آين الحيآء ..!!

[♥SaRa]

مـسائكم ,,صباحكم خير . . استغربت جداً وموضوع استفزني انا شخصياً وهو السبكي منكرش انة استولي عـ سينما مصر كلها لكن للأسف الشديد لو بصينا لأفلامة .. قلب الاسد والقشاش والفلم الجديدسعيد كلاكيت وغيرة وغيرة طبعا بس كلهم بيشتركـ فيهم حاجات اول حاجة الرقص او بمعني اصح الفنانات الاستعراضية زي صفينار اظن مش محتاجة تعرف وان المصريين اتشتموا قد اية بسببها رغم انها مش مصرية من الاساس ثاني حاجة المـشاهد المخلة للأدب ثالث حاجة المنـاظر الفاضحة رابع حاجة الالفاظ الخارجة والحاجات دي انتشرت اكتر في افلام السبكي الاخيرة انا كابنت لما قررت ادخل السينما واشوف فيلم ودخلت قلب الاسد لعنت اليوم الي السبكي انتج فية افلام وعرفت ان الي بيشجعة عـ دة هو احنا ان لو حد من الشيوخ الي فـ بلدنا او حتي من الي بيعدوا يفتوا براحتهم فـ السياسية وحرموا الحلال وحللوا الحرام. اتكلم وقال كلمة ليهم او اعترض عـ الي بيعملة عـ الاقل كان اتعدل شوية انما هواشايف سوري يعني ناس عاجبهم الوضع وفيها اية لما اشوف منظر زي دة عادي دة ولا كأن الوآحد بيتفرج عـ فيلم +18 لية مصر حصل ليها كل دة مش كفاية وضع البلد وسياستة كمان ناقصة انا فعلا دلوقتي صدقت كلام المستر لما قالي لما نعدل الصغيرة هتتعدل الكبيرة هي فعلا الافلام والحاجات دي حاجات صغيرة لكن يمكن لما نقول دة حرام ونمشي بما يرضي الله يمكن حالنا يتعدل وميبقاش كدهـ وربنا يرضي عنا وبعدين بنعيب علي الاطفال لما يعاكسوا بنت ولا غيرة ليهم كل الحق انهم يعملوا كدة لأنة شايف التي في بيعمل كدة قدامة بعد انا الحاجة دي استفزتني جداً ...... فـ رعاية الله ......

[فتحى عيسى]

اه والله صدقتي مورد الفضائح وناشر الرذيلة السبكي أفلام
تلت تربع الكلمات المؤذية خرجت من بئ افلامه المؤذية والإيحاءات والعهر الحقيقي في كل كلام سيناريوهاتة المقززة بس بصراحة العيب مش عليه العيب علي اللي بيشوفوه
يعني النهاردة في مصر وفي شوارعها لخبطة وعشوائية وهبل ده غير الخوف والقرف اللي مستخبي عارفة إيه أكتر حاجة تخض إن فيه نسبة كبيرة أمية مش متعلمة معشتش أصلا في بيئة صالحة والنوعية دية من افلام السبكي وكلمات اغانية بتلاقي رواج وغصب عنا بنسمع القرف ده
ولو سمعنا
أحييكِ وطرحك الرائع القيم حقا
وطريقة عرضك ليه
سلمتِ والنبض
مودتي وإحترامي

[العاشق الذى لم يتب]

الاول والله اناسعيد وفرحان
الاقى زيك عنده مسئولية
وعنده حياءودين
ودول التلاتة اصبحوا من النوادرفى مجتمعنا
ربنايتمم عليك الهداية ويصبح حالك
ثانيا هو بس السبكى
فيه مليون سبكى غيره
ولاتستثنى من المخرجين احد
يعرف ربه ويخشاه
فقط هو يهمه فلوس وبس
يفسدمين يضرمين
تتخرب مصرمش مهم
وكمان الشعب اقصد المتلقى عليه مسئولية
فمن يتقى الله يجعل له مخرجا
شكرا سارة
عظيم وجليل الطرح
تحياتى

[™Amiliya]

بحييك ع التوبيك سارة

من اكتر المواضيع الي فعلا الرقابة في مصر مش واخدة او واخدة بالها ومطنشة وماشية ع مبدا خلي الشعب يعيش

طب يعيش ع الرزيلة والسقوط في القاع والانحدار عشان يعرف يعي الشعب

والترفيه عنه ياإثارة غرائزه ؟ واللعب بعقول البسطاء والشباب المستمر وتضليلهم عن قضايا اهم
من الجسد والشهوة

لاسف فاقد الدين فاقد لكل شيء

الدين ياسارة مش بس ديانة في بسبور او بطاقة الدين هوية وسلوك ومع الاسف كتير اوي فاقدينو
لدرجة الاباحية لكل شيء
ومع انتشار التحرش والالفاظ الخارجة والعلاقات المحرمة معرفش عايزين نوصل لايه اكتر من كدا

انا راي ان لو في الناس مثقال ذرة من عقل ودين هيمنعو المواضيع دي باي طريقة بالرفض للمتابعة
دا اقل حاجة تتعمل

بس طالما في عرض وطلب يبقى الموضوع سهل اوي انتشاره
الله المستعان

[احساسى صحيح]

اصل الشيوخ الجدد يا سارة لازم يكونوا على الموضه
وهو ده العصر الجديد اللى مجموعه من الناس بيفضله وعايزه
وتقريبا ده اللى كان بيحصل فى تونس فى عهد الرئيس السابق بنى على
وهو حرية العرى وقلة الادب
وتكميم الفواه وكبت الحريات
هو ده العصر الجديد اللى هيعيش فيه الشعب المصرى
اما الشيوخ الاخرين الذين منعوا والمتاجرين بالدين كما يقول الانقلابين
فهم عار على مصر لانهم يعارضون العرى والرذيله
هذا هو فكر النخبه الجديده التى تحكمنا وقاموا بانقلاب 30 يونيو
والذى ايده جميع من يمثلون العرى ويتمتعون به

ربنا يستر علينا وعلى مجتمعنا من القادم
تحيتى لكِ

[აα∂ Ԑγεა]

الشعب هو اللي بيخلي واحد زي السبكي يستمر ويعلي ويكمل
اما تلاقي فيلم بلا مضمون ولا قصه
عباره عن كام اغنيه شعبيه علي كام رقصه + كام ايحاء علي لقطه اكشن
ومفهوش حتي حد بيعرف يمثل !
وتلاقي الايرادات بالملايين والشباب بتتهافت عليه ف السينمات !

الطبيعي الناس دي تكمل ماهي عايزه تكسب
طالما زوق الناس بقي زباله !
وبتقبل اي حاجة تنكب في دماغها

[big bốss]

العيب مش على السبكى

العيب على مجتمعنا الى بيهوى التعري و المشاهدة و الفرجه مع العلم انهم بيكونوا متزوجين

و السبكى او اى شركات انتاج لقيت ان السوق بيتطلب مشاهد التعري و الاثاره و الاستعراض

فبيمعل كدا لكن لو لقى الانسان و المجتمع بيرفض كدا محدش هيسلك الطريق دى

انا مش محتاجين رقابه او رئيس او حكومه

لو رقبنا و اتقينا الله فى تصرفتنا

يوم الحساب مش هنقول مكنش فيه رقابه من الحكومه او السبكى السبب

موضوع قيم ساره

[♥SaRa]

	المشاركة الأصلية كتبت بواسطة الرجل المتواضع

	الاول والله اناسعيد وفرحان الاقى زيك عنده مسئولية وعنده حياءودين ودول التلاتة اصبحوا من النوادرفى مجتمعنا ربنايتمم عليك الهداية ويصبح حالك ثانيا هو بس السبكى فيه مليون سبكى غيره ولاتستثنى من المخرجين احد يعرف ربه ويخشاه فقط هو يهمه فلوس وبس يفسدمين يضرمين تتخرب مصرمش مهم وكمان الشعب اقصد المتلقى عليه مسئولية فمن يتقى الله يجعل له مخرجا شكرا سارة عظيم وجليل الطرح تحياتى

ربـنا يخليك يا رفعت
لا بس السبكي الآن هو اصبح يمكن الوحيد لأن مفيش حد من منافسين لية
ولا حتي فكروا ينافسوة زمان اة كان فية لكن ناو مفيش غيرة
فعلا عندكـ حق الي يهمة الفلوس وبس ملوش دعوة بالدين او اي حاجة
نورتـ

[♥SaRa]

	المشاركة الأصلية كتبت بواسطة احساسى صحيح

	اصل الشيوخ الجدد يا سارة لازم يكونوا على الموضه وهو ده العصر الجديد اللى مجموعه من الناس بيفضله وعايزه وتقريبا ده اللى كان بيحصل فى تونس فى عهد الرئيس السابق بنى على وهو حرية العرى وقلة الادب وتكميم الفواه وكبت الحريات هو ده العصر الجديد اللى هيعيش فيه الشعب المصرى اما الشيوخ الاخرين الذين منعوا والمتاجرين بالدين كما يقول الانقلابين فهم عار على مصر لانهم يعارضون العرى والرذيله هذا هو فكر النخبه الجديده التى تحكمنا وقاموا بانقلاب 30 يونيو والذى ايده جميع من يمثلون العرى ويتمتعون به ربنا يستر علينا وعلى مجتمعنا من القادم تحيتى لكِ

لالا لو سمحت يا ياسر متربطتش حاجة بحاجة لأن الانقلابين ملهمش علاقة
انا مش حددت انقلابين او غيرة
انا حددت الشيوخ عامتاً الي بيتاروا بالدين
منكرش ان منهم مؤيد للأنقلاب لكن بردوا في منهم مؤيد للأخوان
فا فـ كل جماعة او مكان الوحش والحلو
واكيد مفيش حد بيحب هذة المناظر المخلة الا اصحاب النفوس القذرة
وكما قلت سابقاً ليس جماعة معينة او نطاق معين فأن لو ان هذة المنطقة قيها من يهوي الرذيلة فهناك ايضاً اناس فـ نفس المنطقة تهوي التقوي وتسير بما يرضي الله
آمين يارب
نورت بجد