ضيفنا في : مين يقدر ينتقدني الاخ SiLver Spectra

[شاعر واسير الحب]

الاخوة الاعزاء
مين يقد ر ينتقدني

الموضوع الاصلي هنا




مين يقدر ينتقدني


كان عمر بن الخطاب رضي الله عنه يقول:
( رحم الله امرأً أهدى إلي عيوبي )
او
أحب الناس إلي من أهدى إلي عيوبي


قيل لبعض العلماء ، وقد اعتزل الناس وكان منطويًا عنهم :
لِمَ امتنعت عن المخالطة؟ فقال :
وماذا أصنع بأقوام يخفون عني عيوبي




ضيفنا هنا
الاخ الكريم



حائز على جائزة نوبل للسلام و دكتوراه في البتنجان
و شهادة الايزو العالمية
مين يقدر ينتقدني
دكتور أسنان فاشل............... هو اللي بيقول واذا كان القول كدا
اكيد ناجح جدا
يمكن متواضع شويه


كاتب متميز مواضيعه مفيدة وشرح
بتاع مسابقات وحرق اعصاب
صاحب النجوم السيلفروليه الي الان موجودة علي رصيف المنتدي
مع من هب ودب
مجتهد نعم مجتهد مجادل بيحب بيجادل بس عاوز يكون هو الصح وإلا صورته تهتز بين الاعضاء
( درس وله انياب )

بيرد احيانا .....بيرد بسخرية هو المدير
طيب اهــ طيب بس بيشيل من اللي امامة شويه يمكن بيصعب عليه

بيجامل بيجامل يمنح vip لاعضاء واعضاء حتي ولو مكملوش شهر بالمنتدي هو المدير ممكن ليه لأ يشطبك ممكن بجرد قلم ليه جرت قلم تم قفل حسابك
ياويلد

ادعيه لموضوع حواري مش هيرد عليك وفي لحظة تقليه مع حوار اخر

كفايه لأحسن يزعل مني

له راي وعليه انتقادات

حكمته الان والحدق بفهم

لو القرد مات القرداتي هيعرف يشتغل ؟

ممكن ان تكتب خمس ايجابيات وخمس سلبيات قوله

أحب الناس إلي من أهدى إلي عيوبي

من النقد البناء لايمر طبعا

اكيد اكيدعليه انتقادات وله من ينقده
وهيكون نقدا بناء ايجابي وسلبي
بدون زعل خالص


هو معنا بالصورة وبالردود الجميلة
نقد بناء ايجابي ايجابي

اما اليوم فهو في دائرة الانتقادات
ياريت نتقد ونقدم النصيحة له في صورة نقد بناء
وليس مدح


حب الناس إلي من أهدى إلي عيوبي،


مافيش حد يمدح حد هنا
غير تقديم النقد الايجابي والسلبي
ونرجو تقديم الانتقادات بشكل ايجابي

انتقادات مش مدح

مثلا انتقده في
الردود قليلة الرد قليلة الحضور
رمزيات : رمزيته ..... توقيعه ... مش متابع معاك مواضيعك
... همه في المسابقات ... سايب الادارة للبطانه

ولكن لابد من النقد البناء المفيد اللي مابيزعلش حد في النهايه كلنا هنا اخوة

انتظركم مع الاخ الكريم

SiLver Spectra

[big bốss]

اختيار موفق يا استاذ جلال

- دكتور طارق شخصيه غنيه عن التعريف - يكفى انه من عظماء شهر اغسطس

نقدى له

اوقات بيتعصب و ميقدريش يمسك الفاظه و بيقول الفاظ خارجه و بشكل متكرر

هو لفظ واحد - فبصراحه انا مستغرب مع ثقافته العاليه المفروض ميقعش فى

مستنقع الالفاظ الخارجه دى .


نقدى التانى له مش عارف نقد و لا ميزه

بحسه فى اى حاجه بيعملها معندوش الوسطيه اما اسود او ابيض

بس كدا

و كل عام و انتم بخير

[العاشق الذى لم يتب]

شكرا لك جلال
والبرنامج الجميل
وفكرته العقبرية
دكتورنا
ومديرنا
وصاحب مقام
طارق
كثيرة هى التى أريد أن أمدحه فيها
ولكن أكتفى بقولى
أننى أعزه إيمامعزه وأحترمه كذلك
له أسلوب مميز ونقد بعين فاحصة
حينمايتصدى لأمرما
وعلشان البرنامج مخصص لنقد
أقول نقدى للأخ طارق أنه شديد الكره
للإخوان المسلمين
والنقد الثانى
ذات مرة رأيته يقول على من يربى لحيته
أو بمعنى أدق علشان ماأعممش
قال دقنه المعفنة دى
فعذرا أخى طارق
لم يحالفك التدقيق فى هذا اللفظ
أرى من وجهة نظرى أنك آخذ سيئة
فلايجوز أن نطلق على مظهرالنبى محمد عليه الصلاة والسلام
ونسخرمن سنته المأكدة والتى أمرنابها
وكذلك اللحية هى رمز لكل رجال الدين
سواءاليهودى أو المسيحى
مش كده ولاأيه
تحياتى

[✿ Celiηα]

اختيار موفق للدكتور طارق

مش هذكر الايجابيات لان الدكتور ليه بصمة مميزة
والكل عارفها ومن اهمها انه بيدي لكل حاجة حقها

النقد :

- احيانا بيرد على بعض الاعضاء بسخرية واستهزاء
وده المفروض ميتعملش من مدير ده احباط للعضو

- بحس انه مش بيتصرف بطبيعته بيحاول يكون شخص تاني
او شخص مميز وكامل من كل حاجة
بالرغم من ان كل شخص مميز بطبعه

- التعصب فالردود لمن يخالفه الرأي خصوصا السياسة
مبيحاولش يوصل لطرف يرضي الاتنين بالمعنى مبيفكرش فرأي التاني
هل هو صح ولا لا ؟
كل اللي بيبقى فدماغه انه يقنعه برأيه

خلاص كده واتمنى ميكونش فيه زعل ولا تعصب ^_^
وتتقبلها بصدر رحب

ودي ~

[Silver Flower]

هههه
ما أنتا انتقدته ياشاعر بمقدمتك
طارق
بنسبه الي يمكن عقليتي ما بتتماشا معاه وده طبيعي حتى في الأخوات كل واحد بيختلف عن التاني
انا جربت طارق
يمكن زمان اول تسجيلي كنت فكر انه لئيم او بيخوف كنت بصراحه أخاف منه وخصوصا مع الجماجم الي كان حاطت فيه توقيعه
بس بعد معرفته
عرفت انه اشرف وأطيب شخص وأنا
بكن له كل التقدير والاحترام
شخص بحب عقليته إلا في السياسه هههه تبعت بلدي ال إلخاصه
غير هيك لاء معاه
بحب
قوه ملاحظته في أخد انطباع للعضو
ممم بس هيك بدي قول

[ساحر الأحزان]

منور يا دكتور

الدائرة

مع شاعر

وهو النقد اشتغل

موفق بقى

[شاعر واسير الحب]

اهلا بيكم في مين يقدر ينتقدني

د/ طارق اين انت ؟؟؟؟؟؟؟؟؟؟؟؟

[SiLver Spectra]

مبدئيا كل واحد قال رايه ..
عادي .دا في النهاية انطباعك الشخصي ..موضوع مثلا انه عنيد او متعصب امور زي كدا مش هقدر اتناقش فيها لأنها انطباع لكل شخص و مش مطلوب منك طبعا تغير انطباعك دا بردي داهون
لكن هرد على بعض النقاط من وجهة نظري

أنا هتناقش في 4 نقط من الاعتراضات المقدمة

أولها : بيج بوص ..عن الالفاظ ..الفاظ زي ايه يا نور ؟ كلمة وساخة سياسية مثلا دا قصدك ؟
طب لو بلدنا وساخة بكلمة dirty تمشي كدا ؟
بالعكس انا بحاول قدر الامكان أتحفظ برغم اني بكون عايز انفجر من اللي بشوفه
أمال في الواقع هتقول ايه بقى
و كمان انا مش بذكر كلمة زي كدا و لا غيرها على فرد بعينه ..بوجها لفكرة عامة زي ما بقول غباء الحكومة مثلا ..لكن مش بقول فلان الفلاني دا كلب
و عامة أنا بقبل تعديلك على اللفظ و مش بعلق

-------
النقد الثاني
الرجل المتواضع ..
اللي ذكرته كان ردا على نقد قرارات من مجلس الشورى ..و في الموضوع وضحت ان مش اي حد بلحية بيكون شكله حلو و في ناس ( و أنا منهم) باللحية بكون زباله
و امي ساعت ما تشوفني تقولي شكلك معفن روح احلق دقنك الزبالة دي
هتقولي ماينفعش و ينفع و تدخلنا في فتاوي و احاديث هقولك انت حر في قناعاتك
زي ما انت بتنتقد مناظر بتشوفها في المجتمع و بنت بتلبس و شاب بيعمل


----
النقد الثالث بخصوص سيلينا
السخرية اللاذعة مش بستخدمها غير لو الشخص دا بيني و بينه ودية و بكون عارف انه هيتقبلها عادي
أما غير كدا فبيكون هزار خفيف و لو حد زعل بعتذرله عادي و بحذف اللي حصل و ببوس راسه كمان و دا حصل قبل كدا و تقدري تسألي
لكن بصفة عامة ما اظنش اني بقلل من شأن حد أو بمارس التعالي على أي حد هنا ..مش بقول مثلا خد ياض انت و هو و امشي من هنا لحسن اديك على دماغك ..مش بستخدم الهزار دا نهائي مع اني كنت بشوفه في مواقع اخرى
زي الواد نور كدا ممكن اقوله ياعم السيساوي ..أو أهزر مع استاذ خالد الاخواني و هما بيقبلوه عادي و بيضحكوا

لكن ممكن حد يبص من برا و يقولك ماهذا المغرور ..هو حر بقى انطباعه بس انا مش جيت جنبه )
و بالامكان التعامل بشكل رسمي لكن مش بفضل دا ..و بحب اكون عادي و على نياتي ..
لكن لو حابه ابقى رسمي معاكي مافيش مشاكل
هقولك سلمت يداكي و بارك الله فيكي على هذا المجهود و بصمتك الرائعة يا اخت سيلينا و نتمنى لك دوام الاجتهاد و العطاء .

-------
النقد الرابع بخصوص الكمال ..فين بدعي اني كامل ؟ انت مجرد بتطرح افكار و اراء ليك انك تقتنع بيها زي ما انا مقتنع بيها و ليك انك مش تنقتنع بيها ..لكن ما اظنش اني بكتب حاجه و بقول اني سوبر مان و ان ماجبتنيش ولادة قبل كدا ..بالعكس انا لو بتابعي استضافاتي كويس هتلاقيني بسخر من نفسي كتير جدا بالذات لما حد يحطلي سؤال عن طفولتي او موقف محرج و خلافه من الامور ..

اقتباس مرة و أنا صغير ضربت في دماغي اني عايز أنزل الشارع فأمي تقولي الوقت متأخر انزل بكرا يا ولااااا..يا ولااا ماينفعش تنزل يا ولااااا ..أنا طبعا ماكنتش وقتها أعرف اختراع اسمه الساعة و في ****************** عموما البلد بتنام من بدري المهم قاعدت أزن ..عايز أنزل عايز أنزل فلاقيت ابويا ظهر : عايز ايه الواد دا ؟ أمي : عايز ينزل فلاقيته برد فعل غريب قالي تعالى و مسك اديه ..و راح فاتح باب الشقة و قالي : اتفضل طبعا الواحد كان مذبهل ..و خلاص حلاوة النزول راحت ..انت عارف العيال بتحب الزن هههههه المهم نزلت ..لاقيت الدنيا هوس و مخيف ..و مافيش غير اصوات الصراصير تحت العمارة و الزرع اللي حواليها ماكملتش خمس دقايق و رحت طالع تاني بخبط عالباب ابويا فتح راح قايلي : نزلت يا ابن الكلب ؟ هههههه مش عارف لما بفتكر الموقف دلوقتي بضحك

أو كدا

اقتباس هو احنا كنا حاطين مواضيع قسم الالعاب تحت المراقبة ليه ؟ دا احنا كان عقلنا صغير اوي ما ينزل العاب ..ماكلو شبه بعضه! تفرق مكرر و لا مش مكرر في عد من واحد لخمسه و اهدي الشبشب لعضو

و دول عينات عشوائية من بحث سريع

بقى بالذمة دا منظر واحد بيدعي المثالية و الكمال
ياشيخه اتقي الله بقى

------
أما النقد الاخير ..فيعني ايه يوصل لطرف يرضي الاتنين ؟
انت ليك راي و شخص له راي مختلف تماما !!
بالمناسبة ..أنا بكون متفاهم جدا في الاختلاف لكن لما يكون اللي بيكلمك متزن ..يعني واحد بيعارض الحكم الحالي هنا هيكون حواري معاه متفاهم ..(زي الاخت حرف هجاء)..لكن لما تواجه واحد بيقدس ..هتتفاهم معاه ازاي ! بالذات لما يكون بيحور و بيدخلك في امور اخرى و مشيطن طرف و الطرف التاني عامله ملاك !
و عامة ..مافيش حاجه اسمها نوصل لحل يرضي الطرفين ..انتي مثلا مسلمه و واحده تانية مسيحية .ايه الحل اللي يرضي الطرفين هنا ؟ كل واحد له قناعته الشخصية ..مش كدا و لا ايه ؟
اما في المنتدى و في الاجراءات ..بالعكس اظن اني متفاهم جدا و بتنازل عن امور كتيره جدا جدا ..و عمري ما اخدت حاجه بعناد و ممكن تسألي اي حد هنا في الادارة او كان ليه تعامل سابق معاهم
و هنا الفرق بين الاجراء و دا اللي بيكون في حل وسط لو في اعتراض و وجهة نظر اخرى ..و بين السياسة زي واحد بيقولك السيسي اتقتل مثلا

في النهاية احنا لازم مش نبص لاختلاف الاراء خاصة الفكرية و السياسية بالتحديد على انه قطع رقاب ..للاسف احنا بناخد انطباعات زي كدا دائما لما نشوف خلاف مشتد بين اتنين ..مع ان لو كان في قطع رقاب ماكنتيش هتشوفي الخلاف ظاهر من اساسه ..و ساعتها كنتي هتشوفي المثالية و الكمال بعينهم =))

منورين ..
و معلش على الرد المتأخر لأسباب تتعلق بانشغالي ..و كمان شاعر و اسير الحب مش بلغني قبلها
بس بشكره برضو على الاستضافة ..

[شاعر واسير الحب]

بصراحة مقنع جدا
ونشكرك علي اهتمامك بالرد وعدم الزعل
وانا خليتها مفاجاة عشان الاعضاء يدخلوا وبقولوا رايهم
ولكن في النهايه برافوا برافوا يادكتور
والنهايه كلنا هنا اخوة متحابين في الله
اشكرك

[جبل عالي]

شاعر وأسير انت مخليتش نقد نقوله ده اولاً

وطارق ماشاء الله رد رد مفحم ده ثانياً


والإستضافة قوية شكلاً وموضوعاً حقيقة

كلمة أخيرة ... هو ان طارق شخص واثق في نفسه جداً

ويمكن ده اللي بيخلينا ساعات ناخد الثقة دي بمنظور تاني

وعلى رأيه هو مش مسؤل بئا عن كده ......

لكن بقولك يادكتور .... ساعات بيبقا مطلوب شوية لين

وده بيحصل أيوة منك وبتتقبل بس بدون ما تصرح ولا تقول


يعني بالنسبة لتعليقك على نور وانك بتقبل التعديل على بعض الفاظ

بس مبتصرحش (مبتعترفش) ويمكن ده مش مهم بالنسبة لك

بس بالنسبة للمتابع ليك بيفرق .... وفى النهاية برضو

ده نابع من شخصيتك وثقتك بنفسك .... اللهم لاحسد يعني