الـــمــصـروف

[قلم بلا حبر]

بسم الله الرحمن الرحيم

السلام عليكم


كل فتره ادخل اشقر على القسم الاقى القسم بيعانى من تخمه فى نقاشات الحب اللى مش بتخلص

وبصراحه كده ومحدش يزعل منى ,, كل واحد بئى فاهم وكل واحده فاهمه بس احنا بنحب الكلام الكتير

كل علاقه وليها ظروفها وليها طبيعتها واللى بيتكلم النهارده لو اتحط فى نفس الموقف حتلاقى الفعل حيخالف رده

فكفايه يعنى ,, الدنيا مش كلها حب ,, فى حاجات كتير ممكن نتناقش فيها

اكيد محور النقاش النهارده مش مهم لناس ,, ومحرج لناس تانيه ,,,

انما على الطرفين فى مغالطه احنا مش بنحاول نشوفها ,, وساعات بنغمض عنينا عنها

حقولكم ايه هى ,, واكيد حيكون فى ربط بينها وبين المقدمه اللى فى اول الموضوع

صلوا على النبى :vb19:

علشان تملك قرارك لازم تملك قوت يومك ,, ودى مش محتاجه نقاش

اللى حيديك قرش ,, حيفرض عليك بقرشين ,,

طيب اذا كان اللى حيفرض ده اقرب حد ليك فى الدنيا (( سيبك من كلام الاغانى وحبيبتك هى اقرب لا طبعا امك وابوك ))

المهم اقرب حد ليك فى الدنيا دى هو اللى يكون فى الوضع ده ,, يعنى يفرض عليك رايه ؟

طبعا الموقف بيكون سهل جدا ,, لان فى اللى بيعلى صوته وفى اللى بيقل أدبه وفى اللى بيحرتم قراره

ايا كان كلنا مرينا بالمواقف دى (( ايام ما كنت باخد المصروف كنت بعمل بلاوى :vb19: ))

المشكله فين طيب بالنسبه للمصروف ؟

المشكله يا اخوانا انك لو شغال عند حد فى شركه مثلا ,, (( او عندى فى المحل مش حتفرق كتير:242: ))

والحد اللى بتشتغل عنده ادالك مبلغ من المال وقالك تصرفه على مأموريه لحلايب وشلاتين مثلا

المأموريه دى بتبدا من النهارده وبتستمر 8 ايام ,,, طبعا هو حيتابعك من بعيد لبعيد ,, بس فى الآخير لازم يكون فى مقابل للمبلغ الىل هو ادهولك

بمعنى أصح لازم تكون الماموريه ناجحه وتحقق مكاسب الشركه اللى بتحلم بيها

طيب لو بدلنا المثال

بدل صاحب الشركه ,, حيكون الآب

بدل ال 8 ايام ,, حنخليهم 8 شهور (( فترة الدراسه ))

وبدل المتابعه من بعيد لبعيد حنخلى الوالد يقولك بس (( ذاكر يا ابنى ))

وبدل النجاح فى المأموريه اللى لازم يتحقق ,, حيكون النجاح والتفوق اللى بيحلم بيها ابوك

اللى عايز اقوله من بعد ده كله

احنا شعوب الفصاحه والبلاغه ,,, ماشاء الله لو قلت لحد اتكلم عن الحب تلاقيه زى اللدعه كتبلك معجم

لو قلتله قول القانون الآول لنيوتن ,, تلاقيه يعطل ويضرب لخمه

دى حاجه

الحاجه التانيه بنتكلم كتير عن الحقوق والواجبات والكلام ياسلام بيبئى فى السما ,, انا بحس انى فى المدينه الفاضله

لما نيجى لارض الواقع ,, نلاقى على قد ماالواحد فينا بياخد حقوق ,, تيجى عند الواجبات تلاقيه اداها ضهره وعمل نفسه (( اهبل ))

طيب لو كانت اوروبا واللى فيها بئت الحلم الىل بنشوفه ,, والله بحالنا ده الناس دى (( متستنضفشى )) تعرفنا

لانه ببساطه الشاب بييجى بعد 18 سنه وبيتولى مسؤولية نفسه ,, انما احنا بنعمل ايه ؟

ناخد المصروف نجيب بيه تشيرتات , سجاير , نحدث الموبايل , نحدث الكمبيوتر , هديه فى الفلانتين , رصيد يتبعت لحبيب والا لحبيبة القلب (( والله اعلم بتكلم بيه مين:vb19: ))

علشان كده لما بنيجى نتخرج كله وبلا استثناء بيتحطم

المتفوق بيتحطم لانه عاش حياه وبيخرج يلاقى نفسه فى دنيا غير اللى كان عايش فيها

والمعلم الىل ظابطها ,, بيتخرج يلاقى فى حاجه اسمها مسؤوليه وطبعا معدشى فى مصروف (( اشرب يا مفتح ))

نرجع بئى للمقدمه ,, لما قلتلكم ان كل حد هعارف كل حاجه عن الحب كنت قاصد

حشرحها باختصار علشان كده انا خنقتكم :liverpool-flag:

الموضوع بسيط ,, الحب = مسؤوليه

واغلب المحبين ماشاء الله بيكونوا فى مرحلة هم بيعتمدوا فيها على غيرهم

يعنى القرار مش بايدهم ,,

فى الىل بيتشجع (( زى حالاتى :vb19: )) بس اكيد لازم يترفض ,,

انا قلتها لنفسى وقت ما كنت عامل فيها سبع رجاله فى بعض ,, قلت لو واحد فى نفس ظروفى اتقدم لاختى انا حرفضه (( بس رحت برده :242)

واحد مش عارف يتحمل مسؤولية نفسه نشيله ازاى مسؤولية حد تانى

وده السبب ان منتدياتنا اغلب الكلام فيها على الهجر والبعد والفراق والكلام الكبير ده

بس فى حاجه ,,,,,,,,

فى اللى بيحصل ليه كده فى حبه وبيكون دافع ليه انه يتغير ويتعلم يشيل مسؤوليه ,,, وفى اللى بيعيش يتكلم عن الحب وللحب

انا والمصروف وهواك :vb19:

ميغسى على المتابعه (( مدارس حكومه )):242:

تحياااااااااااااااااااااااتى""""""""

[SiLver Spectra]

أنا و المصروف و هواك

طيب و الشاب دا هيصرف على نفسه إزاي عشان نقول يتجوز؟

ياريته يصرف...هو بيحتاج مصاريف = مرتبه لمدة 20 سنة من غير ما يصرف منه
:vb19:

هي الآية مقلوبة...

الأب يجوز إبنه

بدل ما كل إبن يجوز نفسه



المشكلة مش في مسؤولية .....ما ينفعش نختزل المسؤولية في الفلوس

....نرجع للاصل و هي التكاليف

الأفراح دي و الله ماليها اي داعي أكلف الفرح ألوفات عشان ساعتين زمن و أخرب بيت أهلي

يا عم الفلوس دي لو ياخدها حتى من أهله بس يوظفها صح ....هيظبط نفسه

لكن ما أروحش أضيعهم في ليلة و كام يوم من شهر العسل و بعدين يطلع عينهم بعد كدا!!


أنا شخصيا نفسي أفهم ليه البنات بالذات بيموتوا في الأفراح

و الله ما بروحها غير للضروره
:liverpool-flag:


مش هبقى ضد العرف.....و زي ما قولت وقت ما هيجي جوازي أفعالي هتنافي كلامي
و هتلاقيني جبت عمرو دياب

ههههههههههه

المهم

عشان الشاب يعتمد على نفسه في البلد دي بيحتاج لفترة مابين 5 ل 20 سنة من تخرجة

يعني يعرف يصرف على نفسه بمعنى أصح

إما إنه يسافر بره و دي أحسن طريقة...

أو إنه يتعلق بالبيزنز و يزبط نفسه و دي بتحتاج فترة

في الغالب بتتوقف على رأس مالك

الصح إن الأهالي يوظفوا فلوسهم لخلق وظيفة ليك

لكن إنهم يدوله مصروف شهري و كأنه طفل دا أفشل مشروع!!


أما لو هنقارن بالأجانب

أولا الفرح العادي عندهم مش مكلف

بالرغم من إن وضعهم المالي أفضل

الفرح في الكنيسه

و دبله و خاتم و هل تقبلين الجواز و يجروا ورا بعض و يرموا الورد
:vb19:


إحنا بس أجدع ناس نتكلم و نقول إسراف و تبذير


تحياتي للموضوع يا c سيد

[قلم بلا حبر]

اقتباس:
المشاركة الأصلية كتبت بواسطة SiLver Spectra

أنا و المصروف و هواك

طيب و الشاب دا هيصرف على نفسه إزاي عشان نقول يتجوز؟

ياريته يصرف...هو بيحتاج مصاريف = مرتبه لمدة 20 سنة من غير ما يصرف منه
:vb19:

هي الآية مقلوبة...

الأب يجوز إبنه

بدل ما كل إبن يجوز نفسه

المشكلة مش في مسؤولية .....ما ينفعش نختزل المسؤولية في الفلوس

....نرجع للاصل و هي التكاليف

الأفراح دي و الله ماليها اي داعي أكلف الفرح ألوفات عشان ساعتين زمن و أخرب بيت أهلي

يا عم الفلوس دي لو ياخدها حتى من أهله بس يوظفها صح ....هيظبط نفسه

لكن ما أروحش أضيعهم في ليلة و كام يوم من شهر العسل و بعدين يطلع عينهم بعد كدا!!

أنا شخصيا نفسي أفهم ليه البنات بالذات بيموتوا في الأفراح

و الله ما بروحها غير للضروره
:liverpool-flag:

مش هبقى ضد العرف.....و زي ما قولت وقت ما هيجي جوازي أفعالي هتنافي كلامي
و هتلاقيني جبت عمرو دياب

ههههههههههه

المهم

عشان الشاب يعتمد على نفسه في البلد دي بيحتاج لفترة مابين 5 ل 20 سنة من تخرجة

يعني يعرف يصرف على نفسه بمعنى أصح

إما إنه يسافر بره و دي أحسن طريقة...

أو إنه يتعلق بالبيزنز و يزبط نفسه و دي بتحتاج فترة

في الغالب بتتوقف على رأس مالك

الصح إن الأهالي يوظفوا فلوسهم لخلق وظيفة ليك

لكن إنهم يدوله مصروف شهري و كأنه طفل دا أفشل مشروع!!

أما لو هنقارن بالأجانب

أولا الفرح العادي عندهم مش مكلف

بالرغم من إن وضعهم المالي أفضل

الفرح في الكنيسه

و دبله و خاتم و هل تقبلين الجواز و يجروا ورا بعض و يرموا الورد
:vb19:

إحنا بس أجدع ناس نتكلم و نقول إسراف و تبذير

تحياتي للموضوع يا c سيد

تسلم ياعم على المرور الكويس ده:liverpool-flag:

بس تصدق هى مشكله ,, حكاية انك تشرب مايه ببلاش وفجأه تصحى تلاقيهم بيقولولك افحت بير علشان تشرب مايه

طب يا اخوانا مش كنتم جهزتونى ,, على الاقل اقدر افحت والا امسك الفاس حتى

انما من الدار للنار كده ,,,

الشاب مسكين والاهل مسكين فى كل نقاشاتنا ,, انا خايف ليطلع العيب فى الاخر على الكيبورد بتاعتى :vb19:

بس ليا طريق فى الموضوع مختلف :158:

اذا كان الوالد وظيفته ان يخرجك من سن المراهقه علشان تقدر بعد كده تفكر بكل مسؤوليه

فمن عند 18 سنه لازم العقل يبدا يشتغل ,, زى ما حتعتمد عليه بعد كده

عادى جدا ان الواحد يحاول على الآقل يدربه على التفكير ,,,

انت عارف الواحد فينا لو قعد شويه مع نفسه ,, حيقول يا سلام لو يحكمونى على مليون جنيه

ده انا كنت اسوى الهوايل ,,,,

وحياتك انت مش حيكمل شهر وحيكون مديون بيهم للبنوك

المشكله فى الاعتماد الذياده عن حده على الاب ,, تسمع اللى بيتقال يركبك العصبى

انت بتصرف منين يا حماده ...؟؟؟ بابى بيدينى المصروف

وانت ليه مش بتشتغل يا حماده ...؟ لا انا مش اشتغل بابى يشتغل

ربنا يبارك فى حماده وابوه

نورت التوبيك يا طروق ,,, وقولى بئى مصروفك كام :vb19:

تحياااااااااااااااااااااتى"""""""""

[SiLver Spectra]

اقتباس نورت التوبيك يا طروق ,,, وقولى بئى مصروفك كام :vb19:

هههههههههههه

يا راجل!!

دا أنا سألتك قبل كدا بتحلق بكام قولتلي إسأل الحلاق

فأنا هقولك إسأل بابي
ههههههههه


كفاية النت.....خارب البيت بيه....250 جنيه وحياتك
:vb19:

و الله يا عم سيد أنا ببص لمصاريفي و لوظيفتي المستقبلية بيجيلي تشنج!!

خليني طالب يا عم ...مش عايز أكبر
:liverpool-flag:

ربنا يسترها علينا و نخلص و نفتح محل صيانة موبايلات أد الدنيا

إنت بتقول الموبايلات بتقع في الطشت الايام دي باين
هههههههه


بالتوفيق

[الفراشه]

الله يا سيد بجد والله موضوع حلوو اوي
ونفسي بجد اتكلم فيه لانه جااااي في وقته اوووي

بص انا هتكلم على الجزء اللي مضايقني وجااي على الجرح اوووي في الموضوع

هو ان الشباب دلوقتي بقى حاجه غريبه جدا

في 3 اعداي وبيحب وعامل نفسه روميو والواد خلاص بأه مفيش منه

ويروح يقول للبت ايه انا راجل وهاجي واتقدم لابوكي

والتانيه زي الهبله تصدقه ماهي عيله هي كمان في 2 اعدادي ولا حاجه


بجد والله مشكلله كبيره اوووي


الحب زي ما قولت يا سيد مسؤليه ومسؤليه كبيره اووي

انا لو شاب مثلا مش هروح لاي بنت واقولها انا بحبك واوعدها بحاجات غير لما اكون اد كلامي دا

ومش اد كلامي دا بعد سنتين ولا تلاته لا منطقش الكلمه غير اني اكون قادر اعملها في نفس الوقت

يبقى المفروض ايه بقى اي شاب ميعشمش بنات الناس ع الفاضيه ويعمل البحر طحينه زي ما بيقولوا

وفي الاخر وقت الجد يجي واهلها يعرفوا ولا حاجه

يقولها ايه معلش مش هقدر اجي دلوقتي دانا لسه باخد المصروف

يسلام وانت مكنتش عارف انك بتاخد المصروف من الاول

والله البنات مظلومه معاكم يا شباب هههههههههههههه

بس طبعا مش كل الشباب كدا طبعا

انا وحده بحب انسان هستحمل معاه لاخر مشوار حياته
مش هتخلى عنه
اه هقابل صعوبات ومشاكل تخليني كاره حياتي زي مانا كارهاها كدا هههههههههههههه

بس برضه هقف جنبه وهحاول اقنع اهلى بيه واشجعه على انه يكمل مشوار حياته في نجاح

ومدام شايفاه مش معتمد على مصروف والده وواقف حاطت ايده في جيوبه ويقول انا هعمل ايه يعني وبيدور على اي مشروع او هو بيشتغل بجانب دراسته يبقى من واجبي اني استحمله واقف جانبه لغايه ما يقف على رجله

وميحسش اني واحده كل لما يكلمها تقوله ((هتيجي لبابا امته )) ههههههههه اكيد هيبقى ملل يعني

بس طبعا هيبقى من حقي لو عملت كدا انا وحده وخايفه على مستقبلي

اخر الكلام ان موضوع المصروف دا موضوع ممل جدا
بس هنعمل ايه ما باليد حيله


يمكن اكون خرجت عن صلب الموضوع ههههههههههههههه معلش بس اتلزقت في اي موضوع قريب

من اللي جوايا وخرجت كل اللي في قلبي ههههههههههههههههه


موضوع حلووو اووي يا سيد

تسلم ايدك


تحيااتي

[نونا الشعنونه]

موضوعك جااااااااااااامد جدا
بس انا كنت عايزه اقول ان كل واحد عارف انه لازم يشتغل
ولازم يكون نفسه بس بيستعبط عايز حد يعد يقوله اشتغل يا برنس
و النبى يا باشا ابوس ايد سعادتك اشتغل
على فكره دى كانت مشكله كبيره بس الحمدلله انا اعرف نماذج كتيييييييير
من الشباب برضوا و لسه بيدرسوا و برضوا بيشتغلوا و بيعتمدوا على نفسهم
و على موضوع الحب و الكلام عليه اللى كتر
فده علشان دماغنا فاضيه مافيهاش حاجه مهمه
لو كل واحد ركز هيوصل
اكيد زى ما انت كتبت احنا فى الكلام اساتذه و الفعل مش بنحصل تلميذ خيبان
بس كل فعل بجد لازم يبدأ بشويه احلام و شويه كلام و شويه اراده



كفايا كده انا صدعتكم

[~ zahorah~]

طبعا اولا احيك يا سيد ع الموضوع الجميل جدا

و اسجل اعجابي و حضوري

و لي عودة مرة اخرى


أختك/ دموع الندم

[Just G!rl]

نو كومنت بعد كل الي قالوه

يا وحشين مسبتوليش كلمه اقولها

اهئ اهئ اهئ اهئ اهئ

معلشي يا سيد

شوف بقى أنا رأي هتلاقيه في جزء من رد طارق وجزء من رد الفراشة وجزء من رد نونا

بجد موضوع روعه جداً تسلم إيديك يا سيد بجد مبدع دايماً أفكار ما شاء الله جديده متحرمناش من جديدك

[قلم بلا حبر]

اقتباس:
المشاركة الأصلية كتبت بواسطة SiLver Spectra

هههههههههههه

يا راجل!!

دا أنا سألتك قبل كدا بتحلق بكام قولتلي إسأل الحلاق

فأنا هقولك إسأل بابي
ههههههههه

انت مبتنساش حاجه ,, مفيش شويه زهايمر يعدوا من عليك وتريحنى

كفاية النت.....خارب البيت بيه....250 جنيه وحياتك
:vb19:

و الله يا عم سيد أنا ببص لمصاريفي و لوظيفتي المستقبلية بيجيلي تشنج!!

خليني طالب يا عم ...مش عايز أكبر
:liverpool-flag:

والنبى اريح برده ,, بلا وجع قلب :vb19:

ربنا يسترها علينا و نخلص و نفتح محل صيانة موبايلات أد الدنيا

إنت بتقول الموبايلات بتقع في الطشت الايام دي باين
هههههههه

بالتوفيق

اهو القر بتاعكوا ده اللى جايبنا لورا

النهارده الخميس يا عم سيلفر ,, حل عنى الله لايسيئك

بقولك احجزلك كرسى فى الدوره اللى حعملها اهو تبئى زمل انت والمعلم اللى بيحب فى الحب الصامت ,,,, ادمن سابقا

فكرتنى صحيح تصدق انه اول ماسجلت وتقريبا كان فى الصيف كان اسكمه ,, الحب الصامت ,,,

الظاهر ان له اسمين واحد صيفى والتانى شتوى ,, ربنا يذيده ,, ابئى فكرنى اغير القلم اصله اتملى :vb19:

باى طرووووووووووووق

تحياااااااااااااااااااتى""""""""

[قلم بلا حبر]

اقتباس:
المشاركة الأصلية كتبت بواسطة الفراشه
الله يا سيد بجد والله موضوع حلوو اوي
ونفسي بجد اتكلم فيه لانه جااااي في وقته اوووي

مواضيعنا يا انسه تظبطى عليها الساعه ,, امال ايه


بص انا هتكلم على الجزء اللي مضايقني وجااي على الجرح اوووي في الموضوع

هو ان الشباب دلوقتي بقى حاجه غريبه جدا

في 3 اعداي وبيحب وعامل نفسه روميو والواد خلاص بأه مفيش منه

ويروح يقول للبت ايه انا راجل وهاجي واتقدم لابوكي

والتانيه زي الهبله تصدقه ماهي عيله هي كمان في 2 اعدادي ولا حاجه


بجد والله مشكلله كبيره اوووي

كان زمان يطلع عنينا علشان نديها الجواب ,, دلؤتى يجيب رقم التليفون يبعت مسج وشكرا او لو عرف الايميل يبئى احسن يهريها اوف لاين :vb19:



الحب زي ما قولت يا سيد مسؤليه ومسؤليه كبيره اووي

هو مش المفروض برده انه مقدمه لجواز طيب والجواز مسؤوليه يبئى المقدمه جزء مهم قوى فى الفيلم :liverpool-flag:


انا لو شاب مثلا مش هروح لاي بنت واقولها انا بحبك واوعدها بحاجات غير لما اكون اد كلامي دا

ومش اد كلامي دا بعد سنتين ولا تلاته لا منطقش الكلمه غير اني اكون قادر اعملها في نفس الوقت

يبقى المفروض ايه بقى اي شاب ميعشمش بنات الناس ع الفاضيه ويعمل البحر طحينه زي ما بيقولوا

ده علشان انتى بنت بس بتقولى كده ,,, طيب ما البنات بيتعبوا فى اللبس والميك اب ليه علشان وهم رايحين الدرس والاالجامعه يعرفوا يراجعوا اسئلة الامتحان ,, لآ طبعا هو عايز يتسلى وبيعمل البحر طحينه ,, وهى بتكون مبسوطه بالعوم فى الطحينه اللى عملها الآخ :vb19:


وفي الاخر وقت الجد يجي واهلها يعرفوا ولا حاجه

يقولها ايه معلش مش هقدر اجي دلوقتي دانا لسه باخد المصروف

يسلام وانت مكنتش عارف انك بتاخد المصروف من الاول

والله البنات مظلومه معاكم يا شباب هههههههههههههه

لآ بعد كده اعمليه ليه محضر نصب ,, ماهو ده نصب برده ,, بس تصدقى طول عمرى اقول ان النصب مش ذكاء من النصاب ,, لا بيكون غباء من الضحيه :242:


بس طبعا مش كل الشباب كدا طبعا

انا وحده بحب انسان هستحمل معاه لاخر مشوار حياته
مش هتخلى عنه
اه هقابل صعوبات ومشاكل تخليني كاره حياتي زي مانا كارهاها كدا هههههههههههههه

بس برضه هقف جنبه وهحاول اقنع اهلى بيه واشجعه على انه يكمل مشوار حياته في نجاح

ومدام شايفاه مش معتمد على مصروف والده وواقف حاطت ايده في جيوبه ويقول انا هعمل ايه يعني وبيدور على اي مشروع او هو بيشتغل بجانب دراسته يبقى من واجبي اني استحمله واقف جانبه لغايه ما يقف على رجله

فيلم عربى افتكر اتعرض سنة 48 بطولة ,, سنيه اوهام ,, وعز الدينعلى ماتفرج ,,, شوفى الواحد لما بيكون عايز يتفرج على ماتش وبالاذت لو كان المنتخب حيلعب ,, بيعمل البدع علشان الماتش مش يفوته ,, تخيلى بئى انسانه المفروض بيحبها اكتر من المنتخب :vb19: يعمل علشانها ايه ,, حيفحت فى الصخر يطلع ايس كريم يا بنتى ,, مش يقعد يستنى المصروف ,, ده حتى لو قال لابوه عايز اتجوز ,, حيقوله اتنيل وتعالى قولى وديت المصروف فين



وميحسش اني واحده كل لما يكلمها تقوله ((هتيجي لبابا امته )) ههههههههه اكيد هيبقى ملل يعني

بس طبعا هيبقى من حقي لو عملت كدا انا وحده وخايفه على مستقبلي

عين العقل ,, الواحد بئى فى زمن لو سلمتى على حد عدى صوابعك لما تسيبيه ,, فازاى واحده تضحى بمستقبلها وهى عارفه ان ممكن يجد فى الامور امور ,, نمسك العصايه من النص زى ما علمونا قبل كده

ان تذاكر تنجح ,,, يبئى ,, ان تعمل احبك واموت فيك وفى اهلك



اخر الكلام ان موضوع المصروف دا موضوع ممل جدا
بس هنعمل ايه ما باليد حيله


يمكن اكون خرجت عن صلب الموضوع ههههههههههههههه معلش بس اتلزقت في اي موضوع قريب

من اللي جوايا وخرجت كل اللي في قلبي ههههههههههههههههه


موضوع حلووو اووي يا سيد

تسلم ايدك


تحيااتي





ولا يهمك خرجى يا نهله خرجى الحل حشوفه ليكى فى الموضوع الجاى ان شاء الله :vb19:

تقديرى لمرورك المميز

تحياااااااااااااااااااتى""""""""""