القلم ملوش كبير _ حصري _

[فتحى عيسى]

بيقولي تتحداني ...
قالها بطريقة مش هيا ...
بصراحة زعلتني ...
وخلتني غصب عني أرفض ...
دلوقتي يفتكر ...
إني خفت من قلمه الجميل ...
وسحر بيانه ...
ومخزونه اللي بيخليني أغير ...
من حلاوة نبعه الحاني ...
يفتكر بقي ...
هو يعني أول واحد ...
ولا هيكون الأخير ...
ياما خفت ...
وياما أترعشت من أقلام كتير ...
ديه حقيقة منكرهاش ...
الخايف دايما في آمان ...
من تأنيب الضمير ...
وأنا ضميري حي وصاحي ...
وبيوجعني أوي ...
لو عزلت أمير ...
عن عرش الحرف ...
وأتسلطن حرفي الفقير ...
مع إني علي طول الخط أقول ...
أنت غيري وأنا غيرك ...
مستحيل نتلاقي في تعبير ...
في المعني أة ...
لكن الحروف غير ...
كل واحد ليه بصمة ...
وحتة بتاعتة ... خاصة بيه ...
يتميز فيها عني وعنك ...
وياريت كلنا ...
منه نغير ...
غيرة الشاعر ...
من حرفة التصنيع ...
من تدفق المشاعر ...
من نظمه البديع ...
مش من إسمه ...
ولا من رسمه نغير ...
ياصاحبي لكل شيء ...
إصول ...
وأنت قدرك عالي ...
ليه نمسك في خناقنا ...
ونكسر أسنان حروفنا ...
ونحرق قلب المعاني ...
القلم يا صاحبي ...
ملوش كبير ...
فتحي عيسي
الرياض
مساء الخميس
16-1-2014