فلـتر توباز " Topaz Labs " تحميل + شرح التسطـيب والإستخدام ..~

[✿ Celiηα]

، السلام عليكم ورحمة الله وبركاته بقالي كتير عايزة انزل الموضوع بس مكسلة عشان اخد مني شغل جامد بس كان لازم انزله عشان اعضاء كتير هنا محتجاه ولو قلتلهم ابحثو فجوجل ونزلوه هيكسلو طبعا المهم ندخل فالموضوع فلتر توباز ليه استخدامات كتير بينعم الصورة وبيجملها وبيخفي عيوبها وده هنشوفه دلوقتي ، الأول ادي روابط تحميله : محتوى مخفي يجب عليك الرد لرؤية النص المخفي ، شـرح التسـطيب : 1_ دوس Next 2_ اختار I Agree بعدين دوس Next 3_ دوس Next 4_ دوس Browse وركز فاللي جاي اللي جاي ده هيختلف من نسخة فوتوشوب لأخري بس اهم حاجة المسار يبدأ بـ ملف النسخة زي Adobe CS 3،4،5،6 على حسب نسختك ويبتهي بملف الـ Filters هشرحه على النسخة CS4 تابع الصـور 1 2 3 4 5 6 5_ دوس OK 6_ دوس Next 7_ دوس Next تاني معلش بعدين هتظهر نافذة اختار منها Yes معرفتش اصورها واستنى لما يتسطب 8_ هتلاقي فولدر اسمه Crack جواه ملف اسمه tlpsplib10.dll 9_ افتح الـ Notepad اللي جنب الملف وانسخ السطر ده 10_ اذهب الى المسار ده حط السطر اللي نسخته هنا ودوس انتر 11_ انسخ الملف اللي اسمه tlpsplib10.dll والصقه في الفولدر اللي اتفتحلك من المسار ووافق على الاستبدال " بعدين اقفل الفوتوشوب وافتحه تاني وهتلاقيه موجود باذن الله " ، شـرح الاستخدام الخيار الأول : Topaz Clean بعدين اضغط عالايقونة دي عشان تصغر الصورة لـ 100% وتقدر تشوفها كويس وتظبها بتتحكم انت فشده التأثير او خفته عن طريق الاسهم دي بعدين دوس OK ودي نتيجة تأثير Topaz Clean ، الخيار الثـاني : Topaz Denoise\EQ صغرها زي ما عملنا قبل كده واتحكم بالاسهم بعدين OK ودي نتيجة تأثير Topaz Denoise\EQ ، وممكن بقى وده الافضل انك تحط التأثيرين عالصورة بس لو عملت كده استخدم الاول Topaz Clean بعدين حط Topaz Denoise\EQ بس على خفيف خالص وانت وشطارتك انك تقدر تظبطه عالصورة بقى زي كده مثلا تم بحـمد الله المـوضوع وبتمنى انكم تحملوه وتكونوا استفدتوا منه ولو اي استفسار او مشكلة واجهتكم فانا تحت امركم فاي حاجة مودتي ~

[ملك جبال الاحزان]

شغل حلو ومتععوب فيه
بس الصراحة ماليش فى الحجات الطويلة
ديه معنديش طولة بال
بس اكيد هيفيد ناس
تسلم الايادى

[✿ Celiηα]

اقتباس المشاركة الأصلية كتبت بواسطة ملك جبال الاحزان شغل حلو ومتععوب فيه بس الصراحة ماليش فى الحجات الطويلة ديه معنديش طولة بال بس اكيد هيفيد ناس تسلم الايادى

حرام عليك ده انا مرضتش اوفر على نفسي التعب
واعملها فيديو وقولت بيستسهلو الصور
الموضوع طويل اه عشان انا شرحان بالتفصيل الممل

ومدة التحميل حوالي 4 او 3 دقايق
يعني ملكش حجة
نورتني

[ايمان طلعت]

مجهود رائع
تسلمى غاليتى

[Ŗăήćy]

لا فعلاً بيعمل حاجات جميلة الفلتر ده :d
تسلم ياسيلينا مجهود جميل ومميز منه

وجارى التحميل بئا
تقييمى

[big bốss]

تمام سلينا

كنت محتاجه اوى

الف شكر يا سيلينا دوت كوم ^_^

جارى التحميل و التطبيق

مرسي حقآ

[Caramilla]

حلو جدا يا سيلو
وطبعا ده من اهم الفلاتر عندي كمصممه
لا استغني عنه ابدا
لان في صور جودتها بتبقي مش حلوه
والفلتر ده بينفعني جدا
ومره تانيه تسلم ايدك يا قمري

[رآقيہ بأخلاقـى]

والله مجهود جامد منك سلينا تسلم الايادى
ومنتظرين من ده كتير

[رآقيہ بأخلاقـى]

يا ناس انا عندى مشكلة الويندوز اللى عندى واللى سطبها الاخ اللى عمل الجهاز
هى نسخة الفنان وفى ماى كمبيوتر مش لاقيه مكان المسار علشان اعمل اللصق
واتبع الخطوات فى الشرح حد يفيدنى اعمل ايه ؟

[✿ Celiηα]

اقتباس المشاركة الأصلية كتبت بواسطة Ðą2ЄŦ ĄĽβ يا ناس انا عندى مشكلة الويندوز اللى عندى واللى سطبها الاخ اللى عمل الجهاز هى نسخة الفنان وفى ماى كمبيوتر مش لاقيه مكان المسار علشان اعمل اللصق واتبع الخطوات فى الشرح حد يفيدنى اعمل ايه ؟

هبعتلك عالخاص وان شاء الله اساعدك يا قمر