العيب فى مين ؟؟؟؟؟؟؟؟؟؟؟؟؟؟؟؟

[عاشق متيم]

بسم الله الرحمن الرحيم

كل شاب وفتاه بيحلم انه يكون اسره وربنا يرزقهم بذريه صالحه طيبه معافاه
فحتى يتثنى لهم تحقيق ذلك الحلم يجب ان يتزوج كل منهما ....
من شروط الزواج عندنا ان يتم توقيع الكشف الطبى على الزوجين قبل الزواج
اقتباس
============
المادة (31 مكرراً من القانون 143 لسنة 1994 بشأن الأحوال المدنية)

ويشترط للتوثيق أن يتم الفحص الطبي للراغبين في الزواج للتحقق من خلوهما من الأمراض التي تؤثر على حياة أو صحة كل منهما أو على الزواج للتحقق من خلوهما من الأمراض التي تؤثر على حياة أو صحة كل منهما أو على صحة نسلهما ، وإعلامهما بنتيجة هذا الفحص ، ويصدر بتحديد تلك الأمراض وإجراءات الفحص وأنواعه والجهات المرخص لها به قرار من وزير الصحة بالاتفاق مع وزير العدل .
ويعاقب تأديبياً كل من وثق زواجاً بالمخالفة لأحكام هذه المادة .

مادة 33 بند 4 : من لائحة المأذونين الصادرة بقرار وزير العدل فى 10/1/1955 المستبدلة بقرار وزير العدل رقم 1727 لسنة 2000 تنص على ان :
على المأذون قبل توثيق العقد أن : يحصل على اقرار الزوجين بخلوهما من الامراض التى تجيز التفريق بعد تبصيرهما بهذه الامراض وخاصة : العنه، الجنون، والجزام، والبرص، والايدز )


نصت عليها المادة 7 من قانون الطفل المصرى المعدل عام 2008، حيث قال «لا يجوز توثيق عقد زواج لمن لم يبلغ 18 سنة مع إجراء الفحوصات الطبية
==========================


لكن القانون حاجه والتنفيذ حاجه تانيه خالص ؛ ولا بيحصل كشف طبى ولا اى حاجه
كله حبر على ورق والدوله التى اقرت القانون ولا تطبقه هى من تتحمل نتيجه اخطائها ؛ وتتحمل علاج الاطفال الذين يولدوا بالتشوهات والعيوب الخلقيه وامراض الدم ومستشفيات الجامعات ممتلئه بهؤلاء الاطفال ؛ ازاى تكلفه الكشف الطبى 10.5 جنيه ؛ وانت طالب تحليل دم كامل وتحليل ار اتش ؛ مع ان الاثنين غير كافيين لاظهار اى امراض وراثيه او معديه تمنع الزواج . طب فين بقيه التحاليل المطلوبه

علشان اتمام الزواج مش موجوده ده حتى تحليل السيمن مش موجود ولا حتى تحليل الهرمونات عند النساء موجوده ؛ وهى فين المعامل اصلا اللى هتعمل التحاليل دى

معامل وزاره الصحه اللى عمرنا ما سمعنا عنها حتى فى طبق اليوم ؛
وكله كوم وزواج الاقارب كوم تانى ؛ نسبه كبيره جداااا من الاقارب بيتزوجوا من بعض ( الاقربون اولى بالمعروف ) وطبعا مفيش تحاليل بيعملوها لان اصلا الشهاده
انهم خاليين من عيوب التى تمنع الزواج بيروحوا يجبوها من غير اى تحاليل

وممكن واحد قريبهم يروح يجبها عادى مفيش مشكله وفى دكاتره بتاجر بالشهادات دى
وبياخدوا فلوس زياده علشان يعطوك الشهاده ...
---------
العيب فى مين ؟؟؟؟؟
طبعا وزاره الصحه ووزاره العدل مسئوله مسئوليه كامله عن كل طفل بيتولد بعيب خلقى بسبب زواج ابوه وامه ...
ووزاره الاعلام مسئوليه هى الاخرى علشان مفيش اى توعيه بنشوفها فى التلفزيون
ناصحين بس انهم يظهروا لوجو ( نعم للدستور ) ويذيعوا اغانى وطنيه ....
انت كشاب لو تزوجت فتاه طلعت مش بتنجب هل هطلقها ولو هتستمر معاها ؟؟؟
وانتى كفتاه لو تزوجتى شاب وطلع عقيم هل هتطلبى الطلاق ولا مش عاوزه تكونى ام وهضحى ؟؟؟
وانت كشاب وانتى كفتاه ماذا سوف يحدث ان تم الزواج وتم انجاب طفل مشوه او عنده مرض وراثى ؟؟؟
هل بكائكم سوف يفيده ويشفيه ؟؟ ليه مش عملتوا الصح من الاول ؟؟؟
هتموت لو عملت التحاليل على حسابك فى معمل محترم ؟؟؟
ولا انت ناصح تجيب دباديب وتجيب كروت شحن ؟؟؟
لحد امتى هنفضل سلبيين ؟؟؟
وليه نحمل طفل ذنب احنا السبب فيه ؟؟؟
بس هو الشعب اتعود على كبر دماغك ومفيش امل فى الشعب ده انه ينهض

كل حاجه زباله تعليم صحه طرق اخلاق ؛

البقاء لله

[Lamees]

معك حق البقاء لله في موت الضمائر التي لا تعي ما لها وما عليها
ومن متى اخي الأعلام يهتم لحال المواطن وصحته وحياته
ولكننا نحتاج كأشخاص الى وعي كامل
فالشاب والفتاة هم من يقع عليهم الضرر فقط
وهم اصحاب المصلحة الاولى فهم السبب في التقصير من البداية
ويقع عليهم الضرر في النهاية وهذا ما يريدونه لانفسهم
فهم مسئولون في الأول وفي الأخر

شاكرة طرحك الراقي والهادف
دمت بود
روني ..~

[الشـــاطىء]

العيب في مين ؟؟

هل يكون بالظروف المحيطه حولنا

نعم
هل يكون مسئولية تنشأة

ايضا نعم

هل يكون مسئولية قوانين وادارة سيئة

ايضا نعم

لكن المسئول الاكيد في ذلك هو نحن
نحن تعودنا ان نحيد عن القوانين ولا نلتزم بها ان كان بها ليونة وتساهل

نحن تعودنا ايضا ان لا نواجه الحقائق بكل شجاعة وواقعية
واخيراا نحن شعوب تحب لا تتعب طالما يوجد طرق سهلة ولا يهم ان كانت خطأ ام لا

المهم انها تحقق المطلوب المؤقت

ثم بعد ذلك نجد وسيلة اخرى للهروب بها من المواجهة

وتقديري لشخصك وطرحك الهام

سلامي

[جبل عالي]

بالفعل العيب فينا بعد تخطي كل الظروف

ولأننا أصبحنا نستمرىء الإستسلام لكل مايحيط بنا

سواء صحيح أو خطأ .... وهو بالتالي يضعف من عزائمنا

إضافة إلى العامل الأساسي وهو البعد عن الدين



لكن يجب الإعتراف ان هناك فئة كبيرة تهتم بمثل هذه الفحوصات

ربما لأن الواضح على السطح هو غلبة الفئة المتواكلة هو ماأوضح

الصورة وخطرها .... كل الشكر والتقدير لطرحك الهادف هنا

[۩۩ elMagic ۩۩]

ما بني على باطل فا هو باطل
الشئ اللى تكون بداية خطأ طبيعي نهايته بتكون خطأ بردوا
وبيتحملها أطراف المشكله
الاهمال بدء من القيادات العليا
وإزداد اثره السلبي بعد اهمال باقي الشعب
البلد عمرها ما هيتم تصنيفها ضمن الدول المتقدمه
الا بعد ما العقول تنظف وكل واحد يعرف اللى له واللى عليه ..
موضوع حيوي وقوى جدا
الله ينور عاشق

[♥SaRa]

فـعلاً حاجات كتير جداً غلط في بلدنا
لكن انا هحمل المسؤلية للأب والام
لأن لو هما عندهم وعي تام كانوا قاموا بالمطلوب
ولا كانوا زوروا ورق ولا غيرهـ
لأن لما يتولد طفل مشوهة احنا مش خسرانين حاجة لكن هما الي هيتأذوا
وهو كمان.
فا حرام عليهم يعني .
وعارف المشكلة يا عاشق ان شعبنا بيحب يوفر يقول هو انا لسة هحلل
وادفع فلوس قد كدة ويسترخص و خلاص
بجد
مصر لها ربنا
وبعدين مينفعش نطالب بتغير الرئيس او الوزير او اواو
واحنا عمرنا ما فكرنا حتي نغير في نفسنا
بجـد موضوع قيم جداً تسلم عاشق

[♥..pure]

الآطفآل اللي آنت بتتكلم عنهم دول بيمثلوآ نسبه كآم من اجمالي الأطفآل المرضي فـ مصر !!
فيه حآلآت آكثر شفقه من آطفآل نتيجه آخطآء وزارهـ الصحه والروتين !
لو هتتكلم يبقى الآولى هم آطفآل اللي بيصآبوآ بامرآض الكبد والكليه والقلب نتيجه سوء الصرف الصحي , التلوث بأنواعه , العادآت السيئه واللي بتخليهم عرضى لعدوى الآمراض !
ع الاقل دول بيتولدوآ اصحآء ! ولكن تأخر دولتهم وسوء احوالهآ هي اللي بترمي بهم لهذهـ النهآية !!
المسئولية مش المفروض انها تكون ع عاتق فرد او جماعه بعينهآ !
يعني كل شخص في الدايرهـ مسئول مسئولية تامة عن اللي بيحصل !
وبالنسبة للمشكلة اللي بتتكلم عنهآ ,, هل قبل ما يحطوا البند دا كانت الناس بتعمل ايه !؟
يعني المفروض ان اللي بيحرك مفهوم الارتبآط دلوقتي هو ان يكون الشخصين أصحآء !
طيب عايز تفهمني انك لما ترتبط ب أنسآنه هتقولها معلش عشان اتمم الموضوع نروح نعمل تحاليل ,, ولما تروحوا ولقيت فيه حاجه تقولها معلش مش هينفع !!
بكلا الاحوال مبدأ غير منصف بالمرهـ على الجنسين !
القدر والنصيب مالوش دعوه بـ التحآليل والكلام دا ,, واعتقد انه يتشأل احسن !
والآفضل اننا نحاول نحل احوال البلد واللي بسببها بيموت الملايين !
العيب فينآ كلنآ !
في تفكيرنآ وتصرفآتنآ الخآطئه !

[داليـــا]

احنا في مستنقع فكري وصحي وثقآفي
وغير قآئم على أسس صحيحة غير على الورق
وكل ده هيتحمله كل مسؤول في مكآنه من وزآرة صحة وموظفيهآ
لمأذون لوسيط في الأمر علشآن يمشي
وكل ولي أمر وكل بنت وشآب وآعيين وعآرفين
الصح فين ومش بيعملوه كلهم مسؤولين
لأن لو على نفسك بس أوك انت حر اتحمل خطأ نفسك وادفع تمنه
لكن فيه أسرة وأطفآل حرآم يدفعوآ التمن من صحتهم ويقضوآ حيآتهم
كلهآ في جو المرض ومن بعدهم أولآدهم علشآن الورآثة
ربنآ يصلح حآلنآ
امتنآني

[عاشق متيم]

اقتباس المشاركة الأصلية كتبت بواسطة ♥..pure الآطفآل اللي آنت بتتكلم عنهم دول بيمثلوآ نسبه كآم من اجمالي الأطفآل المرضي فـ مصر !! فيه حآلآت آكثر شفقه من آطفآل نتيجه آخطآء وزارهـ الصحه والروتين ! لو هتتكلم يبقى الآولى هم آطفآل اللي بيصآبوآ بامرآض الكبد والكليه والقلب نتيجه سوء الصرف الصحي , التلوث بأنواعه , العادآت السيئه واللي بتخليهم عرضى لعدوى الآمراض ! ع الاقل دول بيتولدوآ اصحآء ! ولكن تأخر دولتهم وسوء احوالهآ هي اللي بترمي بهم لهذهـ النهآية !! المسئولية مش المفروض انها تكون ع عاتق فرد او جماعه بعينهآ ! يعني كل شخص في الدايرهـ مسئول مسئولية تامة عن اللي بيحصل ! وبالنسبة للمشكلة اللي بتتكلم عنهآ ,, هل قبل ما يحطوا البند دا كانت الناس بتعمل ايه !؟ يعني المفروض ان اللي بيحرك مفهوم الارتبآط دلوقتي هو ان يكون الشخصين أصحآء ! طيب عايز تفهمني انك لما ترتبط ب أنسآنه هتقولها معلش عشان اتمم الموضوع نروح نعمل تحاليل ,, ولما تروحوا ولقيت فيه حاجه تقولها معلش مش هينفع !! بكلا الاحوال مبدأ غير منصف بالمرهـ على الجنسين ! القدر والنصيب مالوش دعوه بـ التحآليل والكلام دا ,, واعتقد انه يتشأل احسن ! والآفضل اننا نحاول نحل احوال البلد واللي بسببها بيموت الملايين ! العيب فينآ كلنآ ! في تفكيرنآ وتصرفآتنآ الخآطئه !

مبدأ غير منصف ان لازم يكون الارتباط مبنى على اسس صحيحه
ولا عادى يرتبطوا واللى يحصل يحصل والجنين زى ما يجى ؟؟؟
لو كل واحد فكر وقال لنفسه هو ينفع اقول للانسانه اللى هرتبط بيها
تعالى نعمل تحاليل فيها ايه لما يعملوا تحاليل ولو طلعت مش كويسه يفترقوا
مش احسن ما يرتبطوا وتبقى ذريتهم مشوهه ؟؟؟
ومش تقولى ليا كانوا بيعملوا ايه قبل وضع البند ؟؟؟
لن البند ذى قلته ويعتبر روتين غير مفعل عكس الدول العربيه
الاردن و****************** والامارات ؛ ومفيش فرق اطلاقا بين الاطفال دول وبين الاطقال اللى انتى اتكلمتى عليهم ؛ كلهم فى الاول والاخر مرضى وان لم يتم اتخاذ التدابير والاحتياطات نسبه المرضى هتزيد الاحصائيه بتقول طفل من كل 25 بيتولدوا
بيبقى مشوه وعنده عيب خلقى وتاخر عقلى ناتج عن خلل فى الجينات او بيتولد بمرض له عوامل وراثيه ومنهم اللى بيموت بعد الولاده ..
البند اتحط علشان يبقى الناس افضل والمنظومه كلها محتاجه تتغير
وكله مسئول

[Lost Pearl]

مش دي الحاجة الوحيدة اللي خربانة >> البنود اللي عاجبة الدولة بس و تدخل فلوس فـ جيبوهم هي اللي بتتنفذ

انما اي حاجة فـ مصلحة الشعب فـ ستين الف داهية

بالتالي المفروض طول ما انت عايش فـ مصر انت اللي تهتم بنفسك

و موضوع التحاليل ده مافهوش مشكلة

و هم عادي ممكن يقررو باردو يكملو مع بعض اذا حصل و طلع في مشكلة فـ الانجاب

ده شئ يرجعلهم

بس طالما مقررين يدو حياة لكائن تاني ،، يبقي لازم يتأكدو من صحته

قبل ما ييجي و بعد ما ييجي كمان

تسلم ع الموضوع المهم يا عاشق ،،