ممنــووع ..

[✿ Celiηα]

محادثتي مع واحدة ~

- انتي معاكي موبايل ؟
_ لا
- ليه ؟
_ عندنا فالبلد ممنوع بنت تمسك موبايل
- وإيه كمان ؟
_ ممنوع طبعا البنطلونات والطرح القصيرة ويفضل الخمار
وممنوع قنوات التلفزيون معدا القرآن والقنوات الاسلامية وقنوات الكرتون
ومفيش كمبيوترات خالص
- انتي بتقضي اجازتك ازاي يا بنتي ؟
_ يعني بعد ما بنصى كلنا ونصلي ونفطر وممكن اقرأ شوية قرآن
واذا كان فيه ميعاد التسميع او كده وممكن اقعد مع ولاد عمتي او عمي
وفرمضان ممكن اتفرج على اي كرتون من اللي بييجو

" زي الحياة زمان كده "
المهم شايفين ان الحياة دي مقفلة ومعقدة كما يراها البعض
ولا شايفينها انها الحياة الصحيحة المفروضة انك تربي عليها عيالك
وشايف انك لو والد البنت دي انك كده بتحميها من شرور الدنيا ؟

منتظـراكـم .. ~

[حلم عمري]

طبعا اشوفها نوعا ما حياة معقدة
مش كل واحدة معاها موبايل تكون بتعمل حاجة غلط ولا كل حد بيتفرج علي التلفزيون يكون بيتفرج علي حاجة عيب ومش اي حد عنده كمبيوتر يكون بيعمل حاجة غلط بالعكس احنا بنستفيد منه جدااا جميل انه يربي اولاده علي الصلاة وحفظ القران والقنوات الدينية لكن الاجمل انه مش يحرمهم من متع الدنيا لان مش كل متع الدنيا فيها عصيان لربنا سبحانه وتعالي
وانا عمري ما اربي ولادي التربية دي لاني بشوف دي عدم ثقة يعني اربيهم تربية دينية صحيحة وازرع جواهم الثقة في النفس اسيبهم قدام التلفزيون هما اللي يقلبو لو حاجة مش كويسة مش انا اللي امنعهم لاني انا لو حرمتهم من كل حاجة هيواجهو مشكلة كبيرة جداا لما يتواجهو مع العالم الخارجي
اما حكاية اللبس مش هتكلم فيها رغم اني بلبس بناطيل بس فعلا في زمايلي كتير اهاليهم بيمنعوهم يلبسوا بناطيل مش عارفة ايه السبب بس هما بيكون فكرهم كدة

موضوع رائع سيلينا وللاسف لسة موجود لحد الان

[دمعه حائره]

التربيه على القرآن مااجملها
لكن لازم ماتكون الحياه مقفله زيادة عن اللزوم
مش عشان نحميهم نلغى اى هوايات عندهم
ده غير ان عدم اختلاطهم بالعالم الخارجى
ليه سلبيات تانيه وممكن تكون اخطر من اللى سيبناله كل وسائل الترفيه
تسلمى موضوع جميل

[رضا التركى]

كل شخص ليه وجهة نظر وليه اسلوبه فى المعيشة

هى تربية سليمة من وجهة نظرى

احنا لينا عادات وتقاليد لما بنخرج عنها يبقى بنقلد الغرب

زى مثلا البنطلون ولو انه موضوع مخزى حتى فى الكلام عنه

أولاد وبنات حاجة غريبة ومستفزة كمان

الواحد يلبس بنطلون شويه وهيقع منه

والبنت لا حول ولا قوة إلا بالله

وده نتيجة لأننا تركنا عادتنا وتقاليدنا

حتى فى الثورات فى ثورة 1919 مثلا

شوفوا النساء لبسها حشمة ازاى

احنا بنتكلم فى عادات وتقاليد متكلمناش فى الدين

لانه لو اتكلمنا فى الدين يبقى عليه العوض فى غالبية الشباب البنات.

ويبقى الاختلاف دائم فى وجهات النظر

موضوع قيم يلمس ظاهرة تحول كتير من شعبنا

اعتذر للإطالة

دمت بأمان تحياتى واحترامى

[✿ Celiηα]

اقتباس المشاركة الأصلية كتبت بواسطة حلم عمري طبعا اشوفها نوعا ما حياة معقدة مش كل واحدة معاها موبايل تكون بتعمل حاجة غلط ولا كل حد بيتفرج علي التلفزيون يكون بيتفرج علي حاجة عيب ومش اي حد عنده كمبيوتر يكون بيعمل حاجة غلط بالعكس احنا بنستفيد منه جدااا جميل انه يربي اولاده علي الصلاة وحفظ القران والقنوات الدينية لكن الاجمل انه مش يحرمهم من متع الدنيا لان مش كل متع الدنيا فيها عصيان لربنا سبحانه وتعالي وانا عمري ما اربي ولادي التربية دي لاني بشوف دي عدم ثقة يعني اربيهم تربية دينية صحيحة وازرع جواهم الثقة في النفس اسيبهم قدام التلفزيون هما اللي يقلبو لو حاجة مش كويسة مش انا اللي امنعهم لاني انا لو حرمتهم من كل حاجة هيواجهو مشكلة كبيرة جداا لما يتواجهو مع العالم الخارجي اما حكاية اللبس مش هتكلم فيها رغم اني بلبس بناطيل بس فعلا في زمايلي كتير اهاليهم بيمنعوهم يلبسوا بناطيل مش عارفة ايه السبب بس هما بيكون فكرهم كدة موضوع رائع سيلينا وللاسف لسة موجود لحد الان

ده جانب سلبي ليها
ان اطفال زي كدده لا يفقهو شيئا فالتكنولوجيا
عايشين حياة بدائية وزي ما قلتي انا بعتبرها اهانة للبنت
رغم ان الاهل مش شايفينها كده بس ربنا يهديهم

منوراني يا قمر ر ~

[✿ Celiηα]

اقتباس المشاركة الأصلية كتبت بواسطة دمعه حائره التربيه على القرآن مااجملها لكن لازم ماتكون الحياه مقفله زيادة عن اللزوم مش عشان نحميهم نلغى اى هوايات عندهم ده غير ان عدم اختلاطهم بالعالم الخارجى ليه سلبيات تانيه وممكن تكون اخطر من اللى سيبناله كل وسائل الترفيه تسلمى موضوع جميل

صح مهو مش لازم عشان اربيها عالقرآن
امنعها من كل حاجة كده
وهو يعني البنات اللي عكسها مبيحفظوش قرآن
ولا بيتربوا عليه بالعكس فيه كتير
والسلبيات زي كده هتبقى اكتر زي ما قلتي

نورتي يا قمـر ر ~

[✿ Celiηα]

اقتباس المشاركة الأصلية كتبت بواسطة رضا التركى كل شخص ليه وجهة نظر وليه اسلوبه فى المعيشة هى تربية سليمة من وجهة نظرى احنا لينا عادات وتقاليد لما بنخرج عنها يبقى بنقلد الغرب زى مثلا البنطلون ولو انه موضوع مخزى حتى فى الكلام عنه أولاد وبنات حاجة غريبة ومستفزة كمان الواحد يلبس بنطلون شويه وهيقع منه والبنت لا حول ولا قوة إلا بالله وده نتيجة لأننا تركنا عادتنا وتقاليدنا حتى فى الثورات فى ثورة 1919 مثلا شوفوا النساء لبسها حشمة ازاى احنا بنتكلم فى عادات وتقاليد متكلمناش فى الدين لانه لو اتكلمنا فى الدين يبقى عليه العوض فى غالبية الشباب البنات. ويبقى الاختلاف دائم فى وجهات النظر موضوع قيم يلمس ظاهرة تحول كتير من شعبنا اعتذر للإطالة دمت بأمان تحياتى واحترامى

لا طبعا انا عمر ما كان اعتراضي عاللبس
انا مع حضرتك فكلامك بس انا كل اعتراضي
عن ان البنت كده محبوسة فأوضة
مش عارفة الدنيا بره شكلها ايه ولا عاملة ازاي
وبردو زي ما قلت مش اي واحد\ة بيواكب التطور
هيبقى مش محترم او لبسه وحش او مش عارف دينه

نــــور رت ~

[فتحى عيسى]

كل شيئ بيزيد عن حده بينقلب ضده
والمثل اللي بيقول الممنوع مرغوب
ودينا الإسلامي يسر لا عسر فيه
وكل غلو فيه أو تشدد أمر غير مقبول
عند علماء المسلمين
أشكرك علي طرحك الراقي
سلمتِ والنبض
مودتي وإحترامي

[big bốss]

هى حياه جميله و بتحمى فعلآ البنت و لكن ليها سلبيات زى ما الاعضاء ذكروها

يعنى لما يزيد الكبت و يبقى بدرجه كبيره و يمنع الاختلاط و يمنع التكنولوجيا و المشاهده

دا كله بيفقدتك التعامل مع العالم الخارجى و ميخليش عندك تجربه سابقه تعرفى تفرقى

بين الخير و الشر او وجهتك مشكله تعرفى تحليها

موضوع قيم سلينا و مهم

خير الامور الوسط

[العاشق الذى لم يتب]

شوفى بئا ياست سيلينا
بعدماتوحدى ربك وصلى على النبى
وتقولى عليه الصلاة والسلام
وتهدى كده وروقى وتخلى بالك معايا
الحكاوى اللى حضرتك ذكرتيهاوطبعا شايفاهاغريبة وعجيبة
ومعقدة ومتنيلة بستين نيلة
ولايمكن تكونلحسن خنقة أوى
ياريت كلنانكون كده
بس نصوم ونصلى ونذاكرفى القرءان ونقعدمع ابن العم والخال والخال
يعنى صلة أرحام
لكن صدقينى ياأختى ولاحاجة من دول خالص حاصلة
ولاتتخيلى ولاتظنى أنهاهتحصل
كان زمان والله يرحم أيام زمان
ياريت كانت بس على التلفزيون ولاالفون ولاالنت
فيه بلاوى كتيرة
وفين الكلام ده اللى انت بتحكى عليه
وأنابكلمك من قلب الصعيد
اللى المفروض يكون فيه كل العقد على حسب تسميتك
ولكن والله ولاحاجة منهاابدا
جيل متعفرت ومتنيل
ولاخيرفى الكبيرولاالصغير
ولاالجاهل ولاالمتعلم
هقول ايه بس ولاايه
ليه بس تقهرينى ياسيرينا
حلفتك بالله تدعيلى ربنايهدينى
وتسلمى على الطرح الجميل ده
تحياتى
رفعت كان هنا