5+ 3 + 3 = 0

[big bốss]

حقآ يجب ان نمسح اسم وزارة التربيه و التعليم و نستبدلها بوزارة البلطجه و التعليم المنحط ، فأين التربيه الان فى المدارس فهل تحمل المدارس الان الاسس السليمه لتنشئة الاجيال تنشئه سليمه و اذا كان كذالك فمن المسئول عن زرع العنف فيهم لماذا ينتهج اطفالنا العنف وسيله لجلب حقوقهم او النقاش بين الزملاء يقلب الى شجار ، لماذا لا نزرع لغة التفاهم و الحب بينهم و من المسئول ، اذا قلنا الاعلام و التربيه فأين دور المدرسه فى تعليم الطلاب الاخلاق و الاحترام الا يكفى ان يدرس الطفل فيها 6 ساعات يوميآ فيها لكى تربيه تربيه سليمه وزارة التربيه و التعليم - اين التعليم هذا ؟ هناك كثيرآ من حاملى الدبلومات الفنيه لا يعرفون كتابة اسمهم او قراءة جمله من اربع كلمات ، و اسمه حاصل على دبلوم درس :_ 5 سنوات ابتدائى + 3 اعدادى + 3 دبلوم = 11 سنه = 0 تعليم اين التعليم من هؤلاء - هناك طلاب حاصلين على كليات الهندسه و الطب و العلوم بمجموع ثانوى 60% و هم لا يفقهون شىء و لكن بسبب الجامعات الخاصه و الفلوس امتلكوا شهادات لا يستحقهوها علميآ او عقليآ ، و هناك طلاب الثانويه العامه و الكثير . من المسئول عن هذه الجرائم فى حق الاجيال ؟ و كيف نغير من ذالك ؟

[دمعه حائره]

فشل واضح فى المجتمع كله بدايه من البيت مرورا بالمدرسه
والنتيجة ناس بتتخرج من الجامعه يااما عاطل او جاهل
الكل مسئول واولهم الاسرة والحكومه
اللى واضح جدا الاهمال فى كل مراحل التعليم
والتغيير يبدأ من البيت واهتمام الاهل باولادهم مع المراقبه فى المدرسه
لكن طول ماالمدرس مرتبه مش مكفيه عمره ماهايهتم انه يدرس ولايربى حد
مصر محتاجه ضماير عشان تتعدل

[big bốss]

اقتباس المشاركة الأصلية كتبت بواسطة دمعه حائره فشل واضح فى المجتمع كله بدايه من البيت مرورا بالمدرسه والنتيجة ناس بتتخرج من الجامعه يااما عاطل او جاهل الكل مسئول واولهم الاسرة والحكومه اللى واضح جدا الاهمال فى كل مراحل التعليم والتغيير يبدأ من البيت واهتمام الاهل باولادهم مع المراقبه فى المدرسه لكن طول ماالمدرس مرتبه مش مكفيه عمره ماهايهتم انه يدرس ولايربى حد مصر محتاجه ضماير عشان تتعدل

فعلآ مؤسسة التعليم بقية مصدر خطر محتاجه اعاده هيكله

و تفعيل منظومة التربيه و التعليم من جديد

و عايزه اعتمادات نقديه اكبر علشان تترمم من جديد من ادنى سلم لاعلى سلم

شكرآ منه

[حالمة باميرى]

المسئول الاول الاهل طبعا لازم متابعة مع الطفل وتعليمة
التفاهم والمحبة الاول قبل التعليم

[واد حبيب]

المسئول الجميع
البيت والشارع والمدرسه
ولزم التلاته يكملو بعض
لو الطفل راح المدرسه واتعلم تعليم صح
وطلع بره في الشارع لقي الوضع مختلف تمام هيتعلم من الشارع
لو رح البيت وشاف حاجه غير هيتعلم منها
وده المشكله
المفروض الكل يكمل بعضو
مش يتعلم في المدرسه ويطلع الشارع يلاقي بلطجه وشتيمه ويروح البيت يلاقي اهمال وقله تربيه
هيتعلم ازاي
علشان تظبط التعليم لزم تظبط كل شي الاول

[big bốss]

اقتباس المشاركة الأصلية كتبت بواسطة prinses sahar المسئول الاول الاهل طبعا لازم متابعة مع الطفل وتعليمة التفاهم والمحبة الاول قبل التعليم

فعلآ لازم زرع قيم التربيه الصحيحه فى المدرسه

لتنشئه جيل واعى بعيدآ عن العنف الذى نراه فى الشوارع او بسبب

الصراع السيسى

شكرآ سحر

[* ادم *]

مفيش تعليم ف مصر تقريبا

رأيي يلغو المدارس خالص لوقت محدد

لحد مايشوفو مشروع برنامج محترم يغير المؤسسة كلها

بشكرك ع الموضوع

[™Amiliya]

البلطجة يانور بقية سمة مجتمع وبقيت مسموحة للجميع ومبقاش حدب يعاقب عليها لا البيت ولا المؤسسة التعليمية
ولا الشارع مبقيتش مرفوضة لتفاديها ونكراانها بعض الناس شيفاها شجاعة انك تاخد حقك
لدرجة في اهالي يقولو لاولادهم متسيبش حقك والي يضربك اضربو واعدمو العافية ومتسيبش حد يعلم عليك

فبقيت تشوف المواضيع دي بكامل الوضوح في اي حتة بدون ميكون لبعض الناس اي ردة فعل

/

بالنسبة للتعليم الخاص

فكرة الناس المعتادة ان التعليم الخاص فلوس تدفعها فتنجح باقل مجهود واقل ثقافة واقل تعليم
عششان انت جيبت درجات ضعيفة وعايز شهادة عليا يبقى ادفع وخدها

في جامعات خاصة بتاخد الناس المميزة وبتعملهم اختبارات قدرات عشان يشوفو هل الطالب دا يستحق
الالتحاق بيها ونيل شهاداتها ولا
وبطلع ناس مميزة لسوق العمل مميزين في العلم واللغة وشهاداتهم في اي مكان لو راحو مطلوبين

ودا لا يمنع ان في جامعات بيكون هدفها لربح المادي فقط بدون النظر لمستوى الطالب

/

التعليم في العام ميفرقش كنتير في غباء الطالب لو الطالب محبش يتعلم ومحبش يكون له مستقبل كويس

سواء اتعلمت في خاص ولا عام الي يحدد مستقبلك انت مش شهادتك بس

/

تسلم ع التوبيك نور

[big bốss]

اقتباس المشاركة الأصلية كتبت بواسطة واد حبيب المسئول الجميع البيت والشارع والمدرسه ولزم التلاته يكملو بعض لو الطفل راح المدرسه واتعلم تعليم صح وطلع بره في الشارع لقي الوضع مختلف تمام هيتعلم من الشارع لو رح البيت وشاف حاجه غير هيتعلم منها وده المشكله المفروض الكل يكمل بعضو مش يتعلم في المدرسه ويطلع الشارع يلاقي بلطجه وشتيمه ويروح البيت يلاقي اهمال وقله تربيه هيتعلم ازاي علشان تظبط التعليم لزم تظبط كل شي الاول

المشكله مفيش تكامل خالص

يعنى الطفل فى البيت يلاقى خناق امه و ابوه

يتفرق على الاعلام يلاقى ارهاب الاخوان

يطلع الشارع يلاقى خناق و زعيق و ضرب

المدرسه مفيش تعليم فيه غش و دروس خصوصيه

بعد دا كله هيطلع ايه ؟ طيار

[big bốss]

اقتباس المشاركة الأصلية كتبت بواسطة what مفيش تعليم ف مصر تقريبا رأيي يلغو المدارس خالص لوقت محدد لحد مايشوفو مشروع برنامج محترم يغير المؤسسة كلها بشكرك ع الموضوع

ههههههههه

عندك حق المفروض مؤسسة التعليم دى تتلغى خالص

و يعملوا اعادة هيكله لها من جديد

لعل و عسي يكون فيه امل

منور وات