قصة عن آكل حقوق اليتيم

[رآقيہ بأخلاقـى]

بسم الله الرحمن الرحيم السلام عليكم ورحمة الله وبركاته ؛؛؛؛؛؛؛؛؛؛؛؛؛؛؛؛ اخبآرككم يا منتدى بنات مصر ؟ إن شآء الله بخير جميعآ انا جايبه معاآآيآ قصص جميله جدآ ... هى مش من تأليفى لا دى قصص غناها مطرب شعبى اسمه يوسف شتا لو حد سمع عنه او يعرفه زى الفنان محمد طه كدة بيحكى قصص جميلة فيها عبر ومواعظ والدى الله يرحمه كان بيحب جدآ يسمع له وانا نزلت اغلب القصص بتاعته وحبيت اكتبها ليكم عشان تستمتعوا بيها واتمنى انها تعجبكم فعلآ وتستمتعوا بالقراءة طبعاآآ آنا اللى كاتبه مش نقل يعنى ولا حاجة .. ودلوقتى اسبكم مع قراءة الجزء الاول من قصة ( كرم اليتيم ) كتب القلم عبره وحكم والفن نظم الحان ونغم حكاية قالوها الناس وعادوها ناس غنوها وناس سمعوها حكاااية إكرآم وحبيبها كرم ياللى انت مظلوم وبتأسى الهموم صبرك بدل ما تبكى وتشكى للعباد صبرك خلى سلاحك ايمانك والتقى صبرك الصبر احسن دواء يشفى واحسن زاد بينفع المؤمنين اللى ايمانهم زاد وينول المرء غرضه ولحقوقه زاد اللى توكاله على الله عمره ما ينضام ومن حب نفسه على طول الزمان يندم والزرع لو آن اوانه واستوى ينضم والبركه ياعم بتخلى القليل زاد اللى يخاف ربنا اجره يطالب بيه يعمل لدنياه وفى الاخره يطالب بيه ويلاقى عمله ايمان منه يطالب بيه اللى صبر نال ورزقه دآئمآ مبذور يرضى بأبى ربنا ويعيش سعيد مبسوط كل اللى جاهد وصل هدفة وهو مبسوط مفيش حق بيموت مادام صاحبة بيطالب بيه انا هحكى قصة جميلة كرم اليتيم مات ابوه وهو صغير مشفوش وجرح قلبه السئيم طب الزمان مشافوش مشى فى سكة حياته والطريق مشفوش وداق مرارة الزمان وغلب عليه همه والدنيا من طبعها زادة عليه همه واتربى محروم ومين اللى حمل همه وماتت امه يا عينى والحنان مشفوش من بعد امه جابوا عمه ووصوا عليه قناوى يبقى شقيق والده ووصوا عليه الاهل ويا الجيرآن حضروا ووصوا عليه عشر فدادين تركهم ابوه من بعده غير المتاع والبيوت والمال من بعده وقناوى اصبح كبير الدار من بعده واخواله شهدوا مع عمه ووصوا عليه مرات قناوى حفيظه فى الفعال قاسية عاقر معهاش خلف اكمنها قاسية عشان كدة اصبحت طول عمرها قاسيه بتمشى شورها على جوزها تملى تغير قليلة الاصل من يومها وهى تغير وبتحسد الناس على النعمة بحقد تغير وتكره الخير دايمآ فى الطباع قاسية بعد الوصية معايا للكلام راعى مرات قناوى قالت له بالنظر راعى الملك كله هيصبح ملكنا راعى مدام صبحت رباية الواد فى ايديا هات العقود هات وورق الملك فى ايديا تعب كرم ولا راحته تبقى فى ايديا ولما يكبر شوية نشغله راعى وافق قناوى مراته ولرآيها سلم اكمنه دايمآ ضعيف دقنه لها سلم ملكت براحها ووياها الشيطان سلم بقى جوزها لعبة فى ايدها من شهور لايام وكرم صغير ميعرفش ظروف الايام وحفيظة وحشه ولا تخشى لومة الايام هتوريها ايام رضية يا سلام سلم من الصبح للظهر لا ياكل ولا يشرب من بدرى يرعى الغنم ومن الندى يشرب مكتوب عليه الشقى من مصغره يشرب ع الارض بتنيمه وبفعلها يرضى وبالخيش تغطيه وبردو برآيها يرضى مين بس يا ناس ع ظلم اليتيم يرضى من اقل حاجة بيرضى ومن العذاب يشرب فات يوم ورا يوم والمسكين يا ذل لما بقالوا عشر سنوات يا ذل مشافش فيهم يومين حلو يا ذل مش لاقى واحد يغيتوا من العذاب والكرب ومرآت عمه سبب همه وسبب الكرب ولو اشتكى يوم لقناوى يزيده كرب وتشبعه ضرب غير السب وتذله الجلابية شرايح والجسد عريان ولا فيش قميص تحتها كان يستر العريان صعبان عليا اوى مشى اليتيم عريان مسكين وغلبان مدام جور الزمان ملكه ووقعه فى ايد حفيظة والزعل ملكه وعمه غمض عنيه من ناحيه ملكه ينعم فى ملكه وهو مسيبه عريان كرم اليتيم فى البلد بقى اغلب الايتام والاهل قاسين عليه الكل والايتام وشرط الوصاية حنان القلب ع الايتام الهم جاله وهو لسه صغير وحديث ميستحقش اهانه منهم وحديث نسيوا شريعه امام المرسلين وحديث سيدنا النبى فى الحديث وصى ع الايتام كفايه كدة انهاردة وان شاء الله للقصه باقية انتظروا الجزء الثانى منها شاكره لكم القرآءة

[ساحر الأحزان]

يوسف شتا

ومحمد طة

وغيرهم من اصحاب القصص الجميلة

الى بتقدم العظة والفايدة

من خلال كلامهم

وانشادهم

قصة جميلة منك

[العاشق الذى لم يتب]

قصص عظيم
ورائع المضمون
أحسنت قولا
ودام التميز
لك عطورى ونجومى
دمت بخير
تحيتى

[العاشق الذى لم يتب]

قصص عظيم
ورائع المضمون
أحسنت قولا
ودام التميز
لك عطورى ونجومى
دمت بخير
تحيتى