نفسك تشتغل ايه لما تكبر.....مصارع!!

[SiLver Spectra]

مذكرات مصارع



يستيقظ المصارع من النوم

فتأتيه زوجته : إنت قايم باردي ليه النهارده؟

المصارع البطل : عندي ماتش النهارده مع واحد جديد

زوجة المصارع البطل : و مين هيفوز؟

المصارع البطل : و الله نسيت أسأل المدير وهو بيكلمني....بس أكيد أنا طالما واحد جديد



يتجه المصارع البطل إلى الحمام و ياخد دش

ثم يذهب إلى الدولاب لإرتداء ملابس المصارعة الخاصة به

من تصميم الترزي بتاع سوبر مان و إسبايدر مان و بات مان و أي حاجه فيها مان

هو نفس الترزي
:vb19:

طبعا كلنا عارفين طقم المصارعة بيتفاوت....من قطع....لقطعة واحده


المهم....

يرتدي المصارع ملابسه الخاصة

و ينطلق إلى إستاد الحلبة

و داخل الإستاد

المدير: خلاص جاهز

المصارع البطل : آه....ايه النظام

المدير : إنت هتخش فجأة على إتنين بيتصارعوا..تمام

المصارع : إنت مش قولتلي مباراة

المدير : لا مش مباراة ليك إنت هتشارك بس

المصارع : طب مش تقول.....و خليتني ألبس البتاع


يلا جهز نفسك


و يظهر المصارع للجمهور





جماهير....




و صراخ

و تصفيق

و يصعد المصارع الحلبة



و يتبادل النظرات الحادة مع المصارع الخصم

و تقترب الرؤوس من بعضها

ثم يقوم المصارع البطل بنتف شعرة من حاجب المصارع الخصم

و يتألم المصارع الخصم و يقع ارضا

و يستمر المصارع البطل في تسديد الضربات إلى الخصم

ثم ينظر المصارع البطل إلى الجماهير بتكابر

و يستيقظ المصارع الخصم فجأة ( زي القرد) و يضرب المصارع البطل

المصارع البطل : آه .....يخربيتك ...إنت بتضرب جد يالا بالراحة

المصارع الخصم : آه.....إنت إلي بتضرب جد إنت كمان أهو

المصارع البطل : عشان تبطل .....يلا هثبتك و ما تقومش

ما تتحركش خلينا نخلص....الله يخربيت المصارعين الجدد

واحد ...إتنين...تلاته

تنتن.........

و يفوز المصارع البطل



و تنتهي المباراة

و يعود المصارع البطل إلى بيته بعد ما يسحب رصيده الجديد إلي في البنك

زوجة المصارع : خلصت يا حبيبي

المصارع البطل : آه خلاص

الزوجة : و مالك بتعرج و إنت ماشي

المصارع البطل : ما هو المصارع كسر رجلي بجد

الزوجة : دي لازم تبقى فوق الحساب و لا هو المدير كل مره يجبلك واحد جديد و يجربه فيك و يكسرلك دراعك مره و رجلك مره

المصارع البطل: المهم القرشين إلي بيجولنا.....



و ينام المصارع البطل


-----------------------------

نفكنا من المصارع البطل


و نناقش مسرحية المصارعة الحرة

مسرحية بكل معنى الكلمة

صناعة ترويجية...حولتها شركات قائمة عليها في ثمانينات القرن الماضي من رياضة إلى مسرحية ربحية....تعتمد على الترويج و الإنتاج الضخم مدعوم من قبل شريحة واسعة من الناس من محبي المصارعة الحرة

أضواء.....

موسيقى...

إعداد ضخم

حماس جمهوري


منهم من يؤمن بها....

و منهم من يشاهدها للتسلية





و يهتف العقل ليقول :

لا يوجد ضرب حقيقي.....

الضربات تسدد في الهواء و يقوم المصارع بالضرب بقدمية على الحلبة لإخراج مؤثرات صوتية مع كل تسديدة....

و يقوم الإخراج المباشر بتزبيط زوايا التصوير حتى لا يبان الفراغ بين التسديدة و المصارع المضروب

قد توجه ضربات حقيقية عن غير عمد

و لكنها تظل مسرحية....

كالأطفال حين يقررروا لعب المصارعة

كل طفل يختار شخصية

و تبدأ المصارعة

ضربات في الجو....قد تصيب الخصم بضرر

و قد تخرج اللعبة عن السيطرة

(تمثيل ارتجالي) كما يقال



مثال بسيط للتوضيح

بنشوف المصارع بيطلع على الحبل....و ينط على مصارع تاني نايم على الحلبة

بيكون قي إحتمالين

إما يقع على المصارع....

أو يقع على الحلبة بعد ما يتحاشاه المصارع إلي بيثمل طبعا إنه نايم



في الحالة الأولى

المصارع لما يقع على خصمة....يعني ينزل على عظم إنسان

يقوم زي القرد و يثبت زميلة

أما في الحالة التانية

لما يقع على الحلبة ( زي السرير كدا) المصارع بيتألم و كأن وبور زلط طلع فوقيه!!!

و يا ظهره يا عيني بيوجعه




و الله من غير مثال.....هي تمثيل


بس يا جماعة ما حدش يقول لمصارع إن المصارعة تمثيل

عملها مذيع كويتي قبل كدا سنة 96 تقريبا لما جابوا كام مصارع البلد هناك

ركبوهم طيارة واحدة أكيد....

و تلاقي مثلا ( أندرتيكر ) قاعد في الطيارة جنب ( شون مايكل)

( مصارعين أعداء)

و يقوله أخبار العيال ايه و إزاي الصحة

و بعدين يقوله ما تقولش لحد إني كنت قاعد جنبك في الطيارة
:liverpool-flag:




المصارع دا نطبطب عليه و نقول إستمر يا وحش








----------------------------------------------------

تحب تشتغل ايه لما تكبر؟

مصارع!!!

إجابة إبن خالتي و هو بيتفرج على ممدوح فرج...أو الكابتن ممدوح فرج

أوبا..........بووووووووم........دابل إسلام

مش عارف دابل إسلام إلي طالع بيها ...

:vb19:

و ييجي واحد من المشاهدين....إحنا بنحبك أوي يا كابتن....ياريت يا كابتن تجبلنا مباراة من بتوعك


كابتن ممدوح : إن شاء الله يا حبيبي ...( في المشمش)

فاصل إعلاني و راجعين


و يظهر ممدوح فرج في إعلان تخسيس...

إنت....عندك كرش...

إنتي ....وزنك زايد

إتصل بيه على 0900


مع إن الكابتن نفسه بكرش!!

:vb19:


أعرف صديق...إتصل بيه.....إستهبال....

قاله كابتن ممدوح أنا عايز يبقى عندي عضلات

:liverpool-flag:

طبعا إلي كان بيرد عليه واحد تاني...

(شفاطات الرصيد)

اي كلام في أي كلام....يقوله هتضرب كل يوم في الخلاط بيضه و موزه و معرفش ايه

و طبعا أخونا قفل الخط و لقى الرصيد مخلص




كفاية كدا لحسن الكابتن يرفع علينا قضية




بصراحة لو في كلية للمصارعة الحرة....هدخلها و هسيب الكلية إلي فيها

بس أتخرج و أشتغل هناك مع الناس إلي بيوضبوها حلو و بيدوا فلوس

تبقى بطاقتي مكتوب فيها

المهنة : مصارع

و خلي حد يكلمني
ههههههههههههههه

[نـــ nour ـــور]

ههههههههههههههه

فعلا والله عندك حق

وانا اقول الناس دى ممكن تموت فيها بيعملوا كده ليه فى نفسهم وبيستفيدو ايه


تحياتى ليك

[البرنس رامى]

طبعا موضوع ممتاز بجد ياطارق وانا كنت دائما بستغرب

ومش بصدق اغلب المصارعين وبحس انها فعلا تمثيليه متقنه

وفيه حيتان هما اللى مخليينها تستمر طبعا

وبعدين مافيش حاجه اسمها مصارع أصلا كلهم بيكونو عاطلين عن العمل

فتوات كما يقوولون وبلطجيه وشافو لهم وظيفه فى نفس تخصصهم

هههههههههههه أما بقى من خلال متابعتي انا الشخصيه

للمصارعة الحرة لاحظت ان بعض الضربات او حتى

بعض المباريات بلاش اغلبها >> عبارة عن تمثيليات

و لاحظت ايضا ان بعض ابطال المصارعة

و خاصة wwf قد دخلو عالم السينما و خاصة افلام الأكشن

و لكن هناك بعض و اقول بعض المباريات حقيقية

اما بالنسبة للدماء فاقول لا تصدقوا كل ما ترونه وشكرا لك طرووق

على موضوعك الجميل واسعدنى جدااا المرور فى موضوعك

لك ارق تحياتى ومن تقدم الى تقدم واقولك طب الاسنان احسن بكتير

اى نعم متعب فى الخلع شويه ههههههههههه ولكن كويس استحمل بقى

[حنـــــون]

هههههههههههههههههههههههههه

موضوع جااااااااااامد جدا ياطارق بجد حلو

جدا واسلوبك كمان شايق استمتعت بقراته

ويلا شد حيلك وابقى مصارع قد الدنيا

خليى ماحدش يقدر يكلمك ههههههههه

بس عارف هى جت على المصارعه يعنى

ما كل شئ دلوقتى بئه تمثيل اتصل على 0900

واكسب مش عارفه ايه وكلوا هيافه واستخفاف

بعقول الناس انا خايفه بعد كده يقولى لو عرفت

اسمك ايه اتصل بينا على 0900 هههههههه

بحيك جداااااااا ياطارق على الموضوع الجميل ده

تحيااااااااااتى اختك حنون

[SiLver Spectra]

اقتباس:
المشاركة الأصلية كتبت بواسطة نـــ nour ـــور
ههههههههههههههه

فعلا والله عندك حق

وانا اقول الناس دى ممكن تموت فيها بيعملوا كده ليه فى نفسهم وبيستفيدو ايه


تحياتى ليك

يموتوا بعض مين بس يا نور!!

قسما بالله مسرحية

إستغربت لما كلمت واحد و لاقيته مش مقتنع إنها تمثيل بحجة إن كان في مباراة فيها دم

و بعدين يتراجع و يقول في مباريات متفبركة و في لأ

هي تمثيل إرتجالي

ليهم أجسام و جتت و رشاقة

بس تمثيل أهبل

بيزنز

بيجيب فلوس...

مشاهدة عالية...و ترويج إعلامي...

صناعة شبه هوليوودية

شاكرلك مرورك يا نور...

في مصارعات حريمي
هههههههههههههه

الواحد بيتأذه و هو بيتفرج عليها!!

بس الحريم بيضربوا بعض بجد..... مش بيزبطوا بعض زي الرجاله...
:vb19:


تحياتي

[SiLver Spectra]

اقتباس:
المشاركة الأصلية كتبت بواسطة البرنس رامى
طبعا موضوع ممتاز بجد ياطارق وانا كنت دائما بستغرب

ومش بصدق اغلب المصارعين وبحس انها فعلا تمثيليه متقنه

وفيه حيتان هما اللى مخليينها تستمر طبعا

وبعدين مافيش حاجه اسمها مصارع أصلا كلهم بيكونو عاطلين عن العمل

فتوات كما يقوولون وبلطجيه وشافو لهم وظيفه فى نفس تخصصهم

هههههههههههه أما بقى من خلال متابعتي انا الشخصيه

للمصارعة الحرة لاحظت ان بعض الضربات او حتى

بعض المباريات بلاش اغلبها >> عبارة عن تمثيليات

و لاحظت ايضا ان بعض ابطال المصارعة

و خاصة wwf قد دخلو عالم السينما و خاصة افلام الأكشن

و لكن هناك بعض و اقول بعض المباريات حقيقية

اما بالنسبة للدماء فاقول لا تصدقوا كل ما ترونه وشكرا لك طرووق

على موضوعك الجميل واسعدنى جدااا المرور فى موضوعك

لك ارق تحياتى ومن تقدم الى تقدم واقولك طب الاسنان احسن بكتير

اى نعم متعب فى الخلع شويه ههههههههههه ولكن كويس استحمل بقى

أبو رامي....

WWF دا إنت قديم أوي يا رامي...دلوقتي باقيت WWE

من زمان...

WWF كانت أيام التسعينات...( قديم أنا ههههههههه)

كنت مدمن مصارعة أيام الطفولة

و بعدين قضيتها بلايستيشن

دلوقتي إعتزلت الدنيا
:liverpool-flag:


هما طبعا ليهم رشاقة....و ليهم حركاتهم

ما أقدرش أنكر

لكن أنا بحب الصراحة

يعني لما بشوف فيلم ببقى عارف إنه تمثيل...

لكن دي ايه!!

رياضة و لا مسرحية و لا فيلم!!

مش فارقة معاهم

المهم بيجيب فلوس...



طب خليني أجرب يا رامي ....هسافر هناك و هرفع راس بلدنا

هلبس فرعوني
ههههههههههههههه

طب قولي إنت في مصارع بيلبس فرعوني؟

هو دا الشغل إلي يجيب ملايين

بلا سنان بلا بتاع.....ماليين البلد
:vb19:

نورت يا رامي الموضوع

[SiLver Spectra]

اقتباس:
المشاركة الأصلية كتبت بواسطة حنون
هههههههههههههههههههههههههه

موضوع جااااااااااامد جدا ياطارق بجد حلو

جدا واسلوبك كمان شايق استمتعت بقراته

ويلا شد حيلك وابقى مصارع قد الدنيا

خليى ماحدش يقدر يكلمك ههههههههه

بس عارف هى جت على المصارعه يعنى

ما كل شئ دلوقتى بئه تمثيل اتصل على 0900

واكسب مش عارفه ايه وكلوا هيافه واستخفاف

بعقول الناس انا خايفه بعد كده يقولى لو عرفت

اسمك ايه اتصل بينا على 0900 هههههههه

بحيك جداااااااا ياطارق على الموضوع الجميل ده

تحيااااااااااتى اختك حنون

و الله يا حنان أنا بيعجبني في ممدوح فرج ثقتة بنفسه

خلاص أتوكل على الله و أحول لكلية المصارعة؟

أهو نعملنا مباريتين تلاته...نخسر فيهم و نلم مليون دولار نحطهم في البنك و نعد في البيت نربي العيال
ههههههههههه


دنيا غريبه....

رزق الهبل على المجانين!!!



نورتي يا حنان الموضوع

[noona]

هههههههههههههههههه

حمد الله على السلامة يا طارق

وحشتنا مواضيعك والله

تصدق والله انا كل ما كنت اتفرج على ماتش مصارعة اقعد اضحك عليهم

وعلى اللى بيتفرجوا ..

كان قلبى حاسس انها تمثيل بس مجتليش الجرأة اقول كده :vb19:

واقعد اقول ايه المجانين دول واللى بعيملوه فى نفسهم

قلت حيتهمونى انا بالجنان ولا حاجة

بس كويس ان فى حد وصل لكده بردو ...

يلا مش بعيد نلاقى ماتش الكورة كمان تمثيل

يطلع الفريقين متقفين مع بعض وكله بالنص

:liverpool-flag:


وبعدين فى حد يسيب الاسنان ويروح المصارعة

انت كده كده محدش حيكلمك

لان انت بدل ما حتضرب حد زى ما المصارعين بيضربوا

حتعضهم بس ... ماهو اكيد سنانك بقى قوية :shiny01:

متوصى بيها يعنى ...

انا مش بحسد ولا حاجة لا سمح الله

:vb19:

وكله كوم واعلان ممدوح فرج ده كوم تانى ...

هههههههه

يلا بقى بلاش نجيب فى سيرت الناس

/

موضوع جميل يا طارق باسلوبك الرائع والشيق

تسلم الايادى ...

خالص تحياتى وتقديرى ،،،

[lolla]

ههههههههههههههههه

جااااااامد الموضوع يا طارق

وانا عموما مبحبش المصارعة وبالذات الحريمى

بحس ان هما جايبين شلبية وام اويء من الحارة عشان يشدوا فى شعر بعض

استهبااااااال مفيش بعد كدا

واصلا اصلا المصارعة دى عنييييفة جداااااا (حتى لو تمثيل) وغلط ان احنا نتفرج عليها

وبعدين نرجع ونقووووول العنف فى البلد جه منييييييين

وبعديييييين يا طارق هى جات ع المصارعة

ماهو كلو بيمثل على كلو ويا تكون ممثل يا تكون من المتفرجين

وفى الحالتين برضو انت ممثل

وشكراااااا يا طارق ربنا ما يحرمنا من مواضيعك

[لؤلؤه البحار]

هي مره واحده اللي شوفت المصارعه دي
مقرفه بجد
بس انا كنت مسيتغربه ازاي كل الضرب ده ويكون اللي اضرب عايش
كويس انك قولتلي انها مسرحيه
نصابين
وكمان شوفت مصارعة النساء
مش معقوله تاخد ضربه من اللي بتاخدها وتعيش بعد كده
ليه جبل تضرب فيه يصد
على العموم شكرا على الكلام الجميل