هل التعليم بديل الزواج لدى البنات ؟

[big bốss]

- الزواج و تكون أسره هو نهاية المطاف لاى فتاه و هو هذه سنة الحياه حتى يوم الدين ، و لكن لكل قاعده شواذ فقد يختلف سن الجواز من فتاه لآخره و من بلد لبلد ، فهناك من تتجوز و عمرها 16 عام و هناك من تتجوز على 18 عام و هناك على 25 عام و هناك 28 عام و هكذا ....الخ تجرى الامور فهو شىء يحكمه النصيب و القدر فى كل الاحوال ، و لكن تجد البعض يتجه الى التعليم العالى و تكميل مسيرة التعليم و لا يفكر فى الزواج او الحب حتى يفأجىء انه قد تجاوز عمرآ و لم يتمتع به ، بل فضل الحياه العمليه عن الحياه الاسريه و تكون أسره و اولاد . - فهل أصبح التعليم هو بديل الزواج عند البنات ؟ فالملاحظ اتجاه البنات الى العمل و التعليم خصوصآ عند الذين لم يتزوجوا مبكرآ فأثروا الحياه العمليه كبديل و تعويض عن فقدان دورهم الطبيعى فى المجتمع و هو تكون أسره . فهل التعليم و العمل هو هروب ام أتجاه بديل لخيارات الحياه ، اليس من الممكن ان يكون هذا الاختيار خاطىء ام هو صحيح فى كل الحالات الموضوع مطروح لتحليلاتكم .

[دمعه حائره]

التعلم والنجاح طموح ممكن ياخد كل تفكير البنت
ويخليها تأجل فكره الزواج او ممكن تلغيها
ودى مش حاله نقدر نعممها لكن اتجاه بدأ يظهر فى المجتمع
المفروض العلم او العمل حاجه وحياتها الخاصه حاجه
ممكن توفق بينهم بتكون صعبه لكن كتير بينجحوا
موضوع جميل نور

[big bốss]

اقتباس المشاركة الأصلية كتبت بواسطة دمعه حائره التعلم والنجاح طموح ممكن ياخد كل تفكير البنت ويخليها تأجل فكره الزواج او ممكن تلغيها ودى مش حاله نقدر نعممها لكن اتجاه بدأ يظهر فى المجتمع المفروض العلم او العمل حاجه وحياتها الخاصه حاجه ممكن توفق بينهم بتكون صعبه لكن كتير بينجحوا موضوع جميل نور

التوافيق بينهم مش صعب يا منه

لان فيه اهميات فى حياة الانسان و درجات

مفيش تساوى بين الارتباط و الزواج و العمل و الدراسه من نحيه اخرى

علشان يبقى فيه توافق بينهم صعب

اما ابيض او اسود مينفعش رمادى

[حلم عمري]

التعليم شيئ لابد منه في الحياة وفي ناس بتكون طموحة زيادة
لدرجة انها تستغني عن الزواج من اجل الحياة العلمية
ممكن دا يكون بسبب خوفهم من ان الزواج يلغي طموحهم ويمنعهم من استكمال حياتهم العلمية اللي كانو بيحلموا بيها
ولكن طبعا الزواج شيئ اساسي وفي رايي تكوين حياة اسرية وتربية الاطفال تربية صحيحة احيانا بيكون افضل من استكمال الحياة التعليمية
ولكن الافضل انها تنسق بين بيتها وعملها وفي ستات كتير بتنجح في دا
موضوع مهم نور
بس جامدة الصورة الاخيرة دي ^_^

[big bốss]

اقتباس المشاركة الأصلية كتبت بواسطة حلم عمري التعليم شيئ لابد منه في الحياة وفي ناس بتكون طموحة زيادة لدرجة انها تستغني عن الزواج من اجل الحياة العلمية ممكن دا يكون بسبب خوفهم من ان الزواج يلغي طموحهم ويمنعهم من استكمال حياتهم العلمية اللي كانو بيحلموا بيها ولكن طبعا الزواج شيئ اساسي وفي رايي تكوين حياة اسرية وتربية الاطفال تربية صحيحة احيانا بيكون افضل من استكمال الحياة التعليمية ولكن الافضل انها تنسق بين بيتها وعملها وفي ستات كتير بتنجح في دا موضوع مهم نور بس جامدة الصورة الاخيرة دي ^_^

الطموح دا الى مودى البنات فى داهيه

يا بنتى و ليه ميكونش الطموح فى تكوين اسره و تربية جيل

و لا مش هينفع الطموح عند البنات الا لما تشتغل و تتعلم و تهمل بيتها و اسرتها

و مش تتجوز خالص


صوره معبره الاخيره دى:d

[فتحى عيسى]

لاء ديه تركيبة إناث بعينها بتبقي موهوبة في دراستها ومتقدمة وعندها طموح لا حدود له
فكرة الزواج لا تخطر بالمرة علي بالها ولا تفكر أبدا فيه طول ما هيا بتحقق أحلامها العملية
علي أرض الواقع وفي صعود مستمر حتي تصل إلي مرحلة معينة تقف عندها طويلا وتسترجع شريط حياتها وتري إنها حققت ما تصبو إليه وهنا الطامة الكبري عندما تجد إن كل ما ذهبت إليه
حاضرا نعم وبقوة في حياتها مركز وقيمة علمية وذاتها مهملة إنوثتها تذبل وأرضها تبور
وتنظر إلي وجهها في مرآة حياتها وتتحسر علي أجمل شباب عمرها ووحدتها في هذا العمر
أحييك أخي الرائع البوص علي طرحك المتميز وفكرك المتجدد دوما
سلمت والنبض
مودتي وإحترامي

[حالمة باميرى]

كل بنت وعلى حسب تفكيرها وعلى حسب البيئة الى اتربت فيها
وفى كذا نوع
فى نوع طموح ومش بيربط الجواز والتعليم ممكن تبقا متجوزة وبتكمل تعليمها وفى كتير جدا
وفى عندنا فى الصعيد فى القرى ممكن يخلوها تسيب التعليم عشان الجواز وتكون عندها 15 او 14 سنةوالاهل بقا يقولوا هيفدها باي التعليم وتتعلم فى بيت جوزها والكلام دة
وفى نوع ممكن يكون بيتعلم بس بيضحى بالجواز فى سبيل انها تكمل وتواصل طموحها
وفى فعلا ناس بتكمل عشان متفكرش انها عدت سن الجواز وبقا انت عارف كلام الناس مش بيرحم حد وميعرفوش ان دة قسمة ونصيب
وفى الاخر بيرجع للشخص والعائلة
انا رغيت كتير صح بس يارب اكون عرفت اوصل الى قصدى علية

[✿ Celiηα]

التعليم حاجة والزواج حاجة
لكن عمر ما حاجة فيهم هتحل مكان التانية
لأن الاتنين ليهم دور فحياتنا
الزواج ممكن يتأخر شوية عشان التعليم
لكن مش بيتلغي ابداً البنت حتى لو دكتورة يعني
مش هتتجوز ولا ايه

[phalsteen]

موضوعك مهمة يا نور
بس عادة بيكون كل الاحتمالات موجودة
يعني في ناس بتاخد العمل والعلم فراغ مش اكتر
يعني استثمار وقت
لكن الاغلب لاء
اختي الكبيرة اتجوزت في الجامعة وكملت وحاليا بتخلص في الماجستير اهي
عقبال عندك ؟
وانا جوازي مش هيمنع دراستي ولا شغلي بعد كدة ؟
دي حسب الشخصية والطموح بئه

[روح صامتة]

هجاوب باختصار :
لا مش بديل
شكرا ي نور ع الموضوع ^^