خليه يمسكهــا يا فوزيــه

[الفراشه]

السلام عليكم ورحمه الله وبركاته


فاكرين حنفي وفوزيه اللي كانوا في مسرحيه (سك على بناتك)


لما فوزيه ماكنتش راضيه تخلي حنفي يمسك ايدها بعد الجواز


وكانت عايزه تتطلق منه علشان كان عايز يمسك ايديها يوم الزفاف

وفي الاخر ابوها قالها (ماتخليه يمسكها يا فوزيه):vb25:

هههههههههههههههه كلنا بنسمعها كتير المسرحيه وبنضحك عليها


بس بجد حد فكر في اللي فوزيه بتعمله دا


هي صحيح مزودها شويه انه مش مخلياه يمسك ايدها بعد الجواز


طيب وقبل الجواز ايه رائيكم


يعني ايه رائيكم في لما واحد وواحده مخطوبين او بيحبوا بعض يخرجوا مع بعض ويمسكوا ايد بعض .......


بلاش دي نقرب الفكره اكتر



فكرين المنظر التقليدي اللي بنشوفه في الافلام والمسلسلات


اتنين قعدين على تربيزه في نادي واتنين ليمون وشجره وهي بمنتهى البراءه بأه


مش واخده بالها وفارده دراعتها على التربيزه وهو شويه شويه يسحب ايده ويقوم فجأه


قافش على ايديها ههههههههه قصدي يعني ماسك ايدها.


طيب هل انه من حقه انه يمسك ايدها او يحط ايده على كتفاها ؟؟؟؟؟؟؟؟



ربنا فرض علينا فروض المفروض منتعدهاش


يعني اعتقد انه مش من حقه انه يعمل حاجه زي كدا


ولا هل ان كل اللي بيحصل دا ان يحط

يمسك ايدها او يحط ايده على كتفاها او او او او ممكن يكون


المبرر ليه الحب؟؟؟؟؟؟



ولا دي حاجه عااادي انها تحصل ومفيش مشكله بأه ماهي هتكون مراتي وخلي بالك وركز على هتكون دي


ويقولك ربنا عالم بالنوايا !!!!


طيب خلينا نتكلم ونناقش الموضوع دا.....



هل الحب يعطي الحق لاي شخص انه يمسك ايد حببته او انه يحط ايده على كتفاها او او او ؟؟؟



تحياااتي

[ســــــــــاندي بيل]

بجد موضوعك ضحكنى اوى

بس بحيكي بجد على فكرة الموضوع

وانا من رائي ان البنت اذا اتنازلت ولو تنازل بسيط فى علاقتها بلشخص الى بتحبه او خطبها او اى كان

فا هي كدا بتتنازل عن نفسها بلتدريج ووحده وحده والموضوع مش هيبقه مسكة ايد وبس

وطبعا احنا بنشوف ده ادمنا كتير اوى وبنشوف تجارب اكتر وعلاقات فاشله كان اساسها التنازل

والى اعرفو ان الولد لو عاوز بنت وبيحبها بجد ونفسه ان الانسانه دى هى الى تكون فى بيته

يبقه لازم يحافظ عليها ويتقى ربنا فى علاقته معاها عشان ربنا يديلو الى فى نيته ويرضي عنهم

وشكرا على موضوعك ياقمر

[نور حبى]

بصراحه الموضوع حلو اوى

بس فى ديننا الاسلامى ممنوع ان يمسك شاب ايد حبيبته قبل الزواج أو يضع يده على كتفها زى مانتى بتقولى

بس طبعاً مفيش حد بيسمع الكلام وكله بيعمل الى هو عايزه ميرسي يا قمر على الموضوع

[Just G!rl]

أنا معاكي يا نهله

بجد فكره جديده لانج

تسلم إيديكي يا قمر

بانتظار جديدك دائماً

[حنـــــون]

موضوع جميل جداااااااااااااا

وطبعا الحب مش مبرر خالص

لاى تجاوز ممكن يحصل اصلا هو لو بيحبها

هيحافظ عليها وهحميها حتى من نفسوا

انما الى بيحصل ده كلوا تجاوزات ومالهاش اى

علاقه بالحب الحب يعنى خوف على الانسانه

الى بيحبها واحترام ليها وعلى فكره هى كمان

المفروض ماتسمحش بده انوا يحصل بشكرك جداااااا

يافراشه على الموضوع الجميل ده تحياااااااتى اختك حنون

[Mo7aMeD Lotfy]

انا من رايى ان اللى بيمسك ايد اى بنت ده انسان مش محترم لان ربنا حرم لمس المرئه الاجنبيه اى الغريبه عليا


وبعدين ما القعده فى مايه وبحر وجو جميل لازم يعنى يعمل فيها نور الشريف ويمسك اديها

والبنت اللى تسمح للولد بكده تبقى بترخص نفسها ليه

خالص تحياتى وتقديرى على الموضوع الرائع

تحياتى

العندليب

[بائع الامانى]

موضوع غايه فى الروعه والموضوعيه اختى العزيزه............حاجات كتيره افتكرناها عادى....ولها عواقب زى الزفت

احييكى على طرح الموضوع...........صاحبة رؤيه وفكر

[نـــ nour ـــور]

بجد موضوع حلو اوى وبحيكى عليه

طبعا ربنا حرم ان ده يحصل بس مافيش حد بيهتم

وطبعا الراجل اللى بيحب خطيبته او حبيبته حتى بيحب يحافظ عليها من اى حد واى حاجة

وبيخاف عليها من نظرة الناس ليها ونظرتها هى لنفسها

ولو فعلا بيخاف ربنا وحابب انه يعاملها بما يرضى الله مش حيعمل كده

تحياتى لفكره موضوعك

[waled4u]

بجد موضوع مميز وعايز أطرح فكرتى كرجل فى هذا الأمر مسك الايد بالنسبه للرجل بيختلف من إنسانه لأخرى يعنى لو بنت وصديقه أو حبيبه وحاولت أمسك إيديها كمبرر لحبي وتحت شعار حبي وهى بتسمح لى على أمل أن يتم الزواج والخطوبه طبعا فأنا بأكد ليها كراجل إنى لن أتزوج واحده سمحت لى بمسك إيديها وأعرف منين إن أنا أول شخص سمحت له بذلك وده رأيي كراجل

[ARAGON]

السلام عليكم ورحمة الله وبركاته

شكرا اختي الفراشة على طرحك هذا الموضوع المميز

في البداية المسرحية كانت حلوة جدا وفعلا كلنا كنا بنضحك كتير فيها

بس للأسف الناس بدأت تأخد فكرة وحشه في موضوع الخطوبة بالذات من ناحية انه لازم يتعرف على خطيبته ويقعد معاها ويعرفوا بعض ويدرسوا وجهات النظر وتحديد طريقة عيشتهم بعد كده


طيب هل لو اي واحدة خرجت مع خطيبها لواحدها وظلوا مع بعض فترة كبيرة وبعد كده ما حصلش نصيب

ممكن ايه اللي يحصل العملية مش مسك ايد وبس دي مبادئ وللأسف الكل اتخلى عنها

تحياتي لكي واسف على الإطالة ارجو تقبل كلامي