ادخل وشارك

[عاصمة الحب والاشواق]

بسم الله الرحمن الرحيم

يرى كل منا في يومه مواقف كثيرة قد لا تعجبة وقد تكون فى اغلب

الأحيان مواقف تثير الأشمئزاز ويكون فيها عدم مراعة الاخرين

فنقف جميعا أو اغلبنا مكتوف اليدين لا ينطق بكلمة أو يصحح

الخطأ فما هو إذا دورنا فى بناء مجتمعا قد تكون تلك الأخطاء بسيطة

ولكنها فى نظر من هم من زوارنا كبيرة من تلك الظواهر :

اصبحنا لا نبتسم كثيرا ما هو السبب غلاء الإجابة طبيعية هى غلاء

الاسعار والمعيشة والبيت والأولاد هو سبب وجيه جدا لكن هناك

أشياء يجب أن تراعى هو أن تبتسم للناس فيبتسموا لك فتذهب العمل

بتلك الابتسامة ترفع من طاقتك فى العمل لا تحمل الكرة الأرضية على
رأسك الله رزقك بأبناء هو الكفيل أن يطعمهم اعمل بجد ونشاط

واخلاص يفتح الله عليك من خزائنه التى لا تنفذ أيها العامل أيها الموظف ابتسم فالابتسامة صدقه كما قال نبينا محمد صلى الله علية وسلم ((تبسمك فى وجه أخيك صدقه )) والصدقة بعشر أمثالها
وتجد أثار هذه الصدقة فى الدنيا والآخرة والحسنه بعشر أمثالها ما
أجمل أن تذهب إلى عملك صباحا وأنت مشرق مبتسم للحياة تشعر
انك أغنى إنسان على وجه الأرض بتبسمك للأخرين متصدقا ذاهب
إلى عملك وفى نيتك ألا تعقد الناس التى لها مصالح أو تنتظر الشاي
من احد اشعر دائما انك أغنى من العميل الذي أمامك لا تنبهر به
ذاك مشهد واحد فقط مما يراه اغلبنا

من المظاهر السلبية الأخرى هى عدم مراعة بعض الشباب حرمة
الطريق العام من ألفاظ تخدش الحياء العام لا يراعى فيها إن هناك
بنات تمشى فى الطريق فيسمعن ذلك الكلام فيخجلن من أنفسهن
إلا قليلا من هن يضحكن أو يبتسمن وهى لا تعلم أنها بهذه الابتسامة
فتحت باب أخر وهو المعاكسة فيبدأ الشاب فى بدأ الخطوة التى بعد
المعاكسة وهو التحرش أما الشاب الذي يعاكس ويتحرش تسأله مثلا
أنت بتعاكس ليه يرد بكل برود هى عاوزا كده ازاى يقول شوف
لبسها طيب شوف أختك بتلبس ازاى وأنت نفسك بتلبس ازاى
هو لازم على البنت هى الى تحتشم بس لا لازم الشاب برده يكون
محتشم فى لبسه ومظهرة مش مسقط البنطالون ورافع التي شرت
ومبين حاجه مش حلوه لو هو قاعد فى البيت الحاجة ده بينه أبوه
وأمه هيشبشبوله ايوه أنا مع البنت المحتشمة جدا وباحترم كل البنات
لكن أنا بنصح نفسي والشباب غيري إننا نكون ولاد بلد نخاف على
بعضينا ونحترم إخوتنا البنات الى يشوف واحده بتتعاكس يكلم
الشباب الى بيعاكسوا يقولهم (( عيب ياد أنت وهو اختشى ))
أوعى تخاف درب نفسك على كده ونربى عيالنا على إن الحاجه
ده عيب نربيهم من وهم صغيرين مش لما يبقى ((زي الحيطة))
نقوله عيب

فى موقف تالت وأخير بينرفزنى جدا الموقف ده تكون سايق
العربية وأخينا الى قدامك يرمى أكياس وزباله هو ماشى من شباك
العربية مش حاطط فى بالة إن فى عربيات ماشيا وراه يا سيدي مش
مهم العربيات بتاعت الناس خلى الطريق نظيف الظاهرة ده كتيرة
على الخطوط السريع المحور طريق اسكندريه اسماعلية ياريت
أي حد يرمى حاجه من شباك العربية يتاخد مخالفه

أنا يا جماعه بنصح نفسي دايما بالكلام ده ما حدش يا خد عنى فكرة وحشه أنى واعظ ولا ناصح ولا الكلام ده أنا بحاول بقدر
الامكان أنى اعمل الكلام ده خاصة فى المظهر التانى
والاول طبعا

شكرا لكم على سعت صدركم لي وإتاحة الفرصة لي




هناك كلاما أخر فى هذا السياق انشاء الله ويكون التحدث انتم

[ريان الحنون]

مشكور وياليت توضح المطلوب

والمواقف الي قلت فعلا مظاهر غير طيبة وتخالف تعاليم ديننا الحنيف

[ســــــــــاندي بيل]

اولا يسلمو على موضوعك

انا لقيت الاستفتاء ان 100% اختيار لبس البنات المثير

وانا اخترت الشباب وعدم الحياء

وللاسف ده كان اختيارى مع انى شايفه ان الاختيارين صح


لان المشكله مش فى الشباب ولا البنات

لا المشكله فى مجتمعنا وسلبياته زى الافلام الى بنشوفها فى بيتنا


وزي البطاله وزي عدم توعية الشباب والبنات توعيه دينيه

حاجات كتير اوى هى الى بتخلى الشاب يتحرش بلبنت سواء بلكلام او بلفعل

وهي الى بتخلى البنت تلبس لبس بيلفت النظر وينعدم عندها حياء البنت

شكرا على موضوعك

[Gaмε ôvεя]

فعلا

مشكور علي الموضوع

تقبل مروري

[doiss]

شكراا علي الموضوع والمجهود
ينقل للمكان الانسب لة
7
قسم النقاش والحوار الجاد

[روقة]

الموضوع جميل وانا اخترت لبس البنات المثير بس ده ما يمنع ان الشباب عليهم عامل يعني لو كان الشاب محترم عمره ما بيكلم بنت ما يعرفها بحياته
دمت بود وتقبل مروري