بمناسبة الدستور

[The MaSster]

يا جماعه

بصراحه انا فى ماده محيرانى وعايز افهما بجد

ياريت الناس المثقفه تفهمنى معناها

الماده 64

حرية الاعتقاد مطلقة. وحرية ممارسة الشعائر الدينية وإقامة دور العبادة لأصحاب الأديان السماوية، حق ينظمه القانون.

لكم التعليق واتمنى التوضيح

[jasmean]

يارب حد فاهم يفيدك

[فتحى عيسى]

حرية الاعتقاد مطلقة كل إنسان حر في معتقده مهما كان حتي لو كان ملحد لايجرمه القانون بشرط ألا يدعوا له أو يعمل علي نشره بأي طريقة كانت هنا يجرمه القانون
. وحرية ممارسة الشعائر الدينية الصلاة والعبادة كما هو قائم في المساجد والكنائس
وإقامة دور العبادة لأصحاب الأديان السماوية، حق ينظمه القانون.
أيضا بناء المساجد والكنائس ودور العبادة للأديان السماوية الثلاث الأسلام والمسيحية واليهودية
بخلاف ذلك لا يسمح له وأيضا بطريقة ينظمها القانون
حسبما فهمت أتمني أن أكون علي بعض من الصواب
أشكرك علي طرحك
تحياتي وتقديري

[رآقيہ بأخلاقـى]

مش فقيهه دستوريآ انا
ومش هفتى فى حاجة مش عارفاها
بس لو انت بقى بتختبر اللى هيقولوا نعم انهم مش فاهمين اللى رايحين يصوتوا عليه
هقولك انا هروح وهقول نعم لثورة 30 يونيو .. نعم لخارطة الطريق
نعم للارادة الشعبية نعم للاستقرار والقتصاد وبناء مصر
وانا سمعت من فقهاء الدستور وعرفت مميزات الدستور دة
وعيوب دستور 2012 وعرفت اقارن بين دة ودة واحدد انهى اصلح واحسن
وفى النهاية بتمنى ان حد يجاوبك على سؤالك

[The MaSster]

شكرا للردود ومنتظر باقى الاراء

[The MaSster]

اقتباس المشاركة الأصلية كتبت بواسطة فتحى عيسى حرية الاعتقاد مطلقة كل إنسان حر في معتقده مهما كان حتي لو كان ملحد لايجرمه القانون بشرط ألا يدعوا له أو يعمل علي نشره بأي طريقة كانت هنا يجرمه القانون . وحرية ممارسة الشعائر الدينية الصلاة والعبادة كما هو قائم في المساجد والكنائس وإقامة دور العبادة لأصحاب الأديان السماوية، حق ينظمه القانون. أيضا بناء المساجد والكنائس ودور العبادة للأديان السماوية الثلاث الأسلام والمسيحية واليهودية بخلاف ذلك لا يسمح له وأيضا بطريقة ينظمها القانون حسبما فهمت أتمني أن أكون علي بعض من الصواب أشكرك علي طرحك تحياتي وتقديري

معنى ان لو واحد مسلم غير الديانه ده عادى

[فتحى عيسى]

اقتباس المشاركة الأصلية كتبت بواسطة the masster معنى ان لو واحد مسلم غير الديانه ده عادى

ربنا سبحانه وتعالي قال في كتابه العزيز لكم دينكم ولي دين
ربنا بيحاسب المسلم اللي غير دينه أو المسيحي أو أي ملة كان
احنا بقي مش هنتحاسب عنه والعمل بكتاب الله يعفينا من السؤال
انا فاهم القصد ( المرتد ) فقاء الدين هم من يفتون والأزهر فقط
أشكرك

[The MaSster]

عقاب المرتد القتل

ولو تحب اجيلك الادله مفيش مانع

وبعدين واجب الدوله انها تحمى الشباب

اللى اكترهم مش لاقى ياكل من انه ييع دينه واكيد ان فاهم الاقصد ازاى ييع دينه ويتعرض عليه من مين

ومعنى لكم دينكم ولى دين مش بالمفهوم اللى انت فاهمه

ادخل ابحث وشوف تفسيرها بالطريقه اللى تعجبك

ومش هتلاقى ولا معنى ليها باللى انت تقصده

[فتحى عيسى]

اقتباس المشاركة الأصلية كتبت بواسطة the masster عقاب المرتد القتل ولو تحب اجيلك الادله مفيش مانع وبعدين واجب الدوله انها تحمى الشباب اللى اكترهم مش لاقى ياكل من انه ييع دينه واكيد ان فاهم الاقصد ازاى ييع دينه ويتعرض عليه من مين ومعنى لكم دينكم ولى دين مش بالمفهوم اللى انت فاهمه ادخل ابحث وشوف تفسيرها بالطريقه اللى تعجبك ومش هتلاقى ولا معنى ليها باللى انت تقصده

وكتاب الله عارف أنك هتسيب أصل الموضوع وتدخل في أي نقاش يسبب كلام
مالوش طعم ولا معني علي فكرة أنت شكلك قارئ كويس في الدين عشان كلامك ده (ومعنى لكم دينكم ولى دين مش بالمفهوم اللى انت فاهمه )
يعني تتحلي بروح الإسلام
من فضلك ألقي التحية أو السلام قبل أن تعلمنا الدين
أعتذر إني دخلت متصفحك

[كاريزما]

معناها دحر للمتاجرين بالدين