هل حبك جعل منك مبدع ولو لمره واحده؟؟؟؟؟

[صبرى الحامولى]

السلام عليكم ورحمه الله وبركاته

بسم الله الرحمن الرحيم

هل الحب ممكن يجعل من الواحد مبدع ولول لمره واحد

ولا الحب بيولد فى الشخص اشياء لم يكن يعرفها

انا حبى خلانى اقول كلمات هى ابسط ما يكون

اهديها لعيونها فقط !

وانا فى الغربه وبعيد عنها بقولها............


وحشتينى

وحشتينى.....وحشتينى

يا ساكنه فى قلبى وفعينى

يا عمرى الجاى وسنينى

يا قمرى وضى لعيونى

وحشتينى

يا زهرة الهوى الدافى

عيونك بحر ليل صافى

رميت قلعى ومجدافى

وقلت الموج يرسينى

وحشتينى

يا ملاكى وكل دنيايا

يا نجم عشقته فى سمايا

ياروحى وعمرى ومنايا

يا وهمى وعقلى وجنونى

وحشتينى

دا قلبى دقته باسمك

وحلمى رسمته كان رسمك

ياللى فى جمالك وفى حسنك

عمر الحياه ما تورينى

وحشتينى

بحبك ايوه مش خايف

وغيرك فى عينى مش شايف

يا احلى بسمه وشفايف

بكلمه منها تحيينى

وحشتينى

عيونك فى الهوى دارى

وعايشك ليلى ونهارى

دا عشقك جنتى ونارى

وحبك تاج على جبينى

وحشتينى

يا عمرى يا كل احلامى

وعايش بيكى ايامى

باهديكى شوقى وسلامى

واقول لو يوم تحسينى

[ساحل الوفاء]

درر في قاع البحر

[صبرى الحامولى]

شكرا ساحل الوفاء على مرورك وردك الطيب

[وجدى]

موضوع جيد
شكرا

[صبرى الحامولى]

دا مش موضوع يا وجدى دى كلمات كتبتها لحيات قلبى

[روقة]

اكيد الحب بيخليك مبدع
وانا حبيبي هو سر ابداعي وهو السر ورا اي موضوع بكتبه

[صبرى الحامولى]

اكيد الحب بيكون ورا كل حاجه حلوه ودى ميزه من مميزات الحب

[ســــــــــاندي بيل]

صبري يا صبري

اولا طبعا اكيد ودى حاجه مفروغ منها

ان الحب بيخليك مبدع زى ما احنا شايفين ابداعك كدا

ثانيا احييك على احساسك الراقي والعالى

واحييك انك قدرت تعيشني فى مود حلو اوى بكلماتك

تسلم صبرى على روقيك فى التعبير

اختك ساندى

[صبرى الحامولى]

اشكرا جدا جدا على مرورك يا ساندى يا عسوله المنتدى

ودا

[صبرى الحامولى]

اشكرك جدا جدا يا ساندى يا عسوله المنتدى

على ردك الجميل والرقيق

بس هو دا الحب بكل ما فيه

وشكرا جدا جدا على ردك الرائع