى لازم قبل ما يهتمو بالمريض يكون لسانهم حلو معاهم وانا شفت امثال كتير قدامى من الممرضين بيتعاملو بطريقه اقل مايقال عنها انها مش معامله لبشر وانتى شفتى حلقه البرنامج ده معهد اوراااااااام بيعالج مرض مش اى مرض يبقى ده منظر معهد للاورام والناس واقفه بالساعات منتظره دورها

ساندى بيل

اشكرك على تواجدك فى صفحتى المتواضعه وفعلا فى ناس كتير لما بتكبر بتيجى على الغلابه وانا حاليا مقيمه فى دوله تانيه الدوله دى بتعمل تامين صحى فى احسن المستشفيات للمغتربين فما بالك بشعبها بقى

مشكورين جميعا على مروركم وتقبلوا تحياتى